#العروس_المزيفه 14
اروى:خشت لغرفتها ...حقيره فرخه دانا توا تشوفي لمصيبه الي بطيح ع راسك انتي ومارن ف جرت تهوركم هدا
وقفت فتحت البالكوني وتشوف للبوابه بعيون مليانه شر وكأنه تستنا فيهم امتا حايطلعو🖤
__________________________
راكان:ماسك حسام من يده وداخل بيه لحوازه لن وصل بيه قدام الشقه
حسام:ضحك بهزوه تقدر تفهمني انتا شن تبي تفهم مني بزبط؟
راكان:هايج بطريقه جنونيه وصعب يهدا
انا بينك وبينك مارن تبي تحكي شن بينك وبينها
حسام:سحب شعره للخلف....وبملامح بارده شن نفهم منك انك مش واثق في مرتك
راكان:لا واثق فها مرتي لكن منقدرش نكدب عيوني
حسام:خدي نفس وبيحكي بس راكان قاطعه بي خبطه ع وجه
راكان:احكي شن صار بينك وبينها؟
حسام:يحاول يوقف الدم الي ينزل منه
راكان:مسك طرف لوحه وبدا ف حسام ضرب بأقوى جهد
حسام:مبب...وراكان مش مخليه يحكي من كثر الضرب
حسام:تباعد ع راكان الي واضح انه ف حاله صعبه
نحبها نحبها من ايام الطفوله كنت نشوف فها طفله اكتر من مره حاولت نقرب منها ونخليها ليا مقدرتش
راكان:في حالة صدمه وهوا يسمع ف كلام حسام ..كيف حيسمع بي مغامرات مرته من وراه.
حسام:يتوجع من الضرب....الكلبه اروى قدرت تتقرب مني وانا ستغليت قربها ع امل نقرب من مارن ونقدر نسمع صوتها ونشوفها
طاح ع الارض وهوا يحكي لكن صار عكس مانبي قدرت اروى تخليني قريب منها اكتر
وفي يوم واني شارب تصلت بي مارن وعترفت بي حبي لاها توقعتها تقول لي اروى بس لا محبتش تفرق بينا
لن واخيرا سمعت انها تزوجت راكان ايوب علشان سعادتناانا واروى
هه وانا مقدرتش نتأقلم معاها وكرهتها لأنه تشتم في مارن أكتر من مره حسيتها معبيه عيوب ف بدل ماتحببني فيها خلتني نكرها من تصرفاتها
راكان:بصدمه..وشن قصة الرسايل الي في تلفون
حسام:ههه....تأكد انه ملعوب من اروى لا اكتر ولا اقل
راكان:في لحضة قعد يسترجع في الاحداث
اتصالات اروى وتلفون الي ولا مره شافه ولو مارن كان ليها مستحيل حاتحطه في دولابه
يعني هروبها مني بس لسبب انه مش معترفه بي حقيقة انها مش بنت طارق 💔
حس روحه ضلمها
حسام:لكن اني حاسدك علاها هلبا وقام يده فوق....بس كسبت الشخص الي يحبها ويخاف علاها
راكان:قرب منه وهوا ماسكه من تيشرته....تطلع من المنطقه هادي رد بالك تفكر تقرب ع اي فرد من عيلتي
حسام:نضف يديه بقووه....وحط يده ع راسه بحركة السلام..
محمد:نزل يجري من سيارته...شن صاير معاك ومن هدا؟
راكان:عيوونه حمرر ومش قادر يتكلم
محمد:تكلم من هدا ؟ وعلاش خديت سلاح من سياره
راكان:كان نادم خدا بعضه وطلع بخطوات سريعه خش لشقه
محمد:شاف لي حسام وهوا طالع من لحوازه...شن في ؟ شن صار زعما ؟ ولحق راكان 🔥
_______________________
مارن:حليلي زعما متجيش ع راسنا
دانا:عدلت حزام السياره...لا تفائلي خير بس
مارن:به خلي نتخيل راكان قدامي
كيف ؟ حانتصرف؟ كيف نبدا في الموضوع
دانا:زي ماقتلك اول شي تقوليه
راكان حبيبي عندي كلام نبي نقوله ونبيك تسمعه وبعدين لو تبي نطلع عادي
لكن متتعصبش عليا انتا ضروري تسمعني انا ولا مره حبيت غيرك ولا خنتك
مارن:🥺..اي يارب قويني وخليه يضعف قدامي
يارب خليه يفهم انه نا بريئه
دانا:افهمي مارن هوا ضروري وغصبا عنا يسمعك ويعرف حقيقتك
مارن:تنهدت بخوف...اي اي فهمت ادعيلي بس
دانا:ندعيلك اكيد حاتنتصري مدام الحق معاك
وعيونها ع تلفون متعها
مارن:حطت يدها ع قلبها...دانا انا مش عارفه خيرني حاسه بخوف رهيب
دانا:عيونها ع طريق...اصلا انا بنحطك وبنرجع للقصر
يعني نبيك تركزي في كلامك وفي تصرفاتك ضروري السطل راكان يسمع الحقيقه
مارن:به ردي بالك ع جود مرات نتأخر او شي
دانا:ابتسمت...في عيوني متخافيش ❤
مارن:ربي مايحرمني منك
دانا:ولا منك...ورجعت تشوف لتلفونها🙂
YOU ARE READING
العروس المزيفة ( روايات ليبية )
Mystery / Thrillerللكاتبة :- ميلو حسسسن تدور القصة حول : سيتم تبديل عروسه بسبب اتفاقيه من الماضي ساتكون الضحيه ع حساب حياتها كيف ح تكون حياتها الجديده مع الزوج والأضرار الذي ستلاحقهم ؟ ( العروس المزيفه ) . . . تفاعلوا 🔥
