Improve Your Writing : Critique Shop

Since Then

Author: FernCano
Critic(s): myungjunjungjunjun

• • •

↳ BOOK COVER

Medyo disorganized siya. Hindi ako professional sa paggawa ng book covers pero siguro, subukan mong palitan ito, either ikaw na mismo gagawa or sa mga cover shops dito sa Wattpad.

Aesthetically, ang mapi-pinpoint ko kasi: (1) parang WordArt sa Microsoft Word iyong font, and ang suggested ay isang font lang din kasi ang gamitin kaysa ganoon na magkaiba tingnan; (2) the butterflies are okay but along with the font and black background, hindi sila bumagay sa isa’t isa. I used to do covers din na maraming fonts, effects, and hindi naging okay ang kinalabasan haha.

With those points, hindi siya ‘yong tipong makukuha ang attention mo kapag nadaanan mo. Subukan mo ring mag-browse sa mga covers ng ibang tao at baka ganoon ang gusto mong style. Also, try mo lagyan ng object (o person) na nasa mismong story ang book cover (if you want). This way, mayroon siyang koneksyon sa story na makikita ng reader sa umpisa pa lang, o mare-realize nila sa gitna na, “Ay ‘yon pala ‘yong nasa cover!”

↳ TITLE

Since Then

Swak ang title sa story. Ang tone na makukuha mo kaagad sa title ay medyo bittersweet siya? Parang nagbabalik-tanaw. Unang tingin pa lang ay may idea ka na kahit kaunti sa magiging kuwento. Related din naman ang premise niya, ‘yong mga nangyari sa kanila sa past at kung ano na sila ngayon sa present.

↳ BLURB

Same feels with the title, pero kulang. Since Wattpad ito, puwede naman na siguro ang blurb na ganoon. However, traditional blurbs describe more. Talagang teaser sila sa laman ng story.

Let’s look at your blurb. ‘Yong nasa blurb mo ay vague… in general siya, ‘yong pagkaka-describe sa pangarap (ni Kishia, I assume). But it doesn’t tell us who the characters are, kung sino nga ba sila, kung ano ang mangyayari sa loob ng story. Puwede mo pa rin naman i-center sa pangarap ang blurb pero idadagdag na ang information sa characters at plot. It depends pa rin naman sa ‘yo kung gusto mo pa siyang ibahin. Or kung iibahin mo kapag natapos mon a ang story. Good luck!

↳ PLOT

It’s a really nice plot, to be honest. But it took me like, 10 chapters before everything made sense. May something sa pagkaka-execute ng idea kaya medyo magulo siya. Ang naging dating kasi sa unang chapters, stranger lang si Kishia para sa kaniya and vice versa. Dumagdag pa na unique ang names nila so malabong magda-doubt pa si Adrielle kung si Kishia ba ‘yon.

So, a lot of Adrielle’s actions and inner thoughts came off as awkward. ‘Yong hindi pa siya convinced na si Kishia talaga ‘yon (and stranger lang yata para sa kaniya) pero sobrang concerned na siya sa kuwento ni Freya (about Kishia’s father and some other things), etc. Maybe sa ‘yo, since ikaw ang gumawa ng story, ay okay ang lahat pero nakakalito siya from a reader’s perspective.

I have to commend you though for the backstory. Masakit siya sa hearttt, grabe. Like the title, it has that bittersweet feeling. Subtle lang ang pagka-tragic pero tagos sa puso. Then, hindi cringey ‘yong kung paano sila nagkakilala dalawa. (But seriously, ilang taon na ba sila noon? It bothers me kung bata pa sila ang puro ganoon na ang actions/words nila, with the girlfriend/boyfriend talk.) The whole thing with Kishia’s trauma (?) is genuinely terrifying. Justified na ganoon ang tingin ni Kishia sa mga nangyayari considering her father’s shitty actions and her mother’s death. Thumbs up!