"မင်း ... ခွေးမသား ... မင်းပြေးနိုင်ဦးမယ်လို့ ထင်နေသေးလား ... ဒီဦးလေးကြီးရဲ့ မှော်လွယ်အိတ်ကို လုရဲတယ် ... ဒီဦးလေးကြီးက ဘယ်သူလဲဆိုတာ မင်းမသိဘူးလား"
ထိပ်ပြောင်လူကြီးက သူ့ရဲ့လက်ဆယ်ချောင်းလုံးကို ချိုးပြီး ရက်စက်တဲ့မျက်နှာနဲ့ ချောင်ပိတ်မိနေတဲ့ လူငယ်ရှေ့ရောက်လာတယ် ... လူငယ်က ထိပ်ပြောင်လူကြီးကို စိန်ခေါ်ရဲမှတော့ သူကလွယ်လွယ်နဲ့ လွှတ်ပေးမှာ မဟုတ်ဘူး ......
လူငယ်ရဲ့မျက်နှာက ဖြူဖျော့သွားပြီး သူမျက်လုံးထဲမှာ လက်လျော့တဲ့အရိပ်အယောင် ဖြတ်ခနဲဖြစ်သွားတယ် ...
ထိပ်ပြောင်လူကြီးတစ်ယောက်တည်းသာဆိုရင် သူအသက်စွန့်စားပြီး ပြေးဖို့ကြိုးစားနိုင်သေးတယ် ... ဒါပေမယ့် ထိပ်ပြောင်လူကြီးရဲ့နောက်မှာ နောက်လိုက်ငါးယောက်တောင်ရှိတယ် .... ကွာခြားမှုက အရမ်းကြီးလွန်းတယ် ... သူလွတ်ဖို့လမ်းမရှိဘူး ...
ရှင်သန်ခြင်းနဲ့သေဆုံးခြင်းလမ်းမှာနေတဲ့သူတွေက ရက်စက်ပြီး သနားညှာတာမှုမရှိဘူး ... သူတို့အတွက် လူသတ်တယ်ဆိုတာ အစားစားတာထက်တောင် လွယ်သေးတယ် ...
လူငယ်က စိတ်ပျက်လက်ပျက်လှည့်လိုက်တော့ သူ့ခေါင်းပေါ်က အံ့အားသင့်ပြီး စိတ်ရှုပ်ထွေးစရာအသံကို ကြားလိုက်ရတယ် ....
ဒီ လူရဲ့ပုံစံက ခင်ဗျားနဲ့ တကယ်ဆင်တယ် ... ဒါပေမယ့် သူက နည်းနည်းညစ်ပတ်တယ် ...
လူငယ်က ရုတ်ခြည်း မော့ကြည့်လိုက်တယ် ... သူ့ခေါင်းထက်က နံရံပေါ်မှာ မရင်းနှီးတဲ့ လူနှစ်ယောက်ရှိနေတာကို သူနားမလည်ဘူး ... သူတစ်ယောက်က သေးပြီး တစ်ယောက်က ကြီးတယ် ... ငယ်ပုံရတဲ့ သေးတဲ့တစ်ယောက်က နူးညံ့ပြီး လှပတဲ့မျက်နှာရှိတယ် ... သူ့မျက်လုံးတွေက ညစ်ညမ်းမှုရော ရန်လိုမှုပါ မရှိဘဲ တောက်ပနေတယ် ... ဒီလူက ကျိန်းသေပေါက် ဒီလမ်းကလူမဟုတ်ဘူး ... ကြီးမားတဲ့တစ်ယောက်က ခမ်းနားစွာ ဝတ်စားထားပြီး မြင့်မြတ်တဲ့အထက်တန်းလွှာလိုမျိုးပဲ ... ဒါပေမယ့် တစ်နည်းအားဖြင့် ဒီလူက ရှုပ်ထွေးစေတဲ့ ထင်မြင်ခံစားချက်ကိုပေးတယ် ... ကောင်လေးစကားကိုကြားပြီးနောက် သူ့နှုတ်ခမ်းက ခပ်ဖျော့ဖျော့အပြုံးကို ဖော်ပြတယ် "ဒါဆို သူ့ကိုပဲ ရွေးရအောင်"
![](https://img.wattpad.com/cover/184526306-288-k234134.jpg)
YOU ARE READING
The Legendary Master's Wife (Zawgyi & Unicode)
Fanfiction(BL) The Legendary Master's Wife By Yin Ya(尹琊) (Myanmar Translation From Chapter 202 To Chapter 377) From English Translation (Exiled Rebels Scanlations)
Chapter 219 - Life and Death Street, Liu Yue (U)
Start from the beginning