MAY ISANG BUHAY NA BAYANI

Sa loob ng isang foxhole na may tatlong metro ang taas,

may anim na sundalo ang nagmamatyag sa kaaway. Ang

foxhole ay nasa gitna ng kampo Barangay Masal, sa

Patikul Sulu at ito rin ang command post ng 25th Marine

Division, AFP. May naka paskel na karatula - 25th

Marine, We kill to live- sa gitna ng foxhole. Ang

commanding officer, si Lt. Colonel Atilano Estrada, ay

may hawak na teleskopyo at inaaninag ang pagkilos ng

kaaway. Ang mga ibang sundalo na may edad 25 pataas ay

hawak ang kanilang M-16. Nag-aagaw dilim.

Lt. Col. Estrada: Mga bata, malapit nang sumapit ang

dilim. Get ready with your night vision. Aatake ang

kaaway pagsapit ng dilim.

Private Cruz: Sir, may problema ang night vision glass

ko. Kapag suot ko ay wala po akong maaninag. Parang

may ulap na nakabalot sa sa paligid.

Private Aragon: Oo nga sir, hindi po ata tama ang specs

ng night vision. Saan po ba ito binili?

Lt. Col. Estrada: Don't worry guys, mayroon tayong

bisitang VIP sa kampo. Siya ang makakasagot sa lahat ng

katanungan ninyo. Tumawag sa akin si Major Reyes at

parating na raw sila.

(May mga maririnig na boses at lilitaw sa taas ng

foxhole ang dalawang sundalo. May hagdan ang foxhole at

ang dalawa ay unti-unting aalalayan ng mga sundalo sa

loob.)

Major Reyes: Sir, Major Reyes reporting for duty.

Mission accomplished sir! Squad Attenhut!

(Sasaludo ang lahat samantalang makikipagkamayan si Col.

Estrada kay Col. Carlos Gachitorena, ang bisita sa

foxhole)

Lt. Col. Estrada: At ease. Welcome to the camp,

mistah!

(sasaludo sa kapwa colonel samantalang babalikan naman

ng saludo ng bisita ang saludo ng nakapaligid na

sundalo).

Col. Gachitorena: Tillie! Kamusta na? Bakit nagpadala

ka pa ng helicopter? Nagcacasino ako sa Zamboanga hotel

ng dumating si Major.

Lt. Col. Estrada: Boys, I want you to meet Col.Carlos

Gachitorena, kaklase ko ito sa PMA class '84. Class

valedictorian namin. Siya ang hepe ng Logistics and

Supply. (haharap kay Col. Gachitorena) Pasensiya ka na