عشق كتبه القدر ( جبل والجريئه )

البارت 12

عشق كتبه القدر (جبل والجريئه) 

للكاتبه **سارة وليد **

ما اقبل احبك وانت ما مرتاح ----------------
--------- وما ارتاح احبك وانت ما تقبل -----------------
بكيفك من اجيت وما جبرتك يوم --------------
--------- وبكيفك ما اجبرك لو ردت ترحل ----------------
ما مليت منك واكدر ابقى وياك ----------------
---------- بس المشكله خاف انه راح انمل ----------------
حبيتك حبيبي وادري كلش زين ---------------
--------' الحب من طرف واحد وانة راح أفشل ------------
دنيا ادم مجرد ذوق

بارت 12..

الحياة كلش غريبه او بالاحرى احنه الغريبين مانعرف قيمة الشي اله لمن نخسرة چنت عايشه ويا اخوتي واهلي جوا سگف واحد بس ضليت اتذمر ومعاجبني شي چانت عيوني دومها بغير مكان واتمنى اطلع منها مچنت اعرف اني عايشه بنعمه .....هسة من انحرمت حتى من ذكر اساميهم....•

بذاك اليوم اخذت نظرة على جبل وحقدت علي وشلون ما احقد بعد السوا بيه  .... ورى مطلع قفل الغرفه علي عباله اهتم ميدري اني مسجونه من طبيت بيتهم صح تعصبت وكسرت الغرفه بس بعدين رجعت عزلتها😒 لتضحكون اني مخبله...... عزلتها وبقيت بالگاع گمت اتنگس من الجربايه وكل ما اتذكر الصار اقرف من روحي واكره جبل اكثر واكثر..... غفيت بدموعي وبافكاري الامتناهية  ....

اما يم جبل فچان بركان يتمشى  وكلام شهد  يدور براسه  وگف السيارة وطلع منها استقبله الاخر بكل احترام

ابو سعد: هلاو عمي جبل شلونك

تنهد جبل ورد السلام..

جبل: وعليكم السلام.....

ابو سعد : تعال اتفضل الگهوة تنتظرك

جبل: والله واجت بوكتها

سعد: الله بالخير منو يمنه اليوم جبل

جبل: اي جبل شنو موبعينك ولك

سعد:وسفه عليك يابن عمي انت تاريس العينين 

جبل: ديلا دير الگهوة اذا خلصت لواگه

سعد:  والله حيرة وياك منين مانجيك موراضي علينا

جبل: لتضل تلغي فضنه

ضحك ابو سعد..

ابو سعد: اي جبل ماعرفت منو حارگ السيارات

جبل:بعد والله ياعمي... من البارحه مسطور بي

ابو سعد:  انت شاك باحد 

جبل: والله بهوايه مو واحد

سعد: اكو غيرهم جواد ولده

جبل: بعد ممتاكد خل اتاكد واني الهم

ابو سعد: والله مادري شلون بيكم  انت وجواد

جبل: عمي انت تعرف شي واني اعرف شي ليضل بالك شغلته يمي اني اعرف شلون افض هاي السالفه بطريقتي