عشق كتبه القدر ( جبل والجريئه )

بارت 27

للكاتبه ** سارة وليد *wwrr18ssz

اصبر يا قلبي وانتظر، وخلّ الحزن مكتوم
كلّ المعاني تغيّرت واتّضحت الصّورة
صار الصّدق في هالزّمن مثل الوفا معدوم
ونفوسنا تجرّحت والفرحة مكسورة
كلّ المبادئ تنشري واللّي معاه يسوم
حتّى المشاعر ارخصت والكلمة مهدوره

#وجع عاشقين

__________________

شهد : مثل كلبي الي ما اعرف شبي من حس راح يعوفك راح يعوف هذا المكان صار يوجعني وعيني الي مدتوكف دمع وروحي ليش هيج دتتعذب من احجي وياك جبل انت ما اعرف شدتسوي بيه

جانت الدهشة مسيطرة على جبل ...

شهد : كتلك اريد فترة اتعود فترة اخذ على طبعك بس انت شسويت ماعجبك الححي ورحت بعتني لحيدر

جبل بعيطه : مابعتج

شهد : بليي بعتني ساومت على حياتي مقابل شنو كم دونم وكم كاع هيج عندك اني رخيصه تخيلتك احسن من جدي الباعني الك وهسه انتي تبيعني لحيدر اني مو سيارة من معرض الماتك حتى تبيعني وتساوم علي

جبل : انتي شبيج اني ابيع الدنيا ومابيها وما بيعج اني حبيتج من صدك واول مرة احب احد اني لهاي الدرجه بس ما ردت اصير اناني ماريد اخليج هنا تتعذبين اني لان احبج اريد راحتج حتى لو احترك الف مرة بس شوفت دموعج الي كل ما ادخل هاي الغرفه اشوفهن شهد ترى انتي ماتهونين علي انتي جنتي مخطوبه لحيدر كلت ارجعج لحياتج قبل ماتعرفيني وتنجبرين علي

شهد : اني مانجبرت عليك اني وافقت اتزوجك بارادتي انجبرت على حيدر مو عليك ..... حياتي قبلك شنو ترى هماتين نفس الشي هم ضيم بضيم شعبالك جنت مدللة بالعكس جنت عايشه بجحيم اني ماشفت راحه بحياتي لا هنا ولا هناك لدرجة صرت اتمنى انام وبالي صافي من دون ما افكر بهذا وبذاك وماكو مشاكل تمنيت اضحك من كل كلبي تمنيت ابجي بس من الفرح مو من الضيم ( تحجي الدموع ينزلن ) ردت احد يشتريني جبل مو يبيعني

هنا جبل عيونه دمعت حس بشهد وبالدتحس بي اتقرب عليها واخذها بحضنه وشبكها شهد استسلمت بحضنه وبقت تبجي
__________

الثاني نزل من الدرج والابتسامه على وجهه والفرحه ماليته

هند : خويه انت زين

حيدر : كلش زين

هند : صاير شي ما اعرفه

حيدر : لا ليش

هند : اكول صارلي هواية مشايفتك هيج فرحان ياربي دووومك هيج

حيدر بداخله ...

هي ضحكتي وهي فرحتي بدونها ماكو سعادة

حيدر : يلا وخري لاتعطليني

هند :وين ياستار بهالليل

حيدر :موضوع ضروري وخرري
طلع من البيت ساق السيارة وطلع