اسف ..الحلقة عطلت شوية .. لظروف خارجة عن الارادة
#متلازمة_عائلتي
#الحلقة 10
...........................................
وكيف جاي علي كمال بيطلع ...
نديم : باهي اسمع نطلب منك طلب واحد وبس و بعدها دير اللي تبيه !
علي كمال يتلفتله بفضول
علي كمال : شن هو ؟
نديم : نبيك تساعدني بطريقة نلغي الخطوبة و موضوع وصال
علي كمال : شن ؟
نديم : زي ما سمعت .. بوك كلمته بكري شوية قلتله .عارفه انت رفض الموضوع و بشدة
علي كمال : معليشي ما نقدرش نساعدك في الموضوع هذا
نديم : بوك يسمعلك مرات .. غير شوفه انت
علي كمال : نديم .. شن تقول انت ؟ شن تبيني نقوله ؟ نديم ما يبيش وصال كلم حوش عمتي و والغي الخطوبة والعرس وكل شي ؟
نديم : ايوهى بالزبط بالك يسمع منك
علي كمال : نديم ما تعصبنيش .. اولا موضوعك ما يهمنيش تبي تلغيه او لا ما دخليش فيك .. ثانيا ننصحك تكمل الخطبة خلاص توا انت انحطيت في الامر الواقع ما عندكش مهرب
نديم : مازال ما صار شي نقدر نلغي كل شي
علي كمال : باهي خيرك متخوف انت .. ماهوش عرس وكتب كتاب
نديم : شن قصدك ؟
علي كمال : ما قصدي شي .. كمل اللي بديتوا فيه و بلا جو دلال زايد
نديم : تشبح فيه دلال هذا انت ؟
علي كمال : انا عطلت بما فيه الكفاية ع الكلية ..
و يطلع علي كمال و يخلي نديم
نديم : اوووف اوووف
............................
.....................................
يطلع علي كمال بسيارته و يلقى وليد و هيثم واقفين يهدرزوا قدام فيلا هيثم يدريلهم خير بيده و يمشي
هيثم : هذا علي ولا ؟
وليد : إيه .. علي كمال
هيثم : علي كمال علاش ؟
وليد : فوتك منه ولد السورية هذا حياته ملخبطة
و شوية يطلع نديم و معاه جميلة بالسيارة و يمشوا
وليد : وهذا السيد نديم اللي خطبته اليوم
هيثم : باهي ربي يهنيه
وليد (بصوت واطي ) : الله لا يهنيه
هيثم : كيف ؟
وليد : لا شي فوتك منهم
هيثم : شن صار في الأمانة ؟ توصل اليوم ولا ؟
وليد : ايه ايه ان شاء الله اليوم توصلك مدور شي
هيثم : تمام مية مية
..................
.........................
خديجة و سلمى و نسرين و معاهم سالمة
نسرين : عمتي سالمة .. وين اسماء خيرها ما جتش ؟
سالمة : مشت الجامعة مسيكينة عندها محاضرات
نسرين : اللطف حتى اليوم .. راهو جت عاونت حوش عمها
سالمة : وخيره .. قرايتها أهم أكيد و بعدين العوالة كلها في حوش عمتكم و العيلة كلها و الأقارب بتمشي غادي راهو ..
خديجة : سلامتهم
سلمى : اصلا بيفوت عليهم جو الكلاكسات و الطريق و التفحيط بالسيارات
سالمة : احنا بنمشوا معاكم من هنا كيف عاد .. خديجة أختك مش جاية .؟
خديجة : لا لا مش جاية قالت بنجي في العرس وخلاص
سالمة : كيفها على راحتها
أنت تقرأ
متلازمة عائلتي (رواية ليبية)
Fanfictionمفيش انسان معصوم من الأخطاء مفيش انسان كامل .. بعيدا عن روايات المراهقين رواية ليبية واقعية ممزوجة بالخيال مشوقة رواية تحكي عن العائلة و مشاكل العائلة و اسرارها والحب في حياة كل شخص فيها شخصيات مميزة و احداث قوية ..
