°'مقهى ' الشابندر '🇮🇶°

سوالف دربونه ♡

ألسلام عليكم أيها اللطفاء
شلون حالكم 🌚❤

، مدام صار فتره مننزله مواضيع
ف اليوم ،
(سوالف دربونه )
ح نحجي بيها عن ظاهره
دتتكاثر وعسى ولعل
يتخذون عبره

: ملاحظه هذه المواضيع ح تنتقل ل كتاب
(كذله  وحاجب)
من ضمن فقرة
(زاويه ) 🌚❤

___________________________________________

#جهنام
(من العلاقات أني أتعلم )

" ♡  هذه الجمله مره سمعتها من بنيه
بداية عمر المراهقة
سألتها

: شنو تحصلين من كثرة علاقاتج
بالرجال

ف بوقتها جاوبتني هذه الجمله

: من العلاقات أتعلم !

' صابتني الصدمه من جوابها  ! وعديتها
وكلت
(بنيه وحده متأثر ع جميع )

بس ، الصدمه ألأكبر هي من
شفت محيطها متأثر بكلامها  !

, يعني نص بنات مجموعتها
متأثرات بكلامها.
وتاركات دراستهم  ▪

كلامي الكم  ' هنا ♡

___________________________________________

#جهنام

' عمرها علاقاتج بالرجال وانتِ بعمر صغير مَ
كانت وسيلة للتعلم
هي فقط
وسيله للمتعه
، وسببها  _ التأثر بالمحيط إلي
حواليني  !

وانت كَ بنيه ' في سبيل المثال
عمرج بين هذه الأعمار
(12 , 13   , 14 , 15 , 16 , 17 ...)
20

مُستحيل ' تكونين علاقات مع كل الرجال
وتفهمين عقليتهم
لأن ياعزيزتي اكو غيرج ، من
إعمار الأربعين + الثلاثين
لا زالوا يعانون من مشكلة فهم عقلية الجنس
الاخر

ومنهم ، أني إلي قبل زواجي
ب خمس سنوات أعرف زوجي  ! و
لحد الآن يصير خلاف بيناتنا ماكدر افهما شلون يفكر ♡

, انتِ إلي تجين ماعندج ، خبره
من مرحلة طفولتج ل
عالم
الأنترنت ومواقع السوشل ميديا  ، تكدرين
تسيطرين ، على رجل  ؟

، طيب سؤال  ؟ أرتبطتي بشخص
دراستج على شنو تركيها

، انتِ تعرفين وهو يعرف وكلنا على علم أن
هذه العلاقه
عابره وتجي غيرها
بس إذا الوقت عده , الدراسه منكدر نرجعها
♡

' وفد ملاحظه وخصوصا بهالأوضاع إلي احنه
بيها محد دايم على حد
يعني مجبورين نتعمد على نفسنا  ،
ونشتغل حتى نكتفي ومنحتاج عون أحد
▪▪

🌱.. تعرفين أنت تخليتي عن سلاح  ،؟
أي الدراسه سلاح ألج
والشهاده سند  !

، وانت بأفعالج ضحيتي بيها وصرتي
نكره بالمجتمع حتى
لو عندج علاقات  !

، باجر حتى لو تزوجتي وصار عندج أطفال
نفسه إلي عفتي دراستج علموده  !
راح يكون أول شامت الج
من ، توكعين  ♡

" خلي اعترفلكم بشي اني من سابع
المستحيلات ،
جنت حَ أتزوج واني بدون
شهاده وظيفه  !

" تعرفين يوم إلي يكون بيدج الراتب
ومتحتاجين ، لزوجج
راح يحترمج ويخليج فوك رأسه  ♡

، لأن الرجل بكُل انواعه  ' يحب المرأه
المكتفيه والي متعتاز إله 

، ف من انتِ تجين وتخلين الرجل
أول أولوياتج حتكونين خسرانه بالنهايه  !
ليش لأن الرجل أنسان
والانسان مدايم  ،

راح تجي وحده تكلي 

: ومنذر

أحب اكولج ، مو كل الزلم مثل منذر
اكو الزين الحوك
واكو الشين ، المابي حظ

،♡ وانتي تجين تاخذيلج واحد
مابي حظ
تسلميله الأول والتالي ، بدون
شيء رسمي يربطكم وراها ، إذا جان شريف
يحافظ عليج

، وإذا العكس ينشرج ويشوه سمعتج  !

، ف دائما خلي هدف ألج غير الأرتباط !
والزواج خلي بالأخير

، م امنعج من الحب ، بس أوصلي مرحله تكونين
قادره ومسيطره على العلاقه

! والأخير وهذا الحجي كُله راح ترجع
تكُلي

: من العلاقات نتعلم↙↙↙↙↙↙
___________________________________________

وبس طال عمرجن 🌚❤...
يلا الكل لبيوتها  "..

ملاحظه  : إذا ردتوا تاخذون الكلام
فقط ضيفوا حقوقي
#جهنام
وبالعافيه

_ ول نعيمه جيبيلي مي