°'مقهى ' الشابندر '🇮🇶°

أوكسجين عراقي!!🇮🇶

أهلاَ.. بيكم أعزائي  ✔
في بادئ الأمر نُقدم التعزية للعراق والشعب
العراقي
نقدم تعزيتنا الى ارواح الشهداء

،
التعزية إلي مّعتادين عليها وصارت من الأشياء إلي
نفتقر الها إذا مجانت موجودة ✔

" من أغرب الأشياء بالعراق
( العراق بلد العجائب)

أوكسجين إلي يساعد الناس على التنفس!!
هو إلي خنق أنفاسهم
صرنا بوقت إلي يساعدنا  يموتنا  !!

، لو أحجي على الرقابة لو المسؤلية
م اخلص لثاني يوم..
ولا بي فائدة الحجي!!
ولا حيسبب نتيجة

، المُشكلة مو هنا المُشكلة صرنا نكتشف أشياء غير
الرصاص إلي يقتلنا، توجهنا للحرق! إلي يحرق اجسامنا

تعرفون شنو معنى حرق.. ماتوا وهم يصرخون
ماتوا وهم مفجوعين ، تخيلوا محاولاتهم حتى ينجون تخيلوا الصرخات الي هزت المكان
يعبرون عن وجعهم
حرق حرق!! تعرفون شنو يعني ماتوا محروقين ؟!
يعني أجسادهم تلاشت صارت رماد

، أي نوع من الموت هذا حرق وبرمضان
وهم مرضى فايروس!!
شنو جزاتهم
ماتوا
مخنوقين
محروقين !

صرنا وين منروح ، نموت
نطلع مظاهرات ، نموت
نقاتل من أجل الوطن ، نموت
بالحرب وبعد الحرب ، نموت
نضحك نبجي ،   نموت
بالعرس وبالفاتحة ، نموت
" نروح سفرة عائلية يصير أنفجار ونموت!!
نطلع للسوك حتى نتسوك ، ينفجر علينة حزام ناسف  ونموت
نقود ثورة حتى ننهض  وطن
ننقتل برصاصة ، أو دخانية برأسنا

وين نروح ؟!

، معقولة نفوسنا والفساد طغى علينة !
وصرنا هيج
معقولة هذا كلة من تحت أدينا!!

، لا بقى العراق عراقآ ✔🇮🇶..
لا بقى تاريخ ، ولا صمدت حضارة ، وأنتهى المجد
والشجاع صار شهيد ،
والشريف صار فاسد ، والطيب صار يخاف
والي يخاف صار ، ملك على عرش
، والعسكري ، مُرتزق
والدكتور ، شهادتة  مزورة
والفقير صار مجرم
والمجرم قتل الناس.
والناس ماتت
والشوارع بُردت ، والدم أنهدر
والحق!! أنذبح والباطل رفع رأسة
، هذولة أحنا

...