قرارات خاطئة 🌷

الحلقة8

#قرارات_خاطئة💌
🔥الحلقة الثامنة8🔥
👑H e m o t k👑

________________

وهي تمشي حست حد يتحرك وراها تلفتت ملقت حد والشارع كان مضلم ومافيش الا ضي فندق
سرعت خطواتها وفجأة...😨
في حد بدي يجبدلها في شنطتها
عهد تعيط وتبي تتلفت لاكن ماقدرتش اتشوف من وراها فك الشنطة ومشي بيها يجري
عهد تلفتت لقاته الكناس اللي كانت كل يوم اتشوف فيه تحت العمارة اللي رجله مقطوعة
عهدطلعت تجري ورااه :لاااااا تعااالا شنننطى 😭 وهوا ماكانش عنده سرعة لحقت عليه وبدت تجبد في الشنطة بالله عليك هااتها فيها ورااقية هااتهااا
هوا جبد منها وشاحها وخنقها بيه و طلع موس من جيبه هي بدت تعافر فيه ضربها في ايدها جتها في الجنب عيطت وطلقت الشنطة وهوا خداها وجت سيارة درست ركب فيها ومشي

عهد طايحة علي الوطى وتبكي :يااااااربيييي 😭😭😭
شن اللي يصير معاي هداا اني شن دايرة في حياتي باش نتعاقب هكي شن داااايرة 😭😭
وقعدت مقعمزة تبكي لين هدت شوية وبعدين ناضت خشت للفندق مشت للدار خشت للحمام قعدت تغسل في ايدها وتمسح فيها بلكلينكس لاكن الدم ماباش يوقف معش عرفت شن ادير نزلت للاستعلامات ووراته ايدها

الراجل قعد يشبحلها وتعفلق لانها ماتعرفش تتكلم
عهد:I need a doctor🥺( احتاج الى طبيب🥺)
الراجل قلب عيونه :ok ok وتلفت ضبح علي واحد معاه وكلمه جي بي عهد واشرلها بمعنى تعالي معاي
عهد مشت معاه وهي تقرا في القرأن وخايفة مشو علي رجليهم مسافة بسيطة لين وصلو لي صيدلية خشو علي الجنب كان في دكتور مقعمز وجنبه باريلا
قعمزت عهد شافلها الدكتور ايدها وقاللها تبي خياطة
عهد هزت راسها:تو اني علي اساس فهمتك تي دير شغلك بالله عليك
طلع الدكتور اليبرة ودخل فيها الخيط
عهد:ووووه عليك يااا عهد ووووه وين كانو مدسووسات وين 😭
بدي الدكتور يخيطلها في ايدها وهي قالبة الدنيا وبعدين كمل وعطاها مسكن
عهد ناضت داهشة :باهي اللي طلعت الفلوس من الشنطة كان هدا راهو غبرت ودفعت لي الدكتور وطلعت مع الراجل للي جابها ولو للفندق

___________

يزن يتكلم بلألماني
يزن:هل كل شي على ما يرام
الراجل اللي رجله مقطوعة مدله الشنطة :لقد اطررت لي ضربها في يدها بسكين
يزن:لا تكترت خد هدا لك وعطاه فلوس
ضحك وقعد يعد فيهم :نحن دائما في خدمت حضرتك
يزن خدي الشنطة ومشي بيها ركب للحوش وفتحها لقي فيها ماكلة وحوايج وفتح الجيب الداخلي لقي وراقها
يزن:حقيراا تسحابني مانقدرش انجيبها من شعرها وعكرش الورق ولوحهم وناض دار اتصال وقعد واقف يراجي جي راجل كبير في العمر خش للشقة
يزن مدله المفتاح وسلم عليه وطلع

____________

وعد نازلة تجري من فوق :خاالي يااا خاااااالي 😢
مصطفى طلع يجري من داره: شن في خيرك
ايات:عمتي طاااحت ياا بابا اجري
سميرة :حييي عليااا حيي خيرهاا