ما تحتاجينه {للبنات فقط }

كريم واقى الشمس

النهارده هنتكلم عن الصن بلوك (كريم واقى من الشمس ) مهم جداً جداً جداً جداً جداً
ليه لأنه بيحميكى من أشعة الشمس الضارة و لأننا بنروح مدارسنا و جامعتنا و أشغلنا كلنا بنتعرض للشمس كتير فلازم نحمى نفسنا منها.
الشمس المفيدة هى اللى : بعد الساعة ٤ ونص أو ٥، قبل الساعة ٨ الصبح.
بس طبعا بيختلف من دولة لتانية و من مدينة لمدينة، شوفوا أنتم الشمس أمتى هادئة الصبح، الشمس ديه لازم تقفوا فيها من غير طرحة ولا تكونوا لابسين حاجة بكم لو أنتى محجبة أو منقبة أقفوا فى حتة محدش يشوفكم فيها بس لازم يتعرض جسمكم يوما للشمس لأنى الشمس هى اللى بتدينا فيتامين د و أعتقد أن أى حد عمل تحليل اكتشف أن عنده نقص فيه لأننا مش بنتعرض للشمس كويس.
لو هتشتروا صن بلوك لازم يبقى أكتر من  80٪ نسبة الحماية و تبقى مكتوب على العلبة.
فى شركات كتير وفى الغالى و فى الرخيص
أنا بستخدم شركة اسمها " BOBAI"
وديه صورتها

الصن بلوك ده ب١٠٠ جنيه ده صن بلوك + أنه بيدى لون برنوزى عارفين لما تحطوه بتحسوا كأنكم حاطين كريم أساس.
فى منه العادى (يعنى صن بلوك بس) ولونه أبيض 80٪ برضوا وده ب ٨٠ جنيه.
العبوة اللى ب١٠٠, 75gm.
العبوة اللى ب٨٠، 50gm.
أنا أول مرة جبت العبوة العادية عايزة أقولكم أعدت معايا ٨ شهور و كنت بحط مرتين فى اليوم علشان بنزل المدرسة الصبح و الدروس بعد كده، الشركة ديه جميلة أوى.
فى الصيف لازم تحطوه فى الثلاجة، أما فى الشتاء عادى سبوه برا.
بس طبعا براحتكم هاتوا اللى عايزينه.
أى صن بلوك فى العالم لازم لما تحطوه تستنوا ٢٠ دقيقة قبل التعرض للشمس.
الصن بلوك مش للبحر بس لا لأى نزول أنا عايزة أقلوكم أن المفروض تحطوه وأنتم بتطبخوا علشان بتتعرضوا للحرارة عالية.
خلصت كلام أى حد عايز يسأل سؤال يقول فى التعليقات.
دومتم بخير.