قرارات خاطئة 🌷

الحلقة 5

#قرارات_خاطئة🌷
🔥الحلقة الخامسة5🔥

👑H e m o t k 👑

______________

مصطفى سمع الخبطة ناض يجري مشي للكوجينة ولقي مرته طايحة والوطى كلهااا دم
قعد يشبحلها وقلبه بيووقف

قدم مصطفى وحط ايده تحت رقبتها يشوف
في النبض ....

فاق مصطفى من خيالة علي صوت يتكلم ورااه

.... شن جابك هني بعد هلوقت
مصطفى تلفت وقعد ساكت
بلقاسم :ورا شني تنبش ولي شن تبي توصل
مصطفى:عمي بلقاسم انت عارف ان اللي صار اني مالياش علاقة بيه
بلقاسم:اللي صار انك طلعت مش راجل وتمشي ورا كلام بوك
مصطفى:علي الاقل مات وهوا راضي عليا
بلقاسم:اطلع من هني
مصطفى:عائشة شن حالها
بلقاسم:ماليكش علاقة بيها
مصطفى حط راسه لوطة وجي بيطلع وبعدين وقف :علي ما كنت نحبك كنت ناوي ان لو جاني ولد حنسميه بلقاسم حتى لو الاسم كبير لاكن ربي ماسخرش الحال وامات وهوا في بطن امه
بلقاسم:ومن قال ان اللي في بطنها كان ولد
مصطفى:ديمة في احساس في قلبي يقول ان اللي مات في بطن عائشة ولد مش عارف علاش وربي من هداكا اليوم ماسخرش يرزفني بولد وبديت بو البنات
بلقاسم ضحك بهزوة وقعد ساكت
مصطفى:انشوفك في ساعة طيبة وياريت اترد المفتاح في مكانه المعتاد ومشي طلع

بلقاسم قعد واقف وبعدين شبح للحوش وتنهد وطلع حتى هوا وسكر الباب

___________

العشية عهد كانت توتي في روحها وواقفة قدام المراية تمكيج وسلتت شعرها ووخرت

وعد:هما علاش جايين اليوم
عهد قتلي ماما جايبين الموسم ماهو الميلود غدوا وهوا جاي بيدير رؤية شرعية
ابرار:طالعة طرف يا فرخة
عهد ضحكت:ياابنات خاايفة زعمة كيف شكله
ايات:شن تبي في شكله المهم يطلع ولد ناس وكويس وو
ابرار : انتي اخر من يتكلم اسكتي واضح كيف موازية فادي المزفر
ايات:ماتسكتيش ننقز عليم انريشك
ابرار:تعالي تراا خلي انقطعك طرووف
وعد:خلااص انتي ويااها
ايات :هيا زي البهيمة تلقح 😒
ابرار:انتي البهيمة وضمي فمك
عهد:خلاص عااااد نضربكم انتو الزوز رااه
ابرار:ترا تعالي مدي ايدك
عهد:برستيجي مايسمحش 🙄
ايات:تو انشوفو هيا في شن بطيح تي والله لما اطيحي في واحد يقطعك تقطيع علي طول لسانك وتلقيحك
ابرار ناضت وقفت: تي اني بنااخده واحد طرف وفلوس معبي بيديرلي شغالة وسيارة تو اتشوفو
وعد:باهي باهي شن حالك
ابرار:اني بنطلع نخنب شكلاطة من متع الضيوف وانجي انكمل العركة دقيقية بس
ابرار كيف بتفتح الباب خشت عائشة
عائشة:عهد الناس جو اطلعي
ابرار:ووووه خسارة كيف طالعة بنخنب شكلاطة
عائشة:اكبري ابراار بلا عار وانتو هياا انزلو للكوجينة وتو الصفر
وعد:ريتوها علي اساس اتزوجت بدت مدام
ضحكت ايات ونوضت وعد مشو هما الزوز للكوجينة وعهد خشت اتسلم