pagibig nga naman talagang malikot
magulo sa isip, saya ng pagtibok
merong dalang tuwa, minsan namay lungkot
at bunton ng lakas sa bawat pagsubok
dahil ka ng tao upang mabuhay
ngunit pagka minsay kamatayan
at sa paglalakbay isa ring tanglaw
ngunit pintuan rin nitong kadiliman
may dalang pagasa sa namimighati
at mabisang gamot sa nagawang mali
kamandag ay lason na nagkukubli
upang katotohanay lagi nang masawi.
dahil sa pagibig mayroong damdamin
laging hinahangad kahit pa ang magtaksil
madaling matukso, madaling mapunit
sa tindi ng init ay lumalamig rin
pagibig nga naman kaydaling mahanap
sa pintig ng oras dali ring lumipas
pagibig ay sanhi ng kasinungalingan
ngunit susi rin ng katotohanan.