مالكة قلبى

الحلقة السادسة عشر

الحلقة السادسة عشر
في الڤله عند محمد
سلمى : في ايه يا محمد
محمد : بقي علي اخر الزمن حتة عيلة ذيك تضحك عليا انا
سلمى : انا مش فاهمه حاجة
محمد : مسكها من شعرها... انتِ هتعمليلي دور المسكين البرئ
ورمي الصور في وشها
محمد : تقدري تقوليلي ايه ده
سلمى : ماسكت الصور ومستغربة مين الي لقطلها الصور دي
محمد : مستغربة من ايه... مكنتيش متوقعه ان حد ينقلي حقيقتك القذزة
سلمى : محمد انتَ مش فاهم حاجة
محمد : انا فعلا كنت مش فاهم حاجة بس انا هفهم كل حاجة دلوقتي
ومسكها من طرحتها...وركبوا العربية
سلمى : احنا رايحين فين
محمد : ضربها بالقلم من قوته بقها جاب دم.... انا مش عاوز اسمع صوتك انتِ فاهمه
.
.
.
عند الدكتور
امجد ومايا
الدكتور: اتفضلي يا مدام مايا عشان اكشف عليكِ
بعد الكشف
الدكتور: بقالكم فترة متجوزين
أمجد: خمس سنين
الدكتور: سألتم قبل كده عن سبب تأخر الحمل
امجد : لا
مايا: اصل يا دكتور كنت بأخد موانع يا دكتور وكده
الدكتور: بقالك كتير
مايا: من ساعه ما تجوزنا من خمس سنين
الدكتور: طب اتفضلي التحاليل دي اعمليها... وربنا يسهل
امجد : شكرا يا دكتور
الدكتور: علي ايه يا استاذ امجد ده واجبي
.
.
.
في الشقة عند بوسي
بوسي: حبيبي قوم بقي عشان نفطر
الشخص: انتِ الي هتجهزي الفطار
بوسي: لا طبعا
الشخص: امال هنفطر ايه
بوسي: طلبت جاهز
الشخص: اوك
.
.
.
محمد وقف قدام المستشفي
سلمى : احنا جاين هنا ليه
محمد : عشان تشوفي حبيب القلب
سلمي : ابوس ايدك يا محمد يلا نمشي من هنا وانا هفهمك كل حاجة
محمد : انا فعلا خلاص فهمت كل حاجة....
ونزل محمد من العربية...
محمد : انزلي
سلمى : لا
محمد شدها من ايدها
وسلمي مش راضية تمشي بس قوتها ما تجيش حاجة جمبه
محمد من عصبيته مش شايف قدامه ولا سامع توسلاته ولا سامع اي حاجة... كل الي في باله انه يوصل اوضة حبيبها(كما يعتقد)
سلمى : يا محمد ده اخويا
محمد : مش سامعها.... اصلا
سلمى : يا محمد يلا من هنا حرام عليك
محمد اخد سلمي والممرضة كانت لسة خارجة من عند عبدالرحمن
الممرضة : سلمى... معاد الزيارة انتهي
سلمي: يا محمد يلا من هنا حرام عليك... والله ده اخويا
محمد : خلاص معتش ينضحك عليا...وشد الممرضة من قدام الباب... وفتح الباب ودخل
.
.
.
محمود : مش قادرة يا نهي توقعي جوز سلمي ده وتخليه من نصيبك
نهي: هو انا لحقت اقعد يا بابا ما البركة في ابنك
امها: بنت عيب كده اتكلمي عن اخوكي كويس
محمود : عندها حق لولا تصرف ابنك كان زمنا قعدين في الڤلة
مراته: ابني يعمل الي هو عوزه
محمود : اما نشوف اخرتها ايه
.
.
.
نبيله لنفسها يا تري هطولي اكتر من كده قد ايه يا سلمي
.
.
.
نرجع تاني لمحمد
محمد فتح الباب ودخل
عبدالرحمن : سلمى
محمد : انتَ بقي حبيبها
(عبدالرحمن افتكر ان سلمي قالت لمحمد كل حاجة بصلها بنظرة لوم وعتاب)...وقال
عبدالرحمن: بابتسامة... ايوه انا حبيبها.... وانت بقي محمد
محمد : ايه ده هي الهانم معرفاك عليا
عبدالرحمن استغرب لهجته في الكلام بس ما حطش في دماغي
عبدالرحمن: ايوه طبعا مش انت تبقي... محمد قاطعه
محمد : انا انا الاريل الي عملته انت والست هانم... انا الغبي الحيوان الي صدقتها وافتكرتها ملاك برئ... بس طلعت غبي
وقرب محمد من عبدالرحمن وقاله
محمد : بس نفسي اعرف فضلتك عليا انا في ايه... محمد بص لسلمي... ومسكها من دراعها ده فيه ايه افضل مني... ده انا افضل منه في كل حاجة... فلوس شركات مصانع الصحة... الشغل....مش تعبان ولا راقد في سرير زيه
عبدالرحمن: حس انه مش قادر يتنفس بس مش عاوز يبين عشان ما يقلقش سلمى
عبدالرحمن : استاذ محمد انت فاهم غلط
محمد : اخرص خالص... انا سيبهالك وماشي اشبع بيها... بس صحيح يا سلمي كنتِ بتعلجيه بقي بفلوسي ولا ايه
سلمى : لا يا محمد عبدالرحمن ده يبقي.... محمد قاطعها : مش عاوز اعرفك تاني
محمد جه يمشي...لف وشه لسلمي
محمد : نسيت اقولك انك طالق
سلمى : وقع عليها الكلام زي ما يكون اتصعقت ومحمد سبها ومشي.... سلمى طلعت تجري وراه
الممرضة لاحظت تعب عبدالرحمن الممرضة: جابت اكسجين وحطته علي انفه
.
.
.
محمد بيدور عربيته قدام المستشفي
سلمى واقفة شباك العربية
سلمى : يا محمد اسمعني
محمد دور العربية ومشي وسلمي كانت هتقع مسكتها واحدة
الست: انتِ كويسة يا بنتي
سلمى : الحمد لله
الممرضة : الحقي يا سلمى عبدالرحمن تعب اووووي
سلمى جريت علي جوه
سلمى : عبدالرحمن انتَ كويس
عبدالرحمن وشه احمر اووووي من كتر الكحة
سلمى : هو فين الدكتور
الممرضة : اتصلت بيه وهو علي وصول سلمى واقفة جمب عبدالرحمن ومش عارفة تعمل ايه
الدكتور وصل
الدكتور: لو سمحتي يا سلمى استني بره
سلمى خرجت.. بعد نص ساعة
الدكتور خرج
سلمى : طمني يا دكتور
الدكتور : انا مش هقدر أقولك اي حاجة قبل بكرة الصبح
سلمى : يعني هو كويس ولا لا
الدكتور: العملية كانت المفروض تبقي بكرة.... بس بشكله ده
مضطر أ آجلها
سلمي : ينفع ابات معاه هنا
الدكتور: مش هينفع يا سلمي عشان الطوارئ ..بس تقدري تقعدي معاه لحد بالليل
سلمى : ماشي
.
.
سلمى نزلت قعدت في جنينة المستشفي الساعه بتمر عليها كأنها سنة مش عارفة تحدد اي حاجة... كل حاجة مرتبطة بمحمد... حتي حياتها مرتبطة بيه... سلمى لنفسها كنت فكره ان ربنا عوضني وكتبلي الراحة... انا مش عارفة اعمل ايه.... انت معايا يااارب عالم بحالي
صوت اذان المغرب سلمى قامت اتوضت وصلت العصر. واطمنت علي اخوها
.
.
محمد طول النهار بيلف بعربيته زي المجنون ...وقف بعربيته في جو ضلمة..
محمد لنفسه: ليه كده يا سلمي... انا كان عندي استعداد اديكي حياتي كلها... ليه تجرحيني انا علي قد مع حبيتك كرهتك...
قاطع افكار محمد واحد بيفتح باب عربيته واثنين واقفين عالباب الثاني
شخص1: انزل
محمد : نعم
شخص2: ده شكله اطرش... بيقولك انزل
محمد : مممم اطرش ونزل محمد
محمد : عاوزين ايه
شخص3: العربية كده كده بقت بتاعتنا طلع بقي الي في جيوبك
محمد لسه هيتكلم
شخص1: اوبااااا ايه صورة الموزة دي... يا رتها كانت معاه كنا ظبتنا نفسنا.... محمد سمع كلمته بيبصله
لقاه ماسك الماديلية عبارة عن نص قلب فيه صورة سلمي محمد ما قدرش يمالك اعصابه.... مسك الشخص 1 من راسه وخبطه في كبوت العربية شخص 2 طلع مطوة من جيبه ضرب محمد في كتفه ...محمد ضربة في دماغه
شخص3 ماسك شومه وجاي يضرب محمد....محمد تفاداه... ومسك ايده وكسرهاله
محمد نزل بحيث يكون مستواه نفس مستوي الشخص الي اتكلم علي سلمى
محمد : مسك الميدالية من ايده وداس علي ايده.... دي مراتي واحمد ربك انك لسه عايش اصلا
محمد سابهم مرمين عالارض
وساق عربيته ومشي
.
.
.
الساعه10 بليل سلمى قاعدة في الجنينه
الدكتور خارج شاف سلمى قاعدة
الدكتور: سلمي انتِ لسة قاعدة
سلمى: اعمل ايه بس يا دكتور مش هقدر امشي قبل ما اطمن علي عبدالرحمن
الدكتور: طب قومي معايا
سلمى : فين
الدكتور: تعالي بس
الدكتور اخدها مكتبه
الدكتور: تقدري تقدري تباتي هنا لحد الصبح
سلمى : انا بجد مش عارفة اقول لحضرتك ايه غير اني متشكرة جداااا
الدكتور: انتِ زي بنتي
وسبها الدكتور وخرج
وسلمي استسلمت للنوم
.
.
.
محمد وصل الڤلة...
فتحية: اجهز العشاء
محمد : لا
فتحية : امال هي فين ست سلمي
محمد طلع فيها
سيرتها في البيت ده ما تجيش تاني انتِ فاهمه ولا لا
فتحية: فاهمه
وسبها محمد وطلع
محمد وهو طالع مش عاوز اي حد يدخل عليا مهما حصل
فتحية: حاضر
محمد طلع اوضة
ودار اسوأ حوار.... حوار ما بيتفقش فيه اثنين لازم واحد يطلع خسران
قلبه: ليه قولت انها مراتك من شوية... علي ما اناها يعني بقت طلقتك
عقله: عادي
قلبه: انتَ لسه بتحبها ما تضحكش علي نفسك
عقله: لا ما بحبهاش انا بكرها
محمد بصوت عالي بااااااس ومسك صورة لسلمي محطوطة عالكومدينوا.... لييييبه تعملي فيا كده ليه تجرحيني بالطريقه دي... انا ما بقتش ضعيف غير علي ايدك...ورمي صورتها في المراية وطلع هدومها من الدولاب وقطعها
كسر الريحة الي بتستخدما كسر صور فرحهم... حتي كان في صورة مطبوعه عالحيطة ليهم هما الاثنين شغبط عليها وصرخ بعزمه انا بكرهك بكرهك
جه الجنايني جري
الجنايني: في ايه يا فتحية
فتحية : معرفش...
البواب: تعالي نطلع نشوفه
فتحية: لالا بلاش هو قال محدش يطلع مهما يحصل
البواب: يعني نسيبه كده
فتحية : هو قال كده... روحوا انتوا اماكنكم بقي
.
.
.
عدي الوقت علي ابطالنا بطئ جداااا... محدش عارف ينام
.
.
تاني يوم الصبح
امجد ومايا عند الدكتور
مايا: خير طمني يا دكتور
الدكتور: تحاليل الاستاذ امجد ما فيهاش اي حاجة
مايا : وتحاليلي
الدكتور: الموانع الي كنتِ بتخديها اثرت علي حضرتك...
مايا: يعني ايه
الدكتور: امر الحمل صعب شوية... بس مش مستحيل
مايا: يعني مش هخلف...
الدكتور: الطب اتقدم جداااا
امجد: متشكر يا دكتور... يلا يا مايا
مايا: قاعدة في العربية ومضايقة
امجد : انتِ زعلانة ليه بس يا حبيبتي... الدكتور قال ممكن تخلفي بس مش مستحيل
مايا : ماشي.
.
.
.
سلمى صحيت علي صوت خبط عالباب
سلمى : اتفضل الدكتور دخل
الدكتور : عاملة ايه
سلمى : انا الحمد لله بس طمني علي عبدالرحمن لو سمحت
الدكتور: انا رايح اشوفه واطمنك
سلمى : انا جاية مع حضرتك
.
.
.
محمد قام اتشطف ولبس
ونزل
فتحية : مش هتفطر يا استاذ محمد
محمد : لا ومحدش يدخل اوضة النوم
فتحية : حاضر
.
.
الدكتور: دخل لعبدالرحمن
الدكتور خرج
سلمي: طمني علي عبدالرحمن
الدكتور: انا مش عارف اقولك ايه... بس المفروض نفتح فتحتين في رقبة محمد
سلمى : ليه كده يا دكتور
الدكتور : مش قادر يتنفس والخراطيم عملتله التهابات
سلمى : يعني ما فيش خطر عليه من العملية دي
الدكتور : لا ما تقلقيش
الدكتور: محتاجين50 الف جنيه
سلمى : 50 الف جنيه لييه
الدكتور: الفلوس الي انتِ كنتي سيباها تحت الحساب حطتها تحت عملية القلب
لعبدالرحمن.... لو عاوزاني اخد منهم معنديش مانع
سلمى : لالالالا خليهم للعملية وانا هجيب الفلوس الي باقية....
سلمى مش عارفة تعمل ايه وتجيب الفلوس منين
.
.
.
سلمى راحت لعمها
مرات عمها: اهلا اهلا
سلمى : عاوزة عمي
مرات عمها: انتِ مش طرتينا من بيتك
سلمي : فين عمي
مرات عمها: خشي
سلمى دخلت وعمها دخل وراها
عمها: اهلا ببنت اخويا الي طردتنا من بتها
سلمى : من غير لف ودوران... انا عاوزة ابيع نصيبي انا عبدالرحمن
في العمارة
عمها: ونصيبك ده بقي كام
سلمي: حضرتك ادري عمارة 20 شقة حضرتك ليك 3 شقق وانا واخويا لينا الباقي...العمارة عالوجهه....انا نصيبي مليون انا واخويا
عمها: مليون جنية....
سلمي: عاوزة منهم50 الف جنية دلوقتي
عمها: وانا مش هشتري
سلمى : اوك... سلام.
.
.
سلمى خرجت من عند عمها مش تروح فين
فضلت ماشية ومش عارفة تروح فين... لحد مالقت نفسها قدام مكتب محمد
سلمى دخلت
العسكري: حضرتك عاوزة حد
سلمى : هو ده مكتب استاذ محمد العسكري: ايوه
سلمى : عاوزة اشوفه لو سمحت
العسكري: استاذ محمد في واحدة بره عوزاك
محمد : واحد مين
العسكري: مش عارف
محمد : دخلها
.
.
وبكده الحلقة خلصت !؟
.
.
.
توقعاتكم