الحلقة التاسعة: :
سلمي: اجي معاكي !؟
نور: ايوه
سلمي: بصفة ايه بقي انشاء الله
نور: صحبتي وحت معايا
سلمي: يا سلام
نور: مش هو انقذ حياتك قبل كده روحي علي انك تشكريه
سلمي: ماشي
سلمي ونور ركبوا العربية
وجابوا ورد وشوكلاتة
وراحوا المستشفي
نور اتصلت بناصر
نور: الو يا ناصر
ناصر: ايه يا نور انتي فين
نور: انا وسلمي وصلنا تحت اهوه
ناصر: طب انا نزللكوا اهو
محمد: نازل لمين يا بني انت
ناصر: نور وسلمي جم يشوفوك
محمد: نور ومين
ناصر: سلمي صحبتها
محمد:مش مستهلة يعني دي هي رصاصة في كتفي وهخرج النهاردة يعني
ناصر: وانا مالي نور لما عرفت جت علي طول
محمد : ماشي
ناصر: انا نازل انا بقي اجبهم
نور: كل ده يا ناصر
ناصر: معلش يا حبيبي وحشتيني
نور: وانت كمان
سلمي: احم احم نحن هنا
ناصر: سلمي ازيك عاملة ايه
سلمي: الحمد لله تمام
ناصر طب يلا
طلعوا وخبطوا عالباب
محمد: اتفضل
دخلوا
نور: الف سلامة يا محمد
محمد: الله يسلمك
سلمي: حمدالله عالسلامه
محمد اتجهلها
محمد: هات حاجة يشربوها يا ناصر
ناصر: طيب انا خارج اهوه
نور: استني يا ناصر انا جاية معاك
وخرجوا وسابواسلمي ومحمد مع بعض
سلمي: انت كويس
محمد: وانتي مالك
سلمي: نعم
محمد: زي ما سمعتي
سلمي: خلاص انا اسفة
محمد: طب بس بلاش وش البراءة الي انتي لبساه ده
سلمي: انا مش فاهمه انت بتتكلم عن ايه
محمد: انتي ادري بس عالاقل احترمي الحجاب الي انتي لبساه
سلمي: انا محترمة حجابي ونفسي كويس اوووي
محمد: لا بصراحة واضح
سلمي: وبأي حق تتكلم معايا بالاسلوب ده
سلمي: وطي صوتك صوتك مايعلاش انتي فاهمه
سلمي: مالكش دعوة انا اتكلم زي ما انا عاوزة
محد قام من عالكرسي
وشد سلمي من ايديها
حتة عيلة زيك هتعلي صوتها عليا ايه شغل العيال ده ده انا ادفنك مكان ما انتي واقفة
سلمي : ودموعها بدأت تنزل ااااه اوعي كده سيب ايدي
وفاللحظة دي حس محمد ان في حد جاي بعد عنها
وقعد علي كرسية وسلمي واقفة
ناصر: دخل ايه يا جماعه مالكم فيه ايه
سلمي لسة هتتكلم محمد قاطعها ولا حاجة يا ناصر
اصل سلمي كانت قامت تجبلي ماء وعنها اطرفت تقريبا
سلمي: نور انا ماشية
نور: هو احنا لحقنا نقعد
ناصر: مش مشكلة كده كده محمد خارج دلوقتي هنوصلكم في طريقنا
نور: انتي طريقك من طرقنا يا سلمي
سلمي: معلش يا جماعه انا عاوزة اروح
محمد: سبها يا عم ناصر هي اصلا تلاقيها متعودة انها ترجع البيت الساعة1 او2 بالليل
سلمي: سبتهم وخرجت
ونور خرجت وراء سلمي
ناصر: في ايه يا محمد ايه الي انت قولته ده
محمد: هو انا قولت حاجة ولا الي علي رأسه بطحة يحسس عليها
نور: سلمي عشان خاطري استني ومسكت سلمي من ذراعها
سلمي: ايه يانور
نور: ايه الي حصل بينك وبين محمد
سلمي: ولا حاجة
نور: امال في ايه
سلمي: لا ولا حاجة
نور: طب هما هيوصلونا سلمي: هما يركبوا عربيتهم يا ستي
نور: ما هما معهمش عربية هيوصلوني بعربيتي
سلمي: خلاص انا هأخد تاكسي
نور: يا سلمي الوقت متأخر
تاكس ايه الي هتخديه دلوقتي
محمد وناصر جم وسلمي ونور ركبوا وراء وناصر سايق ومحمد قدام
ناصر: بيسوق بيزود في السرعة وسلمي خافت خمضت عيتها ومسكت في الكرسي الي كانت قاعدة عليه محمد خد باله من خوفها وهو بيبص في مراية العربية
نور: ناصر هدي السرعة شوية
ناصر: ليه
نور: سلمي بتخاف من السرعات العالية
ناصر: هدي السرعة خالص
سلمي: بدأت تأخد نفسها طبيعي واول ما فتحت عنيها نظراتها هي ومحمد اتقابلوا مع بعض محمد لف وشه ..وسلمي مستغرباه هو بيتعامل معاها كده ليه وهو ماشفهاش غير مرتين مرة يوم ما انقذها والنهاردة
نور: سلمي وصالنا
سلمي اه ماخدتش بالي نور: هستناكي بكرة في الكلية
سلمي: لا مش هاجي بكرة هروح شغلي عشان مروحتش النهاردة
نور: طيب ماشي تمام
طلعت سلمي اتصلت بأخوها فضلوا يرغوا ساعة
محمد وصل الڨلا
محمد: جدو وحشتني اووي
جد محمد اسمه يحي جده ابو ابوه محمد بيحبه اووووي وبيعمل كل حاجة جده يحي بيقول عليها يحي عمل حادثة زمان وما بيقدرش يتحرك بيتحرك بس بكرسي عجل
يحي: يعني يحصلك كل ده وما تتصلش تعرفني حتي
خالد: ده ما عرفش حد خالص يا والدي
ده لولا ان القائد بتاعه اتصل يطمن عليه مكناش عرفنا
يحي بيشاور لناصر ينزله ناصر نزل وقعد علي ركبه
ناصر: نعم يا حاح
يحي مسك ناصر من اذنه
يحي: ما اتصلتش ليه وعرفتنا
محمد: عمال بيضحك علي شكل ناصر
ناصر: والله يا حاج هو الي قالي ما تقولش لحد في البيت عشان ما تقلقهومش
يحي: هو انا حد برده
ناصر: لالا ابدا ده انت الاسبوع كله يا حاج
جه شادي: اخو محمد اه جيلي بقي متصاب ماليش دعوة هتنزل الشغل يعني هتنزل الشغل
ساره: انت مالك ومال محمد يا ابني انت
شادي: ابنك ..اقعدي في جنب انتي يا حاجة واسكتي
محمد: ما تقلقش هروح بكرة الشغل اقدم علي اجازة واجيلك عالشغل
شادي: اما نشوف
طلع محمد اوضة اسيل اول ما اسيل شافته
اسيل : انكككككككل محممممممممد وجريت عليه بالحضن وحشتني
محمد: ده انتي الي وحشتني والضحكة الحلوة دي وحشتني اووووي
اسيل: ايه ده يا اونكل انت متعور
محمد: تعورة صغيرة كده
اسيل: يعني بتوجعك
محمد: لالا ما بتوجعنيش
اسيل: بكرة الخميس هاجي من المدرسة اخلص وجباتي ونفضل نلعب ok
محمد: ok.يلا بقي تصبحي علي خير
اسيل : بسته وانت من اهل الخير
محمد نيم اسيل وراح يشوف اخته
محمد بيخبط عالباب
مي: ادخل
محمد: ازي قمرنا عامل ايه
مي: وقامت جريت عليه واخدته بالحضن
مي: اي الي حصل لكتفك
محمد: هحكيلك بكرة اصل انا هموووت وانام
مي: بعيد الشر عليك يا حبيبي ..ماما عرفت انك جيت!؟
محمد: لا نايمه وانا محبتش اصحيها بكرة بقي
مي: ماشي
محمد: تصبحي علي خير
مي: وانت من اهله
محمد: دخل غير هدومه ومجرد محط دماغه عالمخده راح في النوم
وبطالتنا كمان نامت وتاني يوم الصبح سلمي اتوضت
ولبست وراحت شغلها واعتزرت انها مجتش امبارح
ودخلت عالمطبخ وبدأت شغلها محمد صحي من نومه اتوضأ وصلي ولبس هدومه وفطر وراح عشان يأخد اجاذته
نروح بقي عند سلمي في المطعم بتعمل الاكل والمدير مبسوط منها والزبائن مبسوطة بأكلها
سندس: اتغاظت منها اوووي وحلفت لتكون هي سبب طردها من
الشغل راح محمد مكتبه ومنير شكر فيه جدا واترقي محمد واتعمله حفلة صغيرة عدت فتره صغيرة وزراع محمد بقي كويس ونيجي لليوم المكروه عند سلمي صحيت سلمي الصبح كعادتها وراحت كليتها وبعدين طلعت عالمطعم
وحضرت الاكل
سندس: روحي يا سلمي كلمي خد عالتليفون بتاع المحل
سلمي : مين
سندس: مش عارفة
سلمي: طيب وسبتها سلمي وخرجت
سندس طلعت من ايدها كيس فيه سم فيئران وحطته في الاكل الي بتعمله سلمي
سلمي: ما فيش حد عالفون يا سندس
سندي : وهي متلغبطة از...ازاي ما انا كنت سيباها عالفون عالعموم
سلمي: خلاص مش مستهلة انك تقلقي كده
سندس: طب انا هروح علي شغلي انا بقي
سلمي ماشي
وعملت سلمي الغدا وجهزت اول طلب زبون يطلبه
يا تري ايه الي هيحصل مع سلمي!؟
هنعرف الحلقة الجاية انشاء الله
توقعاتكوا بقي
ـــــــــــــــــــــــــــــــــــــــــــــــــــــــ
الحلقة العاشرة
سلمي: عملت اول اكلة والزبون كلها
وتاني اكله لزبون تاني
وثالت ورابع .وبعد ربع ساعة الزبون الاول وقع عالارض يليه الزبون التاني والمدير مستغرب من الي بيحصل
احد الزبائن بلغ الشرطة وبعدين اتصلوا بالاسعاف
الشرطة جت واتحفظت علي كل الي في المطبخ والطب الشرعي جه واخد عينات من الاكل
نروح بقي لمحمد
محمد قاعد في الجنينه هو واسيل بيلعبوا ناصر جاي عليهم
ناصر: سمعت عن المطعم الي كل الي فيه اتسمم
محمد: اه بيقولوا تحفظوا علي كل الي في المطبغ لحد ما نتائج العينات تطلع
ناصر: انت عارف مين من المشتبهين فيهم
محمد: لا وانا اعرف منين
ناصر: سلمي
محمد بعد ما ساب كل الي في ايده
محمد: سلمي مين
ناصر: صاحبة نور يا محمد
محمد: وهي ايه الي وداها المطبخ
ناصر: هيكون ايه غير انها بتشتغل هناك
محمد سرح مع نفسه بتشتغل شيف في مطبخ
امال مين مصطفي ومحمود وغيرهم
ناصر: ايه يا عم روحت لحد فين
محمد : لا ولا حاجة ..هي نتيجة العينات هتظهر امتي
ناصر: بعد يومين
محمد: طب ابقي عرفني الي بيحصل اول بأول
ناصر: اوك
شادي جه عليهم
شادي: ايه ياعم ناوي تنزل الشغل امتي
محمد: من بكرة انشاء الله
ناصر: انا راشق معاكم علي فكرة
شادي: راشق لوكل اوووي
ناصر: يلا ياض من هنا مراتك بتنادي عليك
شادي: اسكت ياض ..صحيح نسيت اقولكم امجد جاي الاسبوع الجاي
محمد: تمام هبقي اروح اجيبه من المطار انا وناصر
شادي : صحيح يا محمد معلش اصل انا عندي شغل كتير اتصل بالجرنال وخليهم ينزلم اعلان عن سكرتيرة بالمواصفات دي................
محمد: سكرتيرة!؟ لي مين
شادي: لبابا عا'ز سكرتيرة خاصة
محمد: هو بابا مش عنده ايمان
شادي : اه بس هو عاوز واحدة تشيل مع ايمان شويه ما انت عارف شغل بابا كتر وايمان وقتها اتملي
محمد: طب تمام..شادي طيب صحيح بيقلك جدوا هو عاوزك
محمد: طيب يلا انا جاي معاك ودخلو الڤلا ودخل محمد اوضة جده
يحي: تعالي يا محمد
محمد: ازيك يا جدوا
يحي: تمام الحمد لله..ايه يا حبيبي مش ناوي تتجوز واشوفلك عيل صغير كده
محمد: يا جدوا انا مش عاوز اتجوز دلوقتي
يحي: يا ابني ريحني عشان خاطري نفس اشوف ليك عيل قبل معادي
محمد باس ايد يحي وقاله
محمد: بعيد الشر عليك يا جدوا ..حاضر لما الاقي الي عاوز ارتبط بيها هقول لحضرتك علي طول وسابه وخرج وخلص اليومين نروح بقي لقسم الشرطة
وكل الي في المطبخ واقفين
الظابط : احسن ليكم الي عمل كده يقول الظرف في ايدي اهوه يعترف احسن له
واحد من الي واقفين: ياباشا ما تفتحه خلينا نروح لبتنا وعيالنا بقي
الظابط فتح الظرف
الظابط : السم كان في الاكل ااي بتعمله سلمي فين سلمي دي
سلمي: انا ..انا محطتش حاجة
الظابط : نعم يا روح امك امال ايه الي قدامي ده بنتبلي عليكي احنا
الظابط خدها يا عسري عالحبس
نور وهي بتكلم ناصر بعياط
نور: الحقني يا ناصر
ناصر: في ايه يا نور
نور: نتيجة الطب الشرعي طلعت وطلعت ان سلمي الي كانت حاطة السم
ناصر: طب بس اهدي كده
نور: انا عاوزة اشوف سلمي يا ناصر بالله عليك
ناصر: حااضر
نور: النهاردة
ناصر: طيب البسي وهعدي عليكي
محمد: في ايه
ناصر: نتيجة الطب الشرعي طلعت
محمد: ها وبعدين
ناصر: طلعت ضد سلمي
محمد: طب ونور مالها
ناصر: عاوزة تشوفها
محمد:طب يلا انا جاي معاكم
ناصر يلا
نروح لسلمي وهي واقفة قدام المدير المطعم
المدير: انا غلطان اني سلمتك المطعم ليه عملتي فيا كده دي جزاتي اني سغدتك عشان اخوكي وظروفي دي غلطي اصلا
وكل ده وسلمي وشها في الارض ودموعها بتنزل في الصمت
سلمي العسكري جه عشان يخدها الظابط لا سبها ليها زيارة تانية
نور دخلت واخدت سلمي بالحضن وسلمي زي ما تكون ماصدقت ولقت الحضن ده وفضلت تعيط وتعيط جامد
الظابط : هسيبكم معاها شويه
محمد: متشكرين
تلظابط: ده اقل حاجة ممكن اعملها لحضرتك وسبهم مع سلمي وخرج
نور: اهدي يا سلمي بقي
سلمي: .............
نور: طب احكي الي حصل معاكي
وسلمي: ساكته
محمد: ممكن يا نور تسبيني معاها لوحدنا
ناصر: تعالي معايا يا نور واخدها ناصر وخرج
محمد: ايه الي حصل
سلمي: ساكته
محمد: انطقي بقي
سلمي:وانت مالك ما طلبتش منك مساعدة
محمد: بنبرة تحذير قولتلك مرة قبل كده صوتك ده ما يعلاش انتي فهمه
سلمي: لا مش فاهمه
محمد: قام وقف بعصبية انتي شكلك ما بتجيش بالذوق
سلمي: ااااه ايدي وسع كده وبتبعده عنها بعزم قوتها ومحمد سابت ما بيتحركش
محمد: لو ما اتكلمتيش مش هبعد
سلمي: وبدأت تعيط سيب ايدي
محمد: شاف دموعها حس بضيق
محمد بعد ايده عنها وطلع منديل من جيبه ومسح دموعها هبعد وتحكي
سلمي: حركت رأسها بمعني الموافقة
محمد: طب يلا احكي كل الي حصل معاكي
سلمي: حكتله من اول ما نزلت شغلها لحد اللحظة الي قاعدة فيها معاه
محمد: قبل ما جيلك روحت المستشفي الي فيها الضحايا ..ومماتوش
سلمي: بابتسامه علي شفايفها بتتكلم بجد
محمد: ايوه ..
سلمي: طب ازاي والطب الشرعي اثبت ان ده سم
محمد: هو فعلا سم بس سم فئران ما بيأثرش علي البني آدم بيسبب به فقدان وعي ودوخه بس
سلمي: يعني هما مماتوش
محمد: لا
سلمي: طب الحمد لله
محمد: متهيألي مطعم كبير زي الي كنتي بتشتغلي فيه كميرات
سلمي: ايوه
محمد: طيب تمام اعتبري اخر يوم ليكي هنا النهاردة سلمي: بجد
محمد: ايوه بس ده في حاله واخدة بس
سلمي: ايه هيا
محمد: انك تكوني صادقة
سلمي: ماشي
دخل الظابط مش كفاية كده
محمد: هي مش ممكن تخرج بكفالة
حاليا لا
الظابط : هي تخصك.
محمد: سكت شويه متهيألي دي حاجة خاصة
بس ايوه يهمني امرها
الظابط : انا ممكن ابيتهالك عندي في المكتب النهاردة
محمد: تمااام اوووي
ودخلت نور : سلمت علي سلمي
واليوم خلص علي كده
تاني يوم صحي محمد وراح النيابة وجاب اذن بمشاهدة جميع الكاميرات الي في المحل
وشافوا الي حصل بالتفصيل
وخرجت سلمي براءة
سلمي لمحمد
سلمي: انا متشكره اووي
محمد: انا عملت كده عشان نور بس
سلمي : ماشي وفونها رن بعدت شوية
ومحمد واقف مع واحد صحبه
سلمي: بودي حبيبي
عبدالرحمن: انا زعلان منك اصلا
سلمي: ليه بس
وفي الوقت ده محمد كان راح ينده لها وسمع
سلمي: في حد يزعل من حبيبته بردة
عبدالرحمن: اه انا
سلمي: ههههههه خلاص هجيلكم بكرة اتفقنا
وقفلت بتلف شافت محمد في وشها
محمد: تصدقي انا غلطان اني سعدتك اصلا وسبها ومشي
نور : فين سلمي يا محمد.
محمد: جاية اهي
وركبوا العربية
ومحمد ساق بسرعة كبيرة جدا
وسلمي مرعوبك
واول ما شاف الرعب في عنيها
زود السرعة اكتر واكتر
ووقف مرة واحدة كلهم خبطوا في الحاجة الي قدامهم
محمد: اتفضلي نزلنا
ونزلت سلمي من عربيته ووصل محمد كل واحد بيته
وعدي اليوم تاني يوم سلمي راحت لاخوها وفضلوا يهزروا وحكتلوا علي الي مرت بيه.
عبدالرحمن: كده وما تقوليليش
سلمي: مكنتش عاوزة اقلقك بقي
عبدالرحمن: ماشي يا سلمي
ونسبهم بقي ونروح لنور وناصر
ناصر: يا خبر ده انا نسين انزعل الاعلان الي محمد قالي انزله عشان انشغل في قضية سلمي
نور: اعلان ايه
ناصر: وحكلها علي موضوع السكرتيرة
نور: طب ما تاخد سلمي ياناصر واهو هتوفر وقت وفلوس الاعلان
ناصر: وسلمي هتعرف
نور: سلمي معاها3 لغات وهي بتتعلم بسرعة
ناصر: طب خدي رأيها ولو فقت هوديها لعمي بكرة
نور : تمام
بالليل
نور: اجهزي بقي بكرة عشان الشغل
سلمي: انا متشكرة اووي يا نور
نور: انتي هبلة ما فيش شكر بنا
تاني يوم محمد ودا سلمي الشغل
وخالد اعجب بملفها
خالد: هعينك بس تحت تدريب كده لحد ما شوف شغل
سلمي: ماشي موافقه
خالد: طب اتفضلي بقي امضي علي ده
سلمي: ايه ده
خالد : الراتب بتاعك5000 في الشهر
سلمي: تمام اوووي
خالد: وده عقد هتفضلي معانا سنتين اي اختلال ببنود الهقد من الشركة او منك الطرف الي اختل بالشروط هيدفع مبلغ 2 مليون دولار
سلمي: سكتت شوية
خال: ايه
سلمي: هااا ..ما ...ماشي موافقه
خالد تمام هنبدأ الشغل من دلوقتي
وعدي 3 ايام وخالد ارتاح لشغل سلمي وبيعمملها زي بنته وفي يوم محمد راح لابوه المكتب
خالد: اتفضلي يا سلمي صوريلي الملف ده5 نسخ
سلمي: حاضر يا فندم
خرجت سلمي
ودخل محمد
محمد: ممكن ادخل
خالد : ما انت دخلت خلاص
محمد: ازيك يا بابا
خالد: بدون مقدمات عاوز ايه
محمد: احم احم بصراحة كده انا كنت جاي اخد ايمان من حضرتك
خالد: ليه
محمد: اصل احنا عاوزين سكرتيرة ولسه علي ما ننزل اعلان ومجموعه تيجي ونختار واحدة يكون الدنيا خربت فانا قولت بما ان حضرتك جبت سكرتيرة جديدة فانا هاخد ايمان شركتنا
خالد: بصراحة السكرتيرة الي جبهالي ناصر مافيش زيها ..خلاص ماشي خد راي ايمان ولو وفقت خدها
محمد: تمام
وهنا دخلت سلمي
سلمي اول ما شافت محمد
سلمي : اتجمدت مكانها بس ما نطقتش
خالد: تعالي يا سلمي
ده محمد ابني سلمي عليه
سلمي: مدت ايدها ازي حضرتك
محمد وهو بيسلم عليها وبيضغط جامد علي ايدها هي دي السكرتيرة الجديدة يا بابا
سلمي: ايدها وجعاها من ضغط محمد ااااااااه
خالد: ايه يا سلمي مالك
سلمي: ولا حاجة بقول اه علي كلام ابن حضرتك ولمعت في دماغ محمد فكرة
يا تري بقي ايه هي!؟
وسلمي هتكمل شغل !؟ هنعرف بكرة كل ده
توقعاتكم!؟
