Hanggang sa Huli (SharTin)

8

Nag movie marathon kami ni Cindy at pag sapit ng alas tres nag-ayos na kami.

Pag tapos kong mag shower, sinuot ko ang damit na pinili ni Cindy para sa akin. Ayoko sanang suotin ang damit na pinili niya pero sabi niyang papatungan ito ng maong jacket ay pumayag na ako. Ang suot ko ay isang spaghetti strap crop top na kulay puti na pina tungan ng maong jacket. High waisted fitted jeans and color black na block heeled sandal.

Cindy also tied my hair into a messy bun. May iilang buhok na naka baba sa mukha ko na hindi naman sagabal sa akin. Tint lang ang nilagay ko at okay na. Halos pareho kami ng suot ni Cindy pero sa kanya ay off-shoulder top na baby blue ang kulay, fitted jeans at block heeled sandals din. Naka braid ang buhok niya at nag lagay siya ng konting make-up.

Sa aming dalawa, si Cindy ang fashionista. Nadadamay langako at ako ang ginagawa niyang manika. Minsan si Ate Sav at mama ang nag-aayos sa akin.

Nang makadating kami sa restaurant, sinalubong kami ng mga ka-club namin.

"Ang gaganda naman! Nakaka-insecure kayong dalawa." Sabin g isa naming kasama. Nahihiya talaga ako pag sinasabihan ako, kahit alam kong maganda ako. Chos!

Kasama namin ang head ng club kaya nilibre niya kami. Tawa kami nang tawa sa mga kwento ng mga kasama namin hanggang sa napunta kami sa mga jowa nila.

"Mukhang walang nag tangkang manligaw diyan kay Cindy dahil ang taray at ang ingay pa."

"Excuse me! FYI, may nanliligaw sa akin."

"Weh?"

"Oo nga!Parang ewan itong si Edam! At ano bang problema mo? May gusto ka sa akin 'no?"

"Ano naman ngayon?" Nag hiyawan ang kasama namin at tinukso sina Edam at Cindy na pulang pula na ngayon. Napatawa naman ako dahil biglang tumahimik si Cindy.

"Itong president natin, may girlfriend ka na ba, pres?" Tumingin kaming lahat kay Lexter.

"Ah wala."

"May nililigawan?"

"Wala din."

"Pero may nagugustuhan?" Hindi ko alam pero biglang tumambol ang puso ko ng bigla siyang tumingin sa gawi ko at iniwas agad ang tingin.

"Meron."

"Oy! Nakita ko 'yon! Pres, bakit ka tumingin kay Sabrina bago sumagot?" Namula ako sa sinabi no'ng isa kaya tinukso kami.

"Ay na aalala ko! Binigyan ni Lex-" Hindi na natuloy ni Cindy ang pag sasalita niya dahil tinakpan ko ang bibig niya.

"Uyyyyy!"

"Anong binigay mo pres?" Tinukso ulit kami. Binitawan ko ang bibig ni Cindy but I think it's a wrong move.

"Appreciation letter! Binigyan ni Lexter si Saab ng letter." Mas tinukso kami kaya uminit lalo ang mukha ko. Napa-sulyap ako kay Lexter at namumula ang tenga niya at leeg.

Kinurot ko si Cindy pero tinawanan lang niya ako. Bwisit talaga!

Pero dahil nasabi ni Cindy ang tungkol sa letter, nakalimutan ko kung saan ko 'yon nilagay. Hindi ko pa iyon nababasa.

Saan ko nga ba nalagay 'yon?

Pag tapos naming kumain, nag KTV kami. May ibang nag iinom sa amin pero hindi kami sumali ni Cindy. Kahit hindi na uminom itong babaeng 'to, parang lasing din naman ito.

"Hoy si Sabrina hindi pa kumakanta kahit isang kanta." Hinila ako ni Cindy at binigay nag mic. "May pinili na akong kanta." Kinindatan niya ako at lumabas sa screen ang title ng kanta.

Ngumisi siya sa akin. May nag che-cheer pa sa akin dahil sa piniling kanta ni Cindy. Hmp!

"At dahil duet 'yan, siyempre may partner. Lexter, dali!" Na sa tabi ko na si Lexter na napakamot sa tenga niya.

'Di na maalala, pa'no nagsimula
Ikaw ang laging nasa isip ko bawat araw
Laging ikaw ang aking nakikita
Ano ba ang nadarama ko
T'wing ikaw ay kasama

Ako ang unang kumanta tapos ay si Lexter naman.

Ganyan din ang nadarama ko
Tuwing ika'y lalapit sa akin
Ako'y parang natutulala
'Di ko malaman ang sasabihin ko

Pag dating ng chorus ay nag duet kaming dalawa.

Pag-ibig nga kaya
Pareho ang nadarama
Ito ba ang simula
'Di na mapipigilan
Pag-ibig nga ito
Sana'y 'di matapos ang nadaramang ito
Pag-ibig nga kaya ito
(Pag-ibig nga kaya ito)
Hooh... 'pagkat nararamdaman
Pag-ibig ating natagpuan

Kahit kumakalabog ang puso ko ay hindi ko pinahalata na kinakabahan ako at baka manginig ang boses ko.

Pagkat nararamdaman
Pag-ibig ating natagpuan

Pag tapos ng kanta, humiyaw ang mga kasama namin at tinukso kami. Mga bwisit talaga. Siyempre ang nangunguna sa panunukso ay si Cindy at Edam.

Malapit na mag alas diyes nang maka-uwi kami ni Cindy sa bahay namin. Tinutukso pa din ako ni Cindy hanggang sa pag-uwi at sa maka-tulog siya.

Napa-iling nalang ako sa kabaliwan nitong ni Cindy. Tumabi na ako sa kanya at natulog na din.