صاحب الظل الطويل((مكتمله))

part 14

#صاحب_الظل_الطويل

14

👑بِسـمِ اللهِ الذي لا يَضُـرُّ مَعَ اسمِـهِ شَيءٌ في الأرْضِ وَلا في السّمـاءِ وَهـوَ السّمـيعُ العَلـيم. 👑

    توقف في الطريق واحضر لها الشاورما والايس كريم.  والكثير من الاشياء كانه يصطحب طفله صغيره

  كانت تاكل وهي تنظر للطريق. 

مهيب: حور  مش بتتلكمي ليه
حور: انت بجد بتحبني.  وله قولت كده عشان ارجع معاك.   وماما وبابا مش يزعلو منك

مهيب :  بصي انا مش عارف من امتي بالظبط حبيتك.  بس  اليوم اللي شفتك فيه بتتكلمي مع عمر كنت مضايق اوي وغيران  .   كنت مبسوط اما بابا رفض انك تخرجي  معاه.   كنت بعاند نفسي   . وبقيت المواقف اللي جت بعدها لو فكرتي فيها هتعرفي اني كنت بحبك

حور : ليه مش حاسه بكده. 

   اوقف السياره في الطريق : اعمل ايه عشان تصدقي ..   قولتي عايزه وقت تفكري وقولت ماشي . مش بضغط عليكي

   حور : يمكن عشان كده مش حاسه انك بتحبني.   حبك بارد زيك

مهيب عض علي شفته بغضب  :  انا مش بمثل الحب.  مش بعرف اقول كلام زي الناس اللي بتشوفيهم .  هو انا كده

حور : اهدا يا مهيب.  احنا بنتكلم
مهيب : هو ده كلام.    قولي انك مش بتحبيني وخلاص.  بس  مش تستهزاي بمشاعري

  رات ملامحه الغاضبه  لتشعر بالندم .

   انطلق بالسياره سريعا بدون كلام .. ليصل في وقت قياسي الي الاسكندريه وصل الي البيت   فتح الباب ودخلت معه لتسرع شويكار اليها وتضمها بحب

يحي :  براحه عليها يا شويكار
شويكار : كنت خايفه عليكي اوي

مهيب : انا هطلع الشقه انام . عايزين حاجه

نظرت له حور بحزن.  

يحي ضمها : زعلان منك اوي.  حتي لو زعلك تيجي تشتكيلي منه وهتشوفي هعمل فيه ايه . مش تبعدي عننا

حور : اسفه يا بابا . انا فهمت كلامه غلط . فهمت انه مش عايزني هنا . اسفه ليكم كلكم علي اللي حصل ومش هيتكرر تاني

خرج مهيب من الشقه وصعد شقته   ليس من السهل ان يعترف بالحب ولكن فعلها لترد عليه هذا الرد . كان يظن انها ستبادله الحب ولكن لا . 

   يبدو انها ما زالت تحب ذلك الشخص الذي كانت تحبه.  لم تنساه. 

اخذ الحمام دافي ليوقف ضجيج الافكار في راسه . وبعد عناء نام من التعب