صاحب الظل الطويل((مكتمله))

part 11

#صاحب_الظل _الطويل

11

👑 اللهم اغفر لي واهدني وارحمني وارض عني 👑

كانت تجلس معه  ليلا يشربون القهوه ويحكي لها عن سفره والمواقف التي قابلته هماك لتشعر بالحزن قليلا

.
ادمعت عينها وهي تنظر له . ليبتسم نص ابتسامه

حور : اما سخنت عملت ايه
مهيب  :  معملتش حاجه.  مكنتش اقادر اتحرك وقاعد في شقه لوحدي مش معايا حد .  نمت من التعب وبخرف.   بس الحمد لله تاني يوم ابتديت اتحسن

نزلت دموعها  .. مهيب : خلاص مش هحكي حاجه تاني.  انتي بتعيطي ليه

حور : عشان صعبت عليا . اتخيلت شكلك وانت تعبان ومحدش معاك

مهيب : عشان كده رجعت يا حور.   الغربه وحشه.  بتضيعي سنين عمرك. بعيد عن اهلك  . انا سافرت بعد اما خصلت جامعه  يعني كنت قدك كده عندي 21 سنه.   وفضلت هناك لحد اما بقي عندي 30 سنه

غصب عنك بتلاقي نفسك مشغوله في دايره الحياه شغل . وحياه مختلفه.   كنت في الاول بتواصل مع ماما  وبابا بس بعد كده.  اتغير كل ده .  بقيت مش بتصل غير كل فين وفين.  

حور : وايه اللي اتغير وخلاك ترجع من السفر

   استنشق من الهواء   وكانه تذكر شئ

مهيب: كنت ماشي في يوم راجع من الشغل.  واحد جاري كان شاب صغير متغرب زي وبيشتغل. 

  لاقتي الشرطه بتنزله من البيت علي نقاله.  مات وهو وحيده في بلد ميعرفش فيها حد بعيد عن اهله. 

   اما شفت جثته اتخيلت نفسي مكانه.    قدمت استقلتي ورجعت في اول طياره مشتاق لحضن بابا وماما

مسحت دموعها بطرف البيجامه .  لينظر لها بقرف .

اخذ المناديل من امامه واعطاها اياها . 

مهيب: امسحي بالمناديل يا مقرفه
حور  ببكاء : ربنا يسامحك.    اتاثرت اوي. 

مهيب : حور انتي بتتاثري من الهوا متتلككيش يا ماما

حور: لا مش من الهوا . انت اللي بتحكي حاجات تحزن.  بس مش بتحس يا تلاجه

مهيب :  روحي اغسلي وشك وغيري البيجامه المعفنه دي اللي انتي عماله تمسحي فيها

حور : يا رخم . قطعت  اللحظه الرومانسيه

مهيب : رومانسيه ايه يا ماما. 

حور : احم. مش قصدي رومانسيه ان في  بينا حاجه . لا.  قصدي حاله الشجن والحزن دي بتفكرني بالرومانسيه

مهيب : هو ده انطباعك عن الرومانسيه يا حور.  شجن ودموع  ونكد

حور  : اه