أحببت أبن عمي

البارت 11

#حبيبتـــــــــــــى..
سأطير بكى الى أبعد من النجوم
الى أرض عمر الحب فيها يدوم
لا يسكنها أحد من البشر والشرور
لا أحد سوى أنا وأنتى و الطيور
سأبني لكى بيتا من الورود
في الصباح نحلق مثل الطيور
فى سماء أرضنا وعند المساء الى بيتنا نعود
لا نأكل فقد شبعنا من كلمات القلب
ولا نشرب فقد روينا...

دانة . شفتهم مامقتنعين بكلام جدو لان يعرفون علي ميعوفني صعدت فوك ودموعي مثل الشلال أريده يجي هنا على الأقل قريب عليه اشوفه خطيه اهله وامه تبجي علي متعودين يشوفو حته من ينزل للواجب أكثر شي ٣ ايام ويرجع ميطول يكول ما ارتاح بره كلت اخابره واكله بلكي يقبل اخذت تلفون نور

نور . لتكليله خطيه ينقهر أكثر من اللازم عوفيهم همه يحلوها

دانة . لا علي تعبان ادري بي ضايج خلي يجي هنا ويحلها مدام عاف البيت وراح ميسوي شي ولا جدو يقبل خلي يجي احسن اتصلت بي رد

علي . الوووو ها حبيبي

دانة . هلو حبيبي شلونك

علي . من سمعت صوتج صرت بخير

دانة . علي راح اكلك شي بس اريدك مترفض حباب

علي . خلي اشوف شنو واذا شي سهل من عيوني ادللي

دانة . حجيت ويه جدو وطلبت منه ترجع للبيت كال خلي يرجع بس عندي شرط اذا قبلتو علي يرجع

علي . يي شنو هذا الشرط بله

دانة . يكول لا خطوبه ولا زواج هسه

علي . هههههههه والله ضحكتيني

دانة . ليش تضحك علي تعال هسه للبيت والله كريم بعدين نحلها المهم ترجع

علي . دانة انه مو كتلج خليها وراي ليش حجيتي ويا ماريدهم يعرفون نحجي بالتلفون رجعه للبيت بعد ما ارجع مستحيل لتفكرين ارجع حته اذا اصالحنه انه وجدي عندي بيت راح يكمل واكعد بي ماشي حبيبي لتشغلين بالج انتي

دانة . واني امسح دموعي كتله والله ضايجه لان انته مو بالبيت علي فدوه الخاطري ارجع

علي . وانه الخاطري خليني اجيبج يمي دانة كل الاريده منج صبر بسسس صبر عمري انتي راح اجيبج هنا ابيتنه جدي راح يقبل وعد

دانة . ماشي حبيبي براحتك سديته منه ونزلت الساعه ب١٠ اسمع بالديوانيه عمامي وسيف رحت يم جدتي شفت زينب وامها سلمت عليهن سلامهن ثكيل من وره خشمهن ردن عفتهن رحت للمطبخ نور خطيه مخبوصه تحضر جاي حضرت وياها اني وديته يم جدتي وهيه ودته الهم يم جدي كعدو سوالف والافتهمته سيف وزينب راح يعقدون فرحت الهم الصبح العقد مالهم طلع جدو من صاحني كدام عمامي وكلهم كاعدين

جدي . شوفي بنيتي انتو رايدين تزوجون مو

دانة . دنكت خجلانه كلها درت بيه رايده علي افرك بيدي كتله يي