أحببت أبن عمي

البارت 8

دانة . لا ما اريد تركته ونزلت اركض دخلت للغرفه نور نايمه نمت بعد ما عيوني غركن المخده تجيني افكار ارجع لأمي ولا ابقه هنا شلون حبيت وما ادري بنفسي كعدت الصبح ذكرت حسن اليوم يجيب النقل مالي بلكي التهي بدراستي احسن بلكي اكدر انسه نزلت جوه نور سوت ريوك الي والها ما شتهيت اكل

نور . خيه ماتاكلين شبيج

دانة . والله ماشتهي دمعت عيوني عفتها ورحت يم خواني يلعبون ويه جهال اجه غيث

غيث .ها دانة شبيج ليش ضايجه

دانة . هههه حبيبي شلون عرفتني ضايجه

غيث . عرفتج مبين عليج اكو شي مضوجج

دانة . لا حبيبي بالعكس هنا حلوه العيشه يله راح ادخل جوه انته دير بالك ع احمد وسرمد ليوكعون

غيث . يي هوه احنه انلعبهم حته ليتعاركون

دانة . دخلت جوه عزلت المطبخ وغسلت المواعين نور نظفت البيت رحت بالديوانيه

جدي . هله بيج بعد جدج تعالي يمي

دانة . تقرب يمه بست رأسه ورحت الجدتي بستها يسولوفون ع ابوي الله يرحمه شلون حب امي واشلون حاربهم وازوجها تقريبا علي بي صفات هواي من بابا إصراره ومحبته الي مثل بابا حبهم مستحيل يتنازلون عنه صعدت مددت مادري شكد نمت كعدتني نور

نور . عزاا ولج شبيج شنو هاذا النوم الساعه ب٤ العصر كومي

دانة . كمت ضايجه نور خلي نطلع عفيه مختنكه

نور . اسم الله حبيبتي شبيج هسه نروح للصالون موتردين سوين تغيير بلكي تتحسن من حالتج شويه

دانة . يي يله خلي اكوم احضر نفسي منو يودينه

نور . امي يله نازله اكللها

دانة . حضرت نفسي ورحنه ويه عمه ام علي

ام علي .انه رايحه للسوك ومن اخلص امرلجن

دانة . بلشت بيه كتلها شويه اخذي من حواجبي كولش ثخان وقصرتهن هم حفت وجهي تكلي انت سمره خلي شويه وجهج يفتح سويت مساج وبعدين فتحت شعري كتلها كصي مدرج وأريد اغير لونه صبغته ماروني فاتح فتح بشرتي بعدين باوعت الشكلي متغير حييييييل هاي اني هههههههه

نور . اللهم صلى على محمد وال محمد والله عبالك عروس طالعه تخبليين

دانة . اجت خاله ما شافت شعري بس حواجبي تكلي مغيرات شكلج كله رجعنه للبيت رحت سبحت اخذت دشداشه سماكي قريبه اللون شعري أحب اللون هذا سبحت وطلعت نور كبست شعري

نور . تخبلين والله غطيتي علي

دانة . ههههههه احسن
كملت ونزلنه جوه جدتي تهلهل تكول اليوم اشوفلج خطيب

ام علي . صلاوات يمه يخبل شعرج عين الحاره بارده

دانة . خجلتوني بعدنه نحجي ودخل علي وزينب وهيه المكياج الطوخ والموبايل بيدها ولازمه ايد علي جايبها وجاي مكيف بروحه سلمت عليهم بس هوه مبين اعصابه عيونه الغضب بيهن مثل كل مره تقصدت امشي كدامه واحرك دمه