السلام حبايبي
استمتعو
2599 كلمه
نبدا
________________________________
صحى من النوم شاف ساعته كانت الساعه 6ونص المغرب انتبه انها
مو بفراشها راح للحمام(وانتم بكرامه) طق الباب بس كان فاضي
مؤيد: سطاام قوم ياسر مو فيه
صحى سطام من سمع اسم ياسر: يمكن راح الصاله عند العيال
طلع مؤيد من الغرفه و وراه سطام شافو
الشباب نايمين للحين وماكانت معهم
مؤيد يسحب فيهم عشان يقومون: شباااب قومو ياسر مو موجود
بندر يتثاوب: ليكون بالحمام؟
هزاع يتمغط: يمكن طلع
امير قام بسرعه: اكيد زعلان مننا عشان كذا طلع
مؤيد: الولد تعبان ومختفي وانتم للحين تتكلمون قومو يلا
قامو الشباب يبون يدورونها بس قبل يطلعون من الشقه وقفتهم
صوت صرخه كانت بتوقف قلوبهم ركضو للمطبخ جهت الصرخه
بس وقفو بصدمه من المنظر الي قدامهم كانت شوق واقفه على
الطاوله وبيدها قدر الغداء وفمها فيه اكل وشعرها منكوش شوي
شاهر: ياسر!!!! وش طلعك فوق وانت بهذي الحاله مجنون!!
شوق ناظرتهم وهي تبلع لقمتها بسرعه بغت تغص وهي تأشر
لهم بالملعقه: هناك شوف ورا الثلاجه بسرعه
مؤيد راح لثلاجه وعقد حواجبه وناظرها: قصدك الصرصور؟؟؟
الشباب ناظروه مع بعض: اييششش!!!!
شوق: أذبحه بسرعه تكفى ترا يطيييير
مؤيد تنهد وهو ياخذ المكنسه ويذبحه راح شاهر لها ومسكها
من يدها عشان ما تطيح ونزلها عشان تجلس على الكرسي
تميم: هذا كبرك وتخاف من صرصور!
شوق: ياخي لو أسد ذبحته بس هذا صرصور مو لعبه ماينمزح معه
سلطان ضرب راسها بخفيف: والله لو دينصور ماخفت كذا
امير جلس جمبها: اموت واعرف وش قومك من سريرك وانت تعبان
شوق تأشر على بطنها: هذا قومني وقال يبي اكل
مؤيد: كان قومتني ترا مجهز لك اكل
شوق ناظرته وكشرت: ذقته وما عجبني صراحه
بندر ناظرها: كيف ما اعجبك اكل مؤيد دايماً حلو
