السلام
3529 كلمة
اتمنى يعجبكم البارت
اعذروني على الاغلاط💙.
_____________________________
صحت الساعه 12الظهر كانت تحس بصداع قوي ناظرت
سرير سطام ماكان موجود وراحت للحمام(وانتم بكرامه)
تروشت ولبست وتجهزت اخذت جوالها ومحفظتها كانت
الصاله هاديه ومرتبه(شكلهم قامو بدري وطلعو) طلعت من السكن
تتمشى وتناظر حولها مبتسمه من جمال المدرسه وفخامتها انتبهت
لشاهر من بعيد يأشر لها وكان معه سطام ابتسمت وتوجهة لهم
بس لمحت ولد مو غريب عليها ركض من وراهم وحضن
سطام الي صرخ على طول وحاول يفكه
سطام وهو يحاول يتنفس بصعوبه: شـ شااهرر ابـ ابعده
شاهر بصراخ وخوف: ابعد عنه بسرعه؟
سطام بدا يختنق ويفقد تركيزه شاهر يبي يساعده بس
مو عارف كيف يبعد الولد بدون ما يلمس سطام شوق جتهم
وهي تركض انتبهت لتعابير سطام ووجهه الي بدا يحمر ويعرق
مسكت يد سطام وشدته بقوه وهي تدف الولد برجلها عشان تبعده
طاحو كلهم بس الولد قام من مكانه بسرعه وركض اما سطام
طاح عليها وهو دايخ ابعدته عنها وقامت بسرعه
شوق ركض وراه: شاهر خلك عند سطام
شاهر رفع سطام الدايخ: تعال ساعـ...
ماكمل كلامه لان شوق سحبت عليه
وركضت ورا الولد قبل لا يبعد اكثر
####
بمكان ثاني في نفس المدرسه جالسين بالحديقه الاماميه
يسولفون يستنون الشله تكتمل عشان يروحون يتغدون
بندر: ياشباب مو كانهم تأخرو!؟
هزاع: يمكن ماقام من النوم على طول اصبر
بندر صرخ: جوعااااااااااااااان
سلطان ضربه على راسه بخفيف: وجعااااا حنا
جمبك ليه الصراخ قالك اصبر شوي
تميم وهو يأشر: شباب شوفو هناك مو كأنه ياسر يركض؟
ناظرو الشباب للمكان الي اشر عليه تميم وهم مستغربين
مؤيد: الا هذا ياسر وش فيه ليه يركض
بندر: من الولد الثاني الي يركض معه؟!
شوق صرخت من بعيد: امسكووووووه
اشباب ناظرو بعض مو فاهمين شي وناظروها
شوق وهي تصارخ: قلت لكم امسكوووه قبل ييطلللععع
الشباب ناظرو بعض بسرعه وهم يقومون من مكانهم واقفين
بطريق الولد يبون يمسكونه لف الولد يسار يبي يروح من
الجهه ثانيه بس ماهي الا ثواني وحس بشي ثقيل طيحه على الارض
وما قادر يتحرك كانت شوق الي نطت عليه اول ما شافته يلف
جالسه فوق ظهره ومثبته يدينه ورا ظهره عشان مايتحرك
قربو الشباب لهم بسرعه
