قرارات خاطئة 🌷

الحلقة الاولى

#قرارات_خاطئة 📝
🔥الحلقة الاولى 1🔥
بقلم:هيمو tk

👑H e m o t k 👑

____________

عهد كانت مقعمزة علي كرسي والبحر مقابلها وتبكي
جنات:خلاص اهدي حبيبتي اكيد في حل رااح انلاقي حل ماتخافي
عهد:تعبت ياا جنات لا امتى بنقعد في الغربة امااليا لازم يعرفو شن صاار معاي لازم
جنات:طيب نحنا مو بلعصر الحجري اكيد راح انلاقي شي حدا يساعدنا يعني معقولي مافي ليبين بكل المانيا
عهد:وكان لقيت ليبين كيف بيساعدوني واني مانعرفش كيف بنوصل في اماليا
جنات:طيب مو حافظة ارقام وفهمناها معقولة ماعندن انترنت بلبيت
عهد:حني عايشين مع خالي في حوش جدي يعني اني وماما واختي ومن فترة صارت مشكلة كبيرة مع بنات خالي بسبب النت ومن هداك اليوم خالي منع علينا نفتحو نت بكل  والمشكلة اماالياا   حولو بعد عرسي طول ومانعرفش وين سكنو وبنت جيرانا ملقيتش ايميلها بكل 💔
جنات تنهدت:انشاء الله منلاقي حل ماتخافي ادعي بس
عهد شبحت لي السمي وسرحت ودموعها ينزلو

__________

قبل سنة ⏩

____________

في طرابلس يوم 4\4\2016

الساعة 5 العشية

كانت عائشة مقعمزة قدام الحوش تحت التوتة وشادة السبحة في ايدها وقدامها طاولة عليها طاسة شاهي

جتها كنتها فدوى قعمزت مقابلتها :اسمعي انتي اتصلي بي ولدك قوليله يجيب خضرة للحوش التلاجة تصفر
عائشة شبحتلها وسكتت
فدوى:تسمعي فياا باهي اللي ساكتتلكم اني وانتو معيشيني في فقر حتى ماكلة زي الناس ماناكلوش اصلا ولدك مش متحمل المسؤلية بكل كان منقولوش جيب انموتو بشر
عائشة:احمدي ربي عندنا ماناكلو في غيرك شوفانين في طرف خبزة
فدوى::لااااا والله مافي واحد شوفان غيرنا الناس كلها في خيار خيرها
عائشة:تو ربي يرزق معليشي تحملي
فدوى:تحملت وعييت ياسر مرراتي فاضت ودفت الكرسي وناضت خشت
عائشة :ربي يهديك

________

مقدام :ها شن صار عرفتها خيرها
فهد طلع من تحت السيارة وقف وفتحها من قدام وطبس راسه فيها:هادي تبي خدمة هلبا يااراس راهو ماتكملش اليوم
مقدام:لا لا !! باهي امتى تكمل هكي
فهد:نسهر عليها اليوم وغدوا مع العصريات انكلمك
مقدام وخر وقعمز علي الكرسي
فهد :باهي غير شن صار فيك شفتلي الموضوع اللي قتلك عليه
مقدام :زي ماقتلك قبل يبوك في فرع الشركة الرئيسي في مصراتة
فهد:تي لالا ياراجل مانقدرش نمشي نخدم في مصراتة امي ماتبيش اتسيب حوش بوها واني مانقدرش انخليها
مقدام:تي باهي حاول تقنعها يااراجل حني ماصدقنا القينا وين انحطو ملفك المشكلة شهادتك مليحة ومطلوبة عندنا
فهد:ماخليت وين رفعتها شهادتي قعدت سنين واني نتطايح للناس وماحدش قبلني
مقدام:تي ماهو مايجيش هكي يافهد واخد شهادة لغات وترجمة فورية وتخدم في ورشة
فهد:امي يا مقدام والله ماتبي تطلع من مكانها واني مانقدرش انخليها مستحيل وبعدين خلاص مدام ربي باعتلي رزقي خليني هني وخلاص
مقدام شرب طاسة الشاهي وناض وقف :المهم انت زي فمر في الموضوع وكلم امك حاول تقنعها واهو اني نخدم فيها وحطوني مسؤل في مكتب هني ماتندريش مرات حتى انت يحطوك في طرابلس