حسناء الديزر "انا العاشق لعيناك فبرب العشق ارحميني"

الجزء: 18

-حل فيها عينه الحمور : احساان عااافك صاافي سكتي والله حتى عياان بغيت غير نغمض عيني ونعس عااافاااك خليني نعس وقيلا غنموت -  رجع غمض عينيه وتقادد فنعستو عليها خلااها مبهوضة قربت يديها باغا تدفعو مقدرتش يديها كيترعدو عليهااا حطتهم بجوج على فمها حابسة كاتمة شهقتها والصرخة لفيهااا مقدرتش تحمل هااذ الموقف لمحطوطة فيه  نص فيهااا باغي يغوت عليه ويعايرو ويعاتبو من بعد يجري عليه وبااغي يشوفو كيموت قداااام عينيه ونص اخر مقااادرش يدير والو بارد عليها حاسة بيه ماشي منهااا اصعب حاجة تكوني داخلة فصراع مع داتك وحتى شي حاجة ممتافقة فيك قلبك كيشرق وعقلك كيغرب كلشي ضددك حتى نفسك لهي ملك ليك  مجاتش من جبهتك وعاكساتك فكلشي عقلك يفكر فمعناتك وتم تم يرجع يفكرك فالايام الزوينة  كيبقى يدير ليك  التناوب بين الجوج حتى كتبغي شي حاجة فيك تطرطق حيت فغي كثرة التفكير كتقتل العقل وكتسحق القلب وبالتالي كيوقع ليك بلوك تبقى مكوانسي فبلاصتك متعرف اش دير هاذ الشي لواقع لإحسان دابااا غارقة بين مشاعر الكره والحنين  ومزال تخمم شكون تختار شكون لصالح ومناسب ليها على الأقل هي باقا عندها القدرة فين تفكر وتقرر اماا ديزر هذااك تسهط جاااب التمااام الخيوطة لكانو بقاو ليه فراسو تقطعو  عقلو وقعليه ارتجاج لدرجة مبقااش قادر حتى يفكر بالأمر جااتو صعيبة يتقبل قاصحة على قلبو ..قبل بشوية كون جاو قالولو بلي نت غاادي تطيح فبنتك وغاادي تكون. نت سباب عدابهااا كااان غاادي يضحك حتى الموت حيت شي حاجة هااذي لي جاتو اوڤر على قلبو وقااصحة على كااع كيااانو  مكذبش باش قوليها بلي ضايع بين اللا موت والاحياااة من كثرة الارهاق لكيحس دخل فسباب نوم عميق هاذي شحال  منعس بحااال هاذ النعسة لدرجة يمكن حتى اللاوعي ديالو نعس ..  فغي كااان عياااان ومسخسخ مقادرش يهز راسو- خرجت ايمان من البيت حيت ملي سمعت حسهم تقطع كان يصحاب بيها غيكون مشى مي لمحت إحسان جالسة وزين ناعس عليها مفهمت وااالو دوات مع إحسان بالاشارة زعما اش واقع ..إحسان هزات ليها كتافها بمعنى معرفتش ..من بعد حاولت إحسان تنوض وتسلت منو لكن هو كان متشبت بيهااا بزااااف ..دازت ساعة وهوماا على نفس الوضع حتى زاااد غرق فنعااسو وشد فيه مزيااان عاد تسلتت منو بشوية بعد منو كتشوف فيه كيف ناعس كيتنفس بشوية باين فيه هاذئ ..اول مرة غتبقى ساهية فيه وفتفاصيلو  قالت فنفسها لشافو هاكااا يحلف عليه ما ذاااك الوحش-حيت فغي كان يباان كاالم هاذئ مسالم....

‌نفضت راسها من هاااذ الأفكااار مقحصة قلبها من جديد مشات دخلت البيت - ايمان : على سلامتك من نضتي مشى بحالو ؟؟ - إحسان :(بحزن ) لاا مزااال ناعس معرفتش اش ندير ليه - ايمان :  لمبغااش انا يتفهم لي واش معندو فين ينعس  باش يجي لهنااا واااش هااذ السيد بعقلو جاي لهنا باش ينعس ..من نيتو - إحسان : والله معرفت اختي شنو باغي يوصل لي بهاااذ التصرف معرفتش شنو باغي بالظبط - ايمان : زعما يكون جاي يبرر ليك ويطلب السماحة - إحسان  عضت على فمها حابسة دمعتها : مسمعتش من عندو كاع كلمة سمحيلي  حتى باش جيت نهدر ونكول كاع داك الشي لضارني فخاطرو مخلاانيش قالي باغي غير نعس جرني جلسني ونعس عليااا ..معرفتش اش وقعلي اختي تبلوكيت مقدرت ندير وااالو واش حيت بقى فيااا ولا - قاطعتها ايمان : علاااش نت كنت تبقاااي فيه ؟؟ اااا - إحسان : انا كندوي على بابا خويا مكندويش على داااك الوحش - ايمان : صااافي تقبلي خلاااص بلي. دااااااك الوحش هو نفسو. باباك خووك ..هوما بجوج نفس الشخص - احسان : هئ هئ هئ هي حتى هو مقااادرش يتقبل ماشي غير انا لمقاادراااش ..-ايمان:  عندك جوج حلول ا احسااان ..غير جوج حلول صااافي باش تريحي راسك من هااذ العذاااب - احساان : شناهوما - ايمان : خص يبقى غير واحد فعقلك تبقاااي تشوفيه غير بصورة واحد اما بصورة باباك خوك وتمحي الوحش  من عقلك ولا تخلي الوحش وتمحي باباك خوك ..اما باش يبقاااو بجوج راااك غير غاااادي تمرضي راسك ومغتوصلي حتى لشي نتيجة لترضيك وتخلي حياتك تستقر ديما غتلقاااي معذبة -احسان : هئ هي هئ هئ  هذااا هو المشكل مقااادراااش نختااار حيت هئ هئ هئ هي حيت موحشة بابا خويااا بزاااااف هئ هي هئ - ايمان : هو علاااش زعمااا مرض علاش مباغيش يتقبل واااش زعماا عااد فاق فيه الضمير عاااد جرب يكون بنادم ؟؟ - إحسان : هئ هئ هئ هئ ممتقبلش حيت قاليك  لقى راسو غاارق فاحسان وكيبغيهاا ...هي هئ هئ هي هي هو ممتقبلش فكرة انه يبغي بنتو والعذااب لدوزو عليها - ايمان :(بحزن ) حالتكم بجوج صعيبة اختي صعيبة بزااااف كوليلي اإحسان فاااش غتلقاااي راحتك ضروري غاادي تكوني كتفكري فشي حاجة بااغا تديرها - إحسان : معرفتش ..كون كنت عارفة ومقتانعة بشي حاجة كون راني درتها اختي مي الحد الآن مزال متوصلت لوالو كنت نقول دماغي حابس على التفكير حيت كون مقصحة من جهة ولدي هاهو ولدي داباا رجعلي ومزاااال مقدرت نلقى حل ليااااا يمكن نخلي الامر الله هو لغيتصرف فيه - ايمان : ونعم بالله - زين العابدين ضرباتو الفيقة حل عينه لقى راسو عندها عااد تفكر كيف دار وصل لهنا حك رااسو نادم وكااره رجليه لجابوه حط يدو على قلبو ونااض الباب كانت هي خارجة من البيت شافتو ناض غادي الباب فتحو مي قبل ميخرج دار شافها ورااه فاصلاهم مسافة قليلة مكملش فيها الشوفة وخرج ساد الباب من وراااه -تحطت على كتفها يد ايمان : مشا ؟؟ - إحسان : اه مشاا - ايمان : كيف قلتي لا نت متقبلة ولا هو متقبل اللهم تخلي الامر الله ولجات من عندو مرحبااا - ---فتح الباب دخل علاقات بسعيدة لكانت اصلا كتسناااه شافتو قربت ليها شداتو من كتافو. : ولدي نعطيك  تااكل - حرك راسو بالنفي -سعيدة : عاافااك اولدي كول غير شوية حتالين غتبقى قاطع النعمة غتهلك غير راسك - زين : باغي نهلك راسي - دخل الكوزينة جبد من ثلاجة قرعة الشراب هبط عليها كاملة من بعد دخل البيت تلاح فوق السرير ...