حسناء الديزر "انا العاشق لعيناك فبرب العشق ارحميني"

الجزء: 15

احسان : انااا ديك الصفحة طويتها مباغا نتاقم من حتى حد ربي بوحدو لغينتاقم وغادي ياخد لي حقي من لي ظلمني داك الشي لكتقلب عليه مغاديش تلقااه عندي انا مصدقت حتى هربت منو باغي تعاود تلوحني الجحيم مرة خرا - رامز : اه او بنتك غادي تخليها تموت ..بنتك العد العكسي ديال حياتها بدى وقيلا مفهمتيش طبيب اش قال راااه بنتك متقدرش تزيد تصبر مزاال تقدر تموت ليك فاي لحظة تقدري تعيشي من بعد ونت سباب فموت بنتك حيت فرصة انك تنقديها كانت بين يدك وضيعتيهاا ااااا؟ .سمعي نكوليك انااا عارفك بلي راكي خايفة منو ولكن هاذ المرة ماشي بحال لسبق هاذ المرة غادي تكوني مراتي يعني معندو كيف يدير يوصلك ولا يحط يدو عليك اناا لغادي نحميك منو مغااديش يقدر يقرب ليك غير كوني هانية  الى تزوجتي بيااا غادي تغير حياتك للاحسن وغادي تضمني عيشة زوينة لولادك. لمجهولين معندهم حتى سمية غادي نعطيهم كنيتي وبهاكذا حياتك غادي تسقر ..غير شهر واحد الى حطيتي يدك بيدي نقدرو نقضيو عليه من بعد الى بغيتي نطلقك معندي حتى مشكل نطلقك وعيشي الحياة السعيدة لكتحلمي بها مع ولادك  غادي نمشي دابااا وغادي نخليك تفكري ونتمنى انك تفكري بعقلك مزيااان ومتنسايش حياة بنتك بين يديك-عطاها كارط فزيت دياالو ومشى  &نهاية الفلاش باغ - فاقت من سهوتها   شادة تلفون بين يدها كترعد الظغط نزل عليها من كاع جوايه فكرة انها تخسر بنتها كتحرقها  غمضت عينيها ودوزت الابيل - عند رامز كان حاط رجل على رجل وكيلعب بالطيلي كيتسنى اتصالها لمتاكد منو  انه غادي يوصل عارفها معندها حتى شي كل من غيرو غير طلعات ليه الابيل تبسم بستهزاء فتح الخط وسمع كلمة من عندها لخلاتو يغرق ابتسامتو الشريرة سمع الموافقة من عندها ---خمسة ايام كانت إحسان شدت بنتها بين يدها كانو جالسين بثلاتة فالشقة لشراها ليهم رامز وسط المدينة - رامز : هاهي بنتك بين يديك هاني وفيت بوعدي ليك جات دورك نت - احسان : ياااك سنيت على وراق الزواج شنو باقي خصني نيدر خر - رامز : تلعبي معايا دور الزوجة قدام عينين ديزر  مي قبل خصني نعرف ديزر على ولادي - إحسان : كتقصد صهب وصرب..

رامز : تماماا اول حاجة غندير غادي نخليه يحس بتانيب الضمير من جهة ولادو  ابغي عاد غادي تباني نت معايااا فحفلة عقد الشراكة لغتكون بيني وبينو - إحسان :غااادي يشك اناااا متأكدة غادي يعيق بيهم ولادو هو كان عارف عندي الثوام او داباا ملي يشوفني غادي يعيق بيهم ولادو وغيبغي يقتلهم - رامز : امممممم وقيلا بصح عندك الحق عرفتي شنو باش يتقطع ليه الشك وتمر عليه القصة لغنالف ليه غادي نبينو ليه غير صرب بوحدو ...وحاالياا غير صرب لغادي نسجلو بسميتي  - إحسان : او بنتي ؟؟ - رامز: غير يسالي هاذ الشي حتى هياا غادي نسجلها  وااعدتك لكن حاليااا عندي الغرض غير بصرب وعاد خصني نبدل تاريخ الازدياد ديالو نقص منو باش واخا يشك ويبغي يبحث ميلقى والو -احسان تنهدت وحركت راسها بالايجاب خاطرها مهنيهاااش &اصبحنا واصبح الملك الله زين العابدين كان جا المغرب زار قبر بااه  من بعد داز الشاركة-؛  متكئ على كورسي وطالق رجليه على البيرو شاد تلفون بيديه كيلعب  تدق الباب ودخل منو رامز طلع فيه ديزر حاجبو - رامز بضحكة مصطنعة : ديزر فالمغرب  فين غبورك توحشنااااك ملي كالولي جيتي الشركة تفاجئت اووفرحت فنفس الوقت حيت نت قليل اصاحبي فين كتبااان كتغبر غبرة ديال الموت الى بغينا نشوفوك خصنا نديرو عليك الطلب ديزر بلا ميشوف فيه : هانتا شفتيني - ديزر جلس فالكورسي : ايوا فين شادها - ديزر :واش انا كتليك كلس - قاطعهم صوت بكا دري صغير او  السكرتيرة كتدق فالباب  - ناض رامز فتح ليها خدى من عندها صرب كان عقلو. غيخرج من البكااا رجع جلس فبلاصتو شادو بين يدو ديزر مطلع حاجبو بستغراب مفاهم والو - رامز : شششش صافي سكت اولدي صاافي شششش - ديزر : ولدك ؟؟ - رامز : اه ولدي ..علاااش مفخباركش بلي تزوجت - ديزر : (بسخرية ) مكنظنش بلي راك كتهمني حتى لهاذ الدرجة - رامز : ههههه اه بصح. هههههه عندك الحق  هههه اصلا كلشي جا على غفلة أو بالصدفة مكنتش متوقع بلي غيجي شي نهار لغادي نتزوج فيه ونولد لكن كلشي كيجي فجأة - ديزر : بلا قوة الهدرة تقدر تسكت ولدك ولا تخرج تقود نت وياه حيت ضرتوني فراسي - رامز  حطو قداو فالفوطوي وناض : اناااا جااي دابااا غنمشي نجيب ليه غير الحليب ديالو ونرجع نكمل معاك الهدرة - خرج وخلاه معااه ديزر بقى غير مربع يده وكيشوف فيه حتى ناض يبكي ثاااني  بالجهد ..حط يدو ساد بيها ودنيه : ششششش صااافي سكت صااااافي صاااافي سكت صااااافي - دوز يده على وجهو رااافض انه يتفكر ولااادو  نااض لجهة فين محطوط صرب كيغوت عليه : صااافي سكت صااااافي ..راااك صدعتيني فكري صااااافي سكت ..ولاااا غنقتلك سكت -صرب عااد مكيزيد يبكي وكيتحرك فبلاصتو بزاااف ديز كيحك اسفل راسو بثوتر دورة لغيدور كيبان ليه صرب غيطيح بلا ميفكر كان شادو بين يديه ونفس الوقت غمض عينيه ريحتو ماشي غريبة عليه : شششششش صافي شششش صافي سكت ششش- حط يديه على وجهو كيمسح ليه دموعو. وكيسكت فيه  وبالفعل سكتلو ونعس ليه بين يديه  جلس وجلسو فوقو كيطبطب عليه  وكيتلمس ليه فوجهو  فتح الباب رامز تبسم بنتصار قرب ليه  بغى يهزو - ديزر : غير خليه ناعس غتقيسو  غيفيق - رامز : لا حيت باغي نمشي مو كتسول عليه - ديزر باس ليه على راسو  و مدو ليه بشوية -خداه من عندو وخرج وعلى وجهو علامة الانتصاار ...-  جااا اليوم الحاسم اليوم الحفل  لغتعلن فيه الشراكة  كااانت حفلة كبيرة كتضم كاع رؤوس اعمال الشركات العملاقة وغير الشخصياااات  ...والبروتوكول حاضر تم  بالجهد  - احسااان كانت مزاال كتوجد راسها دايرين بيها لكوافير دايرين خدمتهم فيهااا لبساات كسوة طويلة بالكماام وشاال تقدااد بطريقة زوينة مكايجها كان قوي ركزو ليها على العينين وبرزوهم ليهاا مع عكر حمر قاتم بين ليها فمها مثير مع اول مرة ليها غتدير المايكااب كانت النتيجة وااو  معرفتش راسها ملي شافت فالمراية جاتها نفسها بحال الى تبدلاات...