أحببت أبن عمي

مشهد

دانة . والله جدو ماعرف والله كتلها بس ماسمعتني كل ما اكوللها تكول شنو تاكلون لعد من يصخمك يوكلكم

الشيخ محسن. انه تالي عمري عكالي يطيح بسبب وحده كح ....... ولكم مو كتله عوفها ماتوالمنا ولا منااااااا ليش عاف بنات ديرتي وراااااح بس هوه هم كو...... لوما كو...... مازوج هيج وحده صاق......

علي. جدو هدي هدي انشاء الله نلكاها لهلفلتانه وين تروح والله ادور بغداد شبر شبر واطلعها بس لتعب روحك

دانة. اسمعهم واخوتي كلهم شابكيني ومن الخوف حته صوت بجيهم ميطلع نزلت راسي اشم بيهم والدموع توكع مانطتني مجال اشوف عدل غواش وصداع احس نفسي راح اوكع بعد ماكدر مغصتني بطني ولعبت نفسي حسيت نفسي راح اذب من راسي طفرت مادري منين جتني القوه دفعت خواني وركضت لازمه حلكي بثنين اديه اصيح وين الحمام بس حجيي مامفهوم لان ماكدر احجي فتهمو علي اشروا عله الحمام برا الديوانية اركض وولد صغير وراي يكلي منامنا فتت للحمام هنه خطوتين بس احسها سنه عله ما وصلت ذبيت من راسي واسمع تكسير وصياح غسلت وطلعت رجعت النفس المكان

علي. جدي هاي بس لااااااااحاااااامل وعلي اكتلها بكانها جايبتلنا نغل وجااااايه

الشيخ. لاااااا بس لا يكون البالنه صاير والله ادفن عكالي هاااي تاليتها بت حسين جايبتلي نغل وجايه

دانة. اسمع حجيهم بس روحي ماتشيلني ابرر ع نفسي وكعت بالكاع واخوتي يضربون بخدي يكعدون بيه بين الصاحيه وبين المتخربطه ماكدر ارفع ايدي

حسن. يمه نوراااااا تعالن شيلن هاااي منااا

الشيخ . حضروا السيارت خلي نوديها نفحصها واذا حبله لاتردوها للبيت

علي. جدي انته تحجي صدك وين نوديها نفحصها والديره كلها تعرفنه تريد تشهرنه

الشيخ. وانه امشي بحجيك اكلكم اخذوها فحصوها لاتردونها اذا مصخمه لاااااااتردوها

ام علي. عمي انه اعرف وحده ثقه راح اخليها وفحصها انشاء الله موحبله يمكن تعب الطريق هاذا الفرحه صغيرونه وخلستوها ماطيتوها مجال ترتاح هالله هالله وياها

حنين. يمه لااا ترا الجده ام حسام جناينها مايضمن شي خلي واحد يجيب الها تحليل مال منزل وانه اخليها تحلل بي

علي. شلون صاير هاذا

حنين. خويه هاذا يصير نايلون صغيرون المره من تحبل وتريد تعرف نفسها اذا حبله تحلل بي ومظبوط انه حللت بي ومجربته جيبه انه احللها بي

علي. رايح أجيبه واجي

دانة. اسمعهم افتح وارجع اسد عيوني بس اصيح موحامل مو حامل بس صوتي من يسمعه وهمه ماشاء الله صوتهم عبالك سماعه ويحجون بيها جدي وجها مطعون احمرررر وعلي شكله يخوف ويرعد رعد من يحجي وهذني النسوان كاعدات يم راسي يحجن اجن كومني

حنين . يمه خلي اسبحها عركانه ومدمره نفسها شوفي بنطرونها مدمر طين عزااا هاي شلون لبستي فلك صابج لازكه روحج بهالبطرون عليمن

ام علي. يي يمه طببيها سبحيها رايحه اجيب الهاا شي تلبسه

دانة. نزعتني هدومي صحيت ع نفسي تريد تنزعني الداخليات بعدت اديها كتلها لااا اني اني اكمل طلعي

حنين . خايبه ماتكدرين انه اسبحج

دانة. لا لا اني اكمل طلعي

حنين . عفتها وطلعت صار بوجهي علي

علي. هاج هاذا التحليل خلي تحلل هسه هنا واكف اتانيها يله بسرعه

حنين . اي خويه هسه اخليها اسوي دخلت عليها كتلها هاذا تخلين بي ادرار وتطينيا

دانة. ماعرف شلون اخلي بي درار ادري بنفسي اذا كللهم منا الباجر مو حامل ميصدكون فه خليتهم ع راحتهم بس اريدهم يصدكون اني مو حامل علمتني علي شفته بسرعه طلع خط واحد دكيت الباب صحت يبنيه مديت ايدي من الباب حته اطي الها بسرعه نسحب من ايدي

علي. انتضرتها واكف باب الحمام بس دكت الباب سحبته من اديها شوفته الحنين

حنين .لا لا خويه البت مو حامل

علي . متأكده حنين تعرفيله لو اودي للصيدليه

حنين .لا خويه اعرفله اكلك والله مو حامل طلع خط واحد

علي . تنفست واخذت التحليل اباوع بي وعيوني دمعن صعبه كلش صعب هيج شعور عدنه البنيه مثل النجمه صعب اليوصلها واليمسها بحجايه بس بيت عمي حسين كلب كل موازينه وخلانه نتراجف ومنعرف شلون نحلها ورطنه ويه ناس لا الها راس ولا الها ساس

يتبع . قصه حقيقيه مشوقه فقط غيرت الأسماء وكم شغله حته مينعرفون الابطال التنزيل يومي