طفولة مغتصبة (كاملة)

الماضي 💔

♣️ طفولة مغتصبة ♣️
ما ذنبي ؟!... 💔
الجزء : 1
                       •°•°•°•°•°•°•°•
كانت ݣالسة فباب الدار بنت صغيرة تكون باقا مفاتتش الخامسة عشر من عمرها  مفيكسيا عينيها فواحد القنت و مركزة مع البنت لي ݣالسة تماك ... كيقاطع تركيزها صوت كينادي ليها
.....: سرور ..فينك
سرور : (دورات وجهها كتبان ليها ماماها هابطة فدروج) هاني أ ماما
ليلى : (ݣلسات حداها) أش ݣالسة كديري بوحدك هنا
سرور : (هزات كتافها و شيرات ليها فين ݣالسة داك البنت)والو .... ماما علاش فينما كانجيو عند الميمة كتكون ديك البنت ݣالسة تماك بوحديتها
ليلى : (هبطات ليها صبعها لي كانت مشيرة بيه) شحااال من مرة كنقول لك أ بنتي متبقايش تشيري على ناس ...( حولات نضرها لداك البنت و سهاااات شحال عاد حولات نضرها لبنتها و نطقات ..) هاديك البنت سميتها صفاء كنعقل فاش كانت باقا صغيرة كانت كي نويويرة مسكينة ...الله ياخذ الحق فلي كان حيلة و سباب حتى رجعها هاكا ...
سرور : (طلعات راسها فماماها بفضول) علاش أ ماما مالها...؟!
ليلى :  هاديك البنت كانت كتقرا مع خالتك مريم ...
سرور : واااو واش هي قدها قد خالتي مريم
ليلى : أاه أ بنتي كون ما داكشي لي وقع ليها مسكينة كون راها كتقرا قد مريم (تنهدات و كملات) بعدا مضيعاتش راسها ...
سرور : علاش شنو وقع ليها أماما ...قولي جاني لفضول نعرف ...
ليلي : عارفة راسك غيضرك  يالله سمعي💬...
                       •°•°•°•°•°•°•°•°•
قبل 10 سنوات
سررررر....سرررر
صوت جرس المدرسة إبتدائية تلاميذ داخلين مجموعات ..شي كيضحك و فرحاان ...شي باقي فيه نعاس ..شي محاملش أصلا يدخل ...كانو داخلين جوج بنات وكيهدروا
مريم : واا صفاء مالكي أ صاحبتي
صفاء : (مهبطة راسها للأرض و مدليا شنايفها) والواا ..نتي عارفاني مكنحملش ندخل عند داك أستاذ العربية .. مكنحملوش
مريم : من نيتك كلشي فالمدرسة كيعجبو أستاذ حفيظ ضريف .. و كيضحك.. و نشيط ...
صفاء : يااه ... و أنا ماشي هي داك كلشي باش يعجبني داك شارف
مريم : دابا غير قوليلي أش دارليك حتى مكتحمليهش
صفاء : من عند الله ..صاف تهنيتي ..(سكتات فاش لمحات الأستاذ حفيظ داخل و مع لمحها دار واحد الإبتسامة خبيثة على فمو مبينة سنانو لي ريبهم زمان أما صفاء مع شافت إبتسامتو لكتخلعها هبطات راسها و بدات كترعد)
مريم : صفاااء ..يالاه نطلعو راه جا أستاذ
(جراتها وطلعو بقاو دايرين صف قدام الباب حتى طلع الأستاذ حفيظ حل ليهم الباب)
حفيظ : صباح الخير (دخلو تلاميذ و ݣلسو فبلايصهم منوضين لهاراج و من سوء حظ صفاء كانت ݣالسة فطاولة لي قدام مكتب الأستاذ) ... أمم يالاه نبداو ..صفاااء (طلعات فيه راسها والخوف متمكن منها)
صفاء : نعم أستاذ
حفيظ : نوضي كتبي تاريخ فسبورة (ناضت صفااء هزات طباشير و مشات لسبورة تكتبو ..سالات و دارت تشوف الأستاذ )
صفاء : أستاذ كتبتو ..(حفيظ هز حواجبو و دار داك الإبتسامة الخبيثة لي مكتحملش صفاء و توجه لعندها توجه لعندها و حيد ليها طباشير من إيديها و دورها لسبورة و لصق فيها من لور كيتحكك عليها صفاء محملاتش.. راسها أما هو مسح تاريخ و بدا كيعاود يكتبو .. وهو مازال كيتحكك عليها من لور و مستحليها) لا أصفاء هاكا حسن (طلق منها )يمكن ليك ترجعي مكانك (و هو حول نضرو لتلاميذ كيقول ليهم عنوان درس اما صفاء رجعات لبلاصتها صفرة شيء لي لاحظاتو مريم و بقات كتشوفيها بإستغراب و واحد نغزة شك بدات كتنغز فيها)

                  •°•°•°•°•°•°•°•
يتبع....✔️
أرائكم تهمني ❤️