ومشي دخل لداره و خديجة تمشي على حالها
...............
.................................علي كمال مقعمز في داره وحاس بشعور غريب و مشاعره ملخبطة شوية خايف و شوية يحس روحه مفروض ما تكلمش ونادم وشوية ارتاح من هم
نديم مش جايه النوم ويتقلب يمين ويسار و يفكر في علي كمال كيف متحمل كل هذانسرين وعلاء وهما جايين بيرقدوا
...............................""نسرين تذكر لما دخلت لعلي كمال الصبح ""
"" نسرين : سمعت بوك يقول لأمك أن انت خديجة مش أمك .. يعني عمتي خديجة مش أمك الحقانيةصدمة على وجه علي كمال
نسرين : ما تبيش تقول شي ؟
علي كمال : من يعرف الموضوع هذا غيرك ؟
نسرين : انا بس .. ما تقوليش ان عندك علم بالموضوع (وهي مصدومة)
علي كمال (تنهد بقوة و قعمز ع السرير) : ايه عندي علم .. ونطلب منك طلب .. ما تقوليشي عليه لحد الموضوع هذا حتى لعلاء
نسرين : انا الصراحة كنت بنصدمك صدمتني انت """""
.........................................نسرين : تعرف اللي صار قبل شوية ما يتصدق شنو هذا ؟ بوك طلع مش ساهل بكل ولا كان متزوج على امك
علاء : بالله صكري ع الموضوع ما نبيش نسمع فيه
نسرين : وانت كيف ما تتفكر في شي .. معقولة ؟
علاء : شن تقولي بيني وبين علي كمال ثلاثة سنين .. يعني عمري ثلاثة سنين وتبيني نتفكر ؟
نسرين : تبي الحق علي كمال سخفني المسكين معقولة ساكت ومتحمل كل هذا ؟
علاء : علاش شن ناقصه ؟ .. من زيه يلي لقى امي تربيه اصلا .. هيا طفي الضي خلي نرقدوا غدوة عندي خدمة هلبا في الشركة..................
.....................يدخل فتحي الحوش و يمشي لعلي كمال يلقى باب داره مصكر و يطق بالشوية
فتحي : علي كمال
يطلع نديم من داره بعد ما يسمع صوت بوه
نديم : خليه مش حيفتح واكيد راقد هو
يوخر فتحي ويتلفت بيمشي
نديم : بوي .. كيف هكي ؟ كيف صار هذا كله وعلاش فهمونا !
فتحي : يا ولدي ادخل ارقد توة مش وقته الكلاميمشي ويسيبه و يمشي لداره اول ما يدخل خديجة ادير روحها راقدة
يتكى هو ع السرير و يفكر كيف سر سنين طلع من تحت يديه
......................................
...........................الصبح كلهم كالعادة مقعمزين ع طاولة الفطور سلمى و علاء و نديم و خديجة و نسرين مقعمزة بعيد عليهم عدا علي كمال قاعد في داره مصكر على روحه .. كلهم ما عندهمش نية في الفطور الا علاء نازل فيها ماكلة مش معدل و خديجة تشبح وخلاص و نديم مشغول على خوه علي كمال
علاء : وين بوي ؟
خديجة : طلع من الصبح بكري شكله .. ما شفتاشي .. نديم .. خوك علي وين ؟
نديم : مش عارف يا امي كلمته ما ردش عليا
خديجة : باهي افطر انت .. تو شوية ويجي
نديم : ما عنديش نية
YOU ARE READING
متلازمة عائلتي (رواية ليبية)
Fanfictionمفيش انسان معصوم من الأخطاء مفيش انسان كامل .. بعيدا عن روايات المراهقين رواية ليبية واقعية ممزوجة بالخيال مشوقة رواية تحكي عن العائلة و مشاكل العائلة و اسرارها والحب في حياة كل شخص فيها شخصيات مميزة و احداث قوية ..
الحلقة 3
Start from the beginning