فى اليوم التالي بفيلا النميرى
كاميليا وهى واقفة بتعمل الاكل على البوتاجاز لاقت واحد داخل مطبخ وفى ايديه اكياس كتير......كاميليا هددت النار على الاكل وراحت عنده واخدت منه أكياس وحطتهم على التربيزة وهو قعد على كرسي وبياخد نفسه
هو : تعبتك معايا يا.....
كاميليا : كاميليا
جاسر مد ايديه ليها:وانا جاسر
كاميليا سلمت عليه:عاشت الاسامي يا جاسر انت بتشتغل هنا اى
جاسر:انا من الحراسة وانتى طباخة جديدة صح
كاميليا : يعنى حاجة زى كدا انتى بقالك كتير شاغل هنا
جاسر : اه يعنى تقدري تقولى من حوالى 7 سنين
كاميليا خدت بالها من ايديه متعورة: اى دا انت متعور تعال اعقمهلك بدل ما تتلوث وتلتهب
جاسر وهو بيقوم :متشغليش بالك دا جرح بسيط
كاميليا مسكته من ايديه وخليته يقعد:حتى لو بسيط لازم يتعقم اقعد هنا لحد ماجيب علبة الإسعاف
خرجت كاميليا من مطبخ وراحت على الحمام وجبت علبة اسعافات الأولية ورجعت على مطبخ تاني قعدت قدامه وماسكت ايديه وبدأت تعقمها
جاسر : والله مامستاهلة تعبي نفسك
كاميليا بابتسامة : تعب ايه يا جاسر احنا زمايل اهو انا خلصت ابقى خلى بالك بعد كدا
جاسر:حاضر يلا سلام
كاميليا:سلام
خرج جاسر من مطبخ وكاميليا رجعت تكمل تحضير الاكل
وماخدتش بالها من يحيي اللى كان واقف فى جنينة وشافهم من شباك ونظراته كلها غضب وغيظ وفى نظرة جديدة فيهم وهى الغيرة لما لاقها قريبة من جاسر ولمسته بايديها وحس بنار غيرة بتاكل فى قلبه اكتر لما ضحكت لجاسر وهي عمرها ماضحكتله دايما بتكشر فى وشه......دخل فيلا ولسه هيروح مطبخ علشان يتخانق معاها ويجبها من شعرها بس افتكر أن جده فى بيت وكمان الخدم واى عصيبة منه هتخلي كل يشك فيه.....وغير طريقه وطلع على اوضته وهو بيحاول يمسك فى أعصابه....اول مادخل اوضته رزع الباب وراءه بغضب واقلع جاكيته ورمى على الارض وفضل رايح جاى فى أوضة مش شايف قدامه غير منظرهم مع بعض
يحيي بغضب وغيرة :ااااه انا هتشل هى لاحقت تعرفه علشان تخاف عليه بشكل دا لا وكمان بتضحكله اومال ليه مصدرة ليا وش خشب دايما.......صوت من عقله:وانت مالك مدايق ليه.....يحيي : مالى دى مراتى......عقله : مراتك ودا امتى أن شاء الله اى نسيت اتجوزتها ازاى وانت لو بتعبرها مراتك كنت على أقل أعلنت جوازكم وتعاملها كويس مش مخليها شاغلة خدامة عندك.......يحيي : دى مراتى وانا حر فيها اعمل فيها إللى انا عاوزه......عقله : والله ماشى اعمل إللى انت عايزه وعاملها اسوء من كده بس فى اخر هتلاقي حد دخل حياتها و........يحيي بتملك وغيرة:اخرس خالص مستحيل اخلى حد يقرب منها كاميليا بتاعى انا ملكى انا وبس سامع
JE LEEST
تحت شعار العشق
Romantiekهو بارد مشاعر وقاسى القلب لا يحمل بقلبه غير مشاعر الكراهية والحقد لها لا يفكر غير بانتقام منها وكسرها. أما هى عنيدة لا تخاف من حد غير خالقها لا تسكت عن حقها ولا تترك أحد يدهس على كرامتها ولا تسكت عن ظلم وتقف فى وجهه بكل تحدى وجرأة. عندما يجتمع قلب م...
