تحت شعار العشق

الفصل الثانى

فى الحجز النساء بقسم شرطة المعادى

كاميليا قاعدة فى ركن بحبس سندها بايديها على ركبتيها وبتبص قدامها بشرود

خرجت من شرودها على صوت الشاويش : كاميليا سيف الدين

كاميليا:خير

الشاويش:المأمور عايزك قومى

فى اوضة المأمور

دخلت كاميليا مع الشاويش واول مادخلت شافته قاعد وبيصلها بشماتة ضغطت على آسنانها بنرفزة وماسكت اعصابها على اقد ماتقدر ورسمت جمود وهدوء على وشها

الشاويش بتحية عسكرية: تمام يا افندم المتهمة كاميليا سيف الدين

المأمور: فك الكلبشات من ايديها و روح على شغلك امشى انت

الشاويش باحترام:تمام يا افندم

الشاويش فك الكلبشات من ايد كاميليا وبعدها خرج

المأمور: عن اذنك يا يحيى بيه مكان مكانك خد راحتك.

خرج المأمور ومفضلش فى اوضة غير كاميليا ويحيي

يحيى قام من مكانه ووقف قدامها وهو بيصلها بشماتة وابتسم بمكر

يحيى:مفاجاة حلوة مش كده

كاميليا ببرود:كنت عارفة انك هتجى علشان تشمت فيا

يحيي بخبث:تو تو كده هتزعلنى منك يا كوكى انا اشمت فيكى ليه بس

كاميليا بنفذ صبر: انت عايز منى ايه اظن انت عملت اللى عاوزه خسرتنى شغلي و حبستنى عايز ايه تاني

يحيى اخد الورقة من على مكتب المأمور وادهلها

يحيي: اقري المحضر دا وانتى هتعرفي

كاميليا اخدت منه المحضر وهى بتقره عينيها اتوسعت بصدمة من الكلام المكتوب فيه واللى كله كدب وبتصله بغضب ورمت المحضر من ايديها و شدته من ياقت قميصه

كاميليا بعصيبة:انت بتعمل معاياا كده ليه...ايه مش مكفيك شغلى اللى ضيعته منى وكمان عايزة تلبسنى قضايا انا ماعملتهش يا مفتري

يحيى بعد ايديها عنه بعنف وبصلها بكره:لا مش مكفينى ولا عمرى هكتفي من اذيتك.....انتى فاكرة انى كده عملت حاجة لا دى بس بداية يا بنت سيف......واخد المحضر من على الارض ورفعه قدامها ولف حواليها زى الاسد بيستعد يهجم علي فريسته وكمل بصوت كالافعى : شوفى بقا كل قضايا دى هتخدى فيها كام سنة سجن دا غير سمعتك اللى هتبوظ وسنة إللى فاضلة ليكى فى الكلية هتروح منك وكمان يا حرام عمتك المسكينة اللى ممكن يجلها سكتة قلبية لما تعرف ان بنت أخوها اللى ربتها وضيعت شبابها عليها طلعت حرامية ولسه بقا العذاب اللى هتشوفيه فى السجن......ولمس خدها باصبعه وكمل بشر: يعنى مثلا ممكن ماية نار تجى على وشك حلو دا.....ودى حادثة عادية وبتحصل فى سجون كتير يا حرام كده انت هتخسرى مستقبلك و سمعتك وتحسرى على وشك وجمالك اللى باقى من عمرك.......ايه رايك بقا فى كوكتيل دا عجبك مش كده.......بس فى حاجة واحدة لو عملتيها انسى ايه حاجة من اللى اقولتها وكمان انسى محضر دا وانك دخلتى القسم اصلا.