قصة يامنة (الجزء24
هي من غيرتها وهرمونات الحمل الي تتلعب عليها مع الوحم مخرجاتش فيه شي عجب هاهي غاتخرجو فيه تا فاتها ...الحاملة راه شوي تتكون معيطة لاص الي قالتها خاص يقولو ليها اه ولا تبدا دمع ولا تهبل ولا شلا مدير ...فقصها ونطقات داك الكلام هو باغي يديرها ليها بلعاني تتعجبو فاش كتبدا تغير بديك الكياتة كون يصيب يندغها وميقصرش .... فؤاد "ناض على وقفتو بجهد وضار تقابل معاها عينيه حمرييييييين حتى ولا وجهها بيض نطق وعروق نواضرو تنفخو بديك تزييرة الي زير فمو وسنانو لصقو على بعضياتهم ...شافت ملامح وجهو حست براسها بغات تولد بالخلعة تا شدات فكرشها ....نطق بحروف متقطعة ..." : شششششش ش ن ووووووو 😡.... يامنة "فمها بدا يترعد " : ممن م مقلت وو والو ...غييي اقم ...اهى اهى متبقاااااش تقوليا هاكا حراااام عليييييك اهى اهى ...."كتبكي مغمضة عينيها حتى تهزت لسما على اتر الخبطة الي تخبطات كان خبط فوق الكوميدينو خبطات متتالية فاش كيتعصب عليها ...." مم ا اا ف ف اهى اهى. ...مااضربنيييييش اهى عااافك "دارت ايديها على وجهها " ... فؤاد "كيهضر ويخبط وهي كتقفز " : كااااااااا تقاااارني راسك بيااااا ؟؟؟؟؟؟؟؟؟؟ يامنة "كتهضر بالغوات حيث لا مقصت صوتها تسخف هههه " : واااا غير قلت مكاين وااالو اهى اهى ...مضربنيييييش والله غير قلت مكاين والو والله غير غير اهى واااااااااهععععععععع اهى اهى ممن مممم اهى اهى ..."شدات كرشها حست ببنادم تقلب ليها فكرشها وركلها " ااااااااااي اهى اهى فؤاد "كان مشربن حجبانو راسمين تلاتة الخطوطة بينهم ...حتى تلاشاو ورجعو عاديين وتحولو لملامح الخوف مشا زرب لعندها جلس وشد فكرشها " : شنو شنو شنووو ...هااااااضري .... يامنة "حط ايديه على كرشها وحطات ايدها فوقو " : تقلب ليا فكرشي وركلني اهى اهى نننن فففف فؤاد "حس بايدها كترعد فكر فهضرة طبيبة وهو يضغط على راسو ونطق " : يامنة ... يامنة "غمضات عينيها ورجعت تبكي " : مااااضربنيييييييش اهى اهى عااافاك والله ما قصدت غير بغيتك تشوف اشنو كدير ليا وحس بيه والله مكاين حد من غيرك والله نتا الي كنشوف فيك وفعينيا غيييييييير نتا ونبقى نشوف فيك غير نتا وتكون غير نتا ومنجي عند حد من غيرك نتا وولدي منك غير نتا ونتا الي كاين والله والله ...... هاد الهضرة نطقاتها هي نفسها الي قالها ليها نهار توضرات ليه فالمطار ولقاها داني وفاش لقاها خذاها حتى وصلو لعند الطيارة وقاليها نفس ها. الهضرة ها زمان ضار ورجعت هي نطقتها راااسها ....رجعت نضرته عااادية حنييييينة زفر انفاس سخونة قبل ميجرها لعندو خاشيها بين ضلوعو كيمسد ليها فضهرها وهي كتنخصص عريانة كلها .... فؤاد : صافي مغاندير والو يامنة سكتي من البكا من بعد ونهضرو ماشي دابا ... يامنة : اهى اهى والله هادشي الي كاين والله والله اهى اهى عااافاك غير بغيت غغغغ غيييي اهى ... فؤاد : صافي صااافي غير سكتي صااافي ....موقع باس صافي غزالي ....ششش راااني هضرت .... يامنة : ففففف ...هاني ...اهى فؤاد : يلاه صافي وصاافي ... لحضات الغضب كتختالف ...لكن فاش تنوصلو لواحد اللحضة ديال فرط الاعصاب الي كتخلينا نخرجو من فمنا كلام جااااارح بزاف مكنردوش لبال لشنو كنقولو وشنو كنتفوهو بيه ...الي جرا بين يوسف وصهيب مكانش متوقع حدوثو لكن هادي هي الدنيا تا واحد مكيكون مقاد مع لاخور ضروري من مشاكل الحياة كتوقع ممكن تقربهم ممكن تبعدهم ... الانسان كيييييييف مكان طبعو ممكن يطيح فهاد المشكيل ...الانسان بطبعو خطَّاء تاواحد ممعصوم من الغلط والا فهاد الحالة غايولي ملاك ...هادي هي دنيا يوم ليك ويوم عليك ...ياما غلطنا وياما عايرنا وياما خرجنا لعيب وخرج فينا العيب وسمعنا كلام العيب وسمعوه لينا .... في هاد الاثناء الياس مبقاش عرف اشنو يقول كلام يوسف خوه الي كيتعاود ...فوذنيه فحال صدى خلا فمو محلول مشلول ...وناااااري وشنو سمع ناري ...صهيب هان يوسف فرجولتو الشي الي خلاه يصعر اصلا يوسف الاعصاب الي كان ضاغطهم فالاونة الاخيرة فغياب خوه والحمل الي تهز عليه وعلاقته بيسرى الي كانت مخربقة وفاي لحضة تسالي.... وصهيب تهان اكبر اهانة فحقو اهانة الي مغاينساهاش ابدا مهما طال زمن تحفرات ليه فقلبو ومن شكون من اعز صديق وعشير واخ فالعشرة وصداقة وحتى فالرضاعة ...مجاوب ما دوا ما تكلم ما قرب مسمعوش منو من غير جملة وحدة وهي الي كانت فاصلة وحاااسمة ....قالها وخرج خرجة وحدة .... الياس "شد راسو محسش بدمعة امتا نقزت ليه وهبطات هز عينيه فنقطة بعيدة عينيه مغرغرين وحمريييييين تقهر من جيهة صهيب خووووه اااه خوه مربي معاهم حالين عينيهم عليه ...ميقولهاااش ليه حتى بضحك ميقولهاش ميقولش داك الكلام الجارح موس وتحسك ليه فقلبو ...." : لااااااااااا يوسف "فهاد اللحضة فاش ناش من تحت منو هو براسو خرج عينيه فراسو واشنو نطق اش غايدير يرجع لكلام الحلق وهو تنطق والي تنطق تنطق مايرجع ميمشي يتحبس فالحلق ومع زمان يبقى يحك فالقلب ويطلع وينزل ...شد راسو بين ايديه غمض عينيه بالم عصرهم بغا يهضر كيحس براسو ولا ابكم …الكلام مكيخرجش ليه بغا يعيط ليه حس براسو انسان مشلول ....شنو يدير وشنو ينطق الي تنطق راه تنطق ...كلمة قالها خرجات من قلبو حااارة " : نمووووت هذا هو الحل .... الياس "شاف في يوسف بنضرة فشكل ديال حشوووومة عليك " : حشووووومة عليك حشووومة عليك ماشي هذا هو المضنون فيك كون قتلتيييه ومتقوليه هادشي كون عايرتيه هو متعايرنا بميمتنا الي جمعتنا وهزتنا ورباتنا وكانت صدر الحنين لينا .... يوسف : برااااكة الياس براااكة الموت هي الي غادي تحلها هييييييياااااا "باقي داير راسو وكيحرك فيه يلالي " ....راني حسكت قلبي هو لول قتلني انا قتلنيييييي اناااااا ....راني عايرت ميمتي وخويا الي شرعو ليا الله ... الياس : معندك مادير الي خرج من الفم ميرجعش الي عطا الله عطاااه .... يوسف : سيييير شوفو سييييير الياس "ضار جيهة فين مشا صهيب مشا تبعو حتى لفين غادي تصدم من المنضر الي قدامو ...لقاه جالس فالدرجة الاخيرة حاط راسو عالحايط صدرو كيطلع ويهبط ...." صهيب خويا !!؟ ... صهيب "هز فيه عينيه كانو حمرين حتى بان لونهم الاخضر مشعشع وسط ديك الحمورية " : انا ماشي خوك …انا غير حليت عيني لقيت راسي وسطكم كابر معاكم "كان جاي يوسف مقرب حيث سمعت صوته مع صقيل لتحت مبينش راسو كيسمع لشنو كيقول " ....مي مرضعاه معايا شاركنا نفس الحليب ولكن .... ايلاف "كان جاي هابط لابس تيشرت وشورط بغا يجيب الما حتى لقاه جالس حاط راسو على الحايط والياس قدامو رجل فدرجة ورجل لور كيسمع ليه شاف فيه وغمزو وصهيب ملاحض تا شكون الي جاي ولا شكون حداه " ...قاليك الي كطيب لينا ....قووول ولد الخدامة قول انا صهيب ولد الخدامة ديالكم .... ايلاف "خرج عينيه " : اييييش خالتو نجود خدامة ؟ يوسف "دموعو نزلو يجريييييييييو " : انااا الي ولد لحرااام اناااا .... حط عليه الياس ايدو كيطبطب عليه الياس الي صغير فيهم هضر بعقلانية ونطق ... الياس : ميمتي هاديك ماشي خدامة هاديك راس الكبيرة هي مولات راي والشوار هي الي منديرو والو قدامها ولا وراها اخويا ...الغلط كيوقع وكلام العيب كيخرج وكيضر اخويا ...عمرك ما ضن اننا نقصو منك كون نقصو منك مغاديش نحتارمك ونعتابرك غير مربي معانا ولكن لا نتا خويا الكبير عيني مكنهزهاش فيك ومنقدرش نرد عليك الهضرة ... صهيب "مسمعوش شنو قال ناض وقف حط ليه ايدو عندو وضار شاف ف ايلاف الي سمع شنو كيقول وخا مزال مفهم والو كحز ومشا لجيهة لاخرا وطلع لفوق حتى دخل لبيتو لقاها جالسة كذهن فايديها بكريم لابسة بيجامة ضوني وشورط فالاسود .... صهيب "مشافش فيها مسح عينيه بالخف " : جمعي حوايجك دابا ويلاه نمشيو لبارطما ديالي ...دابا ... سارة "ضارت بسرعة " : اويلي على دابا ؟؟؟ فهاد الليل وعلاااش ؟؟؟ صهيب : ساااارة قلت ليك جمعي الحوايج ويلاه فحالك لدارك داااااابا مغانعاودش هضرتي جوج لمرات .... سارة : ولكن ع.... صهيب : طلقيييييييييييييييييني راااااانيييييي هضااااااااارت "ضرب باب الماريو بجهد تا قفزت من بلاصتها ...." سارة "ناضت من الكرسي مخلوعة اول مرة يغوت بهاد طريقة مفهمات والو حابسة البكية ..." : و وااخا ... مشا هو جبد تيشرت بلومارين وسوروال دجين زرق لبسهم دغيا وجاب شكارة من المكتب جمع وراقو الي تما وجمع لوازم كلها الي يحتاج والباقي حتى يوصي من يجيبو ليه ...سدها وحطها قدام الباب عاد هز وراقو الثبوتية الي تما كلهم حالة مدنية وكلشي ديالو حيث هو عايش تما البرطما غير لضرورة ...اما هي جمعات الي جمعت وصافي حتى وقف عليها صهيب : صافي براكة عليك نوضي لبسي والباقي غادي يجيبوه لينا لدار ...مغاديش نبقاو ساكنين هنا ... سارة : وخا تقوليا شنو واقع ... صهيب : الي واقع هو هاد البلاصة ماشي ديالنا هاد ناس خويت ولكن راني غير مربي معاهم ماعليش نرجع لداري والله يكثر خيرهم ... سارة : غانرجعو هنا ... صهيب : لا ...عمرنا مغادي نرجعو ...الهضرة ماشي دابا من بعد ونقوليك شنو كاين خليني بغيت نتصنط لراسي متقوييييش عليا الاسئلة نهار نبغي غانعاود ليك .... مقالت ليه والو عرفاتو معصب ومقلق باينة فوجهو ودموع الي حابسهم عرفات وقع شي مشكيل لتحت وتاهي محكرااتش بتاتا ناضت لبسات جلابة فوق بيجامتها وجمعات شعرها هزات لوازمها فصاك وكلشي ...حتى سبقها هاز لفاليز فايدو وشكارة فكتفو من بعد مالبس سبرديلتو ... صهيب "شاف فيها واوما ليها براسو ": هبطي سبقيني قدام الباب تنهبطهم ... سارة : واخا ... سبقاتو خرجات من البيت ومزلات لتحت لقات ايلاف جالس داير ايديه على حناكو عرف من الياس ...حداه راوية الي شافتو تعطل وهبطات تشوفو حتى هي عرفات يوسف مكاينش ليه الحس ... اما صهيب ضار شاف فبيتو شوفة طويييييييييلة كتحمل معاني كثيييييييرة كل زاوية كل ركن كيفاش كيوصل عليه يوسف يدخل بلا ميدق عليه .... #رجوع_بالذاكرة_للوراء.... صهيب "دخل عليه لقاه عريان عاد خارج من دوش نشف وكيرش فديودرنت حتى قفزو وضار عطاه بلور " : واااااالقواااد ولد لحمارة ... يوسف "دار ايديه على عينيه " : ناااري الله تا عريان عندو فحالي ... صهيب "ضور عليه الفوطة بزربة وضار مخرج فيه عينيه " : شنو اختي بسلامة الي عندي فحالك .... يوسف : هااا نن والو والو ... صهيب : قليل الادب قليل العفة مسخوط الوليدين ...ملگط نحس تابعك البلا ...خاص مك عصية الكلاب يوسف : انا وياك ا بب ... صهيب : وتااااا حليب ميمتي قسمتيه معايا ...تاهو طمعتي فيه ... يوسف : كلشي نص بنص الغزال ديالي ...واش كندير هنا غا نتقاسم معاك ... صهيب : من لاخر اش بغيتي ولا تقود ... يوسف : نخرجو نزهاو ليوم سبت شقلنا ... صهيب "عينيه ولاو فيهم قلوبة فهاد اللحضة كانو باقي متزوج لا صهيب ويوسف مكيعرفش يسرى " : كاين توت البري ليوم اخوتي 😻 يوسف : الى مكان نزرعوه طلق حسي ولبس انا غادي نهز تيليفون والكونطاكت وتبعني لطوموبيل ...اجي عنداك تعطلي فالمكياج ازين "فرتح قبل متجيه لناضر " .... #عودة_الى_الحاضر .... بقا كيشوف ويتفكر حتى حدر راسو وطفا ضو وخرج سد الباب معول ميرجعش وخا يطوال زمان ولا يقصار.... ....هبط لتحت هاز بالزو حتى وقف ليه الياس وايلاف وراوية فطريق تصافو بثلاثة ...سارة حادرة عينيها حابسة البكية حيث تاهي عرفات ملي لقاتهم ... ايلاف "حط ايديه على بالز صهيب " : معندك ويييين رايح انا نسيبهم ومنهم وفيهم فمابالك انت ... صهيب : ايلاف طلق لفاليز الله يخليك ...مبغيتش نتغانن الله يخليك ... الياس : نتا واحد من السواري ديال هاد دار الى طاحت وحدة يتبعوها لاخرين ...الى مشيتي برب لا بقيت جلست فيها ولا جات كلمتي فكلمتو هو .... راوية "كتبكي " : صهيب نتا راك بابا وعاد خويا منقدروش نتفرقو على خونا ...عفاك متمشيش منقدرش اصهيب والله اهى اهى ... صهيب "حط الفاليز وقرب لعندها جرها وباس ليها راسها ومسح ليها دموعها ونطق " : انا راه مزالني خوك وباك وقت الي احتاجيتيني ولا ضربك هذا غاتلقايني انا قبل من فؤاد ...معزتك باقا هي هي عمرها تغير وراني منكم وفيكم بغيتو ولا كرهتو ... راوية : اهى "عوجات فيه راسها بترجي " ..ماتمشيييش عفااك ... طبطب على ايدها وعاود باس جبهتها ...ضار شاف ف الياس ...الوليدة فاش تفيق صباح قوليها تجي مع شيفور لعندي لبارطما بغيت نهضر معاها "شاف فساعتو " تعطل الحال باش نفيقها وعيات بتمارة شقا وطياااااااااب "ورررك عليها " الي طيبات ليكم ليوما ...تسراح شوية من خدمتها راه كبرات وعيات ... الياس : صهيب ... مجاوبوش وضار مبقاش شاف فيهم جر بالزو سبقاتو سارة حل الطوموبيل ركبات وخشا بالز فالكوف ديمارا طموبيل وكسيرا خارج من الفيلا بلا ميتلفت .... ايلاف : لك والله حرام عليه حراااام ... الياس : اللسان مفيه عضم قاصحة انا ضرني خاطري عليه وعلى ميمتي ...مبقيتش بغيت نجلس هنا صباح نقود لشي جايحة ... راوية "بغات تهبل بالبكا خشاها ايلاف وسط حضنو مزير عليها حتى فزگات ليه تيشرت وهو كيسكت فيها " : حرررراام عليه حرااام عليه اهى اهى .... ايلاف : ششش خلص روحي ...راح يرجع بس بدو وكت ( وقت ) لا يستوعب ويهدا ماعليش ماعليش ... بقاو ساكتين حتى قفزو من صوت واحد الخبطة سمعوها جايا من صالون كانت مجهدة معقلوش على راسهم تا طارو جيهتو ايلاف كيجري تابعاه راوية الياس نقز حتى وصل لصالون لقاوه كلو مشخشخ والخبطة كانت ديال لبلازما كبيييييرة هي الي هزها على جهدها تا حس بكتفو تطرطق مداهاش فيه لاحها على جهدها ....جاو يقربو ليه طلقها بغوتة حتى سدات راوية وذنيها ونجود ضربتها الفيقة وفؤاد كان جاي مدوش وهابط باش يكمي حيث حس براسو تعصب وهابط لجردة يكمي حتى سمع صوت الشي الي خلاه يسرع فخطواتو حتى هو عاقد غوباشتو مخنزر اصلا ..... يوسف : وااااااااااااااالااااااااااا اشنو درت اااااااشنو درت وااااااربي ونمووووووت ومنقولهاش ياربي راه الموت هي الي غاتنفعني .... فؤاد "وقف عند صالون الي لقاه حالتو حتى هضر بصوت مجهد زعزعهم كلهم ويوسف حذر راسو " : شنوووو واااااقع هنااااا ؟؟؟؟؟؟؟ يوسف : الي واقع جابو ليا فمي نموت ومنداويييييش الي خرجو فمي من عيب ياربي راه معرفتش علاش خرجت ياربي راه شيطان الي هضر ياربي ماشي انا ... فؤاد : راني هضرت شنو واقع ؟؟؟ "شاف ف ايلاف حذر راسو راوية تخشات ورا ايلاف كتررعد بقا الياس الي شاف فيه فؤاد بنضرة ديال قول بلا منكتر الهضرة وهو يقوليه شنو كاين وصهيب الي مشا حتى خرج فؤاد عينيه بسرعة قلبها لاخنزيرة خلات الياس يحسب حساب لشنو جاي لصهيب ...." تبعني لمكتب ... فؤاد برااااسو تصدم براااسو تشل من ديك الهضرة متوقع يسمعها من البراني ويجخلطو عليها ولكن باش تجي من خوه ؟؟؟ خووووووه ؟ الي بعقلو يوسف الي زعما حنين ودرويش وسكوووتي ؟؟؟صحيح المثل كينطابق عليه فاش كيقوليك الله ينجيك من ساكت لا دوا ومثل اخر كيقوليك دوز عالواد الهرهوري لاااا دوز عالواد سكوتي هي هادي ...تاع يوسف ... تا حد مادوا تشعل ضو فبيت نجود ويوسف حدر راسو ومشا تبعو عارف شنو باغي يدير وباغيه اصلا يدير باغي يتعاقب اقصى العقوبات الي دارها ميستاهلش صراحة يتسامح عليها راه ضربني وقتلني ولا تجرحني بكلامك راه موس يحسك اخويا ويحرق الي ميتحرق ويضرب كلشي فزيرو ....مع دخلة الي دخل يوسف وراه غير سد الباب ضار فؤاد بزرررربة عطاه جوج طرشات بصهر ايدو ليسرى ومع دقة ليسرى قااااصحة بجهد حتى طوش دم من منخرو حيث اصلا يوسف كان سخون بداك الغوات وصعرة دغيا سخن ليه دم كان على سبة ماهضر ما تكلم خلاه يضرب ويعاود ...هز رجلو عطاه جوج دقات لوسط كرشو تا تلاح ... فؤاد : مي هاديك مي خوووويا هذاك خوووويا كلشي نسمح ليك فيه تا لمك منسمحش ليكفيها هاديك جنتي من بعد الوليدة الله يرحمها قستيني فعيني قستييني فيها ...مغانزيد معاك والو الي فيك خليه يعذبك وزيدتي عليك هاديك وخا تولي جفاف تحت رجليها متوفيهاش حقها ....غلطك صححو راسك نجري عليك نتا وهما مالين دار هاديك سيدة نعيش اناااا خدام ع ن ددددها "قبسو "خدام عندها ومنوفيهاش حقها...."عاود زادو دقة تا تطوى دموعو هابطين محابسينش ...قاله جوج كلمات كااافييينو " امك ثم امك ثم امك ثم ابوووك .. "دفل عليه وخرج مخليه مرمي فالمكتب ".... خرج فطريقو لقا نجود مخلوعة شادا فقلبها كتير شي من قالو ليها يوسف الي ضرب داكشي وجايا تجري لابسة بينوار زيفها مخربق وجهها بيضضض تا لقات فؤاد ... نجود : ىلدي اش وقع لكبيدتي يوسف ثاني الله يخليك متخلعنيش عليه هااا ... فؤاد "تحسك ليه قلبو خصوصا ديك كبيدتي شوف اش تتحس وهو اش قال ...باس ليها راسها وايديها بزرج ويبوس ويعاود " : مااوقع باس كوني ليا غير على خاطرك عمر الباس ميوقع فدار اميمتي ... نجود "ابتاسمت " : هههه الله يرضي عليك ... فؤاد : رضاك علينا وجناحك الي مغطيانا بيه هو الي مخلي الامان معشش عندنا رمخاطينا ... نجود : الله اودي راكم كبيداتي الي مولدتهمش من كرشي عطيتهم حليبي ..."باس راسها ومشا طالع ليه الخز خاصو باكي ديال لكارو وميبردش مخليها هي مشات لمكتب طل على ضو شاعل عرفات يوسف تما وهي تلقاه جالس مكور متكي عالحايط جامع رجليه خاشي راسو وسطهم حتى وقفات عليه هز فيها وجهو وهي تشهق " نجود : الله اوليدي الله اااااش دار ليك تاني يا ولدي ..."تحنات حطات صباعها على وجهو تقلب فيه وتفلي ..." يوسف "غمض عينيه كيبكييييي شد ايديها باسهم حتى تحنى كلو هبط عند رجليها خلعها تا قفزت وشهقات ...يبوس فرجليها ويعاود يبوس ويعاود " : اميييمتي نعيش تحت رجليك ومنداويييييش الي تجرح ...نقتل راسي ومنبردش اميمتي ...خليني نخدم عليك ومنخليكش تحطي ايديك فالما عيشي ملكة عيشي فوق راسي ومنوفيكش حقك "كيبوس فرجليها وهي كتبعد فيه حتى بكاها معرفاتو مالو " اجدع صحاب صحابي من صغري ...دول الي بيمشو معايا دغري (نيشان ) دول اغلى ناس هما الاساس وقولوكو ايه قضينا اجمل وقت في حياتنا دايبين في بعض بحكايتنا وفرحتنا بلمتنا تروح ليه ...(عن اغنية اجدع صحاب ل سوما ❤️).... كلشي بوقتو زوييين جاي احداث احسن من دي قبل تحنى على رجليها يبوس ويعاود وعينيه جمر دموع شاقين طريقهم ...تقهر تقهر تقهر تحسك يمكن كثر من صهيب ...هان صاحبو عشيرو خوه رفيق درب نصو ثاني الي ميقدرش يستغنى عليه ولو دقيقة حتى انه خلاه يواعدو ويقسم انه من يتزوج يبقى ساكن معاهم رغم انه وجد بارطما ديالو وجهزها لدخول زوجته ليها لكنه عاش معاهم ولدهم ومعاه مرتو الي هي مرت ولدهم .... اي كلمة اي طلب سماحة ميكفيهش ومغايكفيهش بتاتا مهما يدير مهما يطلب مغاينسيهش الزمن كيداوي مكينسيش الافعال كتداوي لكن كلام لسان الي مفيه عضم كيشتت وخا كيتلم لكن كيبقى فالذاكرة ...ممكن يرجعو كيف كانو ممكن ميرجعوش وممكن جدا يرجعو احسن ...الايام كضور والزمان كيدوز ... نجود "تاهي كتبكي معاه معرفاتو مالو ...كتطلع ليه راسو والو مبغا يهزو من فوق رجليها ..." : الله يرضي عليك اولدي الله يرضي عليك نوض براكة عليك راك شويتيني وشوشتيني عليك ...اش واقع ... يوسف "كيضور فراسو بحرقة الي جايا من حرقة كتحفر ليه فصدرو ولا بغات تطفا بغا يهبل ويجهل كل مكيتفكر اش قال كتزيد تحفر ليه وتحك ويتشوى ويتحسر تصطية هي الي بقات ليه " : ااااااا ميمتي ...الي خرجت من الفم راها ماشي من القلب نتي ميمتي الي مربياني ولكن راكي فقلبي الحنانة وميمتي الي والداني ومرضعاني .... واش راضع حليبك ماشي ولدك انا ؟؟ نجود"تتمسح دموعها " : ولديييييي هزيتك نتا فكفة وصهيب فالكفة لاخرا ...راضع حليبي وناعس فصدري وكابر على ايدي اميمتي ..."حطت ايدها على حنكو " ...اش وقع ليك واشنو شواك هاد شوية تا وصلتي لهادشي ؟ فين هو صهيب ... يوسف : صهيب صهييييييييييييب غا هاد سمية لا سمعتها نصي كيتكلم ويضور والى سمع صهيب يوسف نصو كيتكلم ويضور ...نصاصنا تقسمو وتفرقو وشمل الخوت تشتت ...لا سمحتي ليا هو ميسمح ليا ..."كيضرب فصدرو بحرقة " ورااه الي هنا ماشي هو الي خرج من هنا "حط صبعو على لسانو " نجود "حطت ايدها على راسها ونزلتهم " : وااااااعاااارفة اولدي الله يرضي عليك غا قوليا اش واقع ليك ...مالك نتا وصهيب مااالكم ... يوسف : لا شكيت عليك وعاودت ليك فهميني وعذريني ولا تزيديش على مابيا نتي الي تفهميني لا بصح انا كبدتك متضوريش وجهك عليا اااا ميمتي "شد ايديها كيبوس فيهم ويعاود " نجود : مندير والو وخا ضرني مندير والو الام متغضب على ولادها غا. قول ليا شنو بيك وبيكم نتا وياه ... يوسف "ناض مكسور فحال ضهرو مقسوم ...مد ايديه ونوضها جرها معاه عنقها كيبوس ليها فراسها وغادي بيها حتى داها لبيتها وجلسها جنب ناموسية وجلس حداها ...شد ايديها ونطق بالي ضرو فخاطرو حتى وصل لشنو قال .. يوسف "هز ايديه للفوق عينيه حمريييين حتى صغارو ليه ..." : هاني هاااني ...شفتي اش وقع ....لساني جرح نصي الثاني ...الى هو تجرح انا راه جرحت وتجرحت بدوبل عليه ...حرقة اش حرج فمي وحرقة اش درت فصاحبي وعذاب الضمير اميمتي ...قدامك ديري فيا مبغيتي نجود : الصمت ... يوسف : انا نخدم عليك ونخدم تحت رجليك ومنوفيكش حقك ...تشكي فيا نقولها من قلبي ..زلة لسان بلا قصد اميمتي ... نجود : الصمت يوسف : اش ندير غا مضوروش عليا وجاهكم الى الموت تخليكم تسمحو ليا ... نجود بقات حادر راسها وعينيها دايرة صباع ايذها على حنكها كتسمع ليه حتى قشع دمعة هبطت وطاحت ليه على فخدو فزگت ليه سروال على شكل نقيطة .... في هاد الاثناء كان ايلاف والياس الي كيجمعو فداكشي الي تشتت فالصالون حتى دخل عليهم باهم عينيه كيحك فيهم محيد نضاضر ديال شوف ومغوبش تخنزيرتو فحال فؤاد فاش كيفيق من نعاس ... الحاج : اش واقع هنا ؟؟ ايلاف : ما صار ايشي عمي فيش ايشي تشغلِّش بالك ... الحاج : كيفاش منشغلش بالي ودنيا هنا حالتها حالة ...اش طاري "شاف فالياس " الياس ؟؟ الياس "شاف فايلاف وراوية الي غمزوه بعينيهم " : احم والو غير يوسف تعصب تخاصم هو وصهيب مناوشة صغيرة وصافي كيف عارف ديما يترامكو يتخاصمو ... الحاج : هذا مكان ؟ دوك الحلاقم يتخاصمو يرجع كلشي بيناتهم مقاد ويخليو ليا روينة ...هاد تلفازة الي هنا الى رجعو هما ترجع ؟ لا حول ولا قوة الا بالله العلي العضيم ... ايلاف : كلشي بيتصلح تشيلش هم عمي ... الحاج : هاد عمك عقلو خرجوه ليه ...وبعقلهم زعما بعقلهم باقين قد هادشي واش هادشي حنا كلقاوه راه كنشريوه ... الياس : وايلي الوليد كلشي يتعوض غا بنادم الي ميتعوض يهديك الله ... الحاج "بقا يطل دنيا مرونة والحالة ...المخاد تلاحو سدادر تجرو بداك الحر شي لهيه وشي كحزو والبلازما طايحة قداش ...هز ايديه ضربهم اخماس اسداس ومشا " : صالحوهم ولا خليوهم منهم راسهم ..."الحاج كيحساب ليه تخاصمو خصوماتهم العادية الي ولفو عليهم هادشي الي ضن قال يومين ويرجعو عادي ...مشا كيحسبن " حسبي الله حسبي الله هضر مع فؤاد يتفاهم معاهم هادشي مبقا لايق واحد تجوج وثاني قريب اش بقا دراري قربو يديروهم ...هضرو معاهم يحدو الباس وبراكة من اللعب ...مشا وخلاهم المهم ضمصوها لحد الان مؤقتا ريتما يشوفو شنو غا يوقع من بعد ولكل حادث حديث ...شي مرات او اغلب الاحيان مكيقولوش ليه مشاكلهم ومكيدخلوهش فيها اولا صحتو على قد الحال دغيا كيطلع ليه ضغط ثاني كيف ما سبق الذكر مخلي المسؤلية على ولدو الكبير الي متحكم فخوتو ومساك زمام الامور .... خلاهم ايلاف ومشا خرج لجردة فين جالس فؤاد ...عرفو غايكون معصب ومباغيش يزيد طين بلة ...جلس حداه لقا بلاصة تعجعج بداخان الگارو وخا جردة واحد حطو شاغل فطفاية ويكمي فلاخور ...حتى هز واحد من عندو وشعلو تاهو كيكمي فيه ايلاف : ايش راح تعمل ... فؤاد "كيكمي وساكت تغوبيشة هي هي " .... ايلاف : صهيب ويوسف راح يضلو هيك ... فؤاد : الي دار الغلاط يصلحو ...واخا صعيب يصلحو ... ايلاف : بدكش تحكي مع صهيب ؟ تخليه يروح ؟ فؤاد : كي صهيب كي يوسف كي اليا كي راوية كاملين خوتي ...هي ميمتي ...واش نقدر نخلي واحد فخوتي خارج من تحت جناحي "ضار خنزر فيه ورجع شاف قدامو " ايلاف : طبعا ما راح يخرجو من تحت جناحك ...الا راوية صارت تحت جناحي ... فؤاد : مزالها تحت جناحي وخا مرتك ... ايلاف : لكان ايش بدك تعمل ... فؤاد : ايام يبرد ويتهدن ...الى ضغطتي عليه كتزيد تحفرها ليه فصدرو ...نفس تهدن والبال يولف ونهضر معاه ... ايلاف : ويوسف شوف حالتو تانيب ضمير بياكلو اكل يمكن اكثر من صهيب هو ... فؤاد : الي فيه كافيه اكبر عقاب راه خدام ياكل فيه ..صهيب خويا مغاديش نفوت خوتي ...داكشي ديال ولد الي مربيانا مسالة محضورة عندنا حيث راه خويا وخو يوسف برضاعة باه كيجي لوليدة يعني من دمنا ودم عمرو يولي ما ... ايلاف : بس في انكسار والي انكسر ما يتصلح !! فؤاد "طفا الكارو وناض من بعد مدة ديال تفكير نطق " : الي تهرس مكيرجعش ...الي تهرس يجمعو ...ويحاول يبني من جديد ...القديم كيرشى الى مكانش مبني عالصح ماعليش يعاود يدير ساس يكون صحيح ويرجع لعلاقة حسن من لول ... خلاه كيشوف فيه باعجاب لحكمة صاحبو الي عارف كيفاش يسير امور خوتو وبهاكا تيقن انه عرف معامن يتناسب حتى الى وقع شي مشكيل مع راوية يلقا صاحبو مول العقل الحكلم والمرزن فهضرتو وخا صعيب طبعو وقاصح وعصبي لكن لسانو موزون ميجرح ميتجرح والى جرح كيعرف بسرعة يداوي ويرمم ويلمم شتات ...خلاه مبتاسم غا وحدو عرف بالي هادوك جوج حلاقم غايرجعو احسن من الاول ... ايلاف : لك والله اذا عطيت اختك قتلة مرتبة مابلاقي مشكلة ... راوية : الى ضربتيني غايتجمعو عليك كلهم يعطيوك قتلة متفيق تالعيد الكبير ..."ضار لقاها دايرة ايديها على نصها باقين عينيها مدمعين وخا هكاك ممفاكاش ههه " ...ياك لباس شتك ناوي ليا عليها ... ايلاف "ضار هنا وهنا وجرها بجهد حطها فوق حجرو نيشان فوق المعلم " : لك بضرب حالي وما بضربك روحي انا "بقج ليها فمها بفمو تا رجع راسها لور " ...وسط هالحزن شتقتلك ... راوية "مسحت دموعها الي بقاو فطرف عينيها " : اهى اهى بغيت صهيييييييب اهى اهى ... ايلاف "خشا ليها راسها فعنقو " : ششش ايييش ايش مالك ...صهيب غايرجع حبيبتي ...ايش صاير ... راوية : منقدروش بلا تواحد فيهم اهى اهى عااافاك. رجعوه اهى اهى ... ايلاف : يهدا وبعدين بنشوف راح يحاكيه فؤاد حبيبتي ... راوية : بصح 😢 ايلاف : ان شا الله ...بس كل واحد بدو وكت (وقت ) لا يرتاح… الزمن بيعالج اي مشكلة ...بس ضغط بيولد الانفجار ... راوية : ياربي يااربي يرجع ... ايلاف : بعدين ليش بدك ياه يرجع كنتي ضلي تشكي منو كان يعطيك قتلة مصارت ولا كان مثلها ... راوية "منخششة فيه وتمخشش ليه فعنقو تا حس براسو بغا ينوض المعلم بدا يحنحن هههه " : وا خويا هذاك هكاك ولفنا كلهم يضربوني وميخليو الي يضربني يحساب ليك معندي خوت غا واحد منهم يشطحك ... ايلاف "بغا يندغها بداك تنخشيش جابت ليه هر " : هههه وتخليهم يضربوني زعما ... راوية : ضربني يضربوك "كطلع فايدها وتهبط على صدرو " ...تقيسني يقيسوك ... ايلاف : طيب خليني نقيييسك بحب ...هلكتيييييني رورو ..."محتال تسولو مالو حتى هز ليها راسها وتلاح ليها على شنيفاتها بقبلة مصمصهم وعضعضهم حتى خنقها خلاهم يوزوزو " ....قومي ...احم نوضي من فوق الله لا يوفقك ... راوية "ناضت " : اشنو درت ؟؟ انا الي قلت ليك بوسني ايلاف : مانا بوكت مناسب الناس في الناس ونحنا بشو ... راوية : اويلي هذا مالو ... ايلاف : لك انا اشتقت لك ...تواحشتك بزاااف من وكت ما اجيت ما صار بينا شي ... راوية : اويلي عاد جيتي امتا غايصير "دارت ليها طن وتزنگات ..." اشنو غا ي يص يصير ... ايلاف "ناض وجرها معاه " : الي بيصير بين اي زوجين بوس ومص وعض وجر ودخول وخروج ...تت … راوية : اااا ... فؤاد طلع لبيت لقا يامنة سرحات عجول لاخرا ببنوارها ديال دوش عاد كانت مدوشة هو نيت الي دوش ليها وخلاها محسات بوالو مشااات فسابع نومة شادة كريشتها ...حيد لفوقي بقا غير بشورط ...نصل صندالة ومشا تلاح حداها جرها ضهرها عند كرشو حطا ايدو الي مريضة هزها لفوق حطها فوق المخدة مسرحها وايدو لاخرا محطوطة فوق ايدها الي فوق كريشتها ...باسها فعنقها بوسات متقطعة مغمض عينيه كيفكر فالي جرا حتى عصرهم بحرقة ملي تفكر الحال الي وصل ليه صهيب ويوسف او بالاحرى خوتو الي ملي وعاو وهو كيشوفهم مكيتفرقوش ...كيدير يصلح وشنو يصلح مكاين مايصلح على قولته هو الي غلط يصلح ...يوسف بعقلو ماهو دري صغير وصهيب نفس شيء ... فهاد المسالة خلاهم هما الي يتحكمو فروسهم الى صالحهم بزز معناها راه متحكم فشخصياتهم وهما معندهم شخصية وميقدروش ياخذو قراراتهم ؟ ماشي دراري صغار بعقلههم وكل واحد قدو قداش لو تزوج شحال هادي راه عندو ولاد دابا ... فؤاد "جر عليهم الغطا ونخششها فيه براكة عليه غا عمارة دار الي جمعات شمل ورجعت منو شخص قادر على يتحمل مسؤلية مراتو معاه وولدو الي جاي الى جانب مسؤلية عائلتو بلا ميخمم لحياتو الي على المحك ..." : الي دار الذنب يستاهل العقوبة .... من بعد ما حكا ليها حس براسو نوعا ما فرغ وخا غير نص ليها وهي تقرر واش تسمح ليه ولا تاهي لا ولا خاصها وقت ...مبقاتش هضرات تلجم ليها الفم مبقات قدرات تنطق ولا نطقات ...هو عينيه تنفخو بالغوات والعصب وحنى البكا نعم دموع رجال مكتخرجش الا اذا كان القلب الي حجر لان وتقهر بالمعقول ...ويوسف قهرته هي صهيب نصو ثاني ... يوسف"مسح ليها دموعها " : قولي ميمتي شي حاجة ...والله مقصذت والله ماخرجت من هنا (قلبو ) هااا منين خرجت (لسانو ) واش اميمتي نبقى تنولي قد الحمار ونقولها قد راسي واش اميمتي عمرك سمعتي مني كلمة العيب ؟ ... نجود "بقات تسنع ليه وتسمع شنو كيقول وشنو كيخرج وتفكيرها فالهضرة وصهيب الي تهرس كتر منها ...ممكن هي تسامح ولكن ولدها صهيب تصدم فاعز شخص عندو ؟؟ ...سكتات تا سكتات ونطقات " : ففف "تنهدات " واش نقوليك ...هضرة خايبة تقهرو وتعاود ...معندك مادير خرجات اولدي من فمك يوسف "عض شفايفو معصررررر عينيه بجهد تقهر كتزيد تخشي فيه موس وتعاود ..." ... نجود "هزات راسها لفوق وعاودت تنهدات مخرجة واحد نفس حااااااارة تشوي " : صهيب كبدتي الي ولدت من كرشي ...ونتا كبدتي الي رضعت من صدري وهزيت بين دراعي وحليتي عينيك عليا وخا ميمتك كانت ...نتا ولدي ...الام كتسامح اولدي كتسامح وخا تكون مقصودة ومتسامحش وهي ممقصوداش ؟ يوسف "بغا يتحنى على رجليها يبوسهم وهي تحبسو باسها فكفوف ايديها " : عمرك اميمتي مباقي تحطي ايديك فالما ولا طيبي انا ميمتي نطيب وانا نوقف على كلشي ... نجود "ابتاسمت وسط قهرتها وناضت وقفت باست ليه جبهتو وعنكشت ليه شعرو رطب " : مسامحاك دنيا واخرة دخلات من هنا وخرجات من هنا اولدي ....هذا هو قلب الام تعاودها ونسا ...لكن الي هرستيه هو الي خاصك ترجعو ...باس ليها راسها وناض مخليها فالبيت هزات لفون كضور لهصيب طبعا الكبدة هادي تاهو متخليهش ...غير صونات جاوبها فالحين ... نجود "مسحت دميعات نزلو ليها بالخف ونطقات " : صباح اولدي نكون عندك متشوش عليا ... الحال صبح والشمس شرقات على ناس لكن باقي مشرقات فدار رمسيس ...صبح الحال ديال يومين الي دازو عليهم والوضع كيما هو ...يوسف مبقاش كيبان مشا غبر من الفيلا بحجة عندو خدمة وبقا في فاس طبعا الكل عارف ما عادا الحاج حتى يامنة عرفات من فؤاد وتحسرات على حالهم ... الحاج : الحاجة فينهي ... فؤاد : مع صهيب الوليد فدارو هاد الايام دابا تجي ماعليش تبدل الجو .. الحاج : ايييه ...ايه مافيها باس ..."ناض استاذن منهم وخا هاكاك حاس بشي حاجة ماشي هكاك ولكن مدام كاين بكرو الي هو فؤاد ف مخلي زمام الامور عليه خارج سوق ...مشا خرج وبقاو هما ..." يامنة : فؤاااد ... فؤاد "داير صباعو فحنكو متكي عليهم ضار شاف فيها " : نعام اغزالي ... يامنة : ماما مغاديش ترجع "بحزن " ... فؤاد : غادي ترجع بغات تبقى شوي مع ولدها ... يامنة : غاتحضر ليا فاش نولد ... فؤاد "باسها فحنكها قدامهم " : غادي تكون معاك هنا فدار من هنا تتولدي هنا ... يامنة : علاش غانولد فدار .؟؟ فؤاد : ان شاء الله ... يامنة : ميمة فبيتها كون سمعتنا تفرح كانت متمنية نولد فدار وهي تولدني ... فؤاد "طلق فيها واحد تخنزيرة كون كانت فيها زحمة تولد هههه " : يااامنة ... يامنة : غير متمنية مغاديش تولدني "جمعت فمها ودارت ايدها على حنكها " ناض فؤاد جمع الوقفة كان لابس اصلا لباس الخروج هاز ايدو بباندة ...غمز لالياس ويوسف باش يخرجو حيث غايمشيو معاه لعند دار صهيب بحكم اليوم الاحد مخدامش سولو نجود بلغاتهم بالي كاين فدار ... باس يامنة فراسها وفطريقو لقا زينة جايباها لخدامة تجلس معاهم سلم عليها ونفس شيء ذراري تمازحت معاهم ومشاو معاه ركبو نيشان لفاس لعند دار صهيب ...مسافة طريق حتى كانو تما ... خارجة من الكوزينة كتمسح ايديها فالفوطة عاد غسلات الماعن حتى سمعات صوت الجرس ديال الباب ...كانت غاديا تحل حتى صهيب "جاي لابس سروال قطن وتيشرت ديالو فالاسود ...وقفها بايذو ومشا هو حل الباب مع حلو بان ليه فؤاد هاز ايدو وايد هاشيها فجيبو حادر راسو جامع حجبانو بتخنزيرة ..." : خويا ... فؤاد "هز فيه عينيه ...خلا الياس وايلاف لتحت ..وصل ودخل خلاه وراه ...حتى تبعو يجري هههه الهيبة ومدير دخل لصالون لقا نجود باس ليها راسها " : الوليدة مناوياش ترجعي ... نجود "فرحااات بزاااف كانت عارفاه غايجي وميخليهش " : ههههه .. فؤاد "جلس وحط رجل على رجل بشكل مفرق ...شاف فصهيب اوما ليه يجلس قدامو ...ورجع شاف في نجود " : ولدك بمرتو يعني قادر على المسؤلية بعقلو ميحتاجش تبقاي معاه بلاثتك وسطنا ... نجود : هههه كيف محتاجيني محتاجني منفرق بيناتكم ... فؤاد : نتي تما حيث العمود ديال دار ماشي حيث محتاجينك وصهيب واحد من سواريها انا مجيتش باش نردك حيث الام كترجع لدارها فين كيتجمعو ولادها ...هادشي محضور ميحتاجش نهضرو فيه اميمتي ...سيري لبسي وهبطي عند دراري ونتا "اوما ليه بعينيه باش يبقى بلاصتو " ... نجود : ولدي غادي ... فؤاد : ميمتي لا تقلقيني منك راكي عارفاني بلا منعاود الهضرة براكة غير نتي ميمتي هادي تكفيك وتخليك تعرفي قيمتك عندنا الام هي الام ... نجود "بقات تشوف فيه فالاخير ضارت بغات تمشي وشدها صهيب ..." : يكون خير اولدي معندي عليكم لين لا نتا لا هما هضر مع خوك الكبير "طبطبت عليه ومشات ...وهو حدر راسو كيتسنا فيه ينطق " ... فؤاد : عطيتك ايام تهدن فيها ماشي تنسى النسيان صعيب ...مشكيلتك مع يوسف ماشي معانا ...نهار يضرني يوسف مغاديش نمشي ونهار نضرو مغاديش يمشي ونهار يضرك مغاديش تمشي ...حنا لبعضياتنا وبلاصتنا مع بعضياتنا ..."بغا يهضر دار ليه اشارة كيف العادة باش يسكت يخليه يكمل " ... يوسف الي ضرك ماشي حنا ...ديك الفيلا ديالك كيما ديالي وديالهم ... صهيب : عارف اخويا الي كاين ماعليش قال الي كاين ..."كيعض شفايفو ويندغ جنب فمو " ...مقال عيب اخويا قال غير الصح ... فؤاد "ناض وقف " : ماشي بزز عليك تجي تبقى معانا ...هذاك واجب عليك حيث نتا خونا وخوه هو كثر لو كان بنت كانت محرمة عليك حيث خويها واخا ماشي من نفس الكرش ولكن من نفس الحليب تحرمت عليك ...كيف ما انا محرمة عليا راوية ...شفتي رابط الي بينك وبينو ..جامعكم حليب واحد ودم واحد وخا ماشي شقاق ( حيث بات صهيب كيجي لام فؤاد ) دم ميمتي الله يرحمها كيجري فيك ... بزاف ما جامعنا بيك ...والوليدة جامعة ولادها تحت منها صهيب يوسف الياس راوية وانا الي حاطكم تحت جناحي حاطاني الوليدة معاكم تحت جناحها ...الفيلا ديالنا كلنا ماشي ديال يوسف ...لا وقع المشكيل نجري عليه هو ومنجريش عليك ...براكة عليك هادشي ...نهار تحس براسك باغي ترجع وسط منا وصل ودخل دفع الباب وهجم ..حيث نتا صهيب رمسيس سباعي ... صهيب : هادشي مكيتنساش اخويا قاصح وضرني فالقلب منكم نتجرح لكن منو هو نصي ثاني تجرحت والجرح غااارق ونزف وباقي كينزف ... فؤاد : مكيتنساش مع الوقت كيداوا ويبقى غير تعاويد ... "ناض وقف ضربو لكتفو ومشا خرج خلاه وسط دوامة تفكير "... النهار كيكون مضوي بشمس فاش تغرب شمس كايليِّل بالگمرة ربعطاش مزينة سما ...نجود رجعات بزز وخا هكاك مبغاتش تقلق فؤاد بحكم فواد عمرو قلقها وعمرو حسيها راه مربياهم كلهم ممحسسينهاش حيث حلو عليها عينيهم مكاينش فرق بيناتهم وكلكم لاحضتو كيفاش العلاقة كانت ميفرق بين يوسف وصهيب وبين الياس وراوية كلهم سواسية ...حتى من ثقة الكبرى تعطات لصهيب ويوسف من طرف الكبير فؤاد .... بقا هو وسارة فدار ...فديك الليلة كان خارج لجلسة الي تعطلات عندو ...حتى بدا الحجر يتشاير والغوات ... يوسف "جارو العساس جاب الله كيعرفو وعارفو شكون هو ...داير معاه الخاطر ولاخور يهلل " : واااااااخراااااااج ..."سكرااان مبلط عالاخر ..." واااخراااج اعشيري نهلل انا وياك ... العساس : اولدي راه مكاينش طلع لفوق تسناه ... يوسف "ميل وجهو " : ايييييياك ؟ راه المدام تما حشوووووما ابا عزوز ... عزوز : وملي عارفها حشوما مالك داير روينة يا ولدي ... يوسف : كخخههن تاعجبني نهلل على عشيري باش يخرج يعرعر عليا ههههههههه ..."هز راسو وطلق من عزوز ومشا هز حجرة كيشير على الباب ديال العمارة ... يدق يدق بجهد ويضرب بالحجر فباب العمارة ويرجع تا يطل عليه ...حتى تشعل ضو خرجات سارة طلات عليه من البالكون .... سارة : يوسف !!! يوسف "هز راسو لبالكون عينيه متملين بشراب الي مفخبار لا بوه لا خوه واش رجع يشرب من بعد ما شدو طريق الله ...راسو كيتخلخل ...صغر عينيه فيها " : واش صهيب نتي ؟؟ سارة : انا سارة ... يوسف : فيييييين داك صحيبي فيييين هااء (فاگة ) فين ... العساس : ولدي طلع عندهم لفوق حسن من شوهة الله يرضي عليك ... يوسف "عنق العساس باس ليه راسو وتنخشش فيه " : حااااااق ستييييين حزب منبعد منك تايجي خويا يجرني من صدرك ابا عزوز لصدرو هو يااااالاه ... العساس جاتو البكية حيث جرو قجو بديك تعنيقة حبس فيه نفس ...ولدي ماحتال يجي سي السباعي تنموت انا ...اكخخخ كح كح اولدي طلق ويكون خير يوسف"حلف ميحيد من تعنيقة ههه " : الى متي نفيقك متخافش انا نعس تايجي وفيقني .. العساس : اووو 🤕 حتى سمعو صوته جاي خاشي ايديه فجيابو عاقد حجبانو ومخنزر كيشوف فيه كيهلل ومنوض الحيحة وجيران يطلو ...اش كاين هنا ؟؟ يوسف "هز راسو تيفرنس " : هااا عشيريييي "دفع عزوز تاكان غايجي على فمو 😂 وضار عندو مشا كيجري بغا يعنقو وهو يحبسو باقي بنفس شوفة ...جمع يوسف ضحكة وحدر راسو كيهضر ويهز ايديه " : منقوليك سمح ليا ولا نسا ...شوف فيا وفهمني والي فقلبي ماشي على لساني ...اخوياااا... صهيب : معندي علاش نسامحك ايوسف مقلتي تا عيب ...قلتي الصح والصح فزماننا مبغاه حد باغين نفاق ايوسف ...انا وياك ماتربيناش على نفاق ياك ... يوسف : نتا خويا ... صهيب : خوووك قدام الله والحليب الي رضعنا راه حنا خوت بزز ... يوسف : الخوت كيقولو لبعضياتهم العجب ويقولو لواليديهم العجب الام سامحتني حيث مي هاديك ونتا خويا وعشيري وفردتي الكلب ... صهيب : الصمت "ضار عطاه بصهر " سير ايوسف بدل ساعة باخرى وخليني عليك ... يوسف "مع مبلط بشراب غا جيب يا فم وقول كيقول الي فقلبو وسكران مااا يكذب " : زيييد جوج اااااامول روج زيد جوج او خليوني نسكر على حسابو ..."غادي راجع بلور ويغني اغنيتهم فالوقييييييتة الي كانو باقين كيمشيو لنايت ويسكرو ولا يقصرو قبل ميجمعو راسهم " ...وااازيد جوج امول روج زيد جوج اااااليلة نهرس بابووو..."واحد لحضة نطق جملة هرب ليه فيها صوت بتنغنيغة الي فصدرو والغصة الي كتعذب فيه وقال " هذا جهدي الي فيا قاهرني وعذبني الى الموت تخليك تسمح ليا افردتي نموووتها ... صهيب "هز راسو بغا يضور فيه هزو جات عينو نيشان فالعساس لقاه بغا يشد راسو وغادي كيجري لعند يوسف محتال يضور حتى سمع صوت كلاكسون كاميو كيضر فراس ضار بجهد شد فراسو وغمض عينيه وغوت بحر جهدو " ...يوووووووووووووووووساااااااااااااف خووووووويااااااااا عندااااااك "حتى بح ليه صوت " ....الموت الي نطق بيها يوسف باش يسمح ليه شافها صهيب فهاد اللحضة دازت بين عينيه...زلات اللسان وكلام الجارح يتحفر فالقلب مع الوقت يتعالج و من اعز ناس قاصح وللقلب نازف ولكن لا فقدنا اعز ناس ؟ وشحال صعيب الى راح الغالي واش يبقالي 💔 غمض عينيه وشد فراسو للحضة داز شريط حيات يوسف قدامو هو واحد اللحضة شاف فيها صهيب يوسف ميت ومكفنينو .... #قدام_باب_لامورغ..... واقف عينيه حمريييين بدون ميرمشو واقف مفيكسيهم فالباب فمو محلووووووول ممصدقش واش بصح هادشي ....واش فعلا ماااات ...واقف غييييير وحدو كيفكر ممثيقش ومقهووووووور معذب على صاحبو مشوي شوية ماليها مثيل .... حتى تحل الباب ...وخرج الي مقابل لامورغ ... هو : تقدر دخل تشوفو ... صهيب "فمو محلول كيبغي يقول شي حاجة ويحبس شاد فلتحت ديال فيستة باش جابوه لكلينيك باش بقا ...كيكمش فيها حتى كيوليو ايديه بيضين مسقوطين من دم ...دار خطوة متردد مباغيش يشوف ولا يثيق ...كلنا ممكن نطيحو فهاد الموقف تشوفي اعز ناسك على قلبك في طاولة الموتى الدم مسقوط منو الحياة مسلوبة منو الروح طلعات لخالقها ...ديك الكسدة وداك الجسم والوجه الي كان كينبض بالحياة ويتحرك ويضحك ويغوبش ويهضر ومعاك فكلشي فيه روح نابض للحياة ..تشوفيه مسلوبة منو ومجبد ديك التجبيدة الاخيرة فالحياة راه غادي تشوااااي بمعنى الكلمة الحرقة ديال بثح هي حرقة الخاطر والنفس ...ما اصعبها ...تقولي لهلا يذوقها لشي مسلم ولا لحد لكن ميمكنش هادي هي سنة الحياة الموت لابد منها .... دخل تبعو حتى وصل البياص بان ليه كسدة مجبدة طوييلة ومگضرة مغطيا بالبيض كلها ... هو : الله يصبركم .... صهيب "لا رد شعر راسو وقف والدموع وقفو ليه فالحلق ولا كيقول نمشي موراه مغاتبقاش ليا العيشة من بعد عشيري خويا توام روح ديالي لان اخوتهم فايتة الحد فاتت الصداقة كلشي كيديروه بزرج نوع صداقتهم نوع ناذر جدا ...ولا كيقول غير يحيا ويجرحني تالصباح ... مهضر ماتكلم هذاك الي مقابل لامورغ تفهمو وخلاه تا قرب وهو يحط صباعو على ليزار الي فراس يلاه بغا يحلو وهو يحط صهيب ايدو عليه ...ضغط عليها حتى تكا صهيب بغا يطيح ونطق هو : الى متقدرش اولدي بلا متشوفو نرجعوه لثلاجة ... صهيب "ضور وجهو عينيه دامعين " : غايضرو لبرد ... هو : خاص ندخلوه تايعطيوكم الورقة باش تديوه دفنوه ... صهيب"طلق ليه من ايدو وخلاه يهز ليزار دار صهيب ايديه بزوج على حافة البياص محني عليه ....غااا هز ليه ليزار هز عينيه حمرين غمضهم وهما يتزرزرو دموووع ستة خمسة لعين ...هابطين شاقين طريقهم حتى عصر عينيه من داك الالم الي حس بيه فصدرو ...وهو يطلق ااااااااااه هاز راسو لفووووووق باغي يحذرو ويلقاه ماهواش ...." : واااااااااااااا خووووووياااااااا حبييييييبي ...ولاديرهااااااش بياااا .... محتال يحذر عينيه حتى سمع صوت الكلاكسووون مخلط بفراان الي تطلق مجهد حتى تحكو الروايد ... فيقو من السهوة الي سها او اللحضة الي دازت قدام عينيه ...حتى خرجهم لقا الكاميو وقف ليوسف الي مسهوت عند رجليه كان على شويييي يدوز عليه غا جا الله من جيهتو .... العساس سخف بالخلعة ههههههه .... صهيب فهاد اللحضة عينيه بقاو خارجين كيستوعب بالي راه يوسف موقع ليه والو وبالي داكشي الي شاف ماهي الا تخيل داز بين عينيه كيجينا فلحضات كيحساب لينا داك شخص ضرباتو طوموبيل وكنبداو نسجو الحرقة الي غاتجينا من بعد هاكا وقع لصهيب ...بهاد المعنى شاف موت يوسف بين عينيه ...الموت الي قاليه يوسف الى كانت غاتنسيك فشنو قلت ليك وجرحتك بيه نموتها ايوى هاهو شافها بين عينيه مجرد تخيل خلاه بغا يهبل وملي عرف راه موقع ليه والو تصدم ....حتى زلقت ليه ابتسامة تلاتها ضحكة ممصدقش .... صهيب "دار راسو بين ايديه حال فمو كيضحك " : ههههه ههههههههههه م ممم موقع ليه والو ابا عزوز ههههههه واااالفردة الفردة ... العساس : واجي نجروه راه فشل اجي ... صهيب "حل عينيه مزيان عاد بان ليه مول الكاميو خارج يعرعر ويوسف جاتو سخفة سكرة فشانطي هههههه " : اووووووويلااااي سخف خايبة تالمعاودة ...واجي جر معايا الخرا تفووو ... مشاو ليه بزوج هزوه وصهيب طلب سماحة من مول الكاميو الي كان مسكين وجهو صفر نهههه تاهو كان على وشك يبجغ روح وماشي اي روح سيدي يوسف رمسيس نعماس واحد من المحابيب هههههه ....هزوه مرابعة سخفان واش من خلعة الي كان غايطرا ليه حيث رجع بلور متسوقش لشنو كاين ...وزادتو حتى شراب الي شرب بزااااف .... صهيب "جبد الفون من جيبو معافر مع يوسف هو والعساس مسكين الي هاد ليلة غاتحفر ليه فراس هههه ...عيط لسارة " : لبسي نتي شي حاجة ودخلي لبيت غادي نطلع يوسف ... سارة : تصالحتو 😍 صهيب "دار براسو مسمعهاش " : ديري شنو قلت ليك يلاه ... قطع معاها خشاه فجيب ومشا هو والعساس مضاربين معاه حتى وصلو لسانسور طلعو لطابق ديالو ودخلو معاه لدار حتى وصلو لصالون وتماوه فوق سداري بسبرديلتو ...شكر العساس وطلب منو سماحة ومشا هبط ...اما هو ... صهيب "حيد الفيستة ومشا تالبيت لقاها جالسة كتسنى ...كيحيد فحوايجو وجبدات ليه تيشرت وشورط الي غايلبس ..." : امتا جا ؟؟ سارة : شي ساعة وهو كيضرب ويعيط قلت ليه مكاينش ولكن بقا كيتسناك مبغاش يطلع حيث قالها ليه العساس وقاليه مرت خويا بوحدها ... صهيب "حبس فاش يمع ديك مرت خويا بوحدها حس نوعا ما بالفخر ان خوتو تيحتارموه كيف مكيحتارمهم دايرين بحسابو كيف مكيديرو بحساب بعضياتهم دوك الخصل علاش ترباو ولاد رمسيس فيه يعني راه منهم وفيهم والى تقال شي ليه وجرحو راه ممكن يتقال حتى لواحد فيهم ..." : مزيان ...بقاي هنا راه سكران ...غادي يبات هنا باش تكوني على علم سارة "بفرحة " : صافي تصالحتو غانرجعو لفيلا .... صهيب "ضار مشربن عندها بتخنزيرة تا خرجو عينيه الخضرين وهي ترجع بلور مفافية " : دخلي سوق راسك .... سارة : هاني غا قلت صافي ...تت صهيب "قرب لعندها تا قرب لصقها مع الحايط مخنزر تقاد مع وجهها كيعضعض فينانو والفك ديالو كيمشي ويجي " : داك تراديد تنساااايه قلتهاااا ليك ديك المرة راه ماشي قدك باش ترادي معايا سمعتيني ...تزيدي غادي نوريك شغلي معاك ...بقيتي ليا غانتي ... سارة "خرجت فيه عينيها ورجعت هبطتهم بقا فيها الحال ونطقات " : وااخا سمح ليا بقيت ليك غا انا ... مجاوبهاش عرفها بقا فيها الحال هاهو تاهو جرحها وخا غير كلمة بسيطة فلحضة غضب جرحها بيها رجعت بيها ذاكرتها نهار خطبها حتى شاطت عليهم وشي يلوحها لشي وهو يخطبها بحال بقات ليه غير هو ...يعني مكاينش فرق بينو وبين يوسف فولج مجموعة ماشي تا مقسومة على جوج هههه ... مشا لكوزينة دار كبسولة ديال قهوة سييييك قاصحة ف نيسبريسو ديالو وتسناها تا عمرت نص الكاس حااارة هزو ودار كاس ما فيه زوج ساشيات ڤاني خلطو وداهم الكيسان فايدو فايدو كان لبس ديك ساعة فاش كان كيهضر مع سارة ... حتى دخل ولقاه جالس مطوي نصو بدا كيتوگض وخا سكران لكن ماشي هبيل كيف طرا ليه قبيلة يعني بدا كيتكالما ...حتى مد ليه الكاس ... صهيب "مكيشوفش فيه " : شربو كلو دقة وحدة ...وتبعو هذا ... يوسف "هز راسو عينيه حمرييين ...حكهم بصباعو وشد من عندو تكا على الكاس وتبعو لاخور عطاهم ليه مشا داهم لكوزينة وحطهم واحد ربع ساعة حتى ناض شاد فمو ومشا يجري لدوش حل لاشاص وخشا راسو كيرجع كلشي ....بقا يرجع يرجع يرجع حتى بغات تخرج ليه روحو بداك ترجاع ....مناض تا فشل ...طلق لما ومشا لافابو غسل وجهو مزيااان نشفو ...وخرج برا لصالون غادي ويتلاوح ويحك فعينيه حتى دخل وجلس فالقنت ديال سداري عند الباب كيحك فعينيه ويغمضهم يعصرهم ويعاود يحلهم باغي يتوگض ... صهيب : مزيان دابا ؟؟ يوسف "هز ايديه شير ليه بمعنى متشغلش بالك " ... صهيب : اجي تنعس تالصباح وسير معندك فين غادي دابا ... يوسف "مشافش فيه " : لا غانمشي بفففف "حك عينيه " هز ايدو وحادر راسو وكيهضر " ...سمح ليا درت ليك روينة هنا ... صهيب : تت مديرش فبالك عادي مولف منك رواين الكحلة ... هز فيه يوسف عينيه ورجع شاف قدامو ضحك بجنب مستهزء من راسو ...ومن حالتو الي وصل ليها دابا وغين وصلات بيهم ليام ...شاف قدامو ونطق بكلام خرج ليه من قلبو كلام ديال بصح الي فالقلب والي علاش حل عينيه والفطرة الي فيه علاش تربى هي ال تكلم بيها دابا ... يوسف : رواينا "دار اشارة بصباعو زوج " لكحلة ...روينتنا صداعنا مخاصماتنا تنتخاصمو بجوج ونتصالحو بجوج ... صهيب "ضحك بجنب وضور راسو كيحك فيه " ... يوسف : كلاشاتنا لعباد الله بجوجنا ...سفرنا خدمتنا عشرتنا فرحتنا حزننا ...رفقتنا صحبتنا اخوتنا حليبنا بجوج ...قلبنا واحد ...كي قلبي كي قلبك ...واش نبغي اصهيب نعاير راسي ااا ؟ نبغي نجرح راسي .... صهيب : اول مرة كتقول هاد الهضرة ايوسف علااش ؟؟؟ يوسف : حيث ماشي من قلبي هانتا كتقولها اول مرة كون بصح كون ديما كنقولها ...واش تواصلت معاك لخزيت وعمري قلتها شحال من مرة تحاصمنا عمري قلتها ...ماعرفتش اشنو جرا تا خرجت ليا من فمي ...يمكن حيث نعتيني وهنتيني فرجولتي بلا ماتفهم اش واقع ؟؟؟ صهيب : يوسف .... يوسف : لااا خليني نكمل ...ديك ساعة دير الي عجبك ...تاغلط ما وقع بيني وبين يسرى ماشي انا الي ندير دوك الفعايل يسرى نهار بغيتها بغيتها لحلال حيث هي بنت ناس والحلال ماشي بنت زنقة ...نهار عرفتك كتعرفها مترددتش انني نزيد نتعرف عليها ....غير فهمتي غلط اش غانقوليك غفلتها وبستها هذا الي وقع ...واصلا داير معاها سيمانة جايا غانجيو نخطبوها ونديرو لازم حيث تعطلنا مبغيتش نبقى نتسنى ونطول معاها نديرو الحلال وديك ساعة الي عجبنا نديروه حلالنا ... فاش تلاحيتي عليا وعايرتيني اصلا كنت مضغوط بزاف من الي جرا الخلعة ديال فؤاد والخاطر الي شادين لمرتو فوق خاطرنا باش متمرضش مرض ليا خاطري وتدعقت ملي وقع هكاك فحال انفجرت وجات فيك بدون قصد اصلا فاش قلتها مسمعتهاش حتى وعيت عاد رجع ليا شنو قلت مع فتهاش كيفاش خرجات واش بغيت نبرد فيك غدايدي الي ماليم بيهم تا علاقة ولا الله واعلم ...ماشي انا الي نقوليك داك الكلام نموت ومنقولوش ليك وهاني كنت غانموت غا باش تسمح ليا... صهيب : لا رد "داير ايديه على فمو كيحككك فيه ويعاود ...قلبو تعصر من اخر كلمة يوسف "ناض على وقفتو كان غايطيح غا شد فالحايط حتى بغا ينوض صهيب يشدو " : انا منقولش ليك هذا جهدي انا غانزيد كتر وكتر معاك ونطلب ونعاود ولكن غانخليك ترتاح مني مغانبقاش نجي عندك ومتبقاش تشوف وجهي ...ولكن خاصك تعرف "شد صباعو كيحسب فيهم " خطبتي الى مكنتي فيها منخطب ...عقدي الى مشهدتي ليا فيه وخا غاتشوف بعينيك منسنيه عرسي مفيهش نتا نوض من البرزة بالله لا كملتو ...شهر العسل ديالي ومبرزطتي ملتي فيه مندوزو ولا يحلا ليا ...حياتي مفيهاش نتا راني غا عايش وصافي نعدي وصافي ... صهيب "نطق على نفس وضعيتو " : حتى انا فحالك ...ولكن الي تقال ماشي هو الي ضرني الي ضرني هو تقال من فمك نتا ..."غمض عينيه " راه بربييييييييييييي ايوسف وقالو فؤاد ميبقا فيا الحال كي بقا فيا منك نتا ولكن هذا "ضرب جيهة قلبو " عصرتييييييييييه اخويا عصرتيه وغبنتيه اعشيري ... يوسف : استاهلت ومزال نستاهل العقاب ماشي حيث غلطت وجرحتك لااا حيث غلطت وجرحت راسي راني ماشي جرحت صاحبي جرحت راسي ...حيث نتا هو راسي ... سمح ليا اخويا هذا منقول الي قلتو ماديالي وما من قلبي تقال فلحضة غالطة وغير فلساني ...فكر بالي غلطت فراسي ...جرحتك حيث نتا خويا خاصك تنسا لان دم كيرجع وعمرو يولي ما .... كيف ناض بقا شحااال واقف كيشوف فيه قاليه هذاك الكلام وتم غادي خارج كيعيط ليه صهيب وهو ماشي فهاد العالم جاتو البكية وحابسها مبغاش يضعاف حيث عيا اصلا مخلي الكرة عند صهيب الي كيعيط ليه ومجاوبوش حتى خرج سد الباب وزاد هبط .... اما صهيب بقا واقف كيشوف فالباب حتى حدر راسو ومشا جيهة شرجم باق واقف كيشوف طل عليه لقاه شعل ضو طوموبيل ديماراها وزاد حتى تهزت ...كمششش عينيه لسرعة الي دار يوسف ...رجعت بيه ذاكرة لتخيل الي تخيل فاش كان الكاميو على وشك يضربو وممكن يفقد فيها حياتو ؟!! يوسف يفقد حياتو يموت ويبقى صهيب يشوف والى مشا يوسف جرح اعمق لصهيب غادي تولي حياتو كحلة ....لو فقدو فعلا ومات اش بقا لهضرة يوسف الي جرحو بيها ...اودييي غير يجرح وميخليهش ويموت ...اودييي غير يدير فيا ما بغا وميخلينيش فهاد الحياة وحدي كان على بونت يصبح صهيب فهاد دنيا ويوسف فحياة الاخرة وديك ساعة مبقى لكلام فايدة غادي يتحطم ديال بصح ...حتى لموت وكيتنسى كلشي ... هز ايدو حطها على صدرو كيحك فيه ويعاود ... حتى سمع صوت تقرقيب ضور راسو بانت ليه خارجة حادرة راسها عيط ليها مجاوباتوش ...مشات لدوش وبدات تحك سنانها باش تمشي تنعس ...حتى حسات بايديه على كرشها وراسو محطوط على كتفها بغات تحيد ايديه وهو يزيرها ... صهيب : غيييير خليني اسارة الله يرضي عليك ... سارة "شللات فمها ودفلات ما تبقى " : وطلق وخليني نخليك ...اصهيب ... صهيب : لا خليني متكي عليك بغيت نرتااااح ضرني راسي ... سارة : سير نعس ... صهيب : تت بغيت نبقى نفكر ... سارة "عرفاتو عيان نفسيا حطت راسها فوق راسو " : فاش بغيتي تفكر ..غادي غير تمرض راسك ...طلب منك سماحة اصهيب هو معذب كتر منك ... صهيب "هز راسو رافع حاجبو " : باش عرفتيها ... سارة : يامنة وراوية فاش كنهضر معاهم قالو ليا مبقاش كيجي لفيلا وقاليهم ميجيش الى مكان الفردة ديالي ههههه صهيب "جاه ضحك " : ههههه ... سارة : والله ...ومبقاش كيف كان غير كيجي يسلم ويمشي يغبر ...هاد الايام كلها ... صهيب : نتي فاش تديها فراجلك مدياها ليا فيوسف ...زعما هاد يوسف بغاش يعطي لملتي تيساع ؟؟؟ سارة : ههههههه ...خوك فرضاعة والفردة ديالك نهههههههه صهيب : الخرية ديالي ...زيدي زيدي قدامي لمك تنعسي ... باسها فعنقها وجرها وراه غادي بيها ... صهيب : تي شتك هاد اليومين نسيتيني ااا ؟ سارة : فاش "تكات فوق ناموسية حتى جا طلع فوق منها مكالي بايديه " ... صهيب "باسها في فمها " : في هادشي الي غانبدا دابا ....اش بان ليك ...اممم "خشا وجهو فعنقها كيبوس ويمص ويعض حتى كتهز تحت منو ....اممم من بنو عندك هاد العنق ابنت لذينة عن صلاتهم منقطعون ... سارة "شلقم ليها فمها تا شلقمو " : لهلا يحييك والديا كيصليو مكيقطعوهاش ماشي فحالك عاد بديتيها ... صهيب "خدام يبوس ليها فصدرها الي هبط لفوق حتى بانو ليه ثدييها نصهم قدامو لحسهم براس لسانو تا قالت اوووه " : ابتييييي راه من خضتك وانا مسخوط غا جا الله من حيهتي ..."تحنى لفمها جرو بفمو خشاه وسطو كيبوس فيها ويشلقم ..." سارة : امممنن اااا اههههههه ...بشوية ازمر ههههه صهيب : ما بشوييااااش خلييييييني ... عضها فصدرها تا غوتت وقفزت وهي تشدو من راسو ونطقات ... سارة : فيا هاديك غير قبيلة جات "قالتها مزنگة " .... صهيب "هز فيها راسو تيقوليها واش تتهضري من نيتك تا حلفات ليه ...ناض من فوقها وتلاح على ضهرو كيتنفس حيث تزير ونطق " : بغيت لهادي الي كتجيك تفرگيييع متقوليش امين ...تفووو ...متقوليش ليها منين نوي تفوتني ...واش تتوحم عليا؟ ...نعسي نعسي وكان ... اصبح يوم يوم جديد ...بعد ليلة طويييييييييلة من تفكير لكلا طرفين ...تا واحد فيهم بزوج مانعس تا واحد فيهم نا غمض ليه جفن ...صهيب خلاها نعسات ومشا خرج خدا ليه قهوة كحلة من نيسبريسو ...ومشا لبالكون جلس فيه فداك البرد ديال الليل بقا يسوط فيه حتى صبح الحال تا حس بحلقو تجرح ليه وهو ديك الحادثة والموت الي تخايل ليه بين عينيه مبغاااش يتنسا ليه كل مكيتفكر يوسف مغط ميت فداك البياص كتجيه البكية .... صبح الحال لبس حوايجو من بعد ما خرج من عندو مشا لفيلا نيشان وطلع لبيتو دخل لدوش بحوايجو ودوش مزيااااان باش يتوگض ويخفافو عليه عضامو وخرج جاب قهوة كحلة وفنيد تراس وبقا حتى صبح عليه الحال كانت شي ستة صباح لبس وتقاد باش يخرج قبل ميفيقو ... يوسف "كيعقد فالقاميجة البيضة لابسها مع سروال دجين زرق غامق ويكحب صوته مشا ليه ضربو البرد ...هز الفون لقا ميساج من يسرى خلاتو ليه البارح ومداهاش فيها ملي سكر مهضرش معاها اصلا مكان عندو خاطر ...دار ليها اوديو بصوته الي ماشي ليه " : يسرى صباح الخير ...من بعد ونهضر معاك راكي سمعتي صوتي كيداير نسالي ونجي عندك نشوفك ... سد الفون خشاه فجيبو وهز الكونطاكت وخرج من البيت كيكحب ...حتى هبط لتحت وهي تبان ليه نجود جايا كتحزم زيفها ...عرفتو داك الي لقا الما من بعد عطش طويييل فصحراء ولقا الواحة هكاك وقع ليه ...ضحك حتى بانو سنانو حدر راسو وهزو ومشا كيجرييييي ليها حتى تلاح عليها يعنق ويبوس ... يوسف : واربييييي على نور وتنقول مال ضو شاعل فدار والروح بدات ترجع ..."باس ليها ايديها يبوس ويعاود بغا يهبط لرجليها وهي تحبسو " نجود : هههههه راه نجي لولادي منخليهمش وخا تجري عليا ... يوسف "كيكحب وصوته ماشي ليه بزز باش كيخرجو " : واميمتي نتي الي كاينة ...عاد رجعت ليا نص روحي ... نجود "عقدت حجبانها " : ضاربك البرد ... يوسف : ماعليش غا شوية دابا يمشي ... نجود : زيد لوالديك قاليك ماعليش غاشوية زيد ندير ليك زيت لبلدية نخلطها ليك مع الحامض وشربها دغيا تحيد ليك هادشي سمع صدرك كي مدعدع ... يوسف "باس راسها " : وخا ميمتي منقولش لا هههه ...عنقها وتم غادي هو وياها عالاقل رتاح شوية ملي رجعات ونسات كان شيئا لم يكن كملات منين حبسات وهكذا غاديا ...عطاتو شرب داكشي باسها وخرج مزروب بحجة عندو شي غرض فالشركة ضروري وهو غا باغي يهرب وصافي يحاول يولف ... حتى خرج دار الكونطاكت وحل طموبيل من بعيد ...جا بغا يحل الباب حتى سمع صوت وراه حتى هو مبحوح بالبرد ومشاي فحالو ويكحب ... صهيب : اهيا داك الديب فين غادي ... يوسف "ضار جيهتو كيشوف فيه ممصدقش " : هااا م مغادي فين فين غانمشي ... صهيب : وغادي بلا بيا نتا حمار الحمار هو ... يوسف : شااااا ... صهيب : راااااا ...حمااار ... يوسف : راه غاركلك ... صهيب : ديرها ... يوسف "شرع ايديه " : حمار حمار اللهم نستغل الفرصة وركل والديك ..."حك على صدرو مغمض عينيه " اححححححخخ ياختااااي وتنولني شرف ركل موك تيبان ليك راسك فدرب غلف ... صهيب : درب غلف مزيانة خاصني شي لعيبات من تما ... يوسف : رجلي برجلك لوالديك ..."نساو راسهم هههه " اهو كي شتي شلا سلعة قالو ليا دراري جابو تما… راه زهير غادي لكازا على ود سلعة نضربو تالتما ؟ صهيب : نشوفو شي وقيت ... يوسف "تم غادي جيهتو وصهيب تاهو جا جيهتو حتى ضرب يوسف ببونية وسط كرشو " مهضرش يوسف متكلم بقا يعطيه يعطيه يعطيه تا بغا يسخف صهيب دقة فالكرش جناب ولاخور يتلوى ونجود حاضياهم من بعيد من زاج لكوزينة ودايرة ايدها على فمها حتى بان ليها يوسف جر صهيب وعنقو بجههدددددددذ ... صهيب : الى الموت كانت غاتديك ينعل بو الهضرة غا جرح اصاحبي…وعاود ...اااااااااخويا كنتي غادي تمشي وتخليني .. يوسف "عنقو تاهو بجهددد ...حط راسو على كتفو ...مدوا ماتكلم ...حس بعناق صاحبو فحال رجعات ليه روح ...كلشي يقدر يصبر ليه تال صهيب يتخاصم معاه ...علاقتهم فشكل ...ميقدرش بلا بيه وخا يبعد المهم ميقطعش هضرتو ....حتى حس صهيب بفزوگية فوق كتفو ...دفعو بشوي قابلو معاه كان يوسف حادر راسو دميعات هبطو ليه دايزين ...ااااه عينيه دمعو ثاني ...يمكن تجيكن صداقة فشكل لكن راه فحالهم عدد وخاصة فشكل صداقتهم لا واحد لا خطا ثاني يتقلق فما بالك لو قاليه كلام وكان سباب الفراق!!! يوسف راه روحو مشات ليه تعذب بزاف من ناحية ضميرو ومن ناحية فراقو مع اعز واحد عندو هو صهيب الفردة ديالو ...الي الى مشات مكيبقى لفردة ثانية تا معنى متمشيش بيها وميتمشاش بيها ...مسح دموعو بطرف كمايم قميجتو ونطق حادر راسو " : الموت اولد ميمتي هي الي شفت ونتا مكاينش ..."تلاح عليه عنقو .." عمرك باقي تعاود تمشي من هنا نكوي لوالديك لمصاصط ... صهيب : اححح لا ...اجي شفتي الموت بعينيك ؟واش كاين الويفي تما ؟ 🌚... بقات نجود حاضياهم كيفاش كيديرو حتى ضربو وعطاه وتعانقو وضحكو ...عاد رجعت ليها الابتسامة وفرحة ولادها بزوج رجعوو لصداقتهم واخوتهم وضحكهم وخا هبيل المهم منور عليهم الفيلا وحياتهم ورجعت ضحكة الي كانت مفقودة ... صهيب "كحب " : كاين كحكح كاين شي فطور ..ايمااا صدري ... يوسف : اححح خسر معاك البرد الهضرة ... صهيب "هز ايدو " : مخلا ليا منين عطاني تا صليت عالنبي ... يوسف "عنقو من كتافو وتم غادي مدخلو " : تعالى لعند الوليدة توريك فيه وتشوف نعماس كي تيديرو ناس لدوا ... صهيب : اجي تانتا مخسر معاك الهضرة ماشي غير ضاربك ... يوسف : عطا ليمانا علاش نقلبو ...صدري تقول كامي ماركيز حياتي كلها ...اااا ميمتي راسي ... صهيب "حبس وضار عندو " : عاااه ... يوسف : اش تم ... صهيب : البارح سكرتي فخبار خوك ؟ ... يوسف "تحدر وضار طل هنا وهنا " : الميييييمة سترة زينة ستر خوك لله فسبيل الله عمري باقي نقرب ليه هي غلطة وندمان عليها ... صهيب "ضور راسو فحال تيقول احياااااني ههه " : وييييييييييييييييييواااااااي علاه نتا سكرتي وخربتي وجيتي ليا تحت شرجم تتنادي عليا ... يوسف "تيسكت ليه في فمو " : وهنينا الحبس ينعل والديك شوهتيييني ...العاااار نعطيك الي بغيتي شيك على بياض رحم خوك وستر راه سيمانة الماجيا غادين نخطبو اولد الناس ... صهيب : منعطيش انا يسرى لسكايري 😌... يوسف : شكون خوك انا ولا هي يخوي ليك الركابي ... صهيب : ماااخو حد انا ... دخلو لكوزينة يتقاشحو هذاك يطلب باش ميوصلهاش لخوه بالي سكر وحيح ولاخور نافخ ريش حتى وقفو على امهم باسو راسها ..مشات تصاوب لصهيب تاهو زيت مترب مع الحامض ... نجود : عطاكم البرد علاش تقلبو نيت بحرا تحشمو ويتلجم داك لسان ساعاك مبان ليا وخا يضرب والديكم اعصار الفم هو الفم ... مشات خلاتهم يبرقو فبعضياتهم بليميييين معاودها حد من وراها هههه ... يوسف : ندير ليك شنو مابغيتي ... صهيب : دير دير ؟؟؟ مابغيت وخا يكون منعرف اش ؟ يوسف : وبربي تنديرو الى كان غاتسترني نتا ومرتك ... صهيب : على حسابي المدام لا قالتها نبيت والديها عند الباب ... يوسف : امر وانا نفد ... صهيب "كحب تا كحب ونطقها ليه " : سيمانة جايا الخطبة ؟ يوسف : ايييه لا بغا الله ... صهيب : العرس امتا ... يوسف : تنقولو نديرو غير عقد وعشا خفيف وصدقة ... صهيب : عليا بلمييين مدير هادشي ... يوسف : اويلي واشن ... صهيب : لا بغيتي نستر والديك تجيب شياخ وخلينا نشطو فعرس واحد راه قلبنا تحك غير بعشاوات خفيفة وصدقة خالنا نشطو شوي ... يوسف : ولاااااا كرهناش ويني فؤاد ... صهيب : فؤاد هو تحدي ديالك خليتيه يوافق وخا مخليتيهش اعرااااض والدين مك كلو يتحط ليه ... قالها ليه وخلاه يرمش ...ايييييه فؤاد موحال يبغي ليهم شياخ وليني هذا تحدي صعب بالنسبة ليوسف اااشنو غايقوليه كي غايدير يخليه يوافق .... خرجو من الكوزينة او بالاحرى واحد خارج ولاخور تابعو وتيحاول يطلب يدير حاجة اخرا ... صهيب : وتقووووووول واش نتراجع ... يوسف : وخا وخااا اولد لحرااام حسبي الله ونعم الوكيل ... وهما فخضم المناقشة حتى تم نازل الشخص الي كيف عادتو كيفيق بكررييييي باش يكمي ولا يدير رياضة لكن بما انه مريض فغايكون نازل يستنشق لهواء يدير امارش خفيفة ويكمي ...حتى لقاهم بزوج كيتناگرو قلبو فرح من لداخل وحس براحة كبييييرة انهم. رجعو لبعضياتهم ...حتى جبد عينيه وعض شفايفو حتى وقف عليهم .... يوسف "شم ريحتو وخرج عينيه ضار كيشوف فيه " : خ خويا صباح الخير ... فؤاد "حدر راسو وهزو " : صهيب ... صهيب "ابتاسم ليه " : صباح الخير ... فؤاد : الامور "شاف فيهم بزوج زعما بيناتكم الامور " مزيانة بيناتكم دابا ؟ صهيب : الحمد لله ... يوسف : الحمد لله خويا ... فؤاد "قرب لعندهم طبطب عليهم من كتافهم بزوج ونطق " : هاكاك مزيان ...ماليكم غير بعضياتكم مصارن الكرش كيتخاصمو ويتغايرو ...الله يرضي عليكم ..."ابتاسمو ليه وحدرو راسهم " ...مال صوتكم ضاربكم البرد ؟ يوسف : وايه شوية هههه فؤاد : مدرتو والو معطاتكم الوليدة تا دوا ... صهيب : لا صايباتو لينا عاد شربناه ... فؤاد "بقا شحاااال كيشوف فيهم ": ضربكم بجوج دقة وحدة فحال تعاقبتو بجوج دقة وحدة ...طبطب عليهم وتم غادي حتى وقفو يوسف ... يوسف : خويا بغيت نهضر معاك الى بغيتي دابا ... فؤاد : تبعني لجردة ....قالها ليه ومشا ... صهيب : اش بيتي تقوليه المسخوط ... يوسف "شاف فيه " : اشنو منقولش ليه على شياخ "بفرحة كيحساب ليه صهيب غير ضحك هههه " .... صهيب : الا غاتقولها ولكن قلت تاليل عاد تقولها ليه ويني مزيان خير البر عاجله ... يوسف "جمع ضحكة كون صاب يخمج ليه وجهو " : خير الخرا طليه ...تفو على حبس تتهضر بصح نيييت نتا ...ييييخ ... تم غادي ينگر ولاخور مكرشاااخ عليه بضحك حتى خرج يوسف لجردة وتبعو صهيب بالحس حتى جلس حداه لاخور شاد كارو كيكمي ويشوف قدامو ويوسف كيصرط فالبيض باغي يعرف منيني يبدا واش يبدا والمهم يبدا من السهل وخا حشمان زعماك هههه يوسف : احم خويا ... فؤاد : نعام ...شنو عندك ... يوسف "حدر راسو كيلعب بصباعو بتوثر بغا يهضر وخاف لا يكون الوقت ماشي مناسب وفالاخير قرر ينطق والي ليها ليها " : اممم ف فصراحة بغيت نقوليك بالي ناوي نخطب لا كتب الله ... فؤاد : مزياان ...هي نويتي بصح ... يوسف : هههه وايه ايوى نديرو دارنا تاحنا ووليداتنا لا بغا الله ... فؤاد : امتا ... يوسف : هو كنت كنتسنى ختي الفجلة "ضار شاف فيه فؤاد عاد دارك اش قال هههه " ااا ي يامنة يامنة ...تولد ... فؤاد "شاف قدامو " : يامنة قدامها ثلاث شهور يعني مزال الحال ... يوسف : وي ولكن قلت نمشي نخطبوها بعدا ندير العادة ونديرو العقد عاد مورا تولد ختي يامنة نديرو العرس لا كتاب صهيب "حاضيه من لور حتى جا الياس الي عاد وصل من السفر ودخل من الباب حتى بان ليه صهيب كيطل مصدقش كان غايغوت تا شاف فؤاد ويوسف جالسين كيهضرو ..." : ويحرق اصل موك حنا نتسناو شياخ تتولد الفجلة السلگوط ديال البرهوش الي غاتولد ... الياس "دار ايديه على فمو وخرج عينيه ممصدقش اش قال " : سلگوط البرهوش ...ولد خونا سلگوط برهوش ؟ عرفتو داك الي كيتخلع كينقز ؟ وراه صهيب ماشي غير تخلع ونقز وراه طااار ونزل وغوت تا وصل غواته لعند فؤاد ويوسف الي ضارو...فؤاد غوبش وضار يشوف ... صهيب ؛ وااااااااااااااااااااااالااااااااااااااا ... الياس "خلعو تا قفز تاهو ههه " : اناااري مالك ... صهيب : العااااار لما ستر تانتا .. الياس "شاف فيه بشر " : الاااااااو ... صهيب :من لاخر فاش عينك تانتا واش بغيتي تانتا ... الياس : شكاين هنا عليها نبني عليه طلب نتاعي ... صهيب جر الياس لداخل شاف في فؤاد من بعيد وشير ليه باش يسمح ليه ويكملو ..وجرو لممر الي كيدي لكوزينة ...يوسف بغا يخطب قلت ليه يطلب فؤاد نديرو شياخ ولا شي قصارة ... الياس "تيحك ايديه " : ارا برع اييي زيد شتاني (اش تاني ) ...شي حصلة شديتيها عليه ؟ صهيب : حيث جا سكر البارح حيح عليا قدام داري .. الياس : نااري لمسخوط ... صهيب : من لاخر طلب اش بغيتي تانتا ... الياس : نعرض على بنت المصفرط لعرس ...😌 في هاد اللحضة رجع الحديث بين يوسف وفؤاد ... فؤاد : سيمانة جايا حنا معاك الله يكمل بالخير ... يوسف : ههه الله يبارك فيك خويا ... فؤاد : ماعليش دير العرس وخا مزال متولد ...من هنا لتما يكون خير فرح براسك نتا لول ...وقت الي حددتو قولها ليا ...وقتي كلو ليك تا تجيب مرتك والله يسهل عليك ... ناض يوسف بالفرحة عنقو وحتى هو بادلو العناق ...وتيليفونو كيصوني ليه شاف شكون لقاه صهيب من جيه والياس من جيه ...هز عينيه لكوزينة بانو ليه مراكبين كي الحلاقم تيشيرو ليه باش بفتح الموضوع ... فؤاد "هز عينيه فيوسف وشاف فيه " : شنو كاين ؟؟ يوسف : ااا لا والو غير تيصوني ليا تيليفون بغاني صهيب ... شير ليه فؤاد بايدو بمعنى سير ...ابتاسم ليه وحدر راسو ومشا فاتجاه عندهم ...حتى وقف عليهم ... يوسف : يحرق اصل ملتكم الكلاب ...ااااااش كاين ... الياس : اش درتي معاه بغا نشطو فالعرس ولا ندوزوه مسوس ؟ يوسف "شاف فصهيب صغر فيه عينيه كيتحلف ودار ايديه على لحيتو " : لا بقات فمك راني ماشي يوسف .... الياس : حصلتييييييييي قول امتا ... يوسف : مزال مقلت ليه والو تال سيمانة الماجية غادي تمشيو معايا نحطبو فاش نزگيو ديك ساعة نفاتحو ...الى مبغاش معندنا منديرو ...هاني قلتها ليكم ... بقاو يهضرو ويتناگرو كيف العادة رجعات المياه لمجاريها ورجع ضحك تاني لدار دخل وخلاها منورة بمناوشاتهم ونگيرهم حتى خرج الحاج الي شافهم مبكرين وضحك مشاو سلمو عليه بثلاثة وانضم ليهم فؤاد الي عاد كمل كارو ديال وقعوته الكحلة تاهو سلم على باه وصبح عليه حتى طلع لفوق يصبح على فجيلتو ...الي دخل وتفاجئ ... فؤاد "لقاها فايقة غاسلة وموضية كانت كتصلي عاد كتحيد فالعباية ديال صلاة حتى وقف عليها حيدها ليها بقات غير بديباردور قطن فالبيض وكولون ديالو كريشتها مقنبلة قدامها سمرا شوي بالكلف وتحك فيها وتعاود ...حط ايدو على ايدها الي كتحك " : مالك ؟؟؟ يامنة : كتحكني بزاااف ...فففف اححح ... صباح الخير ... فؤاد "باسها في فمها " : صباح نور ام ولادي ..واش هادشي عادي ؟ يامنة : اه عادي قلتها ليسرى وقالت ليا غير مع كتكبر كتبجبد عادي ( قالت ليها تحاول متحكهاش باش مديرش ليها شراطي وهي مقالتهاش ليه ههه حيث مغايخليهاش وهي كتجهرها الحكة ...ومسكين على نيتو عاونها فالحكان " ...ففففف استحلات الحكان الي كيحك ليها فكرشها وهي مغمضة عينيها ...جا وراها وهي قدامو وبدا يحك ليها فكرشها حتى ارتاااااااحت وحطات راسها على كتفو منتااااااشية مع الحكان وحاسة براااحة ... فؤاد : مزيان هاكا ... يامنة : ههههه امنننن ااااااه مزيااان ... فؤاد "باسها فعنقها وبقا خاشي فمو تما وهو كيحك ليها حتى حبس " : براكة عليك من هادشي ...بدلي حوايجك ولبسي ديال لخروج ويلاه نخرجو تاهذي شنو خاصك ... يامنة : بصح 😍... فؤاد : بصح اغزالي ...مرة مرة نخرجو تاخذي شنو خاصك والي متقدريش عليه الوليدة تجيبو ... يامنة : وخا كاين شي عشوب وشي حاجات خاصين غاتاخدهم هي ... فؤاد : شمن عشوب ؟؟؟؟ يامنة : فاش نولد كيديروهم ليا فرفيسة ع فتي داكشي ديال نافسة ... فؤاد "باس راسها " : ماعليش ...الي خصاتها تجيبها ...ودير بحساب الطهارة غاتكون نهار سابع ديال لولادة ... يامنة : هههه حتى يتولد بعدا ويكبر شوي عاد نطهروه ...نطهروه وهو صغيييور 😢... فؤاد "جر ليها شنوفتها الي دلات حيث بقا فيها ولدها غايطهر صغيور هههه ... بفمو " : العادة ديال شرع الله هي هادي اغزالي ...ولدي راجل صبار معندك مناش تخافي اجنة ولادي ... بدات طابلة ديال الفطور كتعمر وبداو كيتجمعو عليها شي جا بالخاطر فرحان حيث عرف شنو كاين وصحاب تجمعو ولمة رجعات من جديد ...نزلات راوية وراجلها لطابلة ...ونزلات يامنة وفؤاد لابسين مقادين موجدين لخروج شاد فيها حتى جلسها فطابلة صبحو عليهم ...حتى تمات جايا نجود ويوسف وصهيب والياس معنقينها ويضحكو ... حتى غوتات راوية قفز كلشي وفؤاد قلبها تخنزيرة فيها ديال لقرطاس نسااات راسها من فرحتها بشنو شافت قدامها نساااات واش كاين فؤاد باها كلشي ومشات كتنقز تجري ... يامنة "فرحات وخا شادة على قلبها بالخلعة الي خلعتها راوية هههه " : وااا رجعوووو "ضارت عند فؤاد الي عاقدهم فراوية كيتسناها تتجي " ... راوية "مشات تنقز لعند صهيب طارت عليه عنقاتو تا كان غايجي لارض غا شدو يوسف والياس " : صووووووووووووووصوووووووو ههههههههههه يوسف : ارسول الله ...ابشوية ادييييك ...تي مالك هبيلة ... ايلاف : بفففف ههههه والله مجنونة ..."شاف في فؤاد لقاه مخنزر فيها " ...احم فؤاد اعذرها رفيقي ... فؤاد "مجاوبوش ..." ... راوية : خوووويااا ههههه صهيب : ااااا الهبيلة البغلة بشوية ياك لباس طيحتي بنادم بهاد الغوتة ... نجود : مصرفقة هاد درية دارت دارها ومزال العادة هي العادة ... راوية : والله تا فرحت ...هههه فين سارة ... صهيب : خليتها ناعسة ...شوي نخرج ونجيبها ... راوية : غاترجعووو ... صهيب "حك راسو " : وااا معرفت ... يوسف : اتيخربق ... راوية : مفهمتش ... الياس : غايرجعو يجيب مرتو ويقاد الامور ويجي تاهو يرحع هنينا سيري تفطري راك كحلتي ضواصا لوالديك "غمز ليها وقرب يوسف هضرليها بالحس " كحلتيها من عند شاف الكبير على ديك الغوتة الي غوتي وراكي عارفة كيداير فهاد تنقاز مكيبغيهش ..."ضارت بالعرض البطيء وجهها تزنگ مشافتش جيهتو مشات كتسلت حتى جلسات وتخشات جنب ايلاف الي جاه ضحك غليها .." ايلاف : هههههه ليش انطمرتي هههه فؤاد : رااااوية ... راوية : ن ن نعاام خويا ص صباح الخير ... فؤاد"مخنزر وكيهضر بثقاااالة وصوته كيجيب رعب فهاد اللحضة " : هاد البسالة متعاودش مرة اخرا تفاهمنا ؟؟؟؟ راوية "حادرة راسها حتى خشات ايدها فدراع ايلاف بدعقة ...شد ليها فايدها وكمش عليها " : و واخا سمح ليا ... ايلاف "قرب لعندها وهضر بالهمس " : ماعليش اخوكي الكبير مقال عيب ... جرو دراري نجود وجلسو كيف العادة الحاج خرج هو اللول وتبعوه يامنة الي جلسها فؤاد فالكرسي باش يخرجو ... صهيب : شكون غايديك فطموبيل ... فؤاد : نشوف الياس ... الياس "ناض بالفرحات " : ايه نديكم غاتمشيو لفاس ؟ فؤاد"قاليه اه براسو " : نهار كلو غاندوزو تما ... الياس : ماعليش واخا يومين ماشي مشكيل ... طبطب عليه فؤاد وجر يامنة سبقو بينما يجيب لكونطاكت وتيليفونو ...من حدا لفيترين الي تما حيث مطلعش لبيتو ملي دخل بقا مع دراري ...حتى وقفو يوسف وصهيب وقالوها ليه ... صهيب : نهههه قاليه يومين ماعليش هههههع يوسف : والى سيمانة ؟... الياس : سيتخراااو ..."طبعا هرب قبل مينوض واحد فيهم يخلطو مع اقرب حايط ".... رجعات المياه لمجاريها ودازت الايام زينة ومرة عادية فعايلة رمسيس ...ملشي تقريبا رجع طبيعي والايام دازت بالفرحة والمحبة واللمة بيناتهم رجع صهيب هو ومرتو ورجعو كيف كانو واحسن من ناحية توجاد لولادة يامنة الي باقي ليها شهور قليييييلة ويشرف البكر دال عايلة رمسيس ...طبعا توجاد على تيساع ...لكن توجاد الي كاين على قدم وساق هو توجاد لخطبة يوسف بحبيبة القلب يسرى الفرد الثالث جديد من بعد سارة الي غاينصم لهاد العائلة ... الكل وجد راسو الاب بجلابة مسكية وبلغة نفس اللون وطاقية فالاحمر ...واقف حدا طموبيلة يوسف ...وصهيب ب قميجة كحلة نص كم وسروال دجين ازرق وصباط موكاسان كحل مطلع شعرو وروايح تعطعط واقفة حداه سارة بجلابة فالازرق ملكي وصبيبيط موكاسان پلا فالاسود وصاك فلونو جامعة شعرها لور راشة غير ريحة ومدايراش مكياج مخلاهاش ديرو ههههه ويامنة يالالة بجلابة ولكن من هادشي جديد مخزانية فالصومو بسفيفة وشوشات كتلبسهم حيث عراض على حساب كريشتها وبليغة كبيرة على حساب رجليها منفوخين ...جامعة شعرها خصلات خفاف من لور ومخلياه مطلوق على راحتو ...ركبها فؤاد فبلاصتها حتى تقادت تاهو بكونبلي گري ولكن قميجة كحلة ...ويوسف حداه بقميجة بيضة وسروال كحل بسمطة متوسطها حرف H فذهبي ...مطلع شعرو تاهو تشاوك نعماس ومرتب لحيتو وريحته تخليك تزعط فيه غير هو ...والياس تاهو قميجة لكن فحال صهيب سروال دجين ...وراوية تاهي بجلابة قصيرة فحال جبادور وسروال دجين سليم وبلغة فالاود بون جبادور لفوقي ....وايلاف فحال فؤاد فالكومبلي ...كيبان ليك غا المگلضم على خوه طيااحين هههه تا من الحاج ... تقاد كلشي وتمات جايا نجود بجلابة فحال قفطان فالبيج ومطرزة بوريدات مرشوشين بليسطراس فالنحاسي ...وشال فنحاسي هازا فايدها بلاطو دامر معمر باللوز وواحد بالگرگاع ...وتبعها الياس هاز كراطن دسكار وتبعو صهيب تاهو مشا هزهم ويوسف واحد بلاطو دشكلاط مشكل ومعمر وموصى عليه ... فؤاد : الوليد نتيسرو دابا منتعطلوش على ناس ... الحاج : ايه على بركة الله ... ركب كل شد بلاصتو وانطالقو مباشرة الوجهة لدار يسرى بالضبط والي كانت فازرو ...وصلو لعنوان كانت دويرة بطابق السفلي والفوقي وسطح صغيرة حدها قدها ماشي كبيرة بحكم عليشة غير هي وياها ومعاها خالها ومرته وولادو الي جاو على ود الخطبة ...لقاوهم في استقبالهم بابتسامة ووجه بشوش وصدر رحب ... خال يسرى : مرحباااا والف مرحبا بالحاج وسي فؤاد ... الحاج : ترحب بيكم جنة ...سي علي ... علي : مرحبا بسي يوسف مرحبا بيكم كاملين ...تفضلو دخلو ...ابتاسمو ليهم ودخلو يوسف داخل حادر راسو قاليك حشمان نعماس ...لقاو ام يسرى سيدة مكبيراش فعمر الخمسين بشوية الوجه ملامح يسرى لاصقين ...دايرة شال مهمل على راسها وقفطان جوهرة بيض مكحلة عينيها الكحلين اصلا ...سلمو عليها دراري كلهم فراسها والبنات من ايدها ...اسمها سعاد .. سعاد : مرحباا بيكم مرحبا نهار كبييير هذا ..."شافت في فؤاد الي هاز ايدو ويامنة الي واحلة فروحها " الله يجبر اولدي ...والله يفك وحايلك ابنتي فؤاد : امين اميمتي ... يامنة "فجنب نجود معنقاها " : اميين اخالتي ... .."شافت في فؤاد الي هاز ايدو ويامنة الي واحلة فروحها " الله يجبر اولدي ...والله يفك وحايلك ابنتي فؤاد : امين اميمتي ... يامنة "فجنب نجود معنقاها " : اميين اخالتي ... جلسو فصالون كبييير لتحت تقليدي مئة بالمئة مفرش على حقو وطريقو من داكشي زرابي بلدية وطلامط ديال الخريب ( ديروها فغوغل يطلعو ليكم غاليين تقريبا 300dh لميترو تقرييبا ) وديكورات تقريبا شبه كاينين من غير لوحة فيها اية قرانية قداش معلقة فصالون الي مصبوغ بتدلاكت ... بداو فالهضرة والحلويات قدامهم والعواصر كلشي محطوط حطو ليهم بلاطويات تمر وشكلاط ريتما يجي اتاي دخلو لالة العروسة ...حتى بداو الهضرة ديريكت قبل ميتحط الغذا ... سعاد : اش غانقوليك انا متسالوني غير نبارك ليكم ونعم العائلة معروفة فازرو وخا عاد جينا ليها سولنا ومكيانش الي قالها فيكم خايبة كلشي كيشهد بيكم وباخلاق ولادكم ناس الخير .. الحاج : لهلا يخطيك الحاجة ... علي : ناس كتبان من وجهها ...الحلال ميكرهو حد وحنا لينا الشرف نتناسبو معاكم ... فؤاد : الله يحفضك الحاج ... نجود : فين هي العروسة ... سعاد : هاهي غاتجيبها مرت خالها ... نجود : الى وافقت متسالنا غير نفرحو بيها ونديروها بنتنا ومولات دار ... سعاد : ان شاء الله عارفة دار الكبيرة ... صهيب "قرب لالياس كيحك فراسو باش ميعيقش قدامهم " : ي احم ي يوووسف مكرهش يدخل يجيبها راسو ... الياس : بغا يسخف راه بدا يحك فراسو ههههع صهيب : حاس بالدعقة يمشي يزهق بشي كلمة يشتت العباد ابلاتي مش مطمن ... الياس : ياااربي سلامة وشوفات عندو ديال ناويها نيت راه فاش تيتدعق تيهبل ليه الفرخ ... صهيب : يااربي سلامة ... واحد شوي حتى تسمع صوت زغروتة من لسان مرات خالها ...تگعد يوسف بغا يوقف حتى هبطو ايلاف بجهد حابس ضحكة ... ايلاف : صهيييب الحق اخوك راح يفرطها والله 😂😂😂... صهيب : تا شد الحزاق خلي نهار يدوز بيخير ... دخلات يسرى لابسة فحال مها جوهرة مسكي وطالقة شعرها مبوكلياه من تحت اسود تحت كتافها ممصايباش وجهها من غير ماسكارا وحدها ...جايا هازا صينية فايدها مزننننگة بغات تموت بلاصتها ....وموراها مرت خالها هازة المجامع ...حتى حطتها سلمات عليهم كاملين جاب الله يوسف حضر عقلو وسلم عادي حشمان ...وجلسات جنب امها ... سعاد : بنتي عرفتي علاش جاو هاد ناس ياك ..."جاوباتها براسها " ...ايوى اش قلتي موافقة ؟ يسرى "سكتات شحاااال بغات تنطق وهي تنطقها بشوييي سمعتها غير مها بزز ههه " : احم ا اا م وافقة ... سعاد : ايييوى مبروووك ...الله يكمل عليكم بالخير ...متساليني غير ندير ليك العادة وعرس الي حلمت بيه نديرو ... نقز يوسف بالفرحة ودعقة وهاااا زلة علاش هضر صهيب والياس ومناش خافو فاش تيتدعق تيولي غير جيب يا فم وقول ...ونطقها وكون غا سكت …يوسف : انديييرو هاد العرس وولد الحوات وشياخو على حسابي ...ههه "وعا براسو شنو قال وجمع ضحكة هز عينيه بالعرض البطيييئ ...بان ليه فؤاد هز فيه عينيه خرجهم " ... الياس "صرفق وجهو بايدو " : ورااه فزعي يا خويا... صهيب"دار راسو بين ايديه " : حلمي تحطم واختفى ...يااااااا قفرتاااه .... ضور وجهو نصف ضورة وبالعرض البطيئ شاف في فؤاد بنص عين وتاهي بالعرض البطيئ هههه ...ماشي غير شافو مخنزر وعطاتو اللفوعة ديال تخنزيرتو تا كمش عينو ...كون لقا حفرة يتلاح فيها بحوايجو ميكره هههه ... نقزات النسيبة المستقبلية ونطقات بتلطيف جو ومزاح اصلا هي عزيز عليها المزاح رغم انها سيدة مصوابة ... سعاد : هههه الله يعطيك شي خير اولدي ...ان شاء الله نديروه ونفوتوه الله اولدي عوينة الي عندي منكره ندير ليها ما كثر ... الحاج"كون لقا يوسف كون شدو خشاه فشي حفرة وسد عليه هه " : هههه الله يكمل بالخير ...يوسف عندي من دون دراري الي قالها فمو ينطق بيها ...متلقاي معاه مشكيل درويش وحنين وكيسمع الهضرة الله يرضي عليه بلا منشكرو ليك بعقلو .. هنا صهيب والياس خرجو عينيهم خصوصا ديك بعقلو ...هاد الكلمة جابت ليوسف تمام خلاتو يتعتق من الموقف الي حط فيه راسو ومن فوووق هادشي كامل تزادوه نجمات فالكتاف وطلع گراد ... صهيب "مع جالسين بعاد شوية حيث صالون كبير قرب لالياس وايلاف وهضر بشوي " : وعندو زهر كثر من الكلب بليهودي لاخور ... ايلاف : بس شوف نضرات فؤاد والله ما بيفوتها عليه خخخ... الياس : شوف لوالديك راه تيشوف فينا بنص عين نافخ كتافو وقاليك نعلبوك من هاد المانيبر (المنبر ههه ) ... صهيب : عتقو الوليد بعدا فهاد اللحضة ويني مدوزش ليه ...تفووو قالها قدام العباد مبغيناه يقولها بهاد طريقة ويني الكلب حاسس بيه دارها بلعاني باش يقوليا راني قلتها وشوف راه مبغاش ...ولكن ابيا ولا بيه عليا بليييمين تيكونو انا شاد معاه ضد وخا معندي بيهم شياخ غراض بغينا غانخرجو من جو كل فرح عندنا تيدوز مود سيلونص ...وضدا فيه غايجيبهم هو الاااهش ... ايلاف : يمكن فؤاد يوافق بس مش اكيد بعرفو ما بيحب الاختلاط ... الياس : منعرف واش نعرض على نجوى ولا لا ...خاصني نهضر معاها يومين مهضرنا ... صهيب وايلاف وحتى راوية سمعتهم وسارة تاهي كانت حدا صهيب ...فهاد اللحضة الياس ما حتاال يوعى شنو قال حتى غمض عينيه مكممممشهم وخشا راسو بين كتافو اكثر ضورة الي غايضور ويحل عينيه حتى ثمنية العينين كي القرطااس كيشوفو فيه بنضرة تا شهاذشي ... الياس : ياااربي غير القرطاس ياااربي لكنت مرضي فحياتي وخا غير مرة ميسمعني المدفع الكبير الله تناوي الحلال مع نجيوتي ...اااح نجوى ... صهيب : تا فين كتهضر معاها السلگوط ؟؟ الياس : من من من ز زمااان 👀.... راوية : جاااب الله مي زينة عيانة ليوم مقدرات تمشي معانا اما تسمعك سارة : ناااري والله تا ضرب بيك طر وتزيدك تزوج بيها بزز اتقوليك باها يدير لينا حالة وخبارك توصل لفيين ... ايلاف : من ايييماات اخذت رقمها ؟؟؟ الياس : ومالكم مالكم الله مكندير شي حاجة غير كنعاونها فالبحث ديال ليصونص ... صهيب : اسسسكت اسلوگية من درجة دوبيرمان هي يلاه عندها العام الثاني باقي هي والبحث خمسين سوميستر على حسب قراية لافاك ديال المغريب تفكر دوز غالحرب ديال دوگ ...فيييين جبتي نمرتها "خرج فيه عينيه " وياك تعاود طلق كانيشة تاني ...هاهو كداك جوج كلمات يشقلب لمك لكارط مير الياس "شاف في فؤاد لهييييه جالس كيهضر مع خال يسرى " : وااا ستروني ولا ضحكو عليا ... ايلاف : انطق يلاه ... الياس : تعقلو فاش جروني لعابات ولا دوك الي قالو راجلي تاع قلبي ...وكنت تنشطح معاها ... صهيب : اب اب كمل ؟ الياس : تما خديتها ... صهيب : وكيدارت عطاتها ليك ؟ الياس : قلت ليها بغيت شي معلومات فالقاضي عياض بخصوص دكتوراه الي بغا يدير يوسف .."صهيب وراوية وسارة وايلاف حلو فمهم وتكوانساو تشوطو من زفطة الي طلق عليهم وعلى البنت تا شد نمرتها مقال عليه هو مقال على صهيب نقز ليوسف الي مفخبارو ميعاود " مالكم ياك بغا يدير دكتوراه ؟ لا؟ مبقاش بغا ؟. ولا اجل ؟ اتنخربق انا ياك ...والمهيم شديتها فديك الهدية ...سر تزلال تانا سر المهنة ...👀 يوسف "حك راسو حشم بلا قياس خطف نضرة فيسرى لقاها حادرة راسها حابسة ضحكة ...من خيبها فرطة هههه ..." : ههه ميمتي غير الفرحة وكان ...ميخصها خير من بعد المهم هو من بعد ...الي بغاتها تحضر اميمتي والله يقدرني نعيشها كيف عاشت معاك واحسن وخا مكاين ما حسن من حضن الام ... سعاد : داكشي الي كاين ملي لقات ولد ناس الي يفرحها ويتهلى فيها هادشي الي بغيت ... الحاج : ايوى على بركة الله نتافقو امتا العقد ... سعاد : الي تافقو عليه العرسان هو الي نديرو ... الحاج : اش قلتي اولدي يوسف .. يوسف : احم ...وخا نهضر انا وياها الى "شاف فصهيب والياس وايلاف بنضرة خاطفة لقاهم تيفرنسو خخخ " ...الى سمحتو نقوليها على رايي وتعطيني رايها وديك ساعة نعطيوكم خبار اشنو قررنا ... الحاج : ايه اولدي ولكن شوف البنت بعدا ... فؤاد : الناس يسولو ولي امر البنت عندها خالها فمقام باها ... علي : ههه ايه من حقو اولدي ...نوضي ابنتي لصالون لفوق وهضرو ...بينما وجد الغذا ... ناض يوسف حاني راسو مزنگ اولا من الفرطة الي وقعت ليه مقاااادرش يشوف ف خوه ولا يهز فيه العين 😂...خرج هو سبق ووقف قدام صالون والله مبغا يشوف فيهم كانو مقابلين معاهم عارفهم اش بغاو يديرو حلف لا هز فيهم العين صهيب : ناري دار لينا vu راوية : خهههههه والله ميشوف فيكم عارفكم اش غاديرو ... الياس : سكت مرتو المستقبلية غاديا لعندو ...ورق ليا عليه فاش تبغي تسبقو شنو غايدير .... تمات يسرى نايضة مبتاسمة ابتسامة خجولة وحشماااانة بزاف كترعد... حتى مشات لعندو لقاتو واقف تيتسناها باش تطلعو لفوق بحكم معارفش فين ...سبقاتو تمات غاديا وهو يهز لكول تااع القميجة حل صدافي القداميين ...هو فنيتو غير يتنفس حيث تضغط وتزير ههههه ... واجي نتا فهمهم هادشي الي كاين وفهمهم بالي راه مناويش خزيت خهههههه ... ايلاف : لحااااق ...بيفتح ازرار القميص ههههه صهيب : نري عنداك غا داك عنداك قوليه يتفرق على عنداك اولد لحرام سير جر زمر ... راوية : تفرقو عليه هههه ... ايلاف "قرب ليها وهضر قريب لوذنها وهضر بدارجة باش توصل ليها نييييت هههه" : منفتحوش احنا زرار قمايص بعضنا ليلة ... راوية "تزنگات وخرجات عينيها كتشوف فخوها الي كان اصلا ملاهي مع يامنة كيقاد ليها فمخدة وراها ....دفعات بمرفقها خافت خوتها يسمعو هههه " : ايلااااف حشم اويلي ... ايلاف : حلالي ولووو ..اشتقت اسمع اهاتك واحاتك وانتي طايرة معي بسما هههه ...خلص لا تموتي بس الليلة فيش مهرب ...اااالاهش ... راوية : تعلمتي هاد الاهش من صهيب ...تيعلمك غا خزيت ... في هاد اللحضة سعاد مشات هي ومرات خوها باش يشوفو فين وصل لغذا فرحانين بضياف الله ...الحاج شد حتيتو مع خال يسرى ....كل تلاهى مع شي كيهضرو كيف العادة شي مع رباعة وشي مع جماعة ...وفؤاد مع بنت الجواد يامنة ...دار وراها مخدة ...حس بيها كتنفس من مسافة محدودة الشي الي خلاه يحس بخوف عليها فؤاد : علاش كتنفسي بحال هكا ؟؟؟ يامنة : ماعرفتش مع التقل ... نجود : عادي اولدي غير مع الثقل هادشي كيوقع نفس كتدياق شوية عليها ...ماعليش الله يسمح لينا من الوالدين... فؤاد "حط ايدو على كرشها دوزها عليها بحنان وشاف فيها بحب عينيه فعينيها حاضي حدقاتهم الي كيوساعو حتى غطاوهم جفونها بحكم حشمات منو ونطق " : الله يسمح ليا منك اغزالي .... طلعات الفوق كترعد بالحشمة وبتوتر الي كتحس بيه ...سبقاتو الفوق وهو تابعها ويضرب فكفوف ايديه ...حتى دخلات لواحد الصالون تما ...ضار هنا وهنا كان الفوق دنيا صقييييل تما وهو يشدها من ايدها وجرها داها لقنت مخبي على الباب حيث صالون كبير وجرها دفعها ناحية صدرو ...محتال تهضر كان واخذ ايدو حطها ورا شعرها وليد ثانية ورا خصرها مقربها ليه ... يسرى "كتنفس بجهد " : مم م مالك شنو كدير يوسف ... يوسف "جر خصلة من شعرها مشا معاها على طوووولها حتى قربها لمنخرو وكمل تلماسها عليه ..." : شنو كندير شنوووو ابنت الرفاعي ... يسرى : حيد ..ي يوسف دابا يجي خالي ... يوسف : ويجي هاد خالك باش تنوض القيامة ويقوليا ستر ليا بنت ختي اليوم قبل غذا ...شفتي انا شحال خطييييير هههه يسرى : يوووووسف ... يوسف : نويويرة نتاااعو ... حط شفايفو على شعرها بقا شحاااال حاطهم فوق منهم هي غمضات عينيها متوترة من قربو ليها لهاد الدرجة اول مرة كيقرب منها بزاااف ...بتلفة حطات ايدها على صدرو ...حتى هبط باس ليها حنكها ورجع شاف فيها ا مبتاسم ابتسامة حب ليها ...ونطق ... يوسف : شنو درنا فالعقد ...خمسطاش ليوم مزيان ؟ ... يسرى"خرجات عينيها " : مزربناش ؟ يوسف : وحتى لين ... يسرى : بب بلاتي جلس بعدا ونتفاهمو ... يوسف "بعد هز ايديه " : هاهو الالة جايا ليام تولي حلالي ومكاين الي يفرقني على والديك ... يسرى : هههه وخا ... جلسات حداه فوق سداري ...شاف فيها ونطق هاد المرة بجدية مكاين بو ضحك ونطق ... يوسف : معندنا لاش نتعطلو مزال …اللازم هاني كندير فيه ..كنطلب فيك بالحلال والعادة كندير فيها ...شنو بغيتي لامتا ايسرى ؟ واش بزز عليك ؟ ولا خايفة تقولي ليا لا ودايرة ليا خاطري فوق خاطرك ؟ يسرى : ماشي هكاك ...غير جوج سيمانات قليلة على باش نوجد ونتقدا شنو يخصني فالحوايج وراك عارف "فركات صباعها بتوثر " يوسف "شد ايدها شابكها مع ايدو وحطها فوق فخدو مزييررر عليها " : يسرى زين ديالي ...الي خصاتك بالفلوس توجديها فنهارها ...خودي الي عجبك وعلاش قديتي اصلا حوايج غانجيبهم ليك داكشي ديال دهاز على مقالت ليا الوليدة ....حنا غانديرو غير عقد بعدا ... والعرس تتوجدي ليه مغادي نحرمك من والو وحتى ميمتك مغاديش نحرمها من انها تحقق حلمها وتشوفك عروسة ودير ليك عرسك ... يسرى : اه يعني غير عقد صافي مكاين والو مغاديش نجي معاك ياك "كتلولب فعينيها " يوسف "شاف فيها تيفرنس " : هحح شنوو ؟فنيتك تجي عندي ازين ؟ ...حق ربي منردها فوجهك ... يسرى "دفعاتو بخجل " : يووووسف ههه يوسف : يوووووسرى ...تي هنيني خلينا ندوزو كلشي خطرة وحدة ونديرو دخلة مع العقد كلشي نديروه فنهار واحد ...ونعيشو العمر كلو يسرى : هههه ان شاء الله ولكن خاصني نحقق لماما حلمها ...صبر معايا ماشي مشكيل نديرو العقد وقت الي بغيتي لكن العرس كيخص ضروري شوي ناجلوه ...وخا حتى تولد يامنة ... يوسف : اناااري شحال باقي ليامنة راه غايبقى ليه شهر ونص مورا منديرو العقد ايسرى ... يسرى : ممكن قل ...ههه راه شهر ونص نحمدو الله ... يسرى : الوقت ميسمحش نديروه من هنا لديك الوقت اصلا ...شوف تشوف هي وزهرها ... يوسف "بخوف على يامنة من اخر جملة نطقات " : كي كيفاش علاش مالها ؟؟ يسرى : احم هو باقي ممتاكداش حتى لكونطرول جاي عاد نتاكد ... يوسف : يسرى الله يخليك متخلعينيش واش واقعة شي حاجة ؟ يسرى : لا لا متخافش غير هو مع حالتها ممكن توصل لثامن وتولد الى فاتو راه تخطات مرحلة الخطر لكن هذا مكيعنيش انه فاي لحضة تولد فثامن ... يوسف : علاش ؟؟ يسرى : عندها احم معرفتش واش نقول ولا لا ...لكن تبقى بيناتنا مبغيتش نخلعها هي وفؤاد خوك الي نبغي هو متكترش المشي علاش ذرت ليها كرسي ...حيث عندها الوالدة كيف كنقولو محلولة وغايبذاوها تقلصات كثيرة ابتداء من سابع .... يوسف : ياك ولاد ثامن كيعيشو ... يسرى : كيعيشو لكن ماشي كلشي ماكاين ماحسن من الاكتمال فالكرش احسن من الحاضنة ... يعني ايوسف غانديرو لاكت لكن العرس ناجلوه شوي بينما ناضت على خير حيث غاتبرزطني معاها بحكم انا دكتورة ديالها ومتبعا معاها واعدتها نحافض ليها على ولدها ووعد الحر دين عليه ...باقي صغيرة بزاف على هادشي وخا عندها 17 راه صغيرة ...راها غير مكابرة وصافي اما نجيك لصراحة ...راه مكرفصة ... يوسف : غادي تعذب فالولادة ؟؟ يسرى : غاندير كتر من جهدي معاها ...ان شاء الله الولادة ساهلة …الي خايفين منو مبغيناهاش تولد قبل من تاسع ...عندها اضطرابات… هههه المشكيلة اصلا هاد الحمل فشكل عندها داك الوليد شاد فيها تاهو ممفاكش ... يوسف : البطل ديال عمو هذاك يشد بزز من والديه الى مشد شدة العما فضلمة ومدمرش ومكافحش وماعتامدش على راسو ومحاربش ومكانش شديد وراجل يحلفو بيه رجال راه لا علاقة له بال رمسيس ...احح وولدنا بنية نجوجها لوالديه بزز من بوه ...(وخااا دابا تقال لفؤاد ) يسرى : والى مجاتش بنت وكانو غير الولاد ... يوسف : الي بغاها الله هي هاديك ابنتي غا تنضحكو وصافي متمشي غير فين مشاك الله ...المهم تولد بيخير وعلى خير ... داز الوقت وهبطو لقاوهم مجمعين حاااول ما امكن بعيد على دراري ...بقاو مجمعين ويهضرو بلغوهم بقرارهم بالعقد لكن العرس حتى تولد يامنة ...من بعدها طلقت زغروتة من لسان مرت خالها وزادت تانية وثالثة ...باركو ليهم وناضو سلمو على واليديهم ...حتى وصل يوسف لفؤاد ... يوسف "حادر عينيه حدو سلم عليه بعناق اخوي رجول طبطب ليه على كتفو " : خويا ... فؤاد "خبط ليه على كتفو قبل ميغرس صباعو فيه مقرب ليه وقايل " : مبروك مدرتي ...الله يكمل بالخير ...حضر عقلك وحضر عقلك وحضر عقلك ايوسف ...وزن كلامك وعرف معناه قبل متنطقو لا بغيتي تحمل مسؤليتك حتى الهضرة الموزونة راه تنفعك فحياتك مع ناس ...تفاهمنا "عاود برك عليه تا عصر يوسف عينيه من الالم ... يوسف : عارف اخويا ...سمح ليا ... فؤاد "حنحن ورفع صوته مغلضو " : حاجتك لا بغيتيها قولها بالقاعدة وطلب حاجتك بالاذن عرسك هذا مكاين الي يمنعك من فرحتك ايوسف ...تولد مرتي بسلامة ونديرو عرسك مع العقيقة وميكون غير خاطرك بالي بغيتي ... فهاد اللحضة ماشي يوسف الي نقز لاااا نقز صهيب الي يوسف الى فرشها لسانو صهيب يطبز ليها العين وهاتك استلم انت بقا ... صهيب : دخلت عليك بالرب الجليل افؤاااد 😍... الياس "تاني صرفق وجهو محيلتو يفرح ولا يتفقص سلوكة الاحاسيس تخربقو هههه " : ايوى يا حمييييييييد وصل الوقت وناضو كلهم مستاذنين متمنيين للعرسان السعادة وخارجين بصحكة ورضى من عندهم شاكرينهم على حسن الضيافة والاستقبال ...على امل يتلاقاو نهار العقد من بعد ما يوجدو ويتقداو شنو خاصهم لداك النهار والعرس الي غايكون مورا ولادة يامنة الي حالتها حالة وحدة دايرين ليها كي الما القليل وها العار غير تصبر لشهرها وتولد ويكون سليم الصحة احسن من انه يتولد مبكر وعلى قولة يسرى احسن يكبر ويكمل شهورو فالكرش على يكمل شهورو فالحاضنة .... فؤاد "داير ايدو ورا كتف يامنة " : الوليدة اجي معانا حنا وخليهم هما يمشيو ... نجود : نمشي مع صهيب لا ؟ فؤاد : دابا محتاجك انا ويامنة اميمتي ...صبري معانا هاد شهورة تولد نرجعو فحالنا وبقاي معاهم ... نجود : الله اولدي لا تقول هاد الهضرة كتزير عليا قلبي ... فؤاد "باسها فراسها " : معاش الي يقلقك اميمتي هادي سنة الحياة ولابد كل يرجع لعشو ... نجود : داكشي الي كاين غير ولفناكم وصافي اولدي ماعليش الله يخليكم لبعضياتكم ويخلي ليكم وليدكم والي جايكم ...وخا نمشي معاكم ...ولكن وصلني لمدينة نتقدا شي دوا وعشوب لداكشي الي غانوجدو ليامنة فالولادة ...وحنة سابع... ركبو لاخرين وركبات تاهي معاهم سلمو عليهم ومشاو رجعو لفيلا كانت الوقيتة قريب المغرب ...كل طلع لبيتو يبدل وشي يرتاح وشي خرج منهم الياس الي هرب منهم باش ميحوزوهش ويعرفو هاد بنت المصفرط اش ناوي معاها ...حتى دخلات نجود من بعد مارجعها شيفور ...جايا داخلة وتعرج عيات بالمشي والمقدية خاصة تاوحدة فالبنات منشات معاها فضلات تمشي وحدها باش تقدا بخاطرها.... جلسات فوق الكرسي رجليها مورمين ...جاي يوسف وصهيب داخلين من جردة لقاوها جالسة وتدلك فرجليها ... يوسف "باس راسها " : الوليدة ياك لباس ... نجود : والو ولدي غير عييت بالمشي والوقوف بحرا وجدو ليا ديك المقدية ... صهيب : كنتي تدي معاك سارة ولا راوية الوليدة كلشي درتيه وحدك ... يوسف : ولا انا وصهيب والياس ...علاش عزيز عليك تعيي راسك اميمتي ... نجود : مافيها باس مشيت عند العطار موصياه شي حنة لسابع وعند مولات الحلوة يلاه توجد ليا على حساب جليسة العقد الي غادير ... يوسف : من نيتك عاد جينا من عندهم دغيا نضتي تمَرتي الوليدة ...يهديك الله ... صهيب : مكتصنطش هاهي ورمو رجليها ...اش كنديرو حنا لا مهزينا معاك ....عند بالي غاديا غير توصي وتركعي صدقتي واقفة ومحملة ...اخر مرة نخليوك تمشي وحدك ... يوسف : نتي هنا البركة ديالنا امنا ماشي حمال ..."ناضت وقفات حفيانة ...حتى غفلها يوسف وهزها بين دراعو تا غوتو البنات كانو جايين من الفوق هابطين ...وهي خرجات عينيها ... يوسف : اححح ايما وتقاليتي ازين .. نجود : اويلي استغفر الله حطني يا هاد الولد هههه يوسف : منقدرش الغزال نحطك تمشا ونتا عيان اخويا ... صهيب "تابعو من لور ويوصي ويقاد ليها فشعر الي خرج ليها من جناب شالها" : اهياتا دخلي هاد زغيبات انقطع والديهم ...معنديش المراة الي تعري ليا شعكاكة ... مدت نجود ايدها على غفلة نزلت عليه لراس تا صلى عالنبي ...ينعل والديك اقليل الحيا ... صهيب "وقف يكمدها خلا يوسف غادي بيها " : اححح ...اهيا بشوية على ماماتي طيحها نطيح والديك فحفرة ... الاسبوعين دازو طايرين بتوجاد وحلاوة توجاد داز طااااير ...بين جري هنا وهنا مكانش يوم كبير غيييير عقد الي غايتسنى وعشا بيناتهم هما فقط ...وصلت العشية كانت العروسة وجدات وصايبت ليها الكوافورة مشيطة خفيفة ومكياج خفيف ( غادي يكون تسريع بحكم غير عقد قيران خفيف المهم الي فيه احداث هو العرس الي غايكون )...بقفطان بيض مطرز بالصم فضي ومعمر بليسطراس كريستال ...والعريس فكومبلي اسود بقاميجة بيضة وگرافاط كحلة منفسها شوي بحكم متعود على المريح او الكاجوال او سپور معندوش مع الكلاس بزاف ...كان العدول فالصالون حدا رجال ويسرى والعيالات ومعاهم زينة الي ضور ضورة وتقلب فيامنة بان ليها وجهها ماهواش زينة : بنيتي مال وجهك شتني نشوف فيه ماهو على برجو ياكما عيانة ؟ راوية "شافت فيها " : واش كضرك شي حاجة ؟ يامنة "بنفي " : لا لا مفيا والو غير فيا العطش ... ناضت راوية بزربة جابت ليها كاس الما عطاتها تشرب تكات عليه تقولي كانت فصحرا ... سعاد "ام يسرى " : الله يفكك على خير ...ابنتي تتباني عيانة ... يسرى : كتحسي ايامنة بشي حاجة كتجبد ليك كرشك وتلقك بهاد المعنى ؟ يامنة : لا عادي يسرى : ماعليش صبري ومتعييش راسك وبقاي مرتاحة تتقربي ونقوليك امتا تحركي باش توجدي لولادة تفاهمنا ؟؟؟ يامنة : واخا ... نجود : عنداكم شي وحدة تقول يامنة عيانة ويسمعكم فؤاد اش جا ميسكتو ويشرح ليه متخلعوهش راه مزال عيان ... سارة : وخا خالتي ووصي "غمزات على زينة " ...شافت فيها نجود وطمنتها بعينيها ...حتى جا صهيب جايب معاه روجيستر .... حطوه ليسرى قدامها ...وسولها صهيب كاع الاسئلة واش عندها شي شروط اي بمعنى المراسيم الي خاصها دوز دازت ...وعطاها باش تسني ...هزات عينيها نيشان لباب بان ليها يوسف واقف كيتسنى صهيب يخرج لعندو استغل لفرصة وقرب باش يشوفها حتى شافت فيه وهو يغمزها ...حدرات راسها كضحك وحنيكاتها مزنگين مع تاهي بيضة وحروفها كحلين جات زوينة بزاف دغيا كدخل لخاطر ... سنات على العقد وفور ماسنات تسمع زغاريت ام يسرى ومرت خالها والي فالكوزينة ...كلشي بارك ليهم ...عطاو لعدول العشا مع رجال تعشاو كلهم ونشطو وجا وقت تركاب الخواتم تجمعو كاملين فصالون واحد ...كانت ديجا ناقشة صبيعات ايديها ونقيشات خفاف فرجليها فصباح قبل متمشي عند الكوافورة ...جابو ليهم لبواطات وسط صينية مزوقة وجنبها فنجانين ديال حليب منسم بزهر وتميرات معمرين ركب ليها الخاتم الي كان ديال ذهب ربعة وعشرين قيراط متوسطاه حجيرة كتبريي ...مكتوب فيه سميتو من لور وخاتم سامبل رجالي مكتوب فيه سميتها ...ركبوهم باس ليها راسها ... يوسف"بهمس " : مبروك علينا ...وعلى سلامتي ههه يسرى : الله يبارك فيك ههه …باركو ليهم العائلة بدورهم وها كنك جديدة تزادت فال رمسيس ...وصل وقت يمشيو سلمو عليهم ومشا كل من صهيب ويوسف يوصلوهم يوسف مشا وحدو مع يسرى يوصلها وطبعا يستغل الوقت فين يهضر معاها او عفوا يقنتها هههه ... في اللحضة الي خذا يوسف يسرى يوصلها ودراري وصلو عائلتها بحكم معندهمش سيارة ...كانت يامنة وفؤاد طلعو ينعسو وترتاح هي مع ثقل كرشها كبيرة اصلا وزادت ... في نعاسها كانت مرتاااحة مابيها والو ...لبسات غير شوميز دونوي خفيف عليها فالغوز بيبي ...مع صهد محيد عليها الكليمة باش مضرهاش ومخلي غير هواء سيدي ربي ... غطاها وباس جبينها ومشا هو يدوش وينزل يكمي لتحت …داااتها عينها واحد اللحضة جاتها منقولو رؤية مانقولو حلم ...كانت عاد داتها عينها مع العيا شادة تحت كرشها ...ضو بيض جاي من شرجم مفرزاتو راجل ولا مراة ولكن احساسها كيقوليها هاديك ميمتك الي عمرك شفتيها ولداتك وودعات الحياة وخلاتك فهاد دنيا ومن زهرك طيحك فناس نتي فعينيهم يامنة القلب الحنين والفجلة الي رجعات صلب حنين وعند شدة يلين ... يامنة : م م ماما ؟ (جاتها ثقيلة حيث عمرها مقالتها ) ...وريني وجهك نشوفك وعنقيني نحس بيك وخا غير مرة وحدة غييير مرة وحدة .. 😢...مجاوبهاش ذاكشي حدها كتشوف ضو بيض وصل عند كرشها ...ضربتها الفيقة على العرق نازل من وجهها ووجعة حسكت ليها جنابها وضهرها تا كمشت وجهها وطلقت غوتة فحال زواكة والي سمعها تجيه حنيييينة ...خلاتها تكمش فلحاف بالايد وتعض فايدها لاخرا ... ضربتها الفيقة على العرق نازل من وجهها ووجعة حسكت ليها جنابها وضهرها تا كمشت وجهها وطلقت غوتة فحال زواكة والي سمعها تجيه حنيييينة ...خلاتها تكمش فلحاف بالايد وتعض فايدها لاخرا ... يامنة "عضات فايدها من داك الحر الي حسات بيه بديك الوجعة او الانقباضة الي حسات بيها حسكتها حتى نزل منها العرق ..." : اننننننننننننننننننن اهى اهى ف ميييييييييييييييييييي اهى فؤاااااااااد "كتعيط بصوت ضعييييف وصدرها كيطلع ويهبط ونفس عندها غير من راس كرشها لفمها ...بدات تنش عليها مدات ايدها ل لكرطونة ديال مشاور الي حداها ...مسحات وجهها وتتنفخ وتصوط وتاخذ نفس وترجع تصوط تدير دوك التعليمات الي علمتها يسرى فينما كتجي كتوريها شنو دير والحركات الي تبعهم ....ولو ان حالتها عادية كانت ممكن دير اليوغا وبعض الحركات ... يامنة : اااافففففف هممممم فففففففف هممممم اهى اهى فؤااااااااد اهى واااااااا فؤاااااااد ....امممننننن ....ففففففف في هاد اللحضة كان فؤاد فييييي جردة لتحت كيكمي ويشرب قهوته كيف العادة مبقاش كيكمي حداها فينما يبغي يكمي كيهبط لجردة ...هاز ايدو بباندة ويكمي حتى جا حداه ايلاف تاهو خذا سيجارة وشعلها بدا يكمي ... ايلاف : صار الوقت لحتى نروح ع فرنسا ... فؤاد : امتا راجعين ؟ ايلاف : بدنا نروح بعد ايام بس شهر وبنرجع لحتى نروح ع موسكو ... فؤاد : مزياان اللهم يسر ... ايلاف : امين ...امات راح ترجع ؟ فؤاد : راك عارف ترتاح ونرجعو ... ايلاف : لازم لما تولّد بسلامة فورا طلع ليه الوراق ... فؤاد : داكشي ساهل فسيمانة ...المهم يتولد على خير ... ايلاف : يتربى فعزك ان شا الله يا بابا ههههه فؤاد : امين ..."ضار شاف فيه " ...متنساش هاديك ... ايلاف : ايشا لساتها في الحفض وصون من يوم الي جبناها وهي تحت ضيافتنا لحتى تشرف ع راحة راحتك ... فؤاد "هز ايدو " معندي مندير ليها ولا بيها نعرف علاش دارت هادشي وديك ساعة مول دعوتها هو الي ليه الحق يدير فيها مبغى ...الي علينا درناه ...عندي مرتي وولدي مبقيت بغيت بداكشي ...وخا الي حك نحاسي راه يلقا باسي ... ايلاف : المعنى ... فؤاد : راني مزيااان عاطي تيساع على وجه مرتي وولادي متوصلهم ومتقاس فيهم شعرة والي فكر يقرب ليا غا يلقا باسي ونرجعو لايام لولة ... ايلاف : لا ماحدا راح يقرب لك خلص عرضنا وافقو عليه ما عاد كلام او خوف ... فؤاد "ناض وقف وتم غادي قايل " : داكشي الي بغينا .... دخل وطلع نيشان البيت جاي بثقالة بشوية عليه كيف العادة حتى كيسمع دقان فالباب ديال بيتو دقان ماكثير ما خفيف دقة وعلى شحال عاد دقة لاخرا حتى سرع فخطواته مغوبش مستغرب وهو يحل الباب غييير حلو لقاها وراه جالسة شادة ايد فوق كرشها تدوزها عليها وايدها كتعضها ... فؤاد "خرج عينيه من شاف حالتها شعرها لصق عليها وهي كتنييين ...ماعرف باش تبلى واش يدير " : يامنة !!!! مالك ؟؟؟؟ "هبط لعندها حط ايدو على حنكها وجهو ولا يخلع مخرج عينيه كيشوف فيها ..." اشنو ضرك ؟؟ يامنة : مااعرفتش اهى اهى ...كيجيني وجع قاصح فضهري وجنابي وكيمشييي ...اهى اهى ...اشنو هادشي واش غانولد دابا ...مزال مزااال غايموووت الى ولدتو دابا اهى اهى اممممم "مع رمشت نزلو دموعها عاضة في شفايفها " ... فؤاد "بدعقة وتلفة جرها خشاها فيه كيبوس ليها فراسها يبوس ويعاود يبوس ويعاود حتى شدات ليه فتيشرت شاف فيها " : ش شنوو شنوو ؟؟؟ يامنة : عيط ليسرى اهى اهى ...ففففف فؤاد : ااا ؟ اه واخا غزالي وخا اجي نوضي اجي ..."ناض وقف وعاونها تا وقفات كانت ايدو برات من جرح العملية وخا مزالو عام الي عطاه طبيب عاد يرجع يزول الحديد ولكن عطاه فترة عاد يحيد الباندة وخا هكاك معقلش على راسو ومحاشاهاش لايدو حتى هزها هكا بين دراعو ضامها ليه وخا ثقالت بالحمل حطها فوق ناموسية ومشا يقلب على تيليفون ... يامنة "كدلك فكرشها وغا ماقال ليها الله " : راه ف ف امممم راه فجيبك ... فؤاد "ضار هنا وهنا عاد عرف راه فجيبو هههههه " ... وصلو دراري عائلة يسرى ورجعو ادراجهم الا يوسف الي بغا يبقا معاها وقت بيناتهم وتاهما احترمو خصوصياتهم وعلاش لا وهي حلالو دابا بينها وبين راجلها مبقا حد عندو فيها الحق ولا يتحكم فيها ولات بدارها وقراراتها خاصين بينها وبين راجلها ...دابا ولات يسرى الرفاعي زوجة يوسف رمسيس الي عاذ وثقو زواجهم و ولاو حلال بعضياتهم .... يسرى "كتشوف من نافذة سيارة مبتاسمة كتلعب بصباعها فالخاتم ديال زواج الي كان سامبل رقيييق وزوين كيعكس شخصيتها الرقيوقة والانسانة المحبوبة والي كتوقف مع المرضى بحب وتتخدم من نيتها بقلبها قبل من عقلها وبانسانية ...." يوسف "تاهو فرحته معاطيها لحد فرحان انه تجمع ببنت الناس الي خذات قلبه وبغاها لحلال مانواها لحرام ...دابا حلاله يدير فيها مبغا مراته ومكاين الي يحاسبو حتى على ديك البوسة الاخيرة ...شاف فيها وضار كيشوف قدامو دوز الفيتاس وقلب لتروازيام وانطالق بسرعة فديك الطريق حتى رجعو لور وزاد فسرعة لكاتريام .." : فاش ساهي زين ديال راجلها ... يسرى "ماحيلتها لكلمة راجلها ولا ل سرعة الي زاد فيها " : ااا والو احم فين غادين ؟ يوسف : نضربو تالفاس نجلسو فالبارطما ديال صهيب وصباح نرجعو ... يسرى : ااا ؟ لاش راه دار ووماما غاتقلق عليا ... يوسف "غوبش " : صاحبك انا ؟؟ يسرى : الااا ههههه غير مقلتش ليها كيحساب ليها غاتجيبني موراهم ... يوسف : هاااضر مع نسيبة الله يرضي عليها تدير بوجه نسيبها حسن من بنتها ... يسرى : اهااه كونتو حزب نتا وياها ... يوسف : معلوم ..."ضوبل واحد طوموبيل " ...علااه الى مدرتو معاه معامن نديرو "جبد ليها حنكها بايدو وباس ايدو " ...اححح دوك الحنيكات لا شديتهم بشفايفي منطلقهم ...العسل كون كانو حناك هما ديالك ...نعضعض والديهم ... يسرى "حناكها سخنو وخرجت عينيها " : يوووووسف ... يوسف : حياااتو لهاد يوسف اااااش تماااا ...العمر ... يسرى : واش غانباتو تما "فمها كيترعد ههه " يوسف : وييي غانباتو تما نبقاو اونسومبل نهضرو وتباتي معايا اول ليلة لينا من بعد الحلال بغيت تكوني فيها معايا بوحدنا ...وماااتخافيش مغاديش نوصل ونقيصك حتى نحس بيك مستعدة وياغا حيث زواج راه ماشي هو نعاس صافي راه زواج مسؤلية وكبيرة حب مودة شراكة حياة عشرة وولاد ونكبرو ولادنا وناديو رسالة ومعاك فالمرض والفرح وشدة والحزن والسعادة وكلشي نشاركوه نعاس ماهو غير ترجمة لحب الي بيناتنا ...دابا بغيت غير نبقا انا وياك وحدنا ليلة كاملة وصباح نفطرو بزوج ونتغذاو ونوصلك فين بغيت ....اش قلنا ... يسرى "ضحكات تا بانو سنانها " : ههههه ايه وخا الي بغيتي ... يوسف "شاف قدامو مزيان وتاكد وهو يضور بسرعة خذا شفايفها بين شفايفو ببوسة خاطفة خفيفة خلاها تموت فحوايجها حتى بدات تكح ههه " : اححح على هاد نوع من لبوسة شحال بنين هههه فكرني غا فاش كنكونو فليسي فالحصة وناخذو بيمو ناكلوه بالحس باش ميشوفناش الاستاذ شحال تيكون بنين داك طونيك ههههه يسرى : الله يمسخك مالقيتي باش تشبه ههه "ضورات وجهها حشمانة حتى عضات شفايفها هاد الحركة من شافها كون صاب يطلق سينيال ويوقف طوموبيل يغتاصب والديها تما يخليها مفرقة وجليها تاطلب شرع ههه ...." غاديين فرحانين جو بيناتهم بين غزل وحشمة وضحك وتغوبيش ومناگرة وقهقهة داكشي مخلط فرحانين وعاطيين لاحاسيسهم تبان شوي بشوي ...حتى صونا تيليفون يوسف وكان المتصل فؤاد حيث عرفها معاه مقدرش يتاصل بيها هو احتراما لخوه حيث غايكون معاها .... يوسف : خويا ..."حتى خرج عينيه " ...اشنو اا و واخا هاني نقولها ليها ..."ضار عندها لقاها كتشوف فيه كتسناه يقولها حيث حسات " ...يامنة شدها لوجع كيمشي قاليك وكيجي ... يسرى : داااابا يديها لكلينيك ورجعنا ايوسف ديريكت لكلينيك ...لقاه تما ... يوسف "قالها ليه وضرب ضورة رجع ادراجو لازرو باقصى سرعة " .... لبسها دوبييس و بيجامة طويلة ...غادي جاي معارف مسكين اش يدير هي كان حبس عليها الوجع مع الانقباضات جاوها تقريبا متقاربين فالوقت لكن اخر وحدة حبسات عليها ...وخا هكاك ضروري تمشي وتفحصها لان حملها ماشي طبيعي كي ناس دازت من مراحل صعيبة ومزال مسكينة كتعاني .... فؤاد : فين ديك الي كتلبسي ... يامنة "مسحات جبهتها ومرة مرة تغمض عينيها حتى كتعض شفتها سفلية " : جلابة فففف راها تما "نعتات ليه بصبعها .." ضار مشا جابها ولبسها ليها وجاب ليها بانطوفة ديال لخروج لبسها ليها ونوضها بشوي شاد ليها كرشها ومعنقاه جنب دايرة ايديها ورا ضهرو هو مبقاش تسوق لايدو واش مريضة ولا لا ولا هامو غير يامنة ...حتى جات نجود الي عيط ليها باش تعاونو ومعاه صهيب الي سمعهم فاش عيط ليها ... نجود : ولدي امضرا باقي فيها ... فؤاد : ماعرفتش ماعرفتش كيرجع ليها ويمشي ... نجود "مشات جيهة يامنة وهو غادي بيها بشوي وهي كتهضر معاها ودايرة ايدها وراها ضهرها كدلك ليها فيه ..." : الله يسمعك خبار الخير ابنتي ميكون غير الخير متخافيش هادشي كيجي مرة مرة من سابع غير صبري اميمتي ... يامنة : اهى اهى حريييق قاااصح غايعاود يرجع بززاف اهى خااايب ... نجود : وهادي هي حر الولادة ابنتي الله يسمح لينا من الوليدين ... هبطها بشوي هو ونجود اما صهيب سبقهم لطوموبيل خلا سارة وراوية وايلاف الي تاهو عرف معرفاتش غير زينة حيث دخلات تنعس بكري ومبغاوش يخلعوها عليها من دابا ...والحاج تاهو واقف عند الباب ... الحاج : الله يكون معاك ابنتي صبري صبري الله يرضي عليك ... يامنة "كتهضر وهي غاديا مسكينة بالدعقة والوجع الي كيزاورها شي شوي غا كتهضر وصافي باش تلف " : اهى اهى شفت مي فالحلم اعمي اهى اهى ياكما غانموت فحالها ااا ؟ فؤاد "هز راسو لفوق قهراتو وحسكاتو من لداخل بغا ينطح راسو مع شي حايط " : ياااامناااااا سكتييييي من هاد الهضرة الله يرضي عليك ... يامنة "حطات راسها على دراعو ودموعها دايزين " : حسيت بيها اهى اهى حسيت بيها حتى بغيت نشوف وجهها وهو يشدني الوجع بغيت غير نشوفها كيدايرة اهى ...اميييييييي اهى اهى ...مبغيتش نولدو دابا ياربيييييي اهى اهى ... فؤاد : مغاتولديهش دابا غير صبري اغزالي متخافيش ركبوها فطموبيل ركب فؤاد حداها لور متكية على صدرو معنقها عندو محاوطها بايدو وحاط راسو على راسها ونجود حدا صهيب ...لوخرين مخلاهمش يتبعوه تيشوف شنو كاين ...حتى صونات عليهم يسرى كتعطيهم تعليمات ... يسرى : خالتي ديري ليها مساج لضهرها باش يخفاف عليها الوجع حتى نشوف الى كان مقبل غادي نولدها مكانش مقبل وغير عادي مبيه والو وانقباضات عادية غادي نعطيها المتبت ونحاول معاها تيوصل وخا غير بداية شهر تاسع ... نجود : واخة بنتي واخة كوني هانية ... يسرى : يكون خير اخالتي هاني جايا قربنا ندخلو لازرو .... طل عليها فؤاد وكحز ليها راسها براسو تا تقابلت وذنها عند فمو ونطق ليها بشويييي كتسمعو غير هي كانت متكية عليه لقات راحة من بعد ديك الوجعة الي شدتها حارة وداك الحلم الي كيجيها بين عينيها بغات غير تشوف ميمتها كيدايرة والو .... فؤاد : شوية اعمارة داري ؟؟ باقي فيك الوجع ؟ يامنة "فيها نعااااس " : اممم لا "تنخششت فيه براسها وعنقاتو من كرشو بايذها مبقاش هضر معاها خلاها على راحتها وايدو الي محاوطها بيها كيدلك ليها جنبها بيها ...حتى وصلو لكلينيك لقاو زوج فرمليات موجدين كرسي متحرك ليها كانت عيطات ليهم يسرى وصاتهم يدخلوها نيشان لبيرو ديال لفحص ديالها بينما جات .... من بعد نصف ساعة تقريبا وصلات يسرى عند باب الكلينيك بجلابتها المسكية فاش حضرات العقد فوق قفطانها ...وباقي بنقيشها داخلة تجري عطاوها الطابلية دخلات بيها نيشان لغرفة الفحص لقات نجود وفؤاد كيمشي ويجي وصهيب .... يسرى : باقي فيها الوجع ... فؤاد : لا مفيها والو دابا دخلي دغيا شوفيها "حادر عينيه ورافع حجبانو الله الي عالم بيه " ..دغياااا ... يسرى : واخة اجي معايا افؤاد ... دخلات وتبعها حتى هو لقاتها ناعسة فىق البياص ...جابت ليها لفرملية الالة ديال التلفازة الايكو عطاتها لاباراي والبرودوي دغيا عرات ليها كريشتها ودارت ليها البرودوي .... يسرى "بركات بديك لاباراي فجناب كرشها ووسط كرشها كتبرك مزياااان باش يطلع ليها فالايكو ...وتتسول فيها " : حبيبة ديالي دابا باش كتحسي ؟؟ يامنة : مبقاش فيا الوجع ... يسرى : مهبط منك والو محسيتي بتا شي حاجة لونها مبدل قهوي هبطات منك ؟ يامنة "بنفي براسها شد ليها فؤاد ايديها مع تنيرفا خاصو يكمي تيزير ليها على ايدها بجهد " : الا مهبط مني والو "عينيها دمعو " اشنو وقع ليه ؟ ااا ياكما غانموت فؤاد : ياامناااا ... يامنة "شافت فيه مدلية شنيفاتها " : خاايفة اهى اهى ... يسرى : هاد الخوف الي فيك ممساعدكش خاصك ديري فبالك نفسيتك الي هضرت ليك عليها. وسمعتي ليا حتى بقا ليك الولد ومطاحش نهار فاش كنتي على وشك تجهضيه هي الي عاوناتك ...حيث شديتي فراسك وتشبتي فيه كيف هو دابا كيبان ليا متشبت بيك وكيقوليك مااامي عاونيني ... فؤاد : شنو بيها ؟؟ علاش وقع ليها هادشي واش غاتولد فهاد شهر ... يسرى : الي وقع ليها انقباضات كتبدا فهاد شهر وكتمشي وتعاود تركع على شحال ...الى كانت غادي تولد كاينين اعراض اخرى تقارب الوقت بين الانقباضات كيتبعها السقية الى طرطقات راه خاصها تدخل سريع باش تولد ...وهادشي الي سولتها عليه واش نزل منها شي ما ولا نزل منها شي ما لونو مبدل ... فؤاد : ودابا شنو ؟ يسرى : دابا على مبااان ليااا "كتصغر عينيها فالايكو وتضغط مزيااان على كرشها من جناب والوسط وضورها عليها " ممقبلش ومزيان ولكن الوالدة عندها محلولة ...غادي نعطيها متبت تبعو والله يخليك بقاي غير متكية متفورصيش على راسك قللي قدر الامكان الحركة حتى توصلي لتاسع....هذا الي وقع ليك غير انذار كادب ومرة مرة غايجيك ... الى حسيتي بالما نازل ليك خاصك تعيطي ليا وخا نكون ناعسة حيث دليل على تمزق السائل الامينوسي "شافت في فؤاد الي فهمها وباش يخضر راسو لهادشي " ...والاسهال تاهو من علامات الولادة ...والى مكانش هاذشي وبقاو التقلصات متقاربة وزادو تقاربو فالوقت تاهو عيطي ليا اما الى جاو ومشاو كيف دابا غير صبري احبيبة وخا ؟ يامنة "كتمسح دموعها خايفة " : خاايب قاصح بزاااف اهى مقدرتش عليه ... يسرى : واشنو مبغيتيش تشوفي عويناتو ؟ يامنة : بغيييت ... يسرى : ايوى صبري هادي هي الولادة ...عرفتي اشنو "شافت في فؤاد " تبغيو تسمعو دقات القلب ديالو ؟؟؟ فؤاد "اشار ليها براسو باه باش تسمعو نيت هي وتزيد العزيمة عندها انها متخافش من الولادة " هبط باس ليها راسها وحنكها مستغل يسرى ضارت باش تقابل مع الايكو ونطق ليها بهمس فوذنها ... فؤاد : انا معاك نسمعوه بجوج ونتنغمو بدقات قلبه باش تعرفي راه باغيك تصبري على قبلو كيف هو صابر كتر منك ومبغاش يخليك ...وخا اغزالي ؟ راوية وايلاف وسارة والحاج بقاو فالصالون كيتسناو شي حد يهضر معاهم حتى بلغهم صهيب بالي غير وجع عادي كيمشي ويجي كيف اي سيدة فواخر شهور حملها ... الحاج "تنفس الصعداء " : ايوى لبااااس ...ههه ياودي هاد الحفيد البكر عندي غايجيب ليا تمام ههه راوية : هههه وايه ابابا ومحمقنا معاه عذبها وعذبنا معاه .. ايلاف : الله يقومها بسلامة ... الحاج : ياربي راني ندعي معاها هي وياه فكل صلاة وفكل ساعة نهز كفوفي لرب العالمين ... راوية : ياربي امييين ... مشا الحاج يتكا مع كيعيا خاصو ينعس ... #فالكلينيك كاين ممر مقابل مع الغرفة ديال الفحص او صال داكوشمون فيها فحص وكلشي والولادة ...فيه كراسا فين يجلسو ناس الي غايتسناو تما .... يوسف "داير وجهو بين ايديه وحاط مرافقو على ركابيه " : شفتهم تعطلو ..ياك مابيها والو ... نجود : خليهم على خاطرهم ياك غير مزيانة ... يوسف : اودي طيرتها منا خلعة ...صوت باش قالها ليا فؤاد بقا فيا ... نجود : مسكين ولا وجهو بيض الله يكون معاه غايحمقو هاد الدري زاگي فكرش مو وداير ليهم الرعب لا يطيح ولا توقع ليه شي حاجة ... صهيب : هههه داير قضية يخ منكم وعيني فيكم هاد البرهوش هههه نجود : هههه الخوينز ... يوسف : واخويييييينز نيييييت ...كاااع هاد الرباعة الي تزوجو صهيب وايلاف كانت الدعوة عندهم مزيانة ...كلشي تزوج وداز نهارو كي ناس الا اناااا .... صهيب : شتينا اختي بعين الرحمة كي شتينا كي تخلينا سلااامة سلااامة ... يوسف "دفعو بمرفقو تاكان غايجي مصلي " : انتااااا تسكت نتا ...خلييني نذب حضي ...كنا غادين لدويرتك ... صهيب : ديك دويرة عندي خاصني نكريها والعقد ندير فيه عشرين عام قابل لتجديذ وخا يوصل عشرين عام علاش ؟ ديك ساعة متلقاو فين تديو عيالاتكم حيث غاتكونو بولادكم باش توليو تحشمو على عراضكم شوي ...نتا وخوك مكيبان ليكم تديو عيالاتكم غا لداري انا؟؟؟ يوسف"بالفقصة محارش فنجود " : تيحلى فيها الاكتواء ... نجود : الله يمسخك الحمار ... يوسف : ممسوخ انا ممسوخ ممسوووووخ كون ما ممسوخ ميوقعش ليا هادشي ...راني مسخووووط ...خلييييييني خليييييني ..."ضار عند صهيب " هاد البرهوش الي باقي متزاد فاش عينو ؟؟؟ صهيب : يتزاد ويكبر ونجر والديه ... يوسف : فاش يكبر غايخرج فيا شيب دنيا ودين بااان العربون من هاد الليلة ...شتيييي راه مبيه والو غا عينو فيا ...والى عينو فيا راه تانا عيني فيه ... نجود : انتا سكت ونتا تطلقتي مبقيتي بغيتي تسكت ...فرق عليك ولد خوك ... يوسف : ابلاتي لما علقت والديه ورا الباب راني ماشي يوسف ...نوض نتا طل عليهم وقول لديك الي عاد ساعتين باش ولات مرتي تخرج الى ولات الفجلة لباس طلق ليا عمارة داري تانا ... بركات يسرى على واحد البوطون فالايكو وهو يتسمع صوت دقات قلبو ...صوت دقات قلب داك الجنين الصغير في بطن امه ...ديك الكتلة الي فوسط ديك المشيمة ...داك الحياة والنبض الي كيضرب فكريشتها كريشة بنت مزال فربيعها الثاني ...مزال فمراهقتها وطفلة حتى لقات راسها هازا في كرشها طفل وغاتولي ام فسن صغيرة ...يامنة الطفلة الي كانت من دار المدرسة وهازا دار وهي سنها صغير ...حلات عينيهت على باها وجداها حتى لقات واسها وسط احضان زوجها الي كان حنون معاها ...وحطها بين عينيه ...بنت عمو ومراتو وحبيبتو والعشق ديالو والي ناداها بكاتيوشا اول معاشت معاه ...ومويا جينا اول ماتغلغل حبها في قلبه ... وغزالي ملي زادت حلات فعينيه ...وعمارة دار ملي ولات هي حياته ومولات دارو وعشرتها ديال دوام وجنة ولادي ملي حملات هاد الولد في كرشها والي ناداه بشبل غرامهم .... كيتسمع ...دگدگدگدگدگدگدگدگدگدگ ....مجهد صداه تسمع فارجاء الغرفة ديال لفحص ...حتى دمعو عينيها ابتاسمات وسط دموعها ... يسرى "ضارت شافت فؤاد حط راسو على راسها وهي ضور مخليا ليهم هاد اللحضة يحسو بيها بزوج مبتاسمة عجبينها كا كوبل بلدي باغين بعضياتهم بلا دوك الكلمات ديال العشق فقط تصرفات الي كتبين وتاكد ..." ... يامنة : سمع ههههه ...عاود تاني قلبو ... فؤاد "باسها فجبهتها وباس كف ايدها " : سمعت اكبيدة ديالي سمعت ...سمعي نتي مزيااان ...سمعي نبض حياته كيضرب ...هادشي يخليك تصبري وتزيدي فصبرك باش توصليه لوقته ..."حط ايدو على حنكها دوز عليه بحنية ..." يامنة : شفت ماما فالحلم ... فؤاد : شنو قالت ليك ... يامنة : مشفتهاش فوجهها كان غير ضو بيض تحط على كرشي ...حسيت بيها ماما كنت متمنية توريني وجهها نشوفها كيف دايرة مشفتهاااش "دلات شنيفاتها حابسة البكية وهو كيدوز على تحت عينيها بصبعو ويعض فشفايفو كاتم الغضب الي حاس بيه من جيهتها فاش كتكون كتهضر على مها بديك الحرقة كتبقا فيه وخا عارفها صبارة ...ومع الحمل زاد خربق ليها الاحاسيس..." ... فؤاد : ماعليش مرة جايا تشوفيها والى مشفتيهاش طلبي الله تشوفيها ... يسرى "ناضت وعطات لفؤاد مسح ليها فوق كرشها " : انا غادي نمشي نجيب ليها دوى الي غاتبع بقاو على راحتكم تنجي ..."حدرت راسها وخرجات عندهم الي برا وخلاتهم هادو الي لداخل وحدهم كيمسح ليها " ... يامنة : وجع حار افؤاد مقدرتش عليه ... فؤاد : تبغي تولدي قيصري ... يامنة : لا بغيت عادي ... فؤاد "مسح ليها ولاح داكشي فزبل وقاد ليها حوايجها ...تنهد وهبط باسها فشفايفها ورجع شاف فيها " : نهار قلت ليك تحملي وجيعاتو اشنو قلت من وراها ؟؟؟ يامنة : ههه باش تشوفي عويناتو وتنساي وجيعاتو ... فؤاد : مزيااان ..صبري يامنة صبري...كيف صبرتي فلول تا خليتيه فكرشك صبري على ولادتو صبرتي شهور مفيها باس تصبري ساعات الولادة ...من هنا لتما انا معاك وحداك ولا دقيقة نتفاوتها عليك تيجي شبل باه وغزال ميمتو الي دار بلاصتو وسطنا وهو فالكرش وكيدمر ويكافح كيف رجال باش يعيش وياخذ رضى يامنة ..."ابتاسمت ليه "... وقت الي تزيرتي انا حداك ىقت الي جاك فحال هاد الوجع غانكون حداك ...لو كان بايدي نهزو معاك ...هادشي باش نتوما اجنس حوا فحالك حسن منا بصبر وشلا مهازين والي علينا حنا جنس ادم نهزو معاكم الحمل ...فيك مرتي وميمتي وام ولادي وفيك زماني ورفيقة دربي وخا صغيرة فيك بنتي ...صبري باش تحققي كلامي وتولديه وتولي جنة ولادي "باسها فشفايفها وطووول البوسة " وخا الحنينة ديالي ؟ .... مكاملاش ربع ساعة حتى دخلات يسرى وفي ايدها علب الدوا الي كانت غاتوصفو ليها فلوغدونونص ولات جابتو ليها نيشان ...جايباه فساشية فايدها حتى مداتو لفؤاد ... يسرى : هذا هو الي غاتبع راه فيه تعليمات امتا تشربو تكمل غير هادو وصافي متبقاش تشرب والو من غير تشرب لفيتامين الي متواجدة فالخضر وتشرب الما بزاف تعوض فهمتيني ...ولكن متبقاش تحرك بزاف حتى يدخل شهر تاسع وديك ساعة تولي تمشي وتجي باش تقرب الولادة ... فؤاد "شاف فساشية وعقد حجبانو " : شريتيه هادشي ؟؟؟ يسرى : لا جبتو من صيدلية الكلينيك ... فؤاد : غادي نرسل يوسف يخلصهم الله يجازيك بيخير دكتورة ... يسرى "بامتناع " : تت لا خويا فؤاد هادو من عندي ماشي مشكيل تقدرو ترجعوهم فوقت الي نحتاجكم عوضوني ديك ساعة ...يامنة متغلا عليها تا حاجة ... فؤاد "ملقا ميقول حدر راسو وهزو بامتنان وشكر مبغاش يحشمها "... يامنة : شكرا يسرى بزاف لهلا يخطيك "ابتسامة " ... يسرى : ماشي مشكيل الله يفكك على خير ...غادي نبقا نجي فينما تاحت ليا فرصة غانجي نبات عندكم باش نراقبك ...اول حالة كنراقب بهاد طريقة هي ديالك ... يامنة : عذبتك معايا ... يسرى : متقوليش هادشي مكاين عذاب هادي خدمتي اولا ايامنة انا اصلا كنخدم بمبدا انسااني وزايدون الالة فيها استفادة ليا ولخدمتي حالتك اول حالة كنجح فيها دازو عليا حالات تقريبا كلهم اجهضو فلول ...ولكن مكانوش فحال صبرك وفحالك سمعو الهضرة وطبقوها ...داكشي باش بغيتك كيف بديتي كملي حتى الاخير صبرتي ربعة شهورة مفيها باس تصبري شهر اخور ونص تافقنا ؟ يامنة : اه تافقنا كوني هانية ... نوضها فؤاد بشوي عليها تا قادها جابت ليها كرسي متحرك وخرجو كاملين يسرى حطات طابلية وخرجات باش تمشي معاهم بحكم واخدة ايام على حسب لاكت ديالها ولكن كتبقى دكتورة عندها حاالات مستعجلة فاي لحضة ... يوسف : على سلامتك خلعتينا عليك ... يامنة "حشمات منهم " : ههه الله يسلمك سمح ليا ... يوسف : وايلي على سمح ليا مالي اش درتي ليا ياك غير لباس كلشي مزيان "شاف في فؤاد" فؤاد : مزيان "ضرب ليه على كتفو " غير صبر معانا ... يوسف "هز ايدو حطها على كتفو تاهو طبطب بشوي " : الله اودي بيناتنا هادشي وقت الي احتاجيتوني انا موجود اخويا ميحتاجش تقول هادشي بزز مني نديرو ...(صهيب فهاد اللحضة شاف فيه بنضرة ياك المرضي )... فؤاد "اوما ليه براسو برضى " ...الله يرضي عليك نجود : ويلاه نمشيو فطوموبيلة صهيب باش تمشي ترتاح راها عيات ... يسرى : خاصك تمشي ترتاحي شربي هذاك دوا ونعسي ...صباح غانكون عندك ... جرها فؤاد هو ونجود سبقوهم لطوموبيلة صهيب ...الي بقا شوي لور تتقابل مع يوسف ... صهيب "دار ايد فكتاف يوسف من هنا ومن هنا وخبط ليه كتافو ماشي طبطب هههه " اتشباااارك الله على سي يوسف انا اقول لكم ماذا هنا وانت تقول له ما لا يوجد هنا ..انت بوجه معانا وبوجه امام اخوك تدهشرنا ...هل اقول الله يمسخُك ام اقول الله يُقلل لك العراااض ... يوسف "حدر راسو كيضحك ورجع هزو فيه عينيه حمرين " : وهل هو سوق امك 🙂 كانو كيتسناوها فالصالون ...سارة كتراسل مع صهيب الي بلغها بالي راهم قربو يوصلو حيث اصلا كانو غير فكلينيك المدينة وخا خارجين شوي على ازرو ماشي فالمدينة بضبط وانما نقولو فايتين بلاكة ربعين داخل المجال الحضري ... سارة "سمعات صوت سيارة وهي تنوض " : هاهما جاو يمكن ... راوية "كانت متكية على كتف ايلاف الي كان خاشي وجهو فتيليفون حتى ناضت تاهي وهو طفا الفون وناض كيقاد فتيشرت ديالو " : اه هما .... شوي حتى دخل صهيب ونجود وتبعهم فؤاد دافع بيامنة الكروسة ...قربو لعندها سلمو عليها واطمانو عليها عاد طلعها فؤاد ونجود معاونينها بشوي حتى طلعوها لفوق قادو ليها بلاصتها وخلاوها ترتاح خرجات نجود وخلاتهم بزوج براحتهم فبيتهم ... في هاد الاثناء الكوبل جديد او عرسانا جداد متفاكش معاها رجعات معاه هي رجعات معاه شاد ضد غير مع ولد خوه الي باقي تا متزاد وسماوه سعيد هههه يسرى : واش غاتشد ضد مع جنين هههه يوسف "تيضور فصبعو " : داك البرهوش معرفتش علاش حاس بيه مطيييييييور ...وشوفي نهار عرفناها حاملة على مقالت لينا الوليدة وفؤاد مكانت عارفاه واش كاين محساتش بيه تا لشهرين دازو ... يسرى : ايه كمل هادشي قالتو ليا ... يوسف : شوفي ليك بالكلابي وتكون وضارب الطم كون ممرضات كاع ميحسو بيه تتشدها وجعة ديال الولادة عاد يقوليها عييييو ... يسرى "ضحكها " : اههههههههههه وناري عليك ...ودابا اشنو يوسف : غانصبر ليه شحال بقات ليه ؟ شهر ونص ...انصبرو تا شهرين ونص تنشوفو هادشي فين غايوصل فاااااش عينو فاااش ... يسرى : يهديك الله راه معارف والو راه المكتاب هو هذا هههههه يوسف : داكشي تيبان من الكرش خرج فينا شيب من وهو مزال متزاد ...ماعلينا... يسرى : نسيت راه معندي منبدل فدار ...الي وصلتي وديتيني معاك ( حاليا مطمنة حيث قايل ليها مغانقيسكش دابا نههه ) ... يوسف : لبسي قميجتي وحلي ليها صدافي زرج القداميين باش تباني سووو سيكسي بب .. يسرى "حلات فمها زنگها ولد العبد " : ا ا ش شنو ...اش كتقول ... يوسف : مالك راك مرتي عادي لبسيها قدامي فاش ندخل بيك حيديها نتي كاع وبقاي ضوري قدامي سفاحي "عض شفايفو " اححح وتولي حلالي ... يسرى : انا دابا ماشي حلالك ؟ يوسف "ضور وجهو بزربة " : حلاااالي على رقبتي تا حلالي ...خلينا نكملوها وتولي شرعا ...هي نبداو ليلة على بركة الله ؟ يسرى "عاد وعات شنو قالت وهي تكمش " : اا الا ماشي دابا ورا العرس العرس ورا متولد يامنة قلنا وخلييييني ايوسف وسكت ... يوسف : خههههههه سخن ليك رادياتور هههه هاني مخليك غاتنضحك معاك هضرتي هي هضرتي ...ماعليش هههه كسيرا وزاد فسرعة حتى وصلو لفاس نيشان لدار صهيب ...اول ما طلعو وهي غاديا وتفرك فصباعها اول مرة تكون هي وراجل وحدهم فدار ...راس فراس يعني ممكن تنعس حداه يقيسها يبوسها يعنقها يدير مابغا بحكم هي حلالو ...يلبس قدامها يتعرا قدامها سادين عليهم البا وحدهم لا ثالث لهم من غير شيطان هههه...دخلات من بعد ما شعل ضو وراها وهي سابقها حتى سد الباب طرااااخ وهي تقفز جات ضور تالقاتو قدامها زاد لصق اكثر عليها ضور ايدو ورا ضهرها ولصقها معاه وهبط وجهو لوجهها تا مبقا كيفصلهم غير سنتمتر بين شفايفو وشفايفها ... يسرى "حالا فمها كتصرط ريقها جات تنطق وهي تنطق بصوت هااامس" : ننن يوووساااااف ... زاد ضغط عليها مورا ضهرها وهما مزالين على نفس الوضعية ...هي قلبها كيضرب الله الي عالم بيها وهو كيحاول ما امكن يحبس راسو باش يبقى عند وعدو ليها حتى توجد وتكون جاهزة لول ليلة ليها فالفراش مع راجلها ماشي غير تبات معاه ...توجد راسها نفسيا ...حتى فايام زمان فاش كيديرو العرس كتكون البنت مجهزينها دارهم نفسيا امها ولا جداها ولا اي وحدة سابقاها كتوجدها لهاد الليلة فزمان كان كيتسناو سروال ...ابنتي ها شنو غايكون مديري والو هو يدير نتي مغاتعرفيش وفحالك فحال الي سبقوك يعني كتكون عارفة انها مورا العرس مباشرة غاتشارك راجلها الفراش وكتكون مستعدة وخا كيكون توتر خوف حشمة ارتباك ...نفس شيء لهاد الجيل كيكون تفاهم دابا بيناتهم يقدر ينسيها وتلقا راسها شاركاتو الفراش يقدر يخليها على خاطرها ويقدر ويقدر ...هو فهاد اللحضة بغا غير تولف عليه حيث عارفها وخا سافرات قرات تعارفات الا انه هي خوافة معندها مع العلاقات الغرامية بصفة عامة .... يوسف "كيحك نيفو بنيفها كيحس بانفاسها سخونة كضرب ليه فوجهو " : ششش يسرى ...متخافييييش ... يسرى : شنو كدييييييير ... يوسف : وااالو بغيت غيييير نقرب ليك نقيسك "حط ايدو على كتفها كيدوز عليه " نقيس ليك حناكك "حط ايدو على حنكها وهبطها بشويييي تا حست بتبوريشة وهي تجمع كتافها " ونبوس ليك راسك "باسها فيه " ونبوس ليك ناضرك ...ونبوس ليك حنكك زوين ...نشم ريحتك من عنقك "خشا نيفو فعنقها تا غمضت عينيها مكمشاهم وجاعة شفايفها ..." اااح على ريحة ابنت ناس كتسلب ... يسرى : ن م مجبتش الحوايج ... يوسف "بهمس قرب لعند ودنها ونطق " : كاااينين متهزي هم ...ياك غاتلبسي قميجتي اممم ؟ يسرى : لااااا ... يوسف "شاف فيها وعينيه على شفايفها " : علاش الاااااا ...شنو فيها "باس راس منخرها " يسرى "صرطات ريقها " : قمم احم ح حشومة "عضت شفتها " ... يوسف : حشومة سي لافام دو دي ديابل هههه يسرى : ههههههه يوسف "مزال عينيه على شفايفها حتى مبقاش كيسمعها شنو كتقول حدو كيشووف فيهم مسحور بيهم هبلوه ...كيقرب ليهم وهي كتهضر حتى بدات كتخربق ليها لهضرة حطت ايدها على كتفو حتى حط شفايفو على شفايفها مسكتها هاد المرة القبلة ماشي خفيفة مخطوفة وانما قبلة عميييييقة جدا هههه... شفايفها بقاو حابسين حسات بواحد الاحساس فشكل محطوطين على شفايفها شفايف اخرين دافييين ولا من الفوق كيدوزو على شفايفها حتى حل فمو وخشاهم هو كاع نسا راسو ومشاااا مع ريتم القبلة جات دفعو لقات راسها فاشلة ..كيبوس فيها وايديه كيطلعو ويهبطو مع ضهرها ويدوزو على جنابها حتى عضها وهي تعصر عينيها حلتهم دوز بلساو على فمها لداخل ورجع خشاه كامل وهو كيبوس ويدفع فيها لداااخل حتى ترفعات وسهااات مع البوسة جاتها فشكل احساس عجبها وخلاها ضعيييفة الشي الي سمح ليه يدفعها دغيا حتى تم غادي بيها كيبوس ويبوس وهو دافعه حتى دخلها لبيت ودفعها وسد الباب ضورها ولصقها مع الباب كيبوس بوسات الي تحولو لمصات حتى هبط ايديه هز جلابة بالخف وهز ليها رجلها ضورها عليه ...هزت ايدها باش دفعو وهو يشدها ليها وحطها فوووق راسها مشابكها مع ايدو وحلف عليها لا هي دوات ولا تحرك حتى ولا يسمع انينها الي كيدل على انها تخنقات وبغات تنفس وهو يطلقها فمو عند فمها .... يوسف : تنفسي جمعي سوفل واستوعبي راسك مزيان فين نتي ومعامن نتي واش كديري حيث لااا هربتي نشد والديك من قرفادتك وندخل عليك ...خلينا نعنقوك ونبوسوك وخا غير نغمس فالطنجرة ونكحز لتيساع تيحطو ليا طبسيلي نتيسع على والديه ... طلقها كتنهج من. البوسة وليني شدها شلقمها تشلقيم تقول كانو سادين عليه ...من نهار عرفها مبقاش عاشر تا وحدة وهو اصلا ماشي داك نوع الي تابع العيالات ...بصريح العبارة كان فيييين وفين كيعاشر شي وحدة حالو حال اي شاب تابع شهوته الى شداتو ولا الى كان سهران ولقا شي وحدة مكيفلتش الفرصة هههه ...هذو هما الشباب ديال هاد الوقت .... لكن فور ما شافها وعرفها ونواها الحلال عطا تيساع لكلشي تا من شراب بعد عليه قبل منها غير نهار تخاصم مع الفردة من القهرة لقا راسو فالبار وباش ينسى شنو تسبب ليه فيه لسانو قال يشرب كاس يذوق حتى لقا راسو واحد تابع لاخور وجايب الكاو ...بكن فينا يخص العيالات قطعهم على قبل كااع ...يعني صام عليهم حتى تزوج بيها وملي قاسها وقرب ليهادشداتو اكثر ورغبته فيها زادت اكثر رغبة بطعم الحلال ومكاين ما حسن من الحلال ... يوسف : يسرى ... يسرى "هضرت بالحس " : ن نن نعاام ... يوسف : احسن حاجة من بين احسن الحاجات وقعت فحياتي هي نتي فخبارك ... يسرى "فرنسات كيعجبهاا هاد الكلام " : بصح ... يوسف : مكيعجبنييش هاد زواق ولكن مدام قلتو ليك الا وفعلا بصح مغانجيش ونقولو ليك ...نهار شفتك اول مرة شفت فيك كلشي بنت حشومية عجبتها ولكن مبيناتش حيث متقدرش لانها كتبقى بنت فاش نضحك معاك نخصر الهضرة بلعاني حنيكاتك كيتزنگو وخا نتي قارية واعية وخارجة مسافرة لبزاف ومثقفة لكن فيك جانب البنت اعفيفة بنت دارهم بنت ناس مربية وحنينة وقلبها بيض وكتغير عليا من بنت المصفرط الي غاتولي مرت خويا الجن هههه يسرى : ههههه هي ناوي نيت هو ... يوسف : وماشي بعيد نرجعو غذا لقاوه دخلها علينا زوجة شفتو هاد الايام غابر ليه ساس قبل من العقد غا مسافر خارج ... يسرى : خليه الله يسهل عليه ...دابا هو شنو ناوي يدير ...من ورا القراية ... يوسف : غايدخل يخدم هاد الشهرين مورا متولد يامنة غيدخل يخدم يبدا بسطاج خلينا يبقى شهورة يرتاح من القرايا المتواصلة من روض وهو يقرا تا شد الماستر يرتاح ليه شوي يسرى : من روض وهو يقرا ههههه ... يوسف : واشنو هههه ...تعالي .. شدها من ايدها ودارها وراه حتى وصل لناموسية وجلس جنب وجلسها حداه ...ونطق ...سيري لبسي راه خديت ليك بيجامة جبتها معايا حيث معول تباتي معايا اليوم غير بغيت نتيستيك وصافي ههه يسرى "حدرت راسها مبتاسمة بخجل " : ههه .. يوسف "نعت ليها " : راا لهيه فساشية ...ودوش على ايدك ليمن هو اللول ... شافت فيها وهي تنوض هزاتها وخرجات من البيت ودخلات كتجري لدوش سدات عليها .... يسرى "حطات ايدها على قلبها كيضرب بجههد ...كتصوط بفمها وتجمع نفسها حيث تخربقات وتوترات بجهد احساس فشكل معرفات توصفو زوين ولا مربك ..المهم عجبها حسات بشي حاجة زوينة وهي بين ايديه ...وهاهي حققات داكشي الي تمنات من نهار شافتو ربي كمل عليها هي وياه " : اووووففففف وااااو ...غير تهدني مغايدير والو دابا واعدك غايمشي معاك شوي بشوي الالة طبيبة زعما ...مالي مالي كندير هاكا بففففف... حلات البلاستيكة جبدات منها بيجامة لفوقي تيشرت فالغوز بيبي فيه كتابة بالابيض سروال مفضفض قطن مجموع من تحت بالباندة حد الركبة ديالو نفس اللون ...ودوبييس مشبكين وصندالة فحال بانطوفة مفتوحة من قدام جيهة صباع فيها ريش فالابيض ...خداهم ليها غير على حوايج دخاز داكشي دشوميز دونوي وماجاوره مهم دهاز مزال مخليه حتى لعرس ... مشات حيدات دوك الحوايج ولقات اتخوس فيها مستحضرات الاستحمام ديال العيالات ماركة cien بشامبو ديالها وديميلور وباندوش وليفة ...هو غير خداهم ليها وصافي مفنيتو وااالو قاليكم متفهموهش غلاط ههههه ... خذات دوش بيهم من غير متقيص شعرها بغات تبقا مخلياه مصايب فرحانة بيه زعما هههه ...ذهنات لحمها ولبساتهم حيدات تيكيت ديالهم ..طوات داكشي وخرجاتو فايدها حتى دخلات عليه لبيت كخطوي بشوية وهي تلقاه فواحد النعسة فوق الناموسية حتى غوتات وضوات وجهها لجيهة لاخرا .... يوسف "قفز جا جالس " : اش تم ؟؟؟"شاف. راسو عريان بالبوكسر وحدو وهو يفرنس " حق ربي لا غير صهد اجي قربي عند راجلك باش تزيد العافية نحميو الحطب في بيت ابو لهب تانا صهيب ... دار ايديه على فمو كيتفوه ...وهي مزال مبغات ضور حشمات جاها هو من لاخر دغيا تسفح وتمغط ليها فوق الناموسية مشبح كانها مرتو من زمان ....وهو غير حيث مولف كينعس بيه عدوه ينعس بالحوايج ومع صهد زاد كمل ... يوسف "كيتفوه قرب الحال يصبح واقيلة وهما مزال منعسو " : ااااااا الله استغفر الله ...اجي تنعسي ابنتي قبل ميودن الفجر را حنا ناوين نصليوه زعما ... يسرى : تستر ... يوسف "عقد حجبانو " : اجي لهنا مكاين بو سترة تسترت وانا زوفري بقا غير مزوج "جهد صوته " تي اجي لهنا هنينا خلينا نعسو راه مقايسكش ابنتي مقايسكش تا تبغي ...غير تهناي قلت ليك مندير والو ... يسرى "فكرات فداكشي الي قررات فدوش وهي ضور عندو حادرة راسها مشات حتى حطات الحوايج ومشات جلسات جنبو فناموسية " : احم ... يوسف : ياودي ياودي يا سي طبيب ...مالك مناش خايفة ونتي عارفة وقارية على التزاوج عند الحيوان ... يسرى "ضارت خنزرات فيه " : شنوو يوسف : ااا الانسان ...مالكي امم ؟ "حط ايدو على حنكها وضورها جيهتو مجات تشوف فيه حتى كان شرك شفايفو بشفايفها بقبلة نساتها تا اشنو قال وفين هي واش شافت خشا صباعو وسط شعرها جابدها لعندو كيشلقم فيها ويبوس ويعض ... يوسف : امممم "صوت تنهيداتو وسط فمها وصوت انفاسها المتسارعة ...كيجر ليها شنايفها حتى كيجبدذهم لعندو وصباعو خدامين يماصيو ليها ورا عنقها وايدو لاخرا فجنبها كيدوز عليه ويمسي لكرشها حتى كتكمش ليه وهو يصور ايدو ورا ضهرها وسحبها ليه بسرعة تكا وجابها فق منو معرفت تا كيدار ليها وكيفاش جات فوقو مطلق منها تا خلا فمها منفوخ وحمرررر خشا وجهو فعنقها باسو بوسة خفيفة ورجع بجغ ليها فمها باش حبس راسو لا يزيد كتر ...ضور ايديه حتى فرق ليها رجليها ...وضورهم على ضهرها معنقها هي فوقو كتبرق فيه حناكها بغاو يطرطقو وهي كترمش فيه وهو عاض شنايفو .. يوسف : لينا الله معاك صبري معايا لا بغيتيني نصبر عليك ...خاصك تجي تباتي معايا مرة مرة ...حتى تولفي عليا ...وخا ؟ يسرى : هممم اه وخا ... نوضها من عليه جلسات بلاصتها حداه متكي على مرفقو وهي كتقاد فحوايجها ...كيشوف فيها ويفكر حتى نطق باش يبدا معاها الحديث والاخذ والرد .... دابا نتي دكتورة نسائية ياك ؟ يسرى : الى بغيتي هههه يوسف : كيجيو عندك عيالات برجالهم يسولوك يفحصو ،،يدوزو ،، يستاشرو حتى الاستشارة كتعطيها ليهم ؟ يسرى : وي الى بغاوها ... يوسف : كيما كان نوع يعني عادي مكتحشميش فما يخص داك المجال حيث راك عارفة علاش تدوزي ليهم وتفحصيهم ..غير من سمطة لتحت .. يسرى "خرجت عينيها " : اش هاد الهضرة ...مكتحمش يوسف : اهاااه وملي تيديرو داك الي داك و تيتقابلو معاك وتولديهم تتحشميش ؟ من تيجيو عندك يعرفو راسهم راهم حاملات تتكوني عارفاهم دارو سفالة وقريتي على هادشي وعارفة الجنس حاضر ناضر بين الازواج ...شتك تتجي عندي انا وديري راسك امية متعرفي الليف من زروواطة ... يسرى : وهادي وحدة ولاخرى وحدة ...اش بغيتي تعرف ... يوسف : يعني تيستاشروك وخا قليل الحيا داكشي ؟ يسرى : راه ناس مرضى والطب هادشي الي فيه ولا حياء في الدين ... يوسف : هااااع هانتيا دويتي ...بغيت غانعرف ونسولك لَيزازيك لاديريهاااااش مني قلت الصواب ... يسرى : سول مرحبا ... يوسف : مااانوع بكارتك ؟؟ 🌚 دوزات معاه ديك الليلة خرجها منها متني ومتلت مسكينة غابدوك المصطلحات الي عندو عشرة لضص وتاهو حلفها فيها نيت باش تولف عليه وعلى بسالتو الضاصر لاخور ههههه....نعسو ديك الليلة معنقين بعضياتهم كيعاود ليها وتعاود ليه مخششها فيه حاضنها ومشابكين حتى رجلين مرة يبوسها مرة يشلقمها شحال تيخنقها حتى ولا عاجبها الحال وهو مسكين ربي الي عالم بيه مكره يدخل عليها ويني الغالب الله هههه ...حتى صبح الصباح فطرو بزرج برا ورجعها فحالها لازرو وهر مشا لفيلا .... دازت الايام والايام بين تحضيرات ولادة يامنة ...جداها تسول عليها من جيه وتبغي تقلبها لكن تتلقى فؤاد عند راسها داير بناقص وتوصي فنجود شنو تجيب وشنو متجيبش واش توجد بين الحلوة ديال سبوع والعقيقة ... هي البركة ديال دار سيدة كبيرة فالسن الكل كيحتارمها والي قالتها تحضر فرحانين انه مراة كبيرة عارفة بهادشي وكانت قابلة فايامها يعني عارفة شنو غايخص الولادة ولسبوع ولنفاس كلو ...كتعطيهم النصائح بفرحة كبيييرة من قلبها ان بنت بنتها غاتولد ليها حفيدها البكر ريحة بنتها الي ماتت هاهي غادي تولي ام وعندها ولاد ... فؤاد فهاد الشهر ونص تقريبا الي داز وهو معاها دقيقة بدقيقة مكيخليهاش الى حسات بوجع خفيف معاها نجود تاهي ...راوية بقات معاها تا سافرت هي وراجلها لفرنسا باش تكمل شنو بقا ليها بحكم خاصها تعطيهم تقرير باش متعطلش غايبقا معاها تاتكمل وتجي وغاتجي فلحضة الي غاتبقا ليامنة لقليل باش تولد ويرجعو تاني لموسكو لفين غاتستقر هي وايلاف ... فهاد اللحضة هبطات يامنة من بعد ما عاونها فؤاد تا نزلات بشوية عليها كريشتها عند فمها نفسها دياق وغير كتلهث ... فؤاد "باسها فناضرها" : عييتي ؟ يامنة "كتلهث شادة كرشها من تحت بايدها " : اووففف ههه شوية ... فؤاد : ماعليش صبري شوية هانتي صبرتي تا سمحت ليك مرت يوسف تحركي صبري دابا يدوز كلشي مزيان وتشوفي عويناتو ...شنو قلنا ؟ يامنة "هزت فيه عينيها اول مرة كتشوف فيه وتحقق بحب " : ونسا وجيعاتو هههه ..."واحد اللحضة غمضات عينيها مبيناتش ليه حتى زيرات على صباعو وهو ينتابه ليها " ... فؤاد "عقد حجبانو " : شنوو مالك ؟؟ كضرك شي حاجة ... يامنة "جمعت شفايفها عاضاهم " : انننن لا غير عياو ليا هنا "كتوريه جنابها وهي را الماس كيحسكو فيها وبداو كيتقاربو ومبغاتش تبرزطو حيث عارفاه خارج عندو موعد باش يشوف راديو على ايدو ...حيث ضراتو فالاونة الاخيرة بحكم مردش ليها البال وفورصا عليها ومهمة عندو بزاف حيث هي باش خدام ...غايفحص غير فكلينيك فازرو " ...نمشي نجلس حدا ماما نجود وميمة نشوفهم شنو كيديرو ... فؤاد "شاف فيها بتحذير رافع حاجبو " : يامنة !! متخلعينيش عليك ... يامنة : والله مابيا والو غير سير الى كانت شي حاجة غادي يعيطو ليك ... فؤاد "عارف زينة باغة منين دوز تولدها ههه " : خاصني نكون معاك بقا غير اليوم وتجي مرت يوسف تبقا معاك الى كان مقبل تولدك ... يامنة : مكاين تا شي حاجة من داكشي الي قالت ليا مفياش سهال ومنزل مني حتى ما باش تخاف والله ... فؤاد "وصلها لصالون عندهم كانت نجود وسارة وزينة كيهضرو فشنو خاص ويوجدو فداكشي دسبوع على تيساع باش ميتبرزطوش حتى دخلها عليهم كان هو غير بتيشرت وسروال سپور وسبادري صافي ايدو محيد ليها الباندة داير غير باندة صغيرة عليها ..." : وخا هاني غاندير. راسي عادي ردي لبال ..."باسها فراسها " منتعطلش وغانجي وخا غزالي ؟ جاوباتو باه براسها وجات سارة شداتها عليه غاديا بيها بقا شحااال كيشوف فيها حتى جلسات مفرقة رجليها بحكم كرشها ...حمد الله الي ربي سهل وكان معاها تا وصلات لهاد شهر ...ومشا خرج ركب فسيارته وانطالق لكلينيك ... نجود : بنتي شوية ؟ يامنة "غمضاااات عينيها " : ش ش ووييييااا نجود "وقفات لعندها كتقلب فيها " : مالك ابنتي ؟ بيك شي حاجة ؟؟ يامنة "زيرت ليها على ايدها " : ماعرفتش من البارح وانا كيجيني نفس الوجع "تفرگعت بالبكا كانت حابساه خافت لا يكون وجع كاذب تاني شي جوج مرات وهي كيديوها وكتلقا باقي ..." اهى اهى اممممممممم كيحرقنييييييييييييي زينة "شافت ليها ملامح وجهها وكرشها هابطة لتحت بزاف عرفاتو من طيارة مقبل " : يمكن هادي نوبة والعوينات غايبانو وغوات فرد جديد غايدخل لدار ...تقبل ابنتي .. سارة : واش بصح وجع نيت ولا كيمشي ... يامنة "زيرات على ايد نجود حيث تجاهد على فاش كانت واقفة مع فؤاد وتقاربو التقلصات بزاف " : اممممممم غادي وكيتجاهدددددذ ...افففف "خرجات عينيها " ...منم. ممم ماما شي حاجة بغات تخرج مني من تحت اممممم ... نجود جات تشوف تحت منها غير بعينيها حتى بانو ليها نقيطات غادين وكيكبرو ديال لما ... نجود : الله ياربي غاتولد ... ناضت عندها سارة حتى هي نجود من هنا وسارة من هنا ...وهي وجيعاتها زادو تقاربو ...حتى ولاو كيفصلو بيناتهم عشرة دقايق لكل وجعة او اقل او اكثر فينما تبغي ترتاح كيرجع ليها ولكن مكيغبش دقة وحدة كتحس بيه خفييييف حتى كيبدا يتجاهد وتكمممممش ف ايد نجود ... يامنة : اهى اهى مب مبقاااااااش بغا يمشيييييييييييي اهى اهى ....وابزاااااااف بزاااااف امممممممممم "كتكمش فايد نجود وتعضعض فشفايفها كاتمة الحر الي شدها ..." نجود : ربي معاك ربي معاك ... زينة : واش سگية طرطقت هاديك الي تبان ليا ...سرحيها ابنتي ... نجود : سارة عيطي لشيفور فؤاد راه يكون باقي غير هنا مبعدش ... سارة : فين تيليفون نعيط ليه من تيليفونها ؟ نجود : حسن عيطي ليه اري ايامنة تيليفونك ... يامنة : اهى ماع ر فتشششششش اااااااااااااااا يااا ربييييييي واربيييييي اهى اهى وااا بزااااف ... زينة : وسرحيها نشوفها ا بنتي .. نجود "تتميك باش مديرش شنو قالت تدير راسها مسمعتهاش والا اش جا ميفكها مع فؤاد " : الحاجة زينة راه غايجي راجلها نديوها لكلينيك ولا شيفور تيلحق علينا ... زينة : سرحيها نشوفها والى تولد ووقتها نولدها ...سارة اديك جري عمري المقراج يطيب وجيبي ايزورة بيضين نقيين (ليزار زعما ) سارة : ااا ؟ "شافت فنجود الي غمزت ليها دير شنو بغات " ... نجود : عيطي معاك لفؤاد ها تيليفون يامنة هاهو "لقاتو حداها كانت جايباه ومع دعقة الوجيعات الي كانو شادينها خفاف مرداتش البال واش جابتو ولا لا وفؤاد كيخليها تجيبو حيث فاش كيخرج كيعيط ليها كل ساعة يهضر معاها ...." وسيري عيطي ليه وديري اش قالت ليك محتال تجيبيهم يكون جا دغيا ابنتي ...وعيطي ليسرى دغيا ... سارة : ها ااا واخا هاني مشات كتجري دعقتهم وكل مكتسمع بكا يامنة كتدعقها اول مرة تشوفها هكاك ...صاحبتها الي ولفتها غير سويكتة اليوم كتشوف بكاها ورجاها فالله ينزل عليها رحمة فهاد اللحضة هو فاش خرج من الباب ديال الفيلا لقا راسو غادي بشوااااايا بسرعة لا تتعدى العشرين ...الى كنتي غاديا على رجليك تمشي معاه قدقد ...غادي ويطلق من الفيتاس ويحك فصدرو ...ومرة لحيتو مقلق من جيهتها مابقاش على برجو وخاصة ديك الشدة الي زيرات عليه فايدو عرفها بالي عيانة وقلبه حس بالي غاتزيد تعيا وممكن يشدها الوجع ...قلبه مهناهش عليه ... طلق سينيال على جنب وركن سيارة جبد الفون من قدامو ودوز رقمها نيشان مع اول رنة تطلق الخط ... فؤاد : غزالي ... سارة "تزنگت تقولي قالها ليها هي هههههه " : اا خويا ف فؤاد "ارتابكت حيث غير صوته تيخلعها " انن كنت غانعيط ليك دابا الى ب باقي غير هنا رجع راه يامنة غادي تولد يمكن دابا شدها وجع بزااف ... فؤاد "قلبه ولا يضرب بجهددد خرج عينيه وحط الفون بلا ميقطع الخط شاف فالمراية جنب شرجم وضرب ضورة وجع نيشان سرعة الي كانت عشرين ولا اكثر من تسعين .... نوضتها نجود وجلستها مقادة وهي تجلس حداها كتدلك ليها ورا ضهرها معارفة مدير معاها ...حتى سمعو شي حد دخل وزينة تغوت وتنابي على سارة .... زينة : واديك واتي جبتي داكشي فين هو ؟؟ سازة : امي هاهو جايباه كريمة "كتشوف فنجود تعتقها " ... نجود : هاهي غاتجيبو غير تسناي .. يامنة "كتهز راسها لفوق وتخرج عينيها وتعض شفايفها حتى كترجع تغمضهم وتزيييير على نجود. " : واميييييييييييييييييييييييييي اهى اهى وااااامبغااااااش يحبااااااااس اهى اهى اااااااااااا هييييييييييييييييييييي اهى اهى ....وااااربي واربي واربيييييييييييي بزاف اميمة بزااااف ... زينة "ناضت لعندها تعرج وبشوية قربت ليها وحازتها لعندها حطت راسها على صدرها وتلالي معاها ( تلالي هي تبكي وتعدد فحال هاكا ) ...." : وابنيتي صبري ربي معاك اكبيدتي ربي معاك وجع الولادة حار اتولديه وتشوفيه وتنساي الي جرا قبل ابنتي ...ذكري الله ذكري الله ... يامنة "شدات ليها فصدرها وكمشاااات حتى غوتت غوتة يحساب ليهم غير بغا تحطو " : واااااااااااااااواواواو اهى اهى ....واااااابزااااااف اربي اربي اربي اهى اهى ...."دموعها محابسينش " ... دخل الياس من الباب حتى سمع لغوات وجا كيزرب حتى لعندهم لقا زينة مكمشة فيها يامنة حاطاها على صدرها ونجود حداها تدوز ليها على جنابها واسرة كضور من هنا وهنا تتجيب شنو قالت ليها زينة ... الياس : مالها ؟ ختي يامنة مالك ... يامنة : امنننننننن اهى اهى غانمووووووووووووت اهى حاسة بموتي قرييييييييب اهى اهى ... الياس "خرج عينيه شاف فنجود" : شنو ؟؟ نجود : وجع الولادة اولدي مديش عليها ربي معاها ... سمعو صوت واحد الفران تطلق مجهد من عند الباب خرج من طموبيل كيجري مخلي الباب محلول ودخل كيجري لعندها ....حتى وقف عليهم لقاها كتغوت وتضور راسها وتكمش فايد نجود ولا صدر زينة الي كتصبر فيها ... فؤاد "فمو ولا بيض ووجهو مسكين صفار تلف اييييه يتلف الابوة هي هادي الي كتبدا تحرك والزوج الي يخاف على مراتو اثناء المخاض هو هذا ...غير من بعيد وتشوفي الحامل في المخاض كتلفك وتبقى فيك وعسااااك ...." : يامنة !!! ...مالك ؟؟؟ نجود : صبر راسك اولدي متخافش ...خاصنا نديوها دابا راه الما نزل ليها ...عيطنا ليسرى مخاصهاش تعطل كتسنانا فالكلينيك ... فؤاد : ااا ؟ اااه نديوها "مشا كيزرب حتى لعندها تحنى وقبط ايديها كيشوف فيها حط ايدو على حنكها " يامنة ؟؟ صبري اغزالي وخا ؟ هاحنا غانمشيو ..."حنحن كينضف حلقو الي نشف ليه " اجي معايا نوضي ... نجود : راه جاتها زحمة منتعطلوش اولدي ( هاكا كيكون مراحل الولادة ديال ناس العاديين ماشي تغوت ويهزها يطييير بيها فحال كيف ولفنا ...تا بنادم راه كيتلف ويمشي دقة دقة ) ... فؤاد : نوضي بشوية عليك ... يامنة : اهى اهى اففففف ...غانمووووووووووووت غانمووووت ...حاسة بيها ... فؤاد : يامنة الله يرضي عليك حيدي هاد الهضرة .."نوضها بشوي وسندها عليه معنقها وشاد ليها فايدها تم غادي بيها " .. زينة : خليها تولد هنا حسن هاني وجدت ليها بلاصتها ...الوقت فات منتعطلوشاي ... فؤاد "شاف فنجود مغمض عينيه مفييييه ميتقاشح براكة عليه غا الخلعة الي فيه دابا نسر موسكو جا فزغول ومو نوضو فيه رعب ...نطق وهو مزير على سنانو عروقو كينبضو من ناضرو ... " : جيييييييبيها معاك (على زينة ) لكلينيك .."شاف ف الياس محمر عينيه " الياس تحرك قدامي .... غادي بيها وهي تغوت وتزيييييييير عليه حتى مبقاش صبر وهو يتحنى هزها بين ايديه ... يامنة : اهى وااااااااااا ربيييييييي كيمشي ويجي …حاااااااار اهى اهى .....وااااااااااامييييييييي ...باااااااااا اهى اهى بغيت بااااااا .... فؤاد : هاهو غايجي غايجي ليوم غير صبري وتنفسي ديري شنو قالت ليك مرت يوسف الله يرضي عليك ... يامنة : امممممممم همممممممم هفففففففففف ااااااااااااااريببييييييييي.... هازها وغادي كيزرب حتى لعند سيارة حل ليه الياس الباب وركبها لور ركب حداها مشا الياس يسوق ديمارا وكسيرا طاير بيهم لكلينيك .... كان داخل صهيب ويوسف قدقد من فاس حتى بلغهم من شرجم باشنو كاين لقاو نجود جارا زينة ... يوسف : ميمتي عاد هضرت معايا يسرى بان لينا الياس طاير بطوومبيل ...واش قربات ... نجود : دغيا يلاه نمشيو ...غاتولد صافي سقية طرطقات ومخاصهمش يتعطلو داكشي باش سبقونا ... صهيب : سارة لبستي يلاه …الوليدة سيري مع يوسف انا نطلع شكارة ديال لخدمة ونتبعكم انا وسارة ونجيبو الوليد معانا ... دات نجود زينة دخلتها لطوموبيل وركب يوسف كسيرا بيهم تابعهم ... متكية على فؤاد… الوجع حبس واحد شوي وهي تجيها واحد نعسة عجييبة ...تكات عليه كتنخصص حتى حط ايدو على حنكها ... فؤاد : يامنة ؟؟ مالك ؟ يامنة : هننن اهى بغيت نعس افؤاد خليييني عفاك عاد حبس عليا اهى ... فؤاد "باسها فراسها " : واخا غزالي وااخا نعسي ...صونا ليه الفون كانت يسرى جاوبها ديك ساعة ... يسرى : فينكم ؟ ... فؤاد : قربنا ...علاش كتنعس دابا مبقاش فيها وجاها نعاس ... يسرى : كيمشي لوجع ويجي دابا متعطلوش على موصفت ليا خالتي بالي الما نزل مننا شوي اذا سقية هاديك الى بقات دايزة ممزيانش ...انا كنتسناكم ...قطع معاها وشاف فيامنة لقاها مشااات نعست ... وصل بيهم الياس فاقل مدة ممكنة غادي طايرة ومشوور فؤاد محسش بيه كاع واش سايق ولا لا هامو غير يامنة الي جاتها نعسة فشكل ...غير وصلو لكلينيك وهي تبدا تخسر فوجهها وتكمش عينيها وتنين .... يامنة "حلات فمها " : ااااااااا امممممم اااااا اهى ...وناااري هاهو تاني غادي يبدااااااااا اهى اهى واااااااااااااواو واو واو ...واااااااااااااااااربيييييييييييييييييي... فؤاد "تيتهز قلبو فاش كتبدا تغوت مسكين ميكبقى عارف ميدير ...حتى شدات ليه ايدو وحطتها ليه ورا ضهرها " : هاني اكبيدة مالك مال هنا اااا ؟؟ يامنة : اهى اهى دلك ليا تما عفااااك باش يخفاف عااافاااك اهى اهى "مغمضة عينيها الي رجعو دموع كيتسرسبو فيهم " ...اممممن حل عليهم الياس الباب حتى تمات جايا يسرى جايا هي والفرمليات ...جايبين بياص فين تنعس ماشي كرسي ...خرج وخرجها شادة تحت كرشها غير شافت يسرى وهي تزيد فالبكا ... يامنة : اممممممممم اهى اهى حبسي عليا الوجع كيحرررررق اهى اهى ...واشي حاجة بغات تهبط منيييييي... يسرى : واخا حبيبة غير تنفسي وغادي نعاونك ...تكيها هنا ...هزها فؤاد وحطها ليهم فوق البياص وتمو دافعينها وهي شادة ليه فايدو حتى دخلو لداخل دخلتها لصال داكوشمون وبقا هو برا ... يسرى : نشوفها ونعيط ليك باش دخل واخا ؟ فؤاد "جاوبها براسو غير دخلات شد راسو وبقا غادي جاي غادي جاي تا بانو ليه يوسف ونجود وزينة جايين جايبها يوسف شادها ...حتى وصلو لعندو" ... زينة : اش خبار بنيتي اااا ...فين هي عوينتي .. الياس : دخلات تشوفها يسرى اميمتي ... زينة : ورا هي حالتها حالة الولاد غايولي عندكم لغا فدار ...وجدت ليها فين نولدها كانت مقبلة وفيها زحمة وولادتها من وجهها ساهلة ...زربتو عليا اولدي وخليتوني نولدها ...مالها اش تفرق بيني وبين مرت يوسف راني دايز عليا جيل وجيل على ايدي تولدو .... فؤاد "اصلا ربي الي عالم بيه حاول ما امكن وبزز باش يصبر راسو على قبلها ...شاف فيها عينيه حمرين " : الجيل الي تزاد على ايدك راهم دابا يقولو ليهم با سيدي ...مابقاو يشوفو ولا يفرزو اش قدامهم ...كي غاديري تفرزي نتي ؟؟... خرجات عندو يسرى ...لقات صهيب تاهو عاد داخل هو وسارة ومعاهم حتى الحاج الي بلغوه وجا ليه صهيب هزو معاه ...كلهم على برا مجموعين زينة تبكي وتعدد على بنتها وشحال كانت متمنية تولدها ولكن ربي مجابش سيدة كيرات ومبقات تفرز ...وهو كلو كان ناوي يولدها فالدار لكن مكتابش وتيقوليك متمشي غير فين مشاك الله والي مكتبو ليك الله .... يسرى : فؤاد خويا تقدر دخل عندها لا بغيتي ... الحاج : بنتي امضرا قربات ولا مزال ... يسرى : قربات ابا الحاج ... شافت في فؤاد واومات ليه بعينيها باش يتبعها ...دخلو بزوج لاصال ...عطاتو واحد الزي لبسوه ليه ...ودخل لقاها فوق كرسي فحال بياص لكن جا تالاخر وفيه فين تحطي سيقانك باش يتهزو رجليك وتقابلي مع المولدة الي غاتولدك ...لقاها ملبسينها لباس المشفى ... وكانت كتقلب فيها بالايكو ... فؤاد : علاش مالها ؟ يسرى : صافي خاصها تولد فاقرب وقت ...الى تعطلنا كتر من هاكا دري غادي يتخنق ...كان يحساب لي غايكون مقبل فاش وصفات ليا خالتي نجود وفاش درنا ليها الايكو لقيناه مزال متقبلش شوية ... يامنة "رجع ليها لوجع " : اهى اهى واااااااااااربييييييييييييي وشنو هذا الي غايخرج مني من تحت اهى اهى ...."وجهها ولا حمر بتعصار ديال حريق الوجع " ... فؤاد : اشنو هادشي الي فيها ؟؟ يسرى : هاديك زحمة ولكن راه باقي ممقبلش غادي نحاول معاه باش يتقبل الما كيهبط منها شوي. بشوي ولكن باش تولد طبيعي خاصو يتقبل الوالدة عندها محلولة المشكيلة فيه هو الي ممقبلش وخا هابط لكن معاطيش براسو جيهة عنق الرحم ...الى متقبلش غادي ندير ليها عملية قيصرية قبل مينشف ليها الما فكرشها .....دارت ليها سيروم ... وعرات ليها كرشها خوات البرودوي فوق من كرشها ....وبدات كدير ليها حركات تقبال يعني باش يتقبل دارت ليها حركات هاد الحركات كانو عيالات زمان كيديروهم باش يتقبل دري ...كانو كيخويو زيت فوق الكرش باش كيماصيوها بداك نوع من الحركات ...شد ليها فؤاد فايدها شابكها ليها ....وهبط عند وذنيها .... فؤاد : صبري معايا ومعاه ومعانا باش نشوفو عوينات النسر وخا ... يامنة "حبس عليها الوجع شوي ثاني وجاوباتو غير براسها عيات اصلا بايت فيها الوجع وصابرة حتى كمل ليها اليوم يعني يوم وليلة وهاهي مزال كتوجع " : هممم ... طلات ليها كرشها كلها بداك البرودوي وهي تبدا ...خشات ايديها بزوج كاملين تحت كرشها تا شدات راس حسات بيه وبدات ضورو وطلعات فوق كرشها وضغطات وضورات مزيااان وعاودت تاني تحت كرشها وهكذا بقات بدوك الحركات الي جاو ليامنة كي رحمة حتى بداو عينيها كيتسدو ....(هادو حركات كيديروه لجنين الي ممقبلش كيحاولو معاه ديروهم فيوتيب غايطلع ليكم طريقة كيفاش كيديرو ليها هي نيت الي وصفت ...كيحاولو الاطباء باش الراة تولد طبيعي اكبر قدر ممكن عاد كخليو العملية كاخر احتمال ...) يسرى "دارت ليها لاباراي كتشوف فيه تقلب وبدا كيجي نيشان جيهة الوالدة " : مزياان ...غادي تمشي لشومبر الي حدا لاصال هنا راه وصيتهم يوجدوها ليك ...تحسي بزحمة يعني تحسي بشي حاجة بغات تهبط منك وشدك الوجع ثاني عيطو ليا ...باش ميضورش عليه الحبل سري يخنقو بحكم فاش درت ليه هاد المساج يقدر يتقلب ويضور عليه... ضارت شافت فيها لقاتها بغات تنعس يسرى : يامنة حبيبة توگضي معايا ... فؤاد "برك عليها بايدو " : يامنة ياامنة ... يامنة : هااا اا نعام مشا الوجع ... يسرى : شوي وتحسي بيه وتحسي بزحمة عيط ليا نجيبها لهنا ....غادي نوجد ليها شنو يخص باش ملي تولد يكون كلشي موجود على حسابها وحساب البيبي.... عاونها تا ناضت وشدات ليه فايدو وعنقها من جيهة لاخرا ...لبستها بينوار طويل فوق داك لباس وجمعات ليها شعرها وخرجها من جيهة لاخرا ضورها لبيت فين قالت ليه ... غادي شاد فيها بايدو ومعنقها ...واحد الممر تما عاد يدخلو لشومبر باش ترتاح بينما حست بوجع تاني وزحمة غادي تولدها ديك ساعة يكون عاطي براسو باش تكون ولادة مقادة وميعطيش برجلو وتكون الوضعية الفارسية ...حازها ليه وحط ليها راسها على صدرو غادين بشوية كيتمشاو باش نيت تسهال عليها الولادة اكثر ... فؤاد : غزالي ديالي انا ...توگضي معايا وخا ؟؟ يامنة : عييييت اهى اهى ...هادشي بزااف مقدرتش عليه اهى ...خايفة نموت ونخليه ومنقدرش نتفرق عليكم ... فؤاد "كيبغي ينطح راسو تعصب من هاد الهضرة ومحاول باش يصبر حيث عارفها الحر الي فيها مخلي فمها غا تيهضر وصافي ..." : يامنة هضرنا وعاودنا ...هاد الهضرة مكاين لاش ..الله يرضي عليك صبري هادشي الي عطا الله هادي هي الولادة صبري باش يجي دغيا الولد الي صبرتي على ودو تا شد ليك فكرشك ..."هز ليها راسها وباسها في فمها " نسيتي شنو دوز علينا اكاتيوشا ديالي ...ااا ؟ يامنة "بدا كيجي الوجع شوي بشوي غمضات عينيها " : اهى اهى هااااهو غايجي اهى اهى ...وووواااااااااااو افففف ... فؤاد : غير صبري فاش تحسي بداكشي الي قالت ليك غادي تديك تولدي ...صبري اعمارتي ونور عينيا صبري امت ولادي وجنتهم ...فاش تنقوليك جنتهم حيث بصح جنتهم بصبرك والمحنة الي فيك وصوتك الي مكيعلاش وتدرواشت الي فيك ...نتي غاتكون ام يتضرب بيها المثال ...كملي فصبرك باش تحققي هادشي الله يرضي عليك ... حتى دخلها ونعسها فوق ناموسية ...عاد دخلو كاملين عندها ... الحاج : الله يفكك على خير ابنتي ... يامنة "مجاوبتهمش جاها نعاااااس ...غمضات عينيها "... نجود : الله ياربي على بنيتي من البارح وهي توجع وترجع اولدي ومحسيتي بيها ... فؤاد "خنزر فيها ممثيقش شنو قالت حيث فخبارو " : شنووو ؟؟؟"شاف فيامنة لقاها مشااات نعسات ..." وعلاش هادشي مقالتوش ومفيقتنيش ؟؟ نجود : عاد قبيلة قالتها وقالت مبغاتش تفيقك اولدي حيث كنديوها كترجع كيقوليك باقي عليها الحال كتجي يسرى تقلبها كتلقى مزال الحال واعذرها صبرات غير باش متعذبكش ... خبط الباب بجده تا قفزو كلهم ويامنة حلات عينيها ورجعات سدتهم مجايبة خبار .... صهيب : ارسول الله ... الياس : ناري غانولد انا بلاصة الفجلة ... فؤاد : هاااادشي الي مكنبغييييش هادشي ..."عاود خبطو تا قفزات زينة هاد المرة الي كانت حدا يامنة فناموسية ...وخرج باش يكمي ويرجع ديك ساعة ..." يوسف : والعصاااب اعشيري هادشي ديال الولادة فشكل ...وسيمانة وهي وجعة تابعة لاخرا بسيف متعيا ...مرة يديها هو مرة انا وياه مرة صهيب مرة الياس ... الياس : هاد البرهوش داخل لشي منضمة ضذنا من الكرش صهيب : فاش يتزاد رسل ليا وييييز ههههههه يوسف : راوية وراجلها من قبيلة وهي تعيط ...انا نخرج نهضر معاهم ونجي ... صهيب : ديني معاك نشرب قهوة ضرني راسي ...مشا يوسف وصهيب وتبعهم الياس باس نيت يخليوها مرتاحة ...بقات معاها غير سارة ونجود حتى جات طلات عليها يسرى قلبتها تاني وعاودت ليها نفس العملية ... يسرى : حوايج البيبي واجدين ؟ نجود : ايييي من دهوة نينااهم كاينين فصاك فالدار ... يسرى : قولي ليوسف ولا واحد فدراري يديك راه شوي تشدها زحمة غاندخلها تولد ... عيطات نجود ليوسف الي كانو معاه دراري وقاليها باش توصل عليه لتحت يمشيو معاها كاملين يبدلو اصلا تاهما دعقو مبدلوش ...وخرجات باش تعلم الفرمليات يوجدو كلشي بقات معاها غير زينة وسارة ....فهاد اللحضة كان فؤاد خارج قدام الكلينيك كيكمي باش يصبر راسو ويشرب فالقهوة باش ينقص من ستريس .. يامنة "كانت مغمضة عينيها حتى حلتهم بجهد حست بضو ضربها كتشوف فجداها الي كانت حداها وهي تكمششششش على لحاف وخرجات عينيها ..." : اااااااااااااااا فؤاااااااااااااااااااااد اهى اهى ....اااااااااااااا غايهبط غااايهبط عيطي ليسرى وفؤاااااااذ اهى اهى ... زينة : ذكري الله ذكرييي الله ابنتي ..."سارة مشات تجري تعيط ليسرى " يامنة "بدعقة شدات ايد زينة وحطتها ليها تحتها ..." : شي حاجة كتهبط كتهبط اممممممممممممم اهى اهى اععععععععععععععع فؤااااااااااااااد اهى بغيت فؤاد ... زينة : الله على بنيتي صبري ياكما تقبل والراس هذاك ...مدت ايدها تحت منها وهي تهز ليها لبينوار وعراتها شوي صغرت عينيها مكتشوفش ولكن ايديها خدامين كيقلبو لتحت غا هي قاستو حسات براس ديالو جاي خارج ومع الوالدة عندها محلولة غا تقبل فحال الى كان على سبة ..." الله اكبر ذكري الله ذكري الله …راسو هذا ابنتي ...شتي اش ديري بينما جات الطبيبة صبري ..."يامنة كتحس بيه هابط كتزيد دفع وتشد بايدها خايفاه يطيح معرفت باش تبلات والحريق فجناب .....مع دخلة الي دخل فؤاد دفع الباب بجهد حيث قالتها ليه سارة لقاتو فالكلوار جاي . فؤاد "مشا نقز داكشي الي تما وطار لعندها تحنى وجهو بيض شد ليها فايدها وهي تكنزز عليه يامنة "غمضات عينيها كتعصر وهي تغوت لربي الي خلقها " : وااااااااااااااااااااااااااااااربيييييييييييييييسي اعععععععععععععععععععععع فؤااااااااااااد راااااااجليييييييييييييييييي ...."بانت ليه مزيرة عاللحاف وزينة مقابلة معاها ..شادة ليها لتحت ومع الوالدة قبل محلولة اصلا بقدرة الله سبحانه دغيا فرج عليها وفك سراحها بلا عذاب زحمة ...حتى هبط الولد بزربة بماه ...على ايد زينة ... زينة : امصلي عليييك ارسول الله ..."حذر فؤاد عينيو لقا الولد خرج كلو هبط كيجرييييي لكن كلو زرق والمصرانة ملوية ليه على عنقو فمو كيتحل ويتسد بشوي .... امصلي عليييك ارسول الله ..."حذر فؤاد عينيو لقا الولد خرج كلو هبط كيجرييييي لكن كلو زرق والمصرانة ملوية ليه على عنقو فمو كيتحل ويتسد بشوي .... شرع عينيه فداكشي الي قدامو اول مرة كيشوف داكشي ويحضر ليه ..وشكون حضر لولادة ولدو البكر الي تزاد بديك طريقة ...هي ربي حن عليها دغيا تفكات بلا عصير وخا مزال الباقي مخرجش كلو ...وخا تعذبات فالوجع يومين تقريبا .... وباقي الايام الي قبل الي كان كيف كنقولو كيزاورها لكن ماشي اي تزاوير كيخرجها منها عاد كيمشي ...ربي فالزحمة سهل عليها حالها حال اي وحدة ممكن توقع فالي جرا ليها ...خاصة فاش تتكون الوالدة محلولة دغيا كيلقا فرصة الى تقبل وهي مع معارفاش كتعصر غير راسها ...كيف تعصرتت او دفعات لقا الفرصة وخرج كيجري وخا مخرجش تقريبا كلو ... زينة : امصلي عليك ارسوله ..ذكري الله ابنتي ذكري الله ..."صغرات عينيها مع جا على ايديها لقات المصرانة او الحبل السري ملوي على عنقو وهو لونه ما هواش وفمو صغييور كيتحل ويتسد بشوي بلا مغوت ولا يدير اي رد فعل ..." ولدي نابي (عيط ) على الطبيبة... فؤاد "باقي مخرج عينيه فالولد الي داير فحال هكاك جاه نوع من صدمة تاهو كيشوف فيه ويحل فمو ويسدو بشوية كيصرط ريق ...تصدم ودهشر وتخلع مسمعش شنو كتقوليه زينة الي كتشوف فالولد ..." ... زينة شافتو مسمعهاش ومداهاش فيها وبقاي مدهشر بان ليها الولد كيتخنق ويامنة كتشوف فيه وتنخصص بالبكا ... يامنة : اهى اهى م ماااالو ...فؤااااااد ..اهى اهى وااا فؤااااد "زيرات ليه على ايدو باش يتوگض يشوف فيها ." فؤاد "عاد فاق خرج عينيه ورجع شاف فيامنة " : هاا م مالك مالو...اشنو علاش داير هاكا ؟؟؟؟؟؟ يامنة ... يلاه بغا يغوت وهي دخل يسرى وسارة كيجريو سارة بان ليها داكشي وهي تحط ايدها على فمها يسرى مشات كتجريييييي تاهي تا مشات وجات بصدمة ... يسرى : وااااواو ..يامنة ؟؟ الولد "بان ليها كيف داير وهي تخرج عينيها غوتات بحر جهدها على لفرمليات الي معاها والي اصلا بنات حيث وصاها يكون طاقم نسوي ..." عيطييييي ليهم سارة داااابا ونتوما خرجو خرجي معاك مي زينة اسارة زينة : راهي ولادتها ساهلة ربي سلكها بزحمة ساهلة غوتة وحدة هبط ابنتي ...ربي معاك ربي معاك ... نوضتها سارة خرجتها بزربة دخلو الفرمليات ويسرى طارت عالولد شدات الحبل سري هزاتو وضوراتو بشوييييي من على عنقو ...شادة ليه رويسو حتى فكاتو ليه ... يامنة "بدات تجيها زحمة ثاني " : اممممممممممن اععععع ش شنووووو بااااقيييييي اهى اهى ... يسرى : دفعي داكشي الي بقا دفعي احبيبة .... دفعات ثاني كدفع وتكمشششش على ايد فؤاد حتى دفعاتو كلو وهزاتو ...جابو ليها داكشي هزات مقص واحد فحال المقبط دارتو على الحبل من جيهة البوط سداتو وقطعات الحبل السري وخلاتو ... فؤاد "كيشوف فيه باقي زرق شوي ..نطق بحروف متقطعة حلقو نشف " : ع علاااش مكيغوتش ؟؟ يسرى "معارفات باش تجاوبو وسكتات هزات الولد وهبطات ليه رويسو لتحت ورجليه الفوق ...خبطات ليه المؤخرة ديالو خبطات متتاليات بشوي ... يامنة : علاش كضربيه اهى مالو ؟؟ فؤااااد مااالو مكيبكيش اهى اهى ...وااااااااااااا مااالو ... يسرى : حبيبة تهدني متخافيش عادي هادشي ( ربي الي عالم بيها ) .... خبطات والو مغوتش … الفرمليات جايبين كاع الي غاتحتاج ...جابو واحد السرير فين كيبدلو لزيادة ...هزاتو وحطاتو فوق منو وجهها ولا بيض هههه وناااري لوالديك ومغوت ولد فؤاد تيخليك تغوتي فليالي هههه ... فؤاد "طلق من يامنة ومشا لعندها وقف عليها ..." : مالو ؟؟؟ يسرى : هاا هاني كنشوف متخافش ... عاودات هزاتو تا هزاتو قلباتو تاني تخبط ... يامنة : اهى اهى وماااالو اشنو وقع ليه "صوتها عيااان وكتكابر وطل عليه والفرمليات عند رجليها كيعاونو فيها باش تجيها زحمة وتلوح تاني الخواتات (ما تبقى من المشيمة ...) ... فؤاد "مصبرش كيشوف فالولد مكيغوتش وقلبه بغا يسكت بالخلعة ملاحضش كاع كيف داير الوليد كيشوف غير كتلة صغييييرة قد حجم ايدو لون بشرتها متغير ماهواش عادي ومكيغوتش تلفو ليه اعصابو حتى خبط الحايط قفزو الفرمليات و يسرى الي تلفت مسكينة تاهي خرج فيها شيب ...": ماااااااااااااالو. ؟؟؟؟ يسرى "طارت ونزلت ولات ترعد ولكن ولات نحكمات فراسها " : هاهو هاهو يلاه اولدي يلاه الله يرضي عليك ...ثورية جيبي ليا... محتال تكملها حتى سمعات احء اخء اخء اخء ... ضورات وجهها لجيهة الولد بان ليها وجهو تكمش وفمو بدا يترعد من ذقن ديالو ...حتى طلقها بغوتة زوكات الوذنين ووصلات لمسامع نجود ودراري الي كانو جايين والحاج الي كان جالس برا ... الحاج : الله اكبر الله اكبر ... يوسف : وااااااااا ولداااات صهيب : الله ... نجود : الله ياربي على بنيتي هههه عاد يسرى ابتاسمات وتنفساااات ...والولد غير دخلت ليه نفس سيدي ربي ولونو بدا يتبدل شوي بشوي ... يسرى : ههههه على سلاامتو ...ياك احبيبي خرجتيها منا ... فؤاد "دار ايدو على وجهو دوز عليه يحك ويطلع ويهبط عاد تنفس بغا يخرج ليه العقل وقلبه بغا يسكت بالخلعة على ولدو ويامنة تلاقاو عليه ما عرف باش تبلى ...خلعة ومن خيبها انك تشوف كبدتك لا هي نفس دخلات ليها ولاهي تحرك ...وخاصة عاد زايد راه غير لا منطح راسو ولا فشل ..." : الله ..."هز راسو تنفس بجهد وخرج تنهيدة حتى ضور راسو جيهة يامنة لقاها كلمو ليها داكشي الي خرج ...كتبكي وصحك مسكينة وفاشلة بالمزيااان ... فؤاد "مشا لعندها مخلي الولد تقلبو يسرى وتفحصو وتكمل ليه شنو خاصو وتاهو من طلق الغوتة لا هو بغا يسكت ههه ...قرب لعندها هازا رجليها كينضفو ليها تحتها ...كانو كيعصرو ليها كرشها مزيااان تا كيخرج ما تبقى ...من بعد ما لاحت داكشي الي بقا من المشيمة ونضفو ليها ...قرب باس ليها ايدها وراسها وطووووول فالبوسة " : على سلامتنا ... يامنة "ابتاسمات بتعب مبقاتش قدرات تهضر عينيها كيتلصقو " : ش شفتيييه همممم ... فؤاد "باسها فراسها ...كانو كملو ليها .." / مزال غير غوت كسرنا وجيت عند غزالي "عنقها عندو كيحك ليها فدراعها " ... يسرى : ههه على سلامتكم صحتو مزيانة ...ثورية ( الفرملية ) قولي ليهم راه تزاد مزيان وجيبي من عند خالتي الصاك فيه حوايجو وحوايج يامنة باش تبدل ..."حدرت راسها الفرملية وخرجات دارت شنو قالت ليها ...وجابت ليها صاك هزات منو حوايج البيبي وعطات ليامنة حوايجها منهم .." لبسيها هذا صايبيه ( كيلوط فيه الويز خاصة بالنافسات ) ... شداتو من عندها وناض فؤاد لعند يسرى كيشوف فيها كتنقي فيه بنفسها وتلبسو فليكوش كيبان وسطها نملة ودايرين ليها ليكوش ( تعبير لضحك ههه ) ...جمع ايدو على شكل 🙏🏻 دارها على فمو عينيه لمعو وهو كيشوف فكبدتو الي مغمض عينيه وفمو كيترعد من ذقنو مرة يخسر سيفتو ومرة يگبع شنيفاتو باغي يبكي كيتسمع غير اااءءءء اااءءء اننن ..."مد ايدو لايد الوليد "شدو من ايدو حط صبعو وسطها حتى كمش ليه على صبعو مزيير عليه ...جمع الوليد فموو كمدو ويرجع يدخلو فحال باغي يمص ..." فؤاد : ولله في خلقه شؤون ...سبحان الله والحمد لله ..."هز راسو لسما طلق تنهيدة من قلبو ورجع...شاف فيه بقا حتى لبساتو ضوني بيض لبيسة فالازرق والابيض فوقي بصدافي وسروال ديال قطن وسبيبيط بيض قطن فيه باپيون فالازرق ...هزاتو بشوي ...ومداتو ليه .. يسرى : تهزو توذن ليه محدك معاه قبل ميسمع هضرة بنادم وذن ليه هو لول ؟ بينما عطيت ليامنة تلبس ونعاونها ... فؤاذ "شاف فديك الكميشة كتنغش ايدياتو كيكمشو ويرجعو يتسرحو وفمو كيخرج لسانو ويركع يدخلو ..عينيه مزال مسدودين وسبحان الله من صورو بديك الخلقة شعر كحللللللل مسبسب على وجهو واصل تال عينيه ...وحجبانو كحلييييين ...لحد الساعة هادشي الي باين لا هو حل عينيه باش يبان حجمهم لا هو مزال تفرز ومزال ميبانش لمن غادي فشبه ... حطاتو ليه بين ايديه وعاوناتو تا شدو بين دراعو قلبه قفز من بلاصتو كيضرب بجهددد خايف ..اااه فؤاد خايف حيث الكبدة صعييييبة ..عض على شفايفه وقرب ليه اكثر باس ليه رويسو واستنشق ريحته هبط لوذنو " : الله اكبر الله اكبر ..."بدا ياذن ليه فوذنه بصوته ..حتى كمل ..." ...ياسييين ياااسييين ..."حط عليه راسو "ولدييييي ..."حتى ابتاسم من قلبه عض شفايفو حابسها حابسها لكن خانتو ونزلات دمعة كتجرييييي من عينو "... بقا شحال هازو والولد كيتسمع غير صوت انفاسه ...لبسات يسرى ليامنة الي كانت فاااشلة بغات غير تنعس ...لبستها بيجامة وخا محتاجينها مرضى اخرين قررات حتى تكمل ليها عاد تمشي تشوف برا ...حتى لبساتها بيجامة قطن فالغوز بيبي والبيض وتقاشر بيضين من بعد مالبسوها الكيلوط الي صاوبو ليها ...طبعا هادي هي خدمات الكلينيك لكن يامنة معرفة من جهة يسرى ومن عائلتها وعزيزة عندها كان اهتمام زايد اكثر ... يسرى "غطاتها وقادت ليها المخدة تحت راسها كان وجهها شاحب وفمها بيض " : ارتاحي دابا شوي وغايدخلو عندك ...هههه محننا هاد الولد عندك خرجها مني خلعة ... يامنة "بصوت عيااااان بحرا قادرة تنطق من بعد ما جمعت شوية السوفل غا باش تهضر ونطقات بصوت باااح اصلا مشا ليها صوت مع الغوات " : بغييت نشوفو ...فؤاااااد ..."مسمعهاش حيث كان واقف بعيد عليها شاد الوليد فحضنو كيبوس فيه ويشمشم ..." ...فؤااااد يسرى "ناضت " : انا غانرسلو لعندك ونخرج عندهم باش يذخلو عندك راك شغلتيهم عليك ههه على سلامتك والله يكبرو فعزك ويخليه ليك ... مشات عند فؤاد قالت ليه يديه ليها وخرجات عندهم ...اما هو ضار عندها ومشا مجبد عينيه كيشوف في ولدو وفيها عاض على شفايفو بغا ياكلهم بزوج ...هي منضرها كيوت ام صغيرة عاد كابرت وصبرات على هاديك الكتلة اللحمية تا عاش ليها وصبر فكرشها وزادت صبرات تا ولداتو ومنصر البريهيش الي كيحل في فمو ولا يكمشو ....حتى جلس جنبها ... فؤاد : الغزال ديالي انا ...شوية ؟؟ يامنة "مغمضة عينيها " : هننن ش شوية فين هو .. فؤاد : توگضي معايا وحلي عينيك بعدا يامنة ...ياامنة ... يامنة "حلات عينيها شوي وضارت شافت فيه لقاتو هازو وهي تبتاسم وسط عياها والبحة ممفارقاش صوتها " : هو ههههه فؤاد "غمض عينيه تا باسها فراسها " : هوو اغزالي شبل ديالنا ...تهزيه ؟ يامنة : اااه عطيه ليا ..."هزو شوي وحطو ليها على صدرها حطات ايدها عليه كتشوف فيه وخا عيانة كتقلب على نعاس ولكن تحكمات فراسها حتى شداتو وحازتو لعندها مقرباه ليها ...ضورات ايديها حاوطاتو وهبطات باست رويسو وشعرو ..." ...زويييين هههه ... فؤاد : حيث ولد يامنة اغزالي ولد عمارة داري ...يكبر غايناديك ماما ...ويترجل يناديك الوليدة ... يامنة : هههه ماما الوليدة هههه ... فؤاد : اريه نحطو حداك ورتاحي راكي عيانة ... يامنة "كمشات حجبانها " : خلييه عفاك .. فؤاد : هاهو حداك معندو فين غادي وانا حداك ..رتاحي نعسي غادي يدخلو دابا وميخليوكش مرتاحة ... جاوباتو براسها باست الولد بشوية فراسو وإيديتو من كفها وهزو من عندها حطو حداها فالكونة كانت تما اصلا شومبر ديال جناح الولادة فيها كونة ...فرش ليه مانطة شيبية وحطو فيها مغطيه باسو تاهو من ايدو وراسو وحط ليه مصيحيف صغير تحت راسو كان فصويك الي موجدة خاص بهاد نهار ... حتى دق الباب وحنحن عاد دخلو واحد تابع لاخور ...الحاج نجود سارة وصهيب والياس الي شاد زينة ويوسف الي كيهضر مع راوية وبلغها بالي تفكات .... نجود : على سلااامتها ولدي "طلات عليها لقاتها صافي سرحات عجول لاخرا " الله ياربي بنيتي ... زينة : نعسات فجيلتي ... يوسف "سلم على خوه هو وصهيب والياس " : على سلاك خويا مبارك متزاد عندك ... فؤاد "حدر راسو وهزو طبطب عليه" الحاج تاهو مشا عندو وناض فؤاد باس لباه راسو وايدو " مبارك متزاد اولدي على سلامتكم الي تفكات على خير ...فين هو حفيدي ... شير ليه فواد فين كاين ومشاو لعندو كلهم كيشوفو فيه باسو الحاج من راسو ...سما الله وكبر فرحان مقاداه فرحة بحفيدو ودراري كيطالو عليه ويصورو فيه ...اما نجود بقات حدا يامنة وزينة وسازة ... نجود : ولدي مد ليا صاك نجبد ليها زيف نحزم ليها راسها لا يضربها البرد ..."مد ليها صاك وناض عندهم حدا الولد ...وجبدات ليها زيف حزماتو ليها وخا ناعسة مجابت خبار ورجعات تكاتها وغطاتها من جناب ..."...تتفيق ونعطيه ليها ترضعو ... زينة : متنسايش داك اللبا ( اول حليب ) تدهن منو شوي لوجهها يحيد ليها داك الشوية الكلف الي فعنقها ووجهها ... نجود : مبايشن بزاف دابا يحيد خلي البا ينفع الدري الحاجة ...ماعليش ... الحاجة : الي بغات ديرو ... نجود / خاصني نگمطو باش نجمع ليه شوية عضامو بالحق تيجي فؤاد لا يعود ميبغيش ... زينة "كتشوف فيامنة ": فرحتي منعطيها لحد "مسحات عينيها بمشوار من دموع " الله ياربي على فجيلتي وتمحنت ليا ...الكبيدة الغالية بنت الغالية ...عمرني نسا نهار الي تولدات هي على ايدي من جيه ومها ودعت من جيه ...داك نهار كحل عليا تا نساتني فيه يامنة وهي على ايدي كبرات وبلغات وهاهي دارت دارها وتزوجات وهاهي ولدات بكرها وعلى ايدي وخا ما وجعتها ما زحمتها ... نجود : الحمد لله على سلامتها سكتي الحاجة من البكا هاد نهار نهار فرح تزاد الولد الي داز عليه ودوز عليها المحاين وصبرات تا ولداتو كامل تبارك الله عليه ...ها ربي عوضك بيها وبحفيد ولا بغا الله يجيو خرين ... جا فؤاد لعندهم باس راس زينة وقال ... فؤاد : مكتب ليك ينزل على ايدك اميمتي ...تمنيتي وصبرتي وهانتي نلتي الله يجيبنا غير فالصواب اميمتي ... بقا الحاج ودراري واقفين حدا راسها حتى خرج باش يصلي العصر ويشكر الله على النعمة الي عطاه الله وكمل عليه تا وصل لداكشي الي بغا زوجها ليه بلا خبارو تا دار دارو وهاهي جابت البكر ديالو في حفايدو ...عيطو لباها الي كيف سمع الخبار مشا طاير جاب ما يخصو من حوايج ومستلزمات وقطع فالكار باش يكون عند بنتو الي جابت ليه اول حفيد ليه ... فؤاد "لباه قبل ميخرج " : الوليد وصي على شي بهايم دبحهم وصدقهم ...ووصي على جوج على ود السمية ... الحاج : بقا غير مع ولدك ومرتك وداكشي الي بغيتي نوجدوه عارفك باغي العقيقة وسبوع وكلشي على حقو وطريقو ... فؤاد : مزيان ...باش مكان علمني بشنو خاص والجديد .. الحاج : وعليه نخرج من جامع ونتوالى لكلشي .."عيط لالياس " الياس فاش تخرج من هنا لحق عليا بغيتك تمشي معايا ... الياس : وراه شيفور الوليد خليني مع الفجل .. فؤاد "خرج فيه عينيه " : شنوو ؟؟ الياس : اااا ا.. يوسف : شريييه الياس / الفجل بغاتو الوليدة على حساب شلاضة الي غاتجيب لختي يامنة فالعشا ياك اميمتي ... نجود : وانا دويت قلت ليك شي حاجة ؟ صهيب "ضور وجهو حابس ضحكة حتى ولا مزنگ" : حخخخخ اميييي غانموووووت وحصلة متبغييييها لعدوووك اخويا ... يوسف "دار ايدو على فمو حابس ضحكة " : وااا شواتو ورقاتو الصابون البلدي ميزلقوووش الياس "مشا كيجري سبق باه " : اضحكت اضحكت سمح ليا خويا الوليد اجي نمشي معاك نصليو جماعة ..."خرج الحاج تبعو كيضحك عليه ههه ودراري بقاو يصورو ويشوفو ف ياسين الصغير ...خرج فواد باش يكمي ويهضر فتيليفون مخليهم على خاطرهم يلعبو مع ولد خوهم ويضحكو " يوسف "ضار تيشوف فيامنة ناعسة لهيييه ويوشف فياسين " : وبليمين واش يدي الفجلة ... صهيب : هذا جاني غا فؤاد ...شوووف شوف كيفاش لحيتو كترعد ؟ الوليدة علاش لحيتو تترعد نقزات زينة ونطقات : هههه هذاك غايكون قبييح .. يوسف : ويلاااي كتر من هاد القبح الي خرج فينا فين غادي اصحيبي فين ... صهيب : ياختي شحال كيوت ...شوف تيكمش عينيه خخخخ "مد ليه صبعو خشاه فوسط كفو وكمش عليه كيبان صبع صهيب كبيييير " يوسف : هههه تتبان ديناصور حنون ابا صهيب هههع صهيب : ديناصور بعور لا ؟ يوسف : عنديلمك ... شوي حتى تحل الباب ودخلات زينة دكتورات ببشاشتها مبتاسمة وجهها عليه فرحة كبيرة من بعد ما شافت شنو عندها وجات تطمئن عليها لقاتها ناعسة وجات حدا يوسف كتشوف ف ياسين ... يسرى : وييينو حبيب خالتو 😻 يوسف : يا حبيب من ؟ خالتو ؟ نتي ؟ واش "شد راسو " اويلي واش تا مرتي تاهي اولد العبد ولات تقوليك حبيبي ... صهيب : ههههه جا غا من وراك جمع حب وتبن ولكن نتا زايد نغزة خرج ليك فعودك ... يوسف "شاف فياسين رافع حاجبو " : اشووووف اذاك ربعة غرام ديال لحم راه لوالديك نعلقك فالترية وطلعتي ليا القردة وخا يكون بوك هو شاوينا الكاوينا ..."تيقلب بنص عين لا يكون داخل " صهيب : زااااااگييييي عينيك وكمل هضرتك الثعلب ... يسرى "تكات على كتفو كضحك " : هههه الله يستر ... هذيك سويعة بقاوها معاها بضحك ولفرحة خارجة من عينيهم ...بقاو معاها شوي حتى استاذنو باش يرجعو لدار يرتاحو ويخليوها ترتاح داو معاهم زينة حتى هي وبقات غير نجود تا يجي فؤاد باش تعاون يامنة ملي تفيق تعطيها ترضعو وتوريها عاد تمشي ...وصات الياس باش يرجع ليها يديها ....اطمنات عليها يسرى وعاودت فحصات البيبي ...وممشات زينة تا وصاتها باش ملي تفيق تبغي تبدل توضى بالعشوب الي قالت ليها...لكن يسرى عطاتها مطهر ومعقم وما ديال الوضوء واجلات حتى تجي لدار عاد تبدا سلسلة نفاس على حقو وطريقو ...من بعد شحااال بدات تحل عينيها ...شوي بشوي حتى شافت لقاتو عند راسها شاد الفون كيبقشش فيه وهي تكحب شوي تا ضار عندها .... فؤاد : يامنة !! ... يامنة "بصوت باح " : فؤااد ..كحكح بغيت نشرب .. نجود : خليك انا نجيب ليها تشرب ... قرب عندها كيطبطب ليها على دراعها حتى جابت ليها تشرب …حتى سمعو الغوتة ديالو حاارة ... فؤاذ "ناض وقف كيطل عليه " : مالو ؟؟ نجود : نجيبو ليك ؟ خاصو يرضع اولدي هاهي فاقت ترضعو شربناه غير لويزة بينما فاقت ... يامنة : اه جيبوه ليا ... مشات نجود هزاتو تاهي تبوس فيه وهو يزگي وفمو يترعد وجهو ولا حمر ...وقالت ...: ههه اناري من قبحو ههه ..."حطاتو ليها فحضنها هز ليه فؤاد راسو عاد وعات واشفتو مزياااان ...بدات تبتاسم وضحك حتى تغمضو ليها العينين .... يامنة : ههههه ...نرضعو دابا. نجود : رضعيه ابنتي سمي الله ... عاونتها حتى حلات صدافي البيجامة وخرجات بزولتها حشمانة من فؤاد تزنگات وهو ممسوقش كيشوف فيها داير صباعو كيحك فذقنو وحاضيها حتى قادت ليه راسو وخشات ليه راس بزولتها في فمو شوي بشوي حتى بدا يجر فالخوا وهي تقرب ليه نجود وتقاد حتى جر ليها وبدا يرضع ...كان صدرها منفووخ غير بدا يرضع وجر مزيان ... نجود : ههه ردي بالك لا يتحنق شدي بجوج صباعك هنا على شكل مقص باش ميتكبش عليه لحليب بزاف يخنقو ...."شافت في فؤاد " ولدي خاصنا نگمطوه يتجمعو ليه عضيماتو "دارت ليا طويقية لقطن بيضة " ...قلت نسولكم ... فؤاد "شاف فيامنة الي كيضحك وحاضية ولدها كيرضع وعينيها كيلمعو بجهد مرة تعض شفايفها وتغوبش معاه " ...ماعليش الي فمصلحتو ديريه ...."ناضت نجود مخلياهم حدا بعضياتهم وولدهم وسطهم ...بقا يشوف فيها يتلمس فايد ولدو ... فؤاد"باس ليها حنكها وطلع يبوس حتى باس ليها ناضرها ورجع يبوس حنكها بغا ياكلها على هاد الكياتة الي فيها طفلة كترضع طفل ههه " : شفتي عويناتو دابا غزالي ... يامنة "هزت فيه راسها شافت فيه خطف بوسة من فمها قبل مضور نجود تشوفهم ..." : ههههه متولد حتى خرجها مني "مزال عيانة " ... جات تكمل ليه حتى نسات وطلقات ايدها وهي تشرگ ليه حتى تخنق ثاني كيتسمع غير كخق كخق ...هبط عينو ليه لقا وجهو تجيف وناض وقف بالخلعة هبطات راسها وهي تخرج عينيها ...مالو مم مالو ...ضارت نجود مشات لعندهم لقاتو شرگت ليه ولون وجهو تغير شداتو من عندها بزربة ... فؤاد"صعر" : اااااشنو تاني مالو ؟. ماااالو؟؟؟ نجود "شداتو من عندهم عارفاهم معارفين تا لعبة فؤاد يعربط ويامنة تعطيها البكا ايوى شي ميقضيوه ...شداتو بالهداوة وخذات ليه ايدو نفخت ليه فيها ونفخت ليه فوجهو ومتكياه على كتفها واقف دوزت ليه على ضهرو تا تنفس وهو يطلقها بغوتة كسرت ليهم شومبر تا غمضات يامنة عينيها هههه ": بسم اله عليك بسم الله عليك اناري كي قبيح هههه فؤاد "كان كيمشي ويجي تيدوز على راسو بعصبية غا هو غوت وهو يضور تكا راسو عالحايط ضربو ببونية ...فشل ليه ركابي بالخلعة " : بغا يقتلني بغااا يقتلني اميمتي هاد فحم العينين ( كحل العينين ههه ) .. فؤاد "كان كيمشي ويجي تيدوز على راسو بعصبية غا هو غوت وهو يضور تكا راسو عالحايط ضربو ببونية ...فشل ليه ركابي بالخلعة " : بغا يقتلني بغااا يقتلني اميمتي هاد فحم العينين ( كحل العينين ههه ) ... ضحكات عليه نجود من قلبها هههه جابو ليها ضحك بجوج على صعرتو الهبيلة وبكية يامنة وخوفها الهبيل ههه شيء طبيعي يكون هادشي هي مزال صغيرة ووالدة وليد ومتعرفش ليه ...عادي جدا ... نجود : هههههه ماعليش مرة اخرى ردي بالك ... يامنة : عطيه ليا نشوفو "حابسة البكية " انا الي درت ليه هاكا ... نجود : اويلي عادي مشفتيهش ماعليش ابنتي ...هههه فؤاد : ردي بالك ايامنة ماشي رادا البال ملي تحط فكرشك ودابا تنساي راسك ... نجود : موقع باس ...هاهو تنفس ...هادشي كيوقع لوليدات الى شرگت عقلي شنو درت وديريه ليه ... يامنة"بخوف" : وخا ..عطيه ليا نكمل ليه رضاعة ... رارات بيه شوي تا سكت ومداتو ليها حطاتو في حضنها وعاودت دارت نفس طريقة الي وراتها ورادا ليه البال اكثر ...كيهضرو معاها وعينيها عليه مبقات قدرت تهضر ولا دبر والو خايفة لا يعاود تاني توحل ليه ههههه ... نجود : وياربي كيغاديرو لا مشيتو لهيه ... فؤاد : مرجوعنا تما ... يامنة "مدهية مع ولدها متسوقات كاع ليهم هههه الخوف الامومي على الكبدة وميدير ...".... فؤاد : شوية تما والباقي هنا ... نجود : غاتبقاو تجيو هنا ؟... فؤاد : فينما مشيت يمشيو معايا "شاف فيامنة وياسين " ...يوصل لسن القراية يرجع هنا تما معندو مستقبل فالقرايا من غير قراية بلادو ... نجود : ان شاء الله زين مغادير ... جمعات داكشي الي تما حتى عيط ليها الياس باش تهبط عندو يرجعها لفيلا تبدا توجاد لرجوع يامنة والفرد جديد اصغر فرد واكبر حفيد في عائلة رمسيس ...شي فرحان بزيادة وتوجاد ليها هي وعرس يوسف الي غايكونو فنفس نهار طهارة ياسين الي مقرر ليها من الي قرب يتزاد ...وشي سلم امرو وعيا من الانتضار والاحلام الي فارغة وما فيها امل ...شكون الي فينا ممكن مطيحش فاعجاب بشخص ...وكاين الي فينا كطيح فحب شخص ممكن يكون من طرفين اعجاب من بعيد بدون ميبوح طرف الاول لثاني ممكن يكون حب بيناتهم لكن الي صعيب راصعب هو حب من طرف واحد ومن فوق هادشي حب مستحيل ...وهنا الحديث عن وحدة بنت حالها حال اي بنت عشقات لكن لقات صد من طرق معشوقها ... على اصوات ترانيم الكنسية ...واقفة قدام جوج تناس ...الاب اوالخوري والاسقف ...كلهم رجال الدين المسيحي لكن كيبقى الاسقف هو الاعلى رتبة فيهم ...واقفة قدامو ماريا … الاسقف : بنتي متاكدة من قرارك ... ماريا "حادرة راسها ولابسة لباس محترم شبه لباس الراهبات ": نعم الخوري : نضرا لانك ترددتي لكنيسة لمدة اكثر من عام ولان من شروط الرهبنة ابنتي خاص عالاقل عام ونتي كتجي لكنيسة تشاركي فطقوسها كاملة ولكن نتي كتجي من صغرك يعني كنعرفوك وتعرفينا ...ولكن من شروط ابنتي خاص يكون عمرك قل من تلاتين سنة ...ونتي عمرك ؟ ماريا : ربعة وعشرين ... الخوري : سبق ليك اقمتي علاقة ؟ طبعا كانت علاقة... على جوابك ومعرفتنا بيك لكن هادشي كيكون بينك وبين رئيس دير الى وافق… ولكن ابنتي شروط الى تقبلتي تلات سنوات من وراها معمرك تخرجي ولا ديري علاقة ...طبعا من خلال اتصالنا برئيس دير فهو عارف جميع اسرارك لانه هو الاب ديال الكنيسة الي نتي فيها وكان على اطلاع باخبارك كلها ...وهو وافق باش دخلي لانه ايضا من الشروط خاص يكون عارف ومتاكد انك مؤهلة لحياة الرهبنة ...لهذا فاخر سؤال لينا ...الى متاكدة انك باغاها غادي دوزي تلات سنوات عاد تخرجي راهبة ...فخلال هاد ثلاث سنوات عندك الحق لا بغيتي تخرجي وتكملي حياتك الدنيوية لكن الى تخرْجتي غادي تصلى عليك صلاة الموت وهذا كيعني انك دخلتي لحياة العمل للاخرة ... ماريا "غمضااات عينيها مدة ورجعات فتحتهم ونطقات " : متاكدة وشكرا لاب ميغيل الي وقف بجنبي ... صلاة الموتى كتصلى على طالب دير فور مدوز تلات سنوات كيولي راهب هذا كيعني انه ودع الحياة الدنوية بملذاتها وشهواتها وكيكرس حياته لخدمة الرب بحسب الديانة المسيحية ...(للمعرفة فقط بثقافة ديانات ..) ...هذا كان مصير ماريا عاشقة فؤاد من طرفها فقط ... رضعاتو حتى نعس ليها فحضنها وهو كيرضع وقبل متمشي نجود علماتها باش تهزو وكيفاش تهزو حتى يتجشأ (يتگرع ) ...وخا هادشي معلماه زينة ليامنة عن ضهر قلب يعني فالحياة الي كتصادفهم بدراري صغار ولا فاش كانت كتولد زينة قبل متكبر كانت يامنة فعمر صغييير جدا كتشوف المراة الى رضعات ولدها كتكيه على كتفها واقف حتى كيتگرع وتحطو بلاصتو ...وهذا الي كان ... وصل الليل والوقيتة الي غاتطلق يسرى دوامها في الكلينيك بحكم كانو عندها حالات غير يامنة الي اختارو المصحة فين يولدو ...كملات ووصلات الوقيتة قبل متخرج ...دقات الباب ... فؤاد "حنحن " ... يسرى "حلات الباب بابتسامة طلات عليهم " : سلااام ...يامنة "دخلات قربات لعندها " مزيانة ارتاحيتي شوي ؟ يامنة "كانت حاطة راسها عالمخدة وحاضية ياسين ناااعس " : شوية ..."شافتها بلباسها ديال زنقة " ...غادي تمشي ؟ يسرى "شافت فساعتها" ..: ويي حبيبتي ...مهم جيت باش نشوفك ونشوف الفنيكيش ومرة اخرى الحمد لله على سلامتك الي تفكيتي وتفك ليك سراحك مع المشوار الطويل الي صبرتي ليه ...معندي ميتسالك كنتي نموذج زوين بالنسبة ليا تحديث فيها راسي باش نزيد نعاونك وخليتيني نتشبت معاك حتى انا كانه ولدي "خانتها دمعة وهي تضحك تا تغمضو عينيها باش متبينش وفنفس الوقت كتمسح "...ههههه شكرا بزاف يامنة الي سمعتي ليا والحمد لله على سلامتك .. فؤاد : حتى حنا خيرك منساوش ولهلا يخطيك امرات خويا ...خدمتي معاها بانسانية قبل المعرفة الفضل ليك نتي ... يامنة "مدات ليها ايديها باش تجي عندها " : شكرا يسرى بزاف وسمحي ليا عذبتك معايا ... يسرى "مشات لعندها بزربة عنقاتها وحازتها ليها ضاماها بجهد ...كتحس بيها وخا صغر منها الا انها قريبة ليها فحال ختها صغيرة عزازت عليها بزاف ...مسحات دمعتها " : ههه الله اودي غا هو راه باين ليا قبييييح هههه الى مخرجها منك ميتهنى ههه ...الله يكبرو فعزكم ويخليه ليكم ... فؤاد : امين ... يامنة "شافت فيها من بعد ما فصلو العناق " : امتا غادي نخرج ؟ يسرى : بحسب ولادتك كانت طبيعية الحمد لله ...يعني غذا فالعشية ان شاء الله نسمح ليك تخرجي لكن قبل غانعطيك مواعيد لڤاكسان ديالو ونطمئن عليك وديك ساعة تقدري تمشي تشرفي دارك نتي وسي ياسين ههه يامنة : ان شاء الله ... ناضت يسرى استاذنات منهم مخلياهم بزوج نهار كلو مفارقهاش ...استغل فرصة ياسين ناعس وكحاز حداها مقرب ليها اكثر جرها خشاها فيه ..هز ليها وجهها كيشوف فيها باش يهضر ونفس الوقت كيدوز على حنكها هنا ولاخور ...وهي كترمش فيه باقي تتزنگ وتتفجل ... فؤاد : وليتي الوليدة وباقي وجهك وحناكك كيتوردو اغزالي ؟ "كيطلع فوجها ويهبط ويركز مع شفايفها " يامنة "زمات فمها كضحك " : هههه وشنو ندييير هكا دايرة انا ... فؤاد : خليك هاكا مزيانة هاكا …وهاكا عمارة داري دايرة ..."باس ليها شفايفها غير من فوق بقا شحال حاط فمو على فمها مغمضين عينيهم حتى نطق " ...يخليك ليا يا مت ولدي وولادي لا كتاب الله ورزقنا الله ...يخليك ليا يا نور عينيا والقلب الحنين الي صبر ليا وهز المحاين معايا وعليا وتحمل الي جرا ليه وليا ...ويخليك ليا ولينا يا ضو حياتنا والساس علاش تبنات حياتنا انا وولادنا ...لهلا يخطيك علينا والله يسمح لينا منك .... شاف فيها ضحكت ليه وهي تعنقو وجرها قربها ليه وتاهو بادلها العناق قبل ميتسرح حداها ويحط راسها على صدرو مخليها تغمض عينيها مستسلمة لنعاس ولراحة من بعد مشورا طوييييييل متعب مليئ بالاحداث الي دازت كثيرة وشاهقة ومرعبة ومتعبة ومحزنة مدتها تسعة اشهر لاصقة ...اليوم كانت نهايتها والفرح جاي لكن هذا مكيعنيش انه ممكن ترجع الاحزان المشاكل لان الحياة هي هادي حزن فرح سعادة مشاكل ...والا مغاتكونش دنيا ...وطبعا سي ياسين طلق زواكة تاني تا ناض جابو ليها وجهو حمرر بالغوات ... فؤاد : لا اله الا الله تا النهار مكملتيه فبداية حياتك اولدي ...يهديك الله ...دير بلاصتك زينة الله يرضي عليك ... يامنة : هههه ارا ليا هههه... من بعد ما كملات الدوام ديالها فالكلينيك شافت الحالات الي عندها وكملات معاهم ...ومن الي خرجات من عند يامنة دازت هزات صاكها حتى صونا ليها تيليفون كان يوسف كيبلغها بالي كيتسناها قدام الكلينيك كان هو شاف يامنة رجع طمأن عليها وعلى البيبي ووصاه خوه على شحال من حاجة بينما خرجات يامنة تاهو غايوقف مع خوه فتحضيرات العرس ....خرجات من المصحة لقاتو واقف بسيارته كيتسنى فيها هاز الفون فايدو كيشوف فيه ويكتب حتى دقات وحلات الباب جلسات حداه .... يسرى "سلمات عليه بلابيز " : سلااام ههه ... يوسف "رجع باسها فحنكها " : عليكم بمثلها ازين ديال راجلها ...صافي ساليتي ؟ يسرى : سييي ساليت طليت على يامنة وعلى سي ياسين القبيح هههه كلشي مزيان صاڤا ايوى وهاني حداك ... يوسف : كيف بقات هي والبرهوش السلگوط ... يسرى : اويلي على سلگوط حرام عليك اشنو عارف وهو مكملاش تمنية سوايع باش تزاد ... يوسف : سلگوط من الكرش حاس بداك نص كيلو ديال لكفتة غايخرج فيا شيب فالكبر لا بقينا حيين ... يسرى : هههه وا كيف كتقول ماما يزيد ونسميوه سعيد ... يوسف : انا غاااا قلت ...ما علينا "ضار شاف فيها حيث كان ديمارا وزاد سايق " ...ياك غاتمشي معايا ليوم ... يسرى "تزنگات حيث ليه شي جوج سيمانات وهو يقوليها فيها وهي اول مرة غاتبات معاه فبيتو حيث كانو كيتلاقاو غير فبارطما دصهيب ولا تبات مقابلة يامنة شي وقيتات الى لاقاتها الفرصة فالفيلا عندهم ....واليوم من بعد ما وافقت جا ليها باش يديها " : احم ا مم ف اه ... يوسف "شاف فيها ورجع شاف قدامو" : مالك كترعدي خايفة ولا ... يسرى ي من اش غانخاف ...عادي ... يوسف : ياكما خايفة تغتاصبك ولا نحط عليك ايدي ولا نقيصك ولا نعس معاك ... يسرى : يووووووسف ... يوسف : حميدة العطاس هذا ...تي مالي هبيل تنقرب ليك انا مزوج بيك غا باش نبقاو خوت نصبح عليك ونمسي عليك ...ونبوسك فحنكك وصافي ولا راسك فحال مي دادة ...عاذي هادشي علاش مزوجين الحياة الزوجية ايسرى مفيهاش غير نعاس فيها بزاف راه قلتها ليك ديك المرة ...ونتي بغيت العرس وهاحنا كنوجدو فيه دونك معندك لاش تخافي ... يسرى : مم احم ومخايفاش وناري نتا مكتعرفش ومكتفهمش انه كاين الخجل يعني الحشمة ...وناري متتفهمش "تزنگت وكمشت وجهها مفقوصة مبغاش يفهم راها كتحشم وحيث اول مرة شيء عادي ...ضورات وجهها جيهة شرجم كتشوف فضو الزنقة تيسني ليها فوجهها ...حتى حسات بايدو تمدات كمشات ليها شنيفاتها وجرتهم ..." يوسف "جرهم ليها وحط صباعو على فمو " : اححح ونشد هاد شنايف نمص منهم زيت ذهون بنكهة الفريز اتوت الاستوائي نتاعي انا ... يسرى : هههههه هبيييل ... يوسف : بحبك ازين ...نتعشاو فيك جوج ياك احبيبي ؟ يسرى : بزااااف ولكن غانتعشاو فالفيلا قالت ليا خالتي نجود دايرة لعشا رفيسة لينا حنا وغاتدي منها شوي ليامنة ولكن الي جايا على قبلو هو ديك الطبخة العجيبة الي تيديرو لنافسة وااااحح يوسف : اشنو هاد طبخة العجيبة الي خلاتك توحوحي عليها هي لولة قبل متوحوحي تحتي ابنت ليهودي ... يسرى "غوبشت فيه " : ماااسخ ... يوسف : غا شفويا شويا لكن تطبيقيا محيد سمطة وسروال والبوكسر ...شنو هي هاد طبخة يسرى : اسيييدي هي بنييينة وحنا الاطباء تنفضلو هادشي يتعطى لنفيسة كيجمعها من البرد حيث عضامها كيكونو محلولين كيف كتعرف كتكون رجل فدنيا ورجل فلاخرا ...ايوى وهاد طبخة لحد علمي كتجمع نافسة من البرد وتعوضها الدم وتزيد فكمية الحليب ...ولكن غير لنافسة انا غير ندوق وصافي باش ميضرنيش ... يوسف : وشنو فيها بسلامة مالك نتي خاصك الحليب ؟مزال محملتي …خاصك دم ؟…طلقينا لفراجة نخرجو ليك تتشوفيه بعينيك وتصوري تتي معاه كاع ... يسرى "ميقت فيه " : فيها حب رشاد والحليب ديال بقر ممبسترش يعني طبيعي والبيض بلدي كطيب حب رشاد مع الحليب وترمي فيه البيض بلدي معرفتش كيفاش مهم كيجيو بهاد شكل ممم يمي ...بنين يوسف : بلاتي واش داك الي مفرزز فحال الحبوب فخنشوش صهيب ههه يييييخ على مراة عندي دابا نتي طبيبة نتي .. يسرى : وكي جيتك ..اش بغيتي ناكل مثلا .. يوسف : نهههه داك جران الي علقتوه من گفاه فالعلوم خلاك تبازاي تا فكرتي فال svt وتولي طبيبة الطبة خهههه ...ياويلاااي على هبيل تزوج هبيلة وهناو القبيلة ... مدازت نصف ساعة حتى كانو قدام باب الفيلا الي تحل ودخل سلم عالعساس من شرجم كيف ديما ودخل ركن سيارة ورا سيارة صهيب نيشان ...خرجو بزوج مشادين الايدين حتى دخلو ولقاو نجود عند الباب هازا صويك فحال القفة فايديها فيه داكشي دالماكلة كيبقى سخون ...كتسنى الياس باش يوصلها ... يوسف : الوليدة نتاعي انا وحدي "باس راسها " فين غادي الغزال .؟؟ نجود "سلمات عليها تا يسرى بابتسامة من القلب " : غاديا ندي هادشي ليامنة ... يسرى : خليتي ليا شوي من هذاكشي 😻... نجود : خلييت ليك هههه ولكن متكتريش راكي عارفة بلا منقوليك ...راه سخون ممزيانش ليك ... يسرى : ههه عارفة عاارفة ...خذيتي ليها البيبغون ديال الما والي يخص البيبي ياك ؟ مهم هي غذا فالعشية غانسني ليها تخرج حيث ولدات طبيعي ميحتاجش تبقى مزال ... نجود : اايوا يعني خاص صباح بكري نفيق يلاه نوجد الكونة فالبيت ديالهم والبخور وداكشي الي غايخص ...زيذي عليها توجاد العقيقة وسبوع وعرسكم ... يسرى : عرسنا موجد ليه كلشي كونفيرميتو انا ويوسف وماما ودار ...غذا غانخرج كونجي مع خروج يامنة ... يوسف : مزيان تانا غذا لاخر فالشركة واحد شهر ...غايكون صهيب والياس ياخذو بلاصتي بينما دخلت ... نجود : الله يتاويكم بالخير "تم جاي الياس وصل لعندهم شاف فيوسف ويسرى عرفها غاتبات " ... الياس : سيدي خويا يوسف ...على سلامتكم ...ختي يسرى "سلم عليها " ...مشفتيش صهيب مشافكش "كيطلع فيه ويهبط ويشوف فيسرى .... يوسف : لاااش اختي لاااش ... الياس : خوووك ليزازيك خوووك ...الوليدة يلاه نمشيو باش نرجعو بكري بزاف ... يوسف "عارفو علاش تاينوعر " : ومعرفت لاش ؟؟؟ الياس : اجتماع مغلق ... يوسف : حاضر فيه انا ؟؟ الياس : مع الاسف لا ...غا هو قالها تلاح عليه يوسف شنق عليه ملي قاليه مكاينش فالاجتماع اذن شي لعبة ناوينها عليه حيث محلف عليه صهيب من ايام سارة فاش حرموها عليه وداروه مسكة وندموه على حياتو من تم حلفها ...وحلفها فيوسف تايدير ليه مدار ليه ....وطبعا الفرادة تيشمو بعضياتهم فالسما ... يوسف "دخلات يسرى لداخل كضحك عليهم ونجود سبقات الياس كيضحكو على هبالهم ههه " : اااااااانشم ريحة شي لعبة ...نكويكم من المصاصط اولاد العبد ... الياس : اجتماع مغلق اخويا مكاينش نتا بحكم المدام معاك مجاتش نجعجوكم (نزعجوكم نههه ) ...ايوى ونتا تبغي تستفرد بيها ... يوسف "خرج فيه عينيه من قلة الادب " : سووووووووق ملتك الكلب واشتك مبقيتيش تحشم ولا تحتارم الياس : وخلعتيييني اصحبي ودعقتيني بغيت نقول حشومة نعيطو ليك ونتا معاك المدام اول مرة تجي دونك مكاين لاش الاجعاج .. يوسف "خسر سيفتو " : اجعاج ؟ نتا قاري نتا نتا ماستر وناوي تقرا دكتورا برا نتا اجعاج يا بالامي لاخور ...سوقكمش ندخل معاكم الياس : لاش ؟بقا مع مرتك اصلا صهيب باقي مجاش ... يوسف : مرتي ماشي مشكيل عندنا ليلة وغذا ...صهيب نتسناه ندخل معاكم ... الياس : الاجتماع تاجل اخويا 😐...اسمح لنا وكان ... دخلات يسرى لصالون لقات سارة سلمات عليها وجلسات حداها كيهضرو على قرايتها الي غاتبداها فبداية العام الدراسي وخا غاتعاود العام المهم غاتكملها وتنقذات من زواج معندو لا راس لا ساس لا مستقبل ...حتى دخل عليهم يوسف سلم على سارة وخذا يسرى فايدو طلعو لفوق ودخلو البيت ديالو الي كان تقريبا قيد تجهيز ....حل الباب وطلب منها دخل برجلها ليمنة ... يسرى : هههه مزال مدرنا العرس باش ندخل برجلي ليمنى ... يوسف : ماشي مشكيل نعاودوها تاني ... يسرى"دخلات شافت البيت " : باقي مجبتيش الكومبلي كامل ... يوسف : داك الي علاش دموندينا فالكطالوغ الي عندي فشركة مزال مغايوصل على يومين ...حيث جاي من البرازيل فالباطو ومع ديوانة يلاه يلاه ... يسرى : مزياان ... يوسف "جاها من لور وخشا ايديه ضورهم على مرشها وشابكهم ...وحط راسو على كتفها " : يزين ايامك امراتي الغزالة ...مدخليش دوشي وتبدلي ؟ جبتي حوايجك ولا ناخذ ليك ... يسرى "جمعات فمها كتلولب عينيها وقلبها كيزدح من قربو ليها موترها الحب وميدير " : ههه لا جبتهم راهم فصويك صغير فطوموبيل ...نسيت مهبطتو معايا ... يوسف : باسها فحنكها ...نجيبو ليك ماعليش ...دخلي دوشي وغاندق عليك نعطيه ليك ... عاود باسها ومشا بزربة هبط كيدردب فذروج ويدنذن حتى خرج حل طوموبيل وجبدو ليها ورجع طلع لقاها حطات الفيست الفوقية بقات بتحتي عريان من درعين ...مد ليها صاك خذاتو من عندو ابتاسمت ليه ودخلات لذوش واخيييييرا من بعد عناء يوم متعب ليها والخلعة الي ذازت منها كتحط راسها تحت رشاشة دااافية هابطة عليها جامعة عضامها الي عياو وحاسة براحة تسللات ليها ...دوشات مزيااان براحتها وخرجات مشفات ذاتها وشعرها خلاتو مطلوق ينشف راسو ويعطيها شوية البرودة فقفاها مع صهد ...ذهنات لحمها وايديها ولبسات حوايجها بيجامة الفوقي بلا كمام فالخضر باارد وسروال حد ركبة فنفس اللون مع دوبييس طبعا ...خشات رجليها فبانطوفتها معرية من عند صباع وخشات حوايجها فصاك ومستلزماتها وسداتو وخرجات عندو ... لقاتو بدل حوايجو تيشرتبيض وشورط كحل واقف كيهضر فالفون شافها خرجات غمزها وهو كيهضر حتى ابتاسمات ومشات حطات صاك حدا الباب تا كمل وجا جلس حداها فوق ناموسية مقرب ليها بزاف حتى حل ايدو خشاها تحت دراعو وضامها ليه ... يوسف : بصحة زين ديالي ... يسرى : يعطيك صحة ... يوسف : نهبطو نتعشاو ؟ يسرى : بينما جات خالتي نهبطو منخليش سارة وحدها ... يوسف : وتا انا وحيد ...مبقيتش فيك امم ؟ "قرب لشفايفها الي كان كيشوف فيهم وعينيه حوالو عليهم وهي كتهضر وهو حاضيهم حتى غفلها وجرهم بشفايفو ..." ... يسرى : هههه امم "جمعات فمها حسات بيه سخن " ...منخليكش وحدك تنتعشاو ونطلعو ... يوسف : نكويو خخخخ يسرى : والله مكتحشم ...حيد خليني نوض ... يوسف :لا عيشك اتنضحك ...اش ندير راه تنبغي ناكل والديك وخاصة بهاد ريحة ليماك راه تتجيبي ليا شعلة جعرة لعنة اححح ... يسرى : وصااافي "دفعاتو بمرفقها " .. يوسف : يلاه صافي هاني انبدلو الموضوع ...عندي نيت واحد سؤال شاغل بالي ..."كيسول ويهبط ليها فالسمطة ديال بيجامة وصباعو كينغشو فوق كتفها حتى حسات بكرشها دخلت وخرجت وعينيها شبه تعسلو بحكم هاد الحركة تتجيب هر ..." ...دابا نتي فاش تبغي تجيبي لينا شي بيبي مغاتمحنيش فحال يامنة "هبط باسها فكتفها بوسة سخوووونة تتبورشت " همم يسرى "صرطات ريقها وسرحاات " : ههههن على حسب الحالة كل امرأة وكيداير حملها .. يوسف "حيد سمطة لاخرا هبطها تاهي وباسها فكتفها وتيهضر بهمس " : وعندي سؤال اخور "خشا وجهو فعنقها حط عليه راس لسانو تا قفزت سايحة وايدو مشات لكرشها تحطت عليها كيعبز فيها بشوي ...هابط لفخادها باغي يسيحها ولد اللذينة ..." دابا نتي فاش تقربي تولدي ....ويجيك الوجع يسرى : اه مالييييي..."عينيها تغمضو " ... يوسف "كان كيسيح فيها وغادي بيها هي كتهبط وهو كيجي فوق منها ...كان ممكن بهاد طريقة يدخل عليها برغبتها وبفرحة لكن فمو وفعايلو ضروري يخرجو على ملتو ...زغبو الله وحط ايدو على تحتها نيشان حلات عينيها حتى زادو توسعو من سؤالو " .: غاتهبطي راسك لتحت وتجبديه بايدك 🌚... يسرى "خرجات عينيها " : اااشنو وو ؟ اش كدير اننم ف ..." ... يوسف : خااالييييييني نكمل ونهضر ونسول نستافد راني غا ايكونومي فالحساب خطير وفالطب غشيم وفالاستكواء تنطير 🙅🏻... الحب وميدير ...يسرى ماشي انها مبغاتش خافت وانما بغات دخلتها تكون كيف دخلات الي كانو كيف يسالي العرس تسلم على اهلها بالبكا ويقبط ايديه ياخذها من قدامهم ونيشان يا لدارهم بيتهم او الفندق فين حاجزين ودوز شهر عسلها حالها حال اي بنت تزوجات ودارت عادتها .... يوسف "ضحك عليها وعلى وجهها الي تزنگ...قبط ايدها وباسها فكفها " : ههههه صافي صافي غير كنضحك معاك ههه يسرى : وعلى اسئلة عندك ...من نيتك ... يوسف : هههه هو صراحة تباد الى ذهني هاد سؤال هانتي حنا تنشوفو طبيبة او طبيب كيولد ...طبيب عادي يولد مرته هادي باينة ويني طبيبة تولد راجلها ؟ ااا تانا بغيت نقول تولد راسها هههعع ... يسرى "رمشت فيه تا عيات ساعاك غلبها ضحك ههه " : ههههه .. يوسف : ههه "باس ليها راسها تا دفعها " ... يسرى : طبيبة كتولدها طبيبة اخرى ولا طبيب ...كاااينين حالات قدرو يولدو راسهم راسهم لكن داكشي قليل غير الى كتابها عليها الله وصافي ...وانا حالي حال اي وحدة راني طبيبة لكن فاش كيوصل لمخاض غانولي انسانة ممكن يىلدني طبيب او طبيبة يوسف "سمع طبيب وذنيه ضارو فحال ساتيليت وعطاوه اشارة خلات حجبانو يعقدو وعينيه يخنزرو ويحول ملامحو لملامح ديال تحلاف " : طبيب ؟؟ يسرى : اه علاش ... يوسف : يا وااااااااااالله وتعاودي تفكري فيها ولا تفكريها ولا تنويها تا نشوي ليك العضام ...يولدك طبيب ؟؟؟ يسرى : ومن هنا لتما يكون خير ... يوسف : شووووفي هاد الفكرة حيديها منك هاهي من هنا شرح ملح مايخناز ..تفكري يحط عليك طبيب ايدو بلا منهضر ولا نهدد راه وجهي خايب خاااايب وبزاف ....ماشي مرتي الي يحطو عليها رجال ايدهم باش يولدوها ...سميني امي سميني متخلف الي عجبك ... يسرى : اناري وغير قلت بصفة عامة شنو درت ... يوسف : غا قلت ليك ...يلاه زيدي نهبطو لتحت ...دابا تجي الوليدة ويخرج الوليد باش نتعشاو مجموعين ... ناض وهي تنوض تاهي وقفات وخرجو بزوج كتشوف فيه كيفاش صعر على طبيب والغيرة الي فعينيه متنكرش عجبها الحال زمات ضحكتها على هبالو الي هبيل وعصبيتو الي معصبة اهو دا راجل الحمش يا خواتي ... يسرى "غاديا وراه وتتفرنس دارت ايدها على فمها ونطقات ناسيا راسها " : خهههه حمش حمش ... يوسف "ضار كيشوف فيها " : شنو هذا الي حمش "رفع حاجبو باقي معصب زعما ههه " ..يااا.هضريي ... يسرى "شداتو من دراعو خشات ايدها باش تبرد سوق " : نتاااا نتا حمش دمك حامي وهبيييل ...كلك على بعضك زوين "هزت فيه عينيها تترمش فيه " يوسف "تيشوووووف فيها من فوق مهبط عينيه مجبدهم عندها " : وضصرتي ضصرتييييي اديك هااا ...حمش ...تهههههه هادي زوينة ... يسرى : ههههه غا ملي ضحكتي ... يوسف "هابطين فدرووج وينگر " : ماتنضحكش انا غا الضحك الي جاني راسو .... هبطي هبطي سبقيني لصالون انا غانمشي لجردة نجلس تيجيو دراري ...قالت ليك حمش ...حمش ايوى راني حمش لا مكنت حمش شنو زليخة مثلا 😌... قاد ليها كول بينوار مزيان مغوبش زعما راني باقي معصب …سبقاتو لصالون تضحك عليه كيفاش تيصعر وكيفاش تيهبل ليها ...تركيبة عجيبة فهاد يوسف وهي ولات كتسلك معاه باش ماعطا الله لانها كتبغيه لانه راجلها لانها مغاتلقاش فحالو لا هو لا عائلته العائلة الي فالشدة حاضرين فالفرح حاضرين فالنشاط هما لولين ...وخا كاين تزيار من جيهة خوهم لكن ماشي داك تزيار ديال الخنقة مديرش هادي متفعل هادي مزيرهم غير على مصلحتهم لكن كل واحد مسؤول على قراراته فقط خاص يكون الاحترام لا غير ... مشا جلس فالجردة شاد الفون بايدو كيبقشش داخل لسوشل ميديا ولكن اغلب اوقاته الى دخل كيدخل يقرا اخر الاخبار شركات البورصة الاخبار العامة اي حاجة ليها علاقة بالمجال ديالو او ثقافة عامة او يقرا شي رواية ....حتى هز عينه فضو سيارة صهيب الي ساني كيعلن على دخولو لفيلا حتى بلاصا ووقف خرج من سيارة كيدندن .... صهيب "بان ليه يوسف جالس شاد تيليفونو وهو يقلب ضورة ومشا لعندو. " : باااا يوسف صخصيا هنا ولاو ... يوسف "كان مركز مع تيليفون مصغر عينيه حتى هزهم فيه هكاك شحااال كيشوف فيه " : كيفاش .... صهيب : كي نافخ ...اش تدير اهنا مالك ماجالسش مع مرتك ...ياك جايا تبات ليوم ... يوسف : و بغيت غانعرف واحد الحاجة ...احم جلس جلس بعدا ... صهيب : هاهو ... يوسف : الي شاغل بالي وحاك ليا منغيغتي ومخربق ليا كارط مير ديالي ممكن يخليني نمرض بسخانة ...يطرطق ليا عرق فراس ممكن نقتل عليه ونمشي لحبس ... صهيب : الله يحفض الله يحفض ولاش هادشي بعدا ...اشنو الي شاغل بالك ... يوسف : ععلاش متدخلش سوق راسك علااااااش اااا ؟؟ فاش عينك نفقص ليماك عينيك نجبدهم لوالديك تلعب بيهم البيي ولا اختار نجبد ليك من تحتك قل*** ... صهيب : وقل^** فاش وصلوك فاااااش ...لاش ندخل سوق راسي لاش هادشي كلو ... واش انا تولدت باش ندخل سوق راسي ؟ ايه لشي حد اخور سوقيش فيه ويني نتا وخا طير لسما تنزل ندخلش سوق راسي نتا داخل سوق راسك وانا داخلو معاك يلاهش ... ناض يوسف شنق عليه وتبتو فالكرسي كيتحلف عليه " ... يوسف : لقااااا شي بوبريص منكم كيحوم عليا الليلة نشوييييييه دوك الاجتماعات ديالكم الي مداخلش فيهم انا عارف شنو فيهم وداك جامع الي بنيتوه انا بنيت ساس ديالو ...وجرب دير شي لعبة ليلة لما شويتك ... صهيب : والى وصلتي وذنك عضهااا ...يلاااهش 😌... يوسف : مناويش لبر هاد الليلة ياك ... صهيب : جبدتيييني ايام العزوبية ازعجتيني ايام الخطوبة ...ضورتوني بيناتكم ....ايييييوى "ساس سروالو بخفة " الايام كضور وسمطة كضور والبزيم جاك ف زهرك وغايشحط يماك ...ماش مشكيل الى ماشي ليلة ايام الله طويييلة ... النهار داز مشحون عندهم تقولي فيه شهر من مشكيل ولادة يامنة مع الصباح والولد الي كان على وشك يتخنق ويدخل فمشاكل كانت ممكن تسبب ليه مشاكل فصحتو ...لكن ربي لطف وكان الله معاه ومع الام ديالو الي كافحت وصبرت على ودو تا عاش ليها وهاهي نالت صبرها الي صبرات وجاها طفل بكرها وبكر حفايد ال رمسيس ككل ...مع صباح شرقات شمس من بعد ما نعسات نعسة طوييييلة بقا حداها فؤاد سهران عليها وعلى ولدو باش يخليها ترتاح من تعب ضهور طويلة الي دازت عليها ...قبل متفيق جاه اتصال وهبط يشوفو ... حلات عينيها بشوي على صوت بكا خفيف ديالو ...كمشات عينيها كتستوعب اشنو هادشي عاد تفكرات راه ولدها ...ناضت بشوي كانت الكونة عند راسها قربها ليها فؤاد .... يامنة "تقادت فبلاصتها حزمات شعرها بزيف الي تطلق ليها وهي تقربو ليها لقاتو فايق وجهو كيخصرو وفمو كيگبعو باغي يكسيري " : ياسييين ماماااا هاني صباح الخير ههههه "حطت صباعها على فمها عجباتها كلمة ماما جاتها فشكل " ....ماما ههه انا ماماك اولدي ...بغيتي تفطر احبيبي ... ياسين "لحيتو كترعد بغا يبدا يبكي ...هاد قضية لحية كترعد او الذقن كيقولوها والدينا وناس زمان كتوحي على ان الولد غايخرج قبيييح وحتى فطفولته غايكون بكاي وقبيح ...مكدبوش هاهو طلقها بزگية غا حس ب بيها وهو يطلق زواكة وكمش عينيه وگبع فمو تا حلو كيبكي والفم فيهش حس سنة وداك ذقن تاكلييييه ههه " يامنة : لا لا هاني عاد فقت اولدي هاني غادي نرضعك ...هزاتو بشويييي وحطاتو بين دراعها يالاه غاتخرج بزولتها ترضعو حتى تحل الباب ودخل الشخص الي ديما سند ليها وخا يكون مية فؤاد وفؤاد غايبقى سند ليها وجناح اللول الي تحت منو ...هزات راسها فيه وهي تضحك " بااااااا .. مصطفى "جاي معاه فؤاد ومشا قرب لعندها تحنى باس ليها راسها " : اتبارك الله ماشاء الله ...على سلامتك اكبيدتي ..."باس لولد رويسو كاسرهم بالغوات غا شم ريحتها وبدا يكسيري ..." فؤاد : مالو ثاني ... يامنة : بغا يرضع ... مصطفى : خير خيري ..."عاود باس ليه راسو وحط حداها كمشة ديال لفلوس جامعهم مسكين من خدمته وتمارة ديالو " ...يكبر فعزكم اوليداتي ... فؤاد : مكاين لاش داكشي عمي ...غا نتا جدو فيها الخير والبركة ... مصطفى : ههه ماعليش حفيدي هذا البكر مخساراش فيه جايا ليام ونتهلى فيه عوينتي ثانية من بعد يامنة ... يامنة : لهلا يخطيك ابا ...امتا جيتي ... فؤاد : يلاه وصل ...رضعيه ... يامنة "حشمات قدام باها وفؤاد فهمها " : احم واخا ... فؤاد : الحاج فطرتي بعدا ... مصطفى : فطرت فطريق ...ويني ماعليش نشرب معاك قهيوة كحلة بينما رضعاتو ... خرج هو وياه مخلينها على راحتها باش ترضعو الي رضع عاد سكت من الكسرة ونعس .... داز النهار مجاوش عندها ولكن كانو كيتسناوها باش تخرج ويجيبها فؤاد معاه ...وصلات الوقيتة وسمحات ليها يسرى تخرج كانت هي ويوسف وفؤاد الي كان داخل عندها باها رسلو مع واحد فدراري لفيلا سبقهم وهو عاونها تا لبسات وقادت حالتها ووجدو دريري فالكونة ديالو ... من بعد ما فحصو طبيب الاطفال مرة اخرى وتاكد من صحتو انه مكانش عندو شي مضاعفات لما وقع ليه عاد سمح ليها تديه ...خذاه فايدو فالكونة الي كتهز وضور دراعو عليها من جيهة .... سبقتهم يسرى ويوسف وعاد تبعوهم هما حط الكونة فسيارة لور وقادو فبلاصتو مبدلش طوموبيل بحكم كانت عندو رينج كحلة يلاه تكفاهم وركبات يامنة بشوي عليها شادة فكرشها لابسة جليليبة مسكية بلا قب وشال لاوياه عليها فالمسكي ...قاد ليها سانتيغ وباسها فراسها ....شاف فولدو كان ناعس مغطي مزيان ... فؤاد : مرحبا بيك اكبدتي بيناتنا ... باسو وباسها ثاني وسد عليهم الباب ضار جيهة المقود وركب ديمارا وكسيرا نيشان فاتجاه الفيلا مكاملاش نصف ساعة حتى كانو تما دخل عند الباب سلم عالعساس وبارك ليهم عطاه وقته حتى بارك ليه باس ليه ايدو بحكم العساس كبير فالسن وطبطب عليه ودخل لداخل لقاهم واقفين سارة ويسرى ونجود هازا الحليب بزهر وسارة هازا طبسيل تمر معمر بالگرگاع والمفاجئ انه راوية وايلاف جاو فديك ساعة كانو غايجيو عندها لكلينيك لكن مخلاتهمش نجود حيث كانو جايين ديك ساعة داكشي باش بقاو تسناوهم ... نجود "بدات تصلي عالنبي وتزغرت " : على سلااامتكم ابنتي على سلاامتكم ...عطاتها شربات الحليب وتمر... يامنة : الله يسلمك ماما ..."جات راوية كتجري بغات طير عليها غا خافت من فؤاد خلات ايلاف ميت عليها بضحك هههه " راوياااااا ههههه "عنقتها راوية : على سلامتك يامنة الحمد لله تفكيتي على خير هههه ...فين حبيب عمتو ... يامنة "ضارت بان ليها فؤاد خرجو من سيارة جايبو فالكونة مغطي بايزار مطروز بطرز رباطي فشيبي والصم بيض وفيه وريدات بدونتيل ونونوسات صغيورين ..." : هاهو هههه راوية "مشات عند فؤاد عنقاتو وسلمات عليه باس ليها جبهتها " : خوياا مبارك متزاد عندك ...عطيه ليا عفاك ... فؤاد "مدو ليها ودخلاتو لداخل من شمش ودخلو كاملين ....شادين يامنة وبقا هو مع ايلاف الي جا سلم عليه بعناق رجولي " : على سلامة ... ايلاف : الله يسلمك ...مبروك الله يتربى فعزكم ان شا الله ... فؤاد : امين "طبطب ليه فكتفو " ...العقبة عندك ... ايلاف : ان شا الله هههه ... فؤاد : امتا راجعين لهيه لعندك ... ايلاف : بعد عرس بوسف مباشرة ... فؤاد : مزيان تولي المراة عندي شوي ونرجعو تاحنا ...عندنا منقضيو تعطلنا بزاف ... ايلاف : معك معك اكيد ...ماني ناسي شغلي بعملو حتى ولو معندك علم ...كلشي تمام ولساتها عندنا ... دخلو لداخل فين مجموعين جالسين يامنة الوسط مجلسينها ترتاح ودراري مجموعين على ياسين مضورينو بيناتهم واحد يشدو ويعطيه لاخور ويصوروه ويتصورو معاه .... فؤاد جا حدا باه الي كان جالس كيضحك فرحان ناشط هو وبات يامنة وحاضين دراري الفرحة بغات دير ليهم بق من عينيهم ... فؤاد : الوليد درتو داكشي الي قلت ليك ... الحاج : كلشي هو هذاك وصينا عليهم صباح يتفرقو ...وجوج حوالا راهم فالملحق تتشوفهم ... فؤاد : عشية ان شاء الله نذبحهم ... الحاج : غاذبحهم نتا ؟ خير مدرتي ... فؤاد "شاف فدراري يوسف وصهيب والياس عيط ليهم وجاو عندو " : وجدو راسكم عشية "حك منخرو " غانذبح وتعاونو ... يوسف : وخا خويا حاضرين كون هاني ... فؤاد : مزيان ... رجعو يضحكو مجمعين على صينية اتاي والمجامع والفاكية والحلوة مشكلة ...داكشي على حقو وطريقو ...حتى تقسمو العيالات فجيه والرجال فجيه عند الغذا دارت ليهم نجود قصرية تريد ( رفيسة ) على حقها وطريقها بالمساخن مجموعين بالبيض البلدي ومحطوطين فوق القصرية على شكل طرونش فجناب والفوق ...والحلبة فزلايف وحدها الي بغاها ياكلها والي غاتاكلها يامنة مسكينة بزز منها ...وكل قصرية فيها ربعة الفرارج بلديين ...وعامرة ديك القصرية نعماس تشهي ...فوق منها راس ثومة وجنابها المساخن وسط منهم بيض مقسوم ...وجناب قصرية الحرور او الهريسة .... راوية : اححح امي على قصرية ... زينة : كولي ايامنة الحلبة ... يامنة "مخصرة سيفتها متتحملها " : غاتخنزني امي لا مبغيتهاش ... زينة : تي كولي دير ليك الحليب مترضعي ولدك ... يامنة : وااالاو مبغيتهاش "بغات تبكي " زينة "بغات تصعر عليها": تي كولي وكوني تسمعي اديك الهبيلة ... نجود "غمزات يامنة زعما ديري براسك كتاكلي فيها " : هاهي غاتاكلها غاتاكلها غا كولي نتي بعدا الحاجة ... يسرى "ريوگها هبطو هي وسارة وراوية " : اححح ايما هادي هي القصرية ولا بغات الموت تجي غاتجي ... نجود : هههه بصحتكم ... تكاو على ديك القصرية ضربوها تا سكت ليهم القليب هههه عاد تجمعات دنيا وحطو ليهم كاس اتاي جمعو عليه ...ناضت يسرى ويامنة وراوية وسارة طلعو مع يامنة راوية هزات ولد خوها حبيب عمتو على قولها ...وفؤاد ناض هو لول سبق بدل حوايجو ولبس تيشرت وشورط قصير ...حط الفون وسوارت فوق الكوافوز وخشا رجليه فكلاكيط هبط من جيهة لاخرا قبل ميطلعو البنات مع يامنة ...ديك ساعة ... دخلو معاها البيت ودخلات لدوش بدلات تحتها وتوضات ودارت الويز جديدة وطرفت حالتها ...وغسلات حالتها عاد خرجات عندهم لبسات بيجامة ساتان فالصومو بارد الفوق بصدايف على قبل رضاعة ...جلسات فوق ناموسية وتكات ... يسرى : عطي راحة لراسك متكتريش المشي يلاه ولدتي غير البارح ... يامنة : واخا ...نعس "كطل عليه " ... راوية : يااااختشييي نعس ياختيييي ...عويناتو كحلين بغيت غير نشوف لونهم لداخل مبغاش يحل عينيه الخوينز ... يامنة : والو واش بغا يحلهم عيا معاه فؤاذ ... راوية / فوجهو غير فؤاد مبدئيا بعدا هههه نتي غيييير تسخرتي سارة : كيبان ليا سميمر هههه ويييع الفجلة غا تسخرت ... يسرى : الولد ثاني متاكدة غايخرج ليها وميمكنش اين العذل خهههه راوية : ياربي ثالث يخرج ليا اخخخ انربيه مع ولادي ... سارة : مزال اراوية مكاين والو ؟ راوية : مزال كنشرب الفنيد بغيت غير تنكمل الي باق ليا هاد العام ونحيدو باش نتفرغ ليه راه غانتكرفص عندي المشي بين روسيا وفرنسا صعيبة عليا ... يامنة : غاتولي جارتي ...كان كيحساب ليا غادي نتغرب غير وحدي تما ولكن نتي غاتكوني ... راوية : وايييه المكاتيب احسن حاجة منحسو بتا غربة مرة عندي ومرة عندك ونجيو لهنا وهكذا ... يامنة : ولكن اكثرية غانكونو هنا غايمشي غير يدير خدمتو ويرجع هنا وفاش يوصل لسن القراية غايجيبو هنا يبقا هنا ويمشي غير فالعطلة ... يسرى : مزيانة ليه ...ونتي شنو غاترجعي تقراي ؟ يامنة : معرفتش قاليا غاترجعي ميمكنش تبقاي بلا متكملي قرايتك ...يمكن غايكبر شوي ياسين ونرجع نقرا نديك امتحان حر ويعاوني تندير باك تاهو حر ويكون خير ... راوية : راه قلت ليك خويا ميخليكش بلاش غاتكمليها ..."مزالين كيهضرو حتى فاق و شمشمات ريحة وهي تخصر وجهها" يييع يخ على الخانز دارها ...ييييخ ياااخ سير فحالك مبقيتيش عميتو ...عطاتو ليها يامنة : ههههه حرام عليك ...عطيني اسارة صاك ديالو نبدل ليه الكوش ... راوية : اري اري غا كنضحك معاك هههه ...اري نبدل لخوينز ... جابت ليها سارة صاك وجلسات حداها يسرى من هنا وسارة حداها وراوية مقابلة مع ياسين حيدات ليه سروال وصبيبيط نعماس قاليك تاهو مسبط ليا فحال باه ...وعرات على سيقان تاع حميدة لعطاس ههههه ...حيدات ليه لكوش وهو مرة مرة يخصر داك الوجه باغي غير يكسيري قاليك ويعنعن ...حيدات ليه الكوش مخصرة تاهي سيفتها سبحان الله هو وعمتو خنشوش واحد ...مسحات ليه بلانجيت المعطر وخا هكاك متيكونش خانز غير ريحة حموضة الحليب وداكشي الي تيبقا من الكرش ... راوية : هانا الي الي ليا ديك كوسة لبسها ل اميتو انا ..الخانز المسبسب لدحيش ديالي انشبع فملتك معيور محد باك مكاينش خخخ ."جات تقادها حتى عقد حجبانو وحل عويناتو اول مرة ...حتى تقادو معاه كيشوفو فيه " حل عينيه ايامنة هههههه واااو تبارك الله يامنة : انشوف "كيحساب ليها غاتلقاهم خضرين خهههه " كحليييين 😿 يسرى : هههه وخا مزال ميبانش لونهم الحقيقي مي باين العربون هزك الما ابتي ايامنة فؤاد لااااصق ... راوية : شوف ليك البغل كحل العينين هههه هاكيلي "مجات فين تكملها تا طلقها ببولة طوشات جابها ليها لخنشوش نيشان " وااااع كلب ... سارة : ههههه شدي كيحساب ليك باه مكاينش ههه غا هو قضا لغراض بالفن 🤣🤣... في هاد اللحضة ...بقاو لبنات يضحكو ويصبرو فراوية الي ناضت تجري غسلات وجهها تدعي وتشحت بضحك عليه هو ومو وباه الي جابو ...والبنات ميتين عليها بالضحك ...وفلتحت خدامين تجهيزات على حقهم وطريقهم ...جاو عائلة يسرى الي تعطلو مجاوش الغذا وحطو ليهم تاهما غذاهم حقهم ...مجمعين تا بلغو يسرى الي هبطات عندهم وتبعوها البنات مخلين يامنة تترضع ولدها وتحطو ينعس وترتاح هي معاه ...بينما تذبح دبيحة الي خدامين عليها رجال دابا .... الحاج واقف عليهم هو وخوه باات يامنة وخال يسرى الي تغذا وجا لحق عليهم كيشوفو فيهم من بعيد شوية ...دراري لبسو تاهما شي تيشرط وشورط وشي ضوني وشورط مهم ناضيين وبوط باش يتعاونو على الحوالا ... ايلاف خرج الحولي اللول حطو قدام فؤاد الي تكاه وخذا الموس سما الله كانو موضيين كلهم ...غير سما الله وسما بسمية ولدو ياسين ...وذبحو جرة وحدة معاودش تا طوش دمو وخلاه يتركل ...وقفوه دراري وعاونوه فسليخ تا سلخو ...وجاب ليه الياس ثاني تاهو سما الله وسما باسم ياسين وذبحو تاهو ...وتعاونو فسليخ دغيا مع كانو الحوالا مشربينهم الما مزيان دغيا تسلخو ..كانو صرديين كل واحد قد شحص لا وقفو يقرب لفؤاد فطول ههههه يوسف : الياس اجي عطي هاد المصارن وهادشي لبنات لداخل ينقيوهم ... الياس : واخا ...خذا من عندو البانيو هزو بزربة داه دخلو ... الحاج "من بعيد " : وفؤاد عطيهم ديك شحمة ينشروها باش يبداو فالشوا ... فؤاد "كان حيد تيشرت بقا عريان هكاك بادرو كيبانو قداش مخنزر عاقد حجبانو مع الحولي الثاني كيسلخ فيه ...اوما ليه غير براسو ورسل يوسف يعطيهم ديك شحمة بينما عطاهم ثانية ...وحداه صهيب شاد معاه تاهو كيسلخ ... حتى كمل وخلا صهيب يكمل ما تبقى ...وقف على داكشي راسو ...مشا مسح ايدو فزيف بيض وهز الفون بعد لهيه ودوز ليها الخط مهناهش خاطرو خاصو يسول عليها وخا غير فوق راسو ...❤️.... فؤاد : غزالي ديالي ...ناعسة ..؟ يامنة : لا كنت كنرضع ياسين وتسنيتو تانعس ..بغيت نهبط نشوفكم ولكن مخلاتنيش يسرى قالت ليا خاصني نرتاح ... فؤاد "هز كاس قهوة شربها والگارو شعلو نتر منو نترة وهز عينيه مصغرهم مع دخان " : ماعليش دابا نوريك ففيديو تشوفي ...الى تقدري تنوضي طلي عليا وشوفي شوية ورجعي رتاحي ... يامنة : وخا ...ناضت بشوية كتعكز تا وقفت وتمات غاديا فحال فركة عيانة ...وخا طبيعي الولادة مساهلاش بنادم خارج من تحتك ...تا طلات عليهم هز فيها عينيه شافها ... فؤاد "شاف فيهم كانو بعاد شوي ميسمعوهش " : شحال خاص على ايام الله الي عطاك فشرع ديال ولادتك ... يامنة "على نيتها " : ربعين يوم حتى نتنقى ...هادشي الي كنعرف احم "حطات ايدها على فمها عضات شفايفها حشمانة " ... فؤاد : دازت يومين باقي ماكثر ...مااعليش صبرنا ما كثر نصبرو هاد الايام ... يامنة : ها احم ع علاش ... فؤاد : صبر كيدبر معاك بزاف اعمارة داري وفراشي ... يامنة "خرجات عينيها وحناكها تفجلو ههه " : ااا مم احم ...ياسين بدا يتحرك نمشي نشوفو... فؤاد "نتر اخر نترة تا غمض عينيه ورمى الكارو ساط دخان ...عض شفايفو شحااال كيسمع انفاسها الي تخربقت عرفها حشمت" : سيري اغزالي ..."كان واقف صهيب بان ليه يوسف لهيه وعيط ليه ..." صهيب : اجي يوسف ...عطيني داك البانيو الي فيه لماس نحيد هاد المرارة قبل مطرطق هنا نصدقو دايرين بناقص من شي لحم وانا منصيبش شااااي مناكلش الغنمي مفور احح اقلبي .... هو فاش شاف فؤاد بان ليه بعيد كيهضر فتيليفون ويهز راسو فشرجم بيتو عرفو كيدوي مع مرتو ...وضار تدهى مع الحولي كيسلخ فيه ويحيد ما تبقى منو ...فؤاد سالا المكالمة ومشا يوقف عليه سمعو وهز البانيو حطو ليه وفؤاد في عادتو مفيهش الهضرة داكشي باش صهيب معرفوش واش هو،، وغريبة ان فؤاد يتسخر عليه داكشي باش مدارش فبالو را هو ...تقابل مع السگيطة تيطلع فيها ويهبط بانو ليه لفولات (قل**الحولي ههه لا تقولو اشنهاما فولات ) ... صهيب "حك لحيتو تيضحك " : ههههه يوسف تا ضرب ليا على قلا**ه هههع الله تا شي طويجين معتبر بالبصلة وزبيب ...خهههه من كبرهم قد ديال فؤاد هههههه😂😂😂 "سمع الحس مكاين تجاوب جاه شك قال راه مشا يوسف ولكن فاش جا يضور ضار لقا فؤاد حاط ايدو على خصرو طالق فيه واحد مولاتي تخنزيرة ...صرط ريق جوج مرات ثالثة على شوي يموت من المرگة ومتبغيها لعدوووك " ... عرفتي معنى مسخوط الواليدين وملقط نحس والغراب وقف ليه عند ولادته ؟ هي تاع صهيب النحس والمسخة والمرگة كون كانت بنادم ...تا را ليهودي متبغيها ليه الماسوني تعاطف معاه المسيحي دير وقفة احتجاجية على ودو ...ويني صهيب راه واخا تصلي صلاة الحاجة على ودو ربي يخفف عليه هههه ...كون غا معاه خوته نقولو يهزو عليه شحط ...وانما راه هو والشاويه العاطيه علاش يقلب على قولتهم ...الراس فالراس ولا ثالث لهما ... صهيب من عادته هو ودراري وخاصة يوسف عندهم فحال هاد المزاح ...ياما تمازحو ودارو فؤاد محور المزاح ...بحكم شخص جدي كيحاولو يصنعو منو فخيالكم اضحوكة او بما يسمى الطنز فالهضرة العامية ديالنا كيطنزو بيه هههه ...ايوى وصهيب مسكين اليوم وفي هاد الساعة تحد لوالديه طنز خخههه .... صهيب "ضار بالعرض البطيئ جيهة السگيطة عينيه مرمشوش الريق من كترت ما صرطو مبقاش عندو نشف ليه ...نطق بصوت مبحوووح شبه مسموع ويمكن تقريبا كيسمعو غير هو " : يااااربي سل سلااامة ... فؤاد "عض شفايفو بعصبية ماشي حيث طنزو عليه وانما ايضا الهضرة الخاسرة تاهي " : صهيب ... صهيب "غمض عينيه جاتو البكية حتى شد جنبو " : نعام خو خويا ... فؤاد : ضور وجهك شوف فيا ملي نكون كنهضر ... صهيب "جاتو سخفة ههه " : ه هاني "ضار عندو حادر راسو " ...شوف نقوليك والله اخويا م احم "كمش عينيه " اانا ناري والله تا حشمت مني ومنهم ومنك وراه اخويا غير تنطنز ... فؤاد "داير ايديه على نصو حادر راسو وحجبانو معقودين غير كيقشعهم صهيب كيجي فبالو صلاة الجنازة ...هز راسو وضار مع فيه هاد القاعدة كيهز راسو يحك لحيتو ولا يدوز على وجهو بعصبيه ويضور ...ضورة الي ضار قشع من شرجم بيته يامنة واقفة مع خلات شرجم محلول هازا ياسين منخشاه فيها فكاتو من الگماط وكتحك ليه ضهرو ونجود تتحك معاها ووجهها من بعيد فيه خوف ... مبقاش داها فصهيب الي خدام يبرول مسكين هههه غوبش ومشا مسرع بزربة فاتجاه لداخل مخلي صهيب وراه تيعاود .... صهيب : والله اخويا لا غير مزاح بيناتنا ونتا راك خونا الكبير مرة مرة نضحكو ..."شاف فؤاد خلاه يعاود ودخل يجري " اويلي فين غادي تا تعالى نعاود ليك طلقتها طلقتها اويلي ...هذا فين زاد ياكما مشا يجيب السمطة ولا القنب ....خههه اويلي قدي قد شحط باغي ندير دراري يا هاد شهر يا لاخور ومزال تنتسنى سلخة من عندو ..... عاااد تم جاي سيدي يوسف ومعاه صهيب الي رسلوهم يكملو ما تبقى ...لقاوه واقف وجهو مزنگ حمررر بجهد ...بغا يبكي عينيه غرغرو بالمرگة حشم بزااااف من خوه ماشي حيث كيخاف منو وانما كيحتارمو بزاف وهادشي كبر فيهم وباقي لدابا ...نقولو "مرضاش" بهاد المعنى .... يوسف "وقف تيطلع ويهبط فيه شافو مزير " : امالك اشريف ... الياس : نااري شوف وجهو كي ولا ؟ مالك ؟ صهيب : انن ؟ يوسف : اتا مالك ؟ صهيب "شاف فيوسف وعقد غوباشتو وقال عليك علاش نقلب مشا ليه بزربة هز ايدو على شكل بونية وهطاها ليه لكرش " يوسف "خرج عينيه " : اننننن ؟ ايماااا يحرق طواسل موووك ايييي ... صهيب "عاود زادو لاخرا مشربن " : لوااااالديك مالك تطير كي زواق مالك ماااالك هااا ؟ كنتي حدايا بقا حدايا متحركش لاش سماونا الفردات الفردات كتيتفارقوش على بعضياتهم ؟ يوسف "شاف ف الياس " : تا لاش هادشي ؟؟ صهيب : وليني الحمار يوسف : شاااا اهيا داك ... صهيب : الي مسمي فردتي تايدير ليا شغل فرادي تقاشر تتبان وحدة ولاخرا تتغبر غلله فسبيل الله ...التقشيرة الخانزة نعل بوك على بوك ..."لاح لموس تما ومشا كيهرنن مخليهم مفاهمين والو " ...سير اياسين لهلا يحرق فيك شي عضم كي فكيتيني الله يفك وحايل مرتك فاش تولد نتا هو صحيبي من دابا ... يوسف : ايييه وخا مزال تا متختن وبلغ باش يتلاقا بمرتو وتولد ليه من هادشي كلو ...انا فردة تقشيرة الخانزة 😿 فؤاد فاش شاف نجود معاها يامنة عاد قطع معاها الهضرة خلعاتو حيث عاد قالت ليه راه نعس ...ولكن هي فاش قطعات معاه كان بدا يخسر وجهو وكي قطعات طلقها ببكية على غير العادة بكية كانه حاس ضراتو شي حاجة وتصادفت بطلوع نجود عندها هي وام يسرى باش تسلم عليها .... يامنة : مالو ؟؟ سعاد : غير شي وجيعة ماعليش دلكي ليه ابنتي ضهيرو (ضهرو لتصغير بحسب حجم الطفل ههه ) ... نجود "حطات ايدها على ضهرو كدلك ليه مخشي راسو فعنق يامنة كان تيبكي بزااف مع كان صحة سلام تا طلقها بغوتة حارة " : هانتي هاكا ... حتى تحل الباب ودخل عينيه ملهوفين يعرف شنو واقع ...وخا كتبان هزة عادية لكن احساسو مهناهش على ديك الرابعة تلحم الي عاد يومين باش تزادت ... فؤاد "قرب ليها وحط ايدو عليه وهي هازاه " : مالو ؟؟؟ نجود : ممالو والو اولدي غير وجيعات دراري صغار هاهي دلكات ليه ضهرو وهاهو سكت فؤاد "كيسمع فيه كيطحر ...كيطحر هي اهءع اهءع فلداخل ديالو " ...: وجع ؟؟ عيطي لمرات يوسف ... نجود : يسرى ولدي راها خاصة بالعيالات ماشي دراري صغار ...هادشي را نعرفو ليه حنا حسن هاهي دلكاتو ليه عادي ولدي وجيعة وحيدات ... سعاد : ولدي متشغلش بالك هاهو غاينعس ...وتشربو ميهة (الما) ... يامنة "شافت في فؤاد اول مرة يبان ليها فوجهو هاد لمعة ديال لخوف ..حطات ايدها فوق ايذو وهادي حركة زاعمة منها " : هاهو سكت متخافش هادشي كتقولو ليا ميمة وعادي فدراري صغار .. فؤاد "حط ايدو ورا ضهرها مقربها ليه خشا وجهو باس ولدو فحنكو عطاتو ريحة جونسون غمض عينيه كون لقا ياكلو " : وخا ماعليش ...ردي ليه البال ...وردي لبال لراسك متبقايش تنوضي بجهد ... يامنة : باش عرفتي نضت بجهد ... فؤاد "باسها فراسها قدامهم مخليهم كيبتاسمو " : الكبدة هي هادي الكبدة صعيبة يامنة ... نجود : هانتا عشتي وشفتيها اولدي الكبدة صعيبة وكنضن فهمتي باك ... فؤاد : الوليد على راسي وعينيا من نهار لول عارف بحقو لكن فحياتنا شي حاجات كتخلينا نلغيو القرارات الي فحياتنا هي ساس وراس باش نكملو حياتنا (زواج) ونزيدو حياة ناس اخرى (الولاد ) ...ولكن المكتاب مكتاب "حك على ضهر يامنة من لور وعبز ليها جنبها بلا ميحسو " ومتمشي غير فين مشاك الله ... نجود : ونعم بالله ... سعاد : على سلامتك ابنتي ويتربى فعزكم ... يامنة : الله يسلمك خالتي سعاد ... نجود : ايوى سعاد صباح ان شاء الله تكوني عندنا ...غانديرو تحناك ورفيسة ثاني ... يامنة : تاني رفيسة ههه نجود : هي كدار نهار تحناك لكن درتها البارح وليوم مشهينها البنات ولكن غدا غادي نديروها على حساب العيالات الي جايين ... فؤاد "خلاهم وحدهم ومشا دخل لداخل ودخل لدوش يدوش من دم وزفورية اللحم مخليهم على خاطرهم ..." سعاد : ان شاء الله ...شكون غايحنكو ... يامنة : ميمة هي الي باغية تحنكو نجود : البركة ديال دار هههه ... سلمات عليها ثاني سعاد وزررتها بزز باش شدات من عندها وعطاتها كادو گرميط صغير ذهب مكتوبة فيه سمية ياسين بالاحرف عربية ومشات هبطات مع نجود غادين يبقاو تالعشا ...حطاتو فكونة ديالو من بعد ما رجعت گمطاتو وغطاتو ينعس ونعس مگبع فمو ... يامنة "ضحكها " : ههههه مرضيتيش تسكت هههه ..."شمات ريحة باندوش عاطية مجات فين ضور حتى لصق عليها من لور كرشو فضهرها وايديه فكرشها ضاغط عليها ناحيتو ..." ...بصحة ... فؤاد "باسها فعنقها " : يعطيك صحة ...نعس ؟ يامنة : نعس بزز مكيسكتش من الغوات وعندو حار ... فؤاد : قبيح قبيح ..."باسها فعنقها تاني وطلع كيبوس تا وصل لحنكها بقا يبوس فيه وهي كضحك حشمانة وهو كيتحكك عليها من لور " ...مرحلة ودازت وتفكيتي ...حياتنا نشوفو ليها طريق فين غاتكمل ... يامنة : امتا غانرجعو ؟ فؤاد : من ورا عرس يوسف بسيمانة ... يامنة : يعني باقي خمسطاش ليوم ... فؤاد : لا بغا الله "ضورها عندو باسها فشفايفها بوسة خفيفة لكن هاد البوسة مقنعاتوش بغا المزيد وخاصة ولات بهاد الكياتة تزادت جمال على جمال جمال الامومة ...ضور ايدو على ضهرها من لور مقربها ليه حتى زدحها مع صدرو حطات ايديها عليه كترمش فيه ...قبل متهضر تلاح على شفايفها بقبلة نيشان اعمق من العمق واخذ شنيفاتها بين شنايفو كيمصمص فيهم مصان نيييت موحشها بزااااف كيعشقها فعينيه من دون نساء غير هي ....خشا لسانو لداخل قام بضورة شرفية داخل فمها ...قبل ميفصل القبلة ويلحس ليها شفايفها بلسانو وجابدها لعندو معنقها كيطلع فايدو ويهبط فضهرها من لفوق تالمؤخرة " ...مراتي وبنتي والبنية ديالي ...وغزالي ولات سميتك بلاصة يامنة .... يامنة "عنقاتو تاهي حطات راسها على كتفو " : هههه "عضات شفايفها الي سخنو ببوستو " ... فؤاد : وجنة فحم العينين القبيح "عضها فعنقها تا قفزت " ... مشا لبيتو طلع ليه ديريكت ما تلفت لا هنا ولا هنا باغي يبكي ومقدرش خانتو رجولتو ههنن ...مداهاش فسارة الي كانت كتبدل تا دخل عليها ...مدرم نيشان لدوش دخل ليه وزدح الباب بجهد .... سارة : ياربي سلامة هذا مالو ؟ " مشات لدوش ودقات عليه " ...صهيب مالك ؟ صهيب : ماليش بغيت ندوش اسارة ... سارة : نوجد ليك حوايجك ... صهيب : ماعليش حبيبتي انا نخرج نوجدهم غير هبطي عندهم لا بغيتي .. سارة : واش بيك شي حاجة خلعتيني عليك ... تحل الباب وجرها من ايدها دخلها لداخل سد الباب ودارها بين ايديه الي موقفهم عالحايط ... صهيب "حدر راسو شحال وعاود طلعو فيها " : عرفتي شنو تقولي هضرة خاسرة قدام شخص كتحتارمو وتقولها ليه نيشان فوجهو ؟ سارة : اويلي شكون هذا ... صهيب "وخا هكاك حس براسو قلل من احترامو لفؤاد ومرته بغا يشاركها الحديث حيث هي شريكة حياته وخا يوسف فردتو ولكن ميقدرش يقولها هههه عارفو غايخرجو فجورنال ههع فزهرة الخليج ههه" : فؤااااد ..."عاود ليها اش وقع ..." مرگة اسارة مرگة متبغيها لعدووك ... جا يشوف فيها لقا وجهها حمر بغا يطرطق ..." اش تما ؟؟ سارة : هههههه هههههه ويلي ويلي هههههههه صهيب "ضرب لحايط بشوي وضرب ايديه مبعد منها " : ويالله وديرها شريكة حياتك ولقاها تطنز عليك ...واش انا عاودت ليك باش تكملي عليا ... سارة : وراه موقف كيضحك ههههههههههههه ...اويلي وملقيتي غير خوك فؤاد هههههههه صهيب : سكتي من ضحك ولا نملخ والديك نبرد فيك غدايدي ...عرفتي اشنو خرجي خليني ندوش نكمد عضامي ونتهدن انا مزاااوگ "خنزر فيها " سكتي من ضحك سكتتتييييي ... سارة : هههههه كخم هاني هاني "قربات لعندو بزربة وباستو فحنكو ..شاف فيها بنص عين " صهيب : سيري حسن ليك ... سارة : هاني هااني ههههه ... خرجات كضحك عليه وخلاتو دغيا بالخف حيد حوايجو دخل تحت رشاشة تينذب ويحندب ههههه ...تا كمل وخرج كينشف فشعرو بحكم عندو كتيف وذاتو وكتافو ...كيهضر ويبرگم بوحدو وماحاسش بدوك الحلاقم الي غير شافو سارة خرجات وقالو ليها باش يذخلو .... صهيب : يالطيييف ياااا لطييييف على مصييييبة كحلة ...ماااانهبطش منهبطش مااانهبطش ... ضاير عاطيهم بضهر شافو فبعضياتهم تيهضرو غير بالاشارات بلا ميصدرو صوت ... يوسف : تا هذا اش وقع ليه ... الياس "دار اشارة موس داز على ايدو زعما " : نقطع ايدي الى مكان داير شي زبلة ... صهيب : مسخووووط هو انا ميخووووط بن ملب كلابي مرضعاني "سكت شوي " لاااا ممرضعاني غير لالة ومولاتي ولالة العيالات الي جنة تحت رجليها ...مرضعااااني لالة العيالات ...المشكيل فييين المشكيل انها زاحمتني مع عرة رجالة الكلب بن الكلب ...تا جيت منحوس مشكودر زهر ... يوسف "دار ايدو على صدرو " : انا شدرت 😯... الياس "زم ضحكة " ... صهيب : واش يهودي انا اويلي نتقاد مع سگيطة "طلقو ساتيليت ديال وذنيهم لاخرين " ...اويلي ملقيت لمن نقول فولات الحولي قد فولات فؤاد ...غير فوجهو نيشان ؟ اويلي ... عرفتو فاش تيكون الحس وشوي تكتسمع ديك كخم كخخ كهعع ...نغغ ...هي هادي الي وقعات سمع هاد الاصوات وياااخوتاتي مجا فين يضور حتى لقا يوسف عينيه خرجو بغاو يدمعو عيا يحبس عيا يتقبل صدمة تا طلق واحد مولاتي ضحكة هو والياس صهيب : هادو امتا دخلو يا ناري ياااناري راه بويا نيت دابح عليا كلب ... الياس : وااااااااااااااااااااهيا الرب العالي ومتبغيييييييها لعددووووووووووووك ...🤣🤣🤣🤣🤣🤣🤣🤣🤣🤣🤣🤣😹😹😹😹😹😹😹😹🤣🤣🤣🤣🤣🤣🤣🤣🤣 يوسف : وياااااااااخوووووياااااااو ونحس جا تالعند رجليك وقال عليك علاش نقلب اخوتي ...🤣🤣🤣🤣🤣🤣 صهيب : تهجروه يلاه شدوني واحد ييمانة بين سنانكم ...غا سير دايزة دايزة الله دوز باش ما عطا الله .... يوسف "طاح فلارض جلس كيضحك ويقول ما ضحكت ويمسح فدموعو ويعاود الفوغيغ الي جاه مجاهش فحياتو " ... الياس "تطوا على جوج شاد كرشو ميت بالضحك " : اخويا صافي اربييييييييي مااااتشوفش فيا اصهيب ماتشوفش .... صهيب : معرت مالي مشوگ فخنشوشك خرجو قودو عليا بجوج الخرا ... يوسف : عليا بليييييييميييييييييييييين تا مسخوووط الوليدين املي مدار ليك والو متبانش ليه هاد اليومين ... صهيب : مزااال كيهضر وهو يطلع عند ولدو فكتني غا ديك رابعة ديال الكفتة الي قرا حسابي مسيكين ...هذاك هو فردتي وصحيبي اما نتا غا خرية تطلات حدايا ...تفووو ... ديك العشية ضحكو علييييه وعرفو كيف ضحكو ...مسكين الجيهة الي فيها فؤاد معتبش فيها اصلا ملي طلع فؤاد مبقاش هبط نعس حدا مرتو وولدو يرتاح ويرتاحو حتى فاق باش يهبط يصلي المغرب ويتجمعو فالجردة بينما وجدو لشوا ديال دوارة ولحم على صينيات المجامع باش يوجدو اتاي ...جاب الله دنيا عامرة بنساب يوسف وبات يامنة والبقية كان فؤاد بعيد مسالاش ليه وصهيب جالس بعيد كي طلاب جامع نهار جمعة ههههن ....تعشاو فجو من ضحك انضمت ليهم يامنة الي جلسات بين باها وفؤاد جناحها لول وجناحها ثاني دايم ليها ولولدها وحبيبها واول عشق واخر عشق ليها ... كانت هادي لمة الي متلموهاش من ايام المرحومة امهم هاهي بسباب يامنة رجعات لمة وبسبابها رجعات ضحكة والبيت دفا بزواجها وهاهي مجموعة بولادتها لاول حفيد فهاد العائلة كلها والي خلاوه ناعس الفوق ولاباري فايدها باش لا فاق تسمعو ... صباح يوم جديد اشرق على الفيلا الي عامرة بداخل والخارج شي يتقدا وشي غادي يتقدا وشي كيوجد ...حتى وصلات الوقيتة الي غايجيو فيها اعيالات باش ياكلو بركوكش ويحضرو لتحناك ويضربو ليهم تاهما قصرية رفيسة او تريد ...كانو واجدين كلهم لابسين ومقادين واولهم يامنة بقفطان جوهرة بلونكاسي بالراندة مزوقة بالحجر نص طوق ...جالسة فصالون وحداها كونة ياسين الي لابس مانتك لكن مسكين مگمطينو دايرين ليه طويقية فشيبي ومغمض عينيه ناعس مغوبش عاقد دوك الحجبان الكحلين تاهو فارض وجودو نعماس ....وحداه عمتو وسارة وحداها يسرى وعائلتها والعيالات ووسط صالون مفرشين لزينة الي كتعمر فاتاي من المجامع ( منت شرحتهم هما الي كيكونو تلاتة وحدة فيها اتاي حبوب ثانية نعناع او ليقامة وليقامة هي نعناع وانواع نعناع السالمية و....وثالثة فيها سكر مهرس ..) .... نجود : الحاجة نجيبو بركوكش دابا ياك ... زينة : وايه جيبيه محد باقي ضهر ما اذن نحنكوه ... العيالات جالسين عارضين عليهم وغير الي سلمات فيامنة وباركت ليهم الباقي غايجيو فسبوع وعرس يوسف ... سارة : عنداك غير ميبغيش فؤاد تحنكوه ... يامنة : فخبارو ولكن قاليا غايعيط ليا فيديو باش يشوف اش غايديرو ليه راوية : مثايقش هههه تي غايشوف كحلو ليه ولا حطت ليه هذاك لعود فعينو بالله تايدخل يفجر راس مي زينة ويجيب ولدو 😂😂😂 تا ميكونش خويا ... يامنة : الله يستر ههههه ميديرهاش راه شرحت ليه اشنو فيه ... سارة : عالله ... ريتما يجيبو بركوكش يتجمعو عليه باش نعرفو كيفاش غايكون تحناك ندوزو لجردة فواحد البلاصة فحال صالون صغير مغطية فيها فوطويات ...جالس يوسف والياس وجنبهم ايلاف كيكمي تاهو اما فؤاد خارج يقضي غراض الي وصل وقته والوعد الي عطاه يوفيه ...(دابا تعرفو فين مشا ) .... يوسف : تا داك فار طحين معامن تيهضر ؟ ايلاف : ههههه قلي شو خبص الملعون ... يوسف : ههههههه تا را قالها لفؤاد فوجهو جاب الله نتا مفروح معانا كون جابها غا فوجهك حسن ما يجيبها فوجه فؤاد "عاود ليه " راه باقي مسالاش ليه ابلاتي والله ميخليها فيه... ايلاف : لك من شاااان الله حليييييف 😂😂😂....والله لعنة الي نزلت ضربت براس صهيب اكثر .... الياس : شتو ناشط تيهضر فتيليفون وضرصتو ديال لعقل بانت ... يوسف : روي ستون ( زعما سكت فهادشي ) هاهو جاي .... صهيب : يااااا هلا ومرحباااا ...اجي فؤاد فين هو ؟ الياس : لاااش تتجبدو عينك فيه ؟ صهيب : نبرقق مك لعينك نتا ... يوسف : لاش بغيتيه ...خليه محد مكاينش يحنكو لدري غالله يستر يقشع شنو غايديرو ليه فعينيه ماحنا فخبر ...ماعلينا مالك نتا ناشط اهياتا اش تما ... صهيب " هز فيه حجبانو طلعهم وهبطهم بطريقة مضحكة شريرة هههه " : هنننن فعلتها ....واتممت كل شيء ... الياس : هذا هرب من فيلم رسالة ؟ اهيا اشنو تم ؟ ايلاف : ليييش حاسس مخبص بايشي مافي ثقة ... يوسف"ضار شاف فايلاف" : واااش ثيق فواحد عاض بزولة مو الي ولداتو فصغرو ؟ وامو ومبقات ثيق فيه ...اش كاين ... صهيب : عاضها معايا اولد القوم الضالمون ... يوسف : نطق اولد لحرام ... صهيب : عيييط ليه اتصلت به ففعلتها ...😈...
STAI LEGGENDO
قصة يامنة (بدارجة المغربية) مكتملة
Poetryالكاتبة sana mina♥️♥️🌹 لقصة فيها كل مكيعجبكوم او حتا لبطلة مختالفة بزاااف علا لي قريتو بطلة طبعها حشومية او وزينة.... اما بطل شرقي بزاااف يعني تقليدي شوية او مكيضحكش بزاااف غير إبتسامة عكس لبطلة هاد زوج غدين يتزوجو بطريقة غريبة تبعو لقصة او عطيني أ...
