روح طفله 🖤. بقلم زينب مصطفي

الفصل السابع

لو محدش صوت من الاول ممكن ترجع تصوت تاني 🐥
اتمنلكوا قراءه ممتعه 🖤🖤
متنسوش فوت وشير 🖤🖤

نتعرض لكثير للخيبات لينتهي بنا المطاف اننا لا نثق حتي في من كان صادقاً .....💔
ذهبت إلي المشفي وهي عازمه علي أن تعتذر منه حقا ،وتعترف له كم تحبه ،وأنها ترغب حقا بأن تكون معه ،وأنها كانت مخطئ عندما فعلت هذا
دخلت غرفة الأطباء لتجد عمر يجلس هو وزين
حياة :السلام عليكم
الاثنين :وعليكم السلام
حياة :هو هو سيف لسه مجاش
عمر :اول مره يتأخر كده استني اكيد جاي كمان شويه ،خير إن شاء الله
حياة: إن شاء الله
لتذهب وتقوم بتبديل ملابسها،وتعود إلي الغرفه
لتجد الجميع قد جاء إلا سيف ،لتذهب وتقوم بجولتها علها تراه عندما تعود
****************
كان يجلس يفكر في تلك الحسناء التي شغلت عقله وقلبه ليجد هاتفه يرن ليجد أخته هي المتصل ليقوم بسبها ،لأنه يعلم انها تتصل به من اجل ان يقوم لها بشئ ما
عمر :نعم
مني :في حد يرد علي حد يقول نعم أسمها السلام عليكم
عمر :السلام عليكم
مني :وعليكم السلام ... عامل إي يا حبيبي
عمر :قولي عايزه إي ومتحوريش عليا
مني :انت ديما فاقسني كده
عمر :عيب ده إنتي متربيه علي إيدي
مني :طب بص بقا انا وصحابي خارجين وكده فاأنت زي الشاطر كده تروح وتجيب آسر من الحضانه وتقعده معاك علي ما اجي واخدو منك
عمر :مني إنتي بتهزري انا عندي شغل
مني :كنت عارفه انك مش هترفض سلام ياحبيبي خلي بالك من آسر
وقامت بإغلاق الخط قبل ان يجيب عليها
ليغلق هو الهاتف وهو يسب في أخته علي ما تفعله معه
***************
تفقدت المرضي وكادت ان تعود حتي أصطدمت بجني في طريقها
جني بإستفزاز :عامله إي يا دكتوره حياة
حياة :الحمدلله بخير
جني :الاه هو دكتور سيف فين .... اه صحيح نسيت إلي عملتيه فيه إمبارح وخليته شكله وحش قدام الكل اكيد مكسوف يجي ويوري وشه للناس
حياة :لو سمحتي ياجني متدخليش في حياتي الشخصيه
جني :حاضر يا حبيبتي بس هي دي مش شخصيه دي المستشفي كلها عرفت يعيني
حياة :ده شئ ميخصكيش
جني :انا مقدره شعورك و عارفه إنتي حاسه بإي ليك حق محدش بيقدر يكمل معاكي
حياة :جني إنتي عايزه إي انا ضايقتك في إي خلاكي تكرهيني كده عايزه افهم
جني :وانا اكرهك لي إنتي ولا في دماغي اصلا
حياة :واضح ..... عن إذنك بقا علشان مش فاضيه
لتتركها وتذهب
لتفاجئ جني بيد تضغط عليها وتسحبها خلفها لتنظر لتجده زين
جني :سبني إيدي هتتكسر
ليكمل دون ان يجيب عليها
جني :سبني يحيوان انت
ليزيد من ضغط يده ويقف بها في حديقه المشفي في مكان فارغ
زين :انا عايز افهم إنتي اي لي بتكرهي الناس كده لي بتصممي إنك تباني وحشه قدام الناس لي بتخلي الناس تكرهك
جني :وإنت مالك ده يخصك في إي
زين :إنتي إزاي دكتوره إزاي بتداوي جروح الناس وانتي اصلا بتسببي جروح إنتي معندكيش إحساس ولا رحمه انتي مستحيل تكوني بني آدمه
جني ترقرقت الدموع في عينيها آثر كلامه وشعرت وكأن احد قام بإلقاء دلو ماء بارد عليها
زين :تعرفي انا غلطان إني لحقتك إمبارح كنت سبتك علشان تتعلمي الآدب كويس و تعرفي تحسي بالناس
جني ببكاء :كفايه ارجوك كفايه
زين :إي ده إضايقتي طب كويس علشان تحسي شويه ده إذا كان لسه موجود شويه إحساس اصلا
جني :أمشي أمشي من قدامي
زين :انا ماشي كده كده محسساني إني هموت وأقعد معاكي يا شيخه ده انا أقرف
ليتركها ويذهب وتقعد هي علي الأرض تبكي بآلم علي كلامه ،لا تعلم لما شعرت بالآلم إلي تلك الدرجه ولكنها تشعر وكأن قلبها يتمزق
****************
ذهبت إلي غرفة الأطباء علها تجده ،ولكن ها هو لم يأتي بعد
حياة :عمر هو سيف بردو لسه مجاش
عمر :تلاقيه نام متاخر والاه حاجه .... هو انتوا عملتوا إي لما مشيتوا إمبارح ...لو مش عايزه تقولي عادي انا بس بسئل علشان لو هقدر أساعد
حياة :معملناش حاجه يا عمر انا عكيت الدنيا زياده ومشينا وهو متعصب
عمر :إن شاء الله خير وهو بس تلاقيه مش هيجي إنهارده يريح أعصابه بس وهيجي بكرا بإذن الله
حياة :يارب يا عمر
عمر :طب أستاذنك انا هروح أجيب إبن اختي من الحضانه في البريك ده قبل ما يخلص
حياة :ماشي
ليتركها ويذهب
ليصل إلي المكان بعض ما يقارب النصف ساعه ليجد إبن اخته يركض إليه وهو يحتضنه لينزل إلي مستواه ويرفعه إليه
لينظر أمامه ليجدها تقف أمامه ليغمض عينيه ويفتحها ليتأكد ليرها مره اخري
عمر :آسر هي مين الي واقفه هناك دي
آسر :دي مس رؤي
عمر :أمال أنا مكنتش بشوفها لي لما كنت باجي اخدك قبل كده
آسر: هي لسه جايه من قريب
عمر :آهااا
آسر وهو يغمز له : إي يخاله هي عجبتك
عمر :أوي .... احم إي ده انت إزاي تقول كده انا قولت اخرت قاعدتك علي الفون دي هتجبنا لورا
آسر :أيوه أيوه خوفني بالشويتين دول
عمر :ولد عيب
ليسكتهم صوتها و
رؤي:عمر إزيك إي الصدفه الحلوه دي
عمر :الحمدلله إزيك إنتي ... شوفتي بقا
رؤي وهي تشير إلي آسر بتوتر : آسر يبقا إبنك
عمر :إبن إبن مين انا مش متجوز إنتي بتقولي إي إنتي بتنسي شكلك ده ده إبن اختي
رؤي:اه الحمد لله
عمر :الحمد لله علي إي
رؤي : هااا ولا حاجه طب ما تيجي نشرب كوفي والاه مش فاضي
عمر :والله انا مفلسع من الشغل بالعافيه تتعوض بإذن الله
رؤي :إن شاء الله
عمر :أه صحيح ممكن يعني رقم تليفون بابكي
رؤي:لي
عمر : أصل حداكوا بجره وعايز اخطبها
رؤي وقد اصبح وجها احمر :إي بتقول إي
عمر :هتقولي والاه أمشي
رؤي :أكتب 01********
عمر :جاهزي الشربات بقا علي ما اجي
رؤي بخجل :حاضر
عمر :لا انا مش همشي كده أنا هبات هنا
آسر :يلا يااخويا ورانا شغل مش فاضيين
عمر :ده آسر إبن اختي بيحترمني أوي
رؤي :أه باين طبعا
عمر :طب سلام انا بقا
رؤي :سلام
ليلقي بإبن أخته في السياره
آسر :آه
عمر :وحياة امك لهربيك
آسر :أبقا اعملها وانا اطيرلك المزه
عمر :انت عندك ٥ سنين انت مستحيل تكون طفل
آسر :طب يلا امشي يخويا امشي
**************
كانت تجلس تفكر فيه ،ماذا يفعل ،لماذا لم يأتي اليوم هل حدث له مكروه ،لتقرر أن تذهب إلي يحي وتسئله عنه ...
حياة :السلام عليكم يا دكتور يحي
يحي :وعليكم السلام خير يا حياة تعالي اقعدي
حياة بتوتر :هو يعني اصل سيف مجاش هو فين هو كويس
يحي :اه كويس
حياة بلهفه :امال هو فين
يحي :هيسافر إنهارده بليل
حياة :إي
يحي :هيرجع ألمانيا ويشتغل هناك
حياة : يعني إي يعني مش هيرجع تاني
يحي :أه علي مااظن كده
حياة :لا انا مش هسيبه يمشي لا مستحيل هو هيسافر الساعه كام
يحي :هي الطياره الساعه 11
حياة وهي تقوم :شكرا ليك يا دكتور يحي عن إذنك
لتركض وترتطم بحسن وهي خارجه
حسن :مالك مستعجله لي كده
حياة :سيف سيف هيسافر
حسن:طب ما يسافر فيها إي
حياة :فيها إن بحبه ومش هقدر أعيش من غيره ومش هسمح انه يضيع من إيدي
حسن وهو يمسكها بغضب :سيف ما بيحبكيش انا بس الي بحبك ومش هسيبك تمشي
حياة :انت شكلك اتجننت سبني
حسن :انا إتجننت لما سبتك قبل كده ومش هسيبك تاني
حياة :وانا مش لعبه ترميني وتمسكني وقت ما تعوز..... انت الي بعت زمان وجاي دلوقتي عايزني أشتريك طب عايزني افضل معاك بأمارة إي انت مسبتليش حاجه غير خذلان مسبتليش غير كره لنفسي وخوف من الناس .... عايزني ارجعلك لي
حسن :انا اسف يا حياة انا بحبك صدقيني
حياة :وانا مبطقش أشوفك قدامي حتي
حسن بغضب :أنتي مش هتكوني غير ليا يعني مش هتكوني غير ليا وهم بسحبها خلفه.... ليجد نفسه ملقي علي الارض اثر لكمه من زين الذي كان يمر بالصدفه
زين :انت إزاي تتجراء وتمد ايدك عليها ها قالت لك مش عايزاك يااخي إي مفيش دم
حسن :هتندم علي الي عملته ده انا بقول لك اهوه
زين :أعلي ما في خيلك اركبه ...... بس ده بعد ما تخرج من السجن طبعا علشان بتهرب أدويه ومواد مخدره من المستشفي
حسن :انت بتقول إي إنت إتجننت
زين :لا هي الكاميرات الي إتركبت جديده من غير ما حد يعرف لما لاحظنا إن في غلط بيحصل هي الي إتجننت علي مااظن
حسن :كدب كدب انا ما عملتش كده
ليأتي مجموعه من الامن ويأخذ حسن وهو يصرخ
كانت حياة تقف في صدمه مما حدث
حياة : إزاي ده حسن يعمل كده
زين :وعامل اكتر من كده .... الحمد لله قدرنا نكشفه قبل ما يعمل حاجه اكتر من دي
حياة :الحمد لله
زين :إنتي كويسه هو عملك حاجه
حياة :لا الحمد لله إنت جيت في الوقت المناسب
زين :الحمد لله انا اصلا كنت بدور عليه علشان أوجهه بالي عرفته ..... الاه هو سيف فين
حياة :سيف انا نسيت سيف سيف هيسافر بليل
.... انا لازم أروح والحقه قبل معاد الطياره الساعه 11
زين :طب الحمد لله لسه بدري الساعه لسه 2
حياة :هروحله اهوه يارب الحقه
لتاتي احد الممرضات وهي تركض
الممرضه :دكتوره حياة دكتور زين
الاثنين :خير
الممرضه :في حادثه والمصابين كتير
الاثنين وهما يركضوا :العدد كام واعمارهم
الممرضه :خمسه شباب في أتنين أصابات خفيفه وتلاته الاضرار كبيره
ليصلوا إلي غرفة الطوارئ ليفعلوا ما بوسعهم لينقذوا ما يستطيعوا إنقاذه
زين :جهزوا غرفة العمليات
الممرضه :جاهزه
زين :يلا يا حياة بسرعه انقلوا المريض ده
لتدخل غرفة العمليات وتمر ساعه إثنان وثلاثه وها هم تخطوا السادسه ليخرجوا من الغرفه ليجدوا اهل المريض
زين: الحمد لله العمليه نجحت
الاهل :الحمدلله شكرا ليك يا دكتور
زين : لا شكر علي واجب .... عن إذنكوا
ليخرج وخلفه حياة ويذهبوا ويطمئنوا علي حالة باقي المرضي وبعد ان إنتهوا أتجه إلي غرفتهم
عمر:الحمد لله مفيش ولا حالة وفاه
زين :الحمد لله ربنا قدرنا ولحقنهم
نيره :ده في واحد خد مننا في العمليه اربع ساعات
جني :احنا كنا خدنا خمس ساعات
زين :احنا سته العمليه كانت صعبه اوي ربنا نجاه با اعجوبه
حياة :اتكتب له عمر جديد
زين :الحمد لله .... رغم إنها خدت وقت كتير بس الواحد حاسس براحه علشان رجع لحد حياته
حياة والتي تذكرت سيف :هي الساعه كام
عمر :تسعه ونص لي
حياة والتي ركضت بمجرد ان علمت الساعه وهي تدعو الله ان تلحق به قبل ان يغادر
لتصل بعد ساعه إلي المطار وهي بمئزرها الطبي
لتظل تبحث عنه وسط انظار الجميع
وها هي الطائره ستقلع ولا تجده
لتصل لها رساله إلي هاتفها من رقمه محتواها
(فضلت مستنيكي لو كنتِ جيتي كنت هفضل هنا ومش هسافر ،بس الظاهر إني ما أستهلش إنك تحاولي علشاني مره مع السلامه وربنا يوفقك و تلاقي الي يستاهل محاولتك ..... سلام يا حياتي )
لتقع هي علي الارض وتبكي بحرقه كا الاطفال لما حدث هذا ؟!!!ماذا يحدث معي انا هذا ؟!!!......يتبع 🌸🖤
*********
سيف ؟!
حياة ؟!
زين؟!
جني؟!
عمر ؟!
رؤي ؟!
ياتري هيرجع والاه لا ؟!
متنسوش فوت لو حد مصوتش من الاول يرجع ويعمل وشير بليييييز علشان انزل واحد بليل 🖤🖤🖤🖤