روح طفله 🖤. بقلم زينب مصطفي

الفصل السادس

أسفه علي التأخير بس كنا في عيد بقا 😉😂😂
متنسوش الفوت 🖤🖤

سيف : نعم
حياة :لا ....مش..... عايزه .... اتجوز
نجلاء :لي كده بس يبنتي
سيف بهدؤ : ممكن أعرف لي
حياة ببكاء مثل الأطفال :مش عايزه مش عايزه
سيف بصراخ : ماهو مش عايزه لي تفهميني مش تعيطي
وقام بسحبها من يديها :عن إذنك يا ماما نجلاء عايز أتكلم معاها لوحدنا
وخرجا من المكان باأسره
جني : هو أنتوا عازمينا عشان نتفرج علي المهزله دي
عمر : ملناش دعوه يا جني
جني :أنت بتدافع عن الي هي عملته لي أوعا تكون فرحان وبتفكر بقا أن كده ليك فرصه تقدملها ... آها ما انا نسيت إنك بتحبها ...... الأه صحيح الحلوه إلي معاك دي تبقا مين معرفتناش
رؤي بإبتسامه بارده : أنا رؤي خطيبته
جني :إي ده الي هو إزاي
رؤي :أقولك أنا بقا دكتور عمر أعجب بيا لما كنت عندكوا في المستشفي كلم بابا وقرئوا الفاتحه بس سوري ماقدرناش نعزمك لأنها كانت للناس القريبه
...... مش يلا بقا يا عمر عشان مش قادره أقف كتير ..عمر عمر
عمر والذي كان مصدوما مما حدث :هااااا يلا يلا
لينصرفا
زين لجني :شكلك وحِاااااااش
جني :وانت مالك انت
زين :عارفه انتي تستهلي كل الي يجرالك تدري ليش
.....لانك ما تربيتي
جني بصراخ :انت إزاي تقولي انا كده ...انت مش عارف انا بنت مين
زين :شششششش مش عايز جعجعه فاضيه عارف إنتي بنت مين كويس اوي وده ما يهمنيش انا يهمني الكتله الي وقفه قدامي دلوقتي كتله مستفزه
جني :إحترم نفسك احسن لك
زين بإستفزاز :وإن ما أحترمتهاش
جني :انا هخليك تندم
زين :يا ماما خفت
جني :إبعد عني مش قادره أتنفس انت إي مبتفهمش ما تعرفش أن القرب ده غلط والاه انت زي البهايم بتحفظ وخلاص
ليلوي ذراعها وهو يجز علي أسنانه :لما تتكلمي معايا تتكلمي با احترام فاهمه والاه افهمك
جني :آه آه سيب ذراعي يا حيوان
ليزيد هو من ضغط يده :ها تحبي أكسره والاه هنحترم نفسنا
جني :انت مستحيل تكون دكتور انت جزار
زين ومازال يزيد من ضغط يده
جني :آه آه أسفه ذراعي ذراعي سيبه ارجوك ارجوك ذراعي هيتكسر
زين بعد ان تركها : علشان بعد كده نتعامل باإحترام غوري من وشي يلا
جني وهي تمسك ذراعها :وربنا لتندم وهعرفك إزاي تعمل كده وركضت من أمامه قبل ان يمسك بها مجددا
*************
لما كل هذا ؟!!!!
لما هذه الفوضي؟!!!
انتِ تعلمين جيدا أني أحبك ،فلما كل هذا ؟!!
لما تصعبِ الطريق علي ؟!!!
قلت لكِ فقط أنت تتركي لي يدك وتغمضي عيناك ؟!!!
ولكن ها أنت ذا تركلين يدي وتركضي بعيد عني ...
كيف أخبرك أنني إيضا اتألم ؟!!
أتألم في كل مره ترفضين فيها يدي .....
فا أنا بطبيعة الحال بشر أرغب ببعض الأمان إيضا
كيف أمنحك الأمان وانتِ تسلبيه مني كيف ؟!!!

كان يجلس كلاً منهم في صمت تام ليقطع هذا الصمت سيف و
سيف بنبره يحاول ان يجعلها هادئه :ممكن أعرف إي السبب الي خلاكي تعملي كده
حياة ببكاء :مش عايزه مش عايزه اتجوز
سيف يحاول ان يهدئ :انا قولت مش عايز عياط ياريت نتكلم بهدوء ليكمل :حياة هو إنتي مش بتحبيني
حياة : .....
سيف :ساكته لي ردي علي سؤالي
حياة ببعض الخجل :لا بحبك
سيف : لما أنتِ بتحبيني مش عايزه تجوزيني لي
حياة :علشان خايفه
سيف :مني
حياة :لا لا والله لا
سيف :امال
حياة :خايفه تسبني وتمشي أنت كمان
سيف : أنا الحاجه الوحيده الي ممكن تخليني أعمل كده هي الموت
حياة :أنا خايفه من دي .....خايفه من إني أصحي في يوم ملاقكش جنبي ..خايفه ولادي يعيشوا زيي
سيف : قوليلي أنتِ عارفه علم الغيب
حياة :لا
سيف :طب إزاي بقا بتقولي اني هموت وانتِ وعيالك .... هتعانوا لي لي يا حياة تعيشي نفسك في دايره مقفوله كلها خوف......لي انتي ضامنه إنك تعيشي بكرا تعيشي الساعه الجايه ها قولي لي
حياة :لا بس
سيف :حياة تقبلي تتجوزيني
حياة :لا
سيف :انت مابتفكريش إبدا تمسكي فيا لي .... انا كمان بخاف علي فكره بخاف إنك تكوني من نصيب حد غيري خايف دلوقتي إنك تكوني أصلا مابتحبنيش انا كمان إنسان وبحس .... ونفسي شريكة حياتي تحسسني إني فارق معاها.... إنها هتفضل ماسكه فيا مهما حصل .... إنها إنها بتحبني
حياة :ما أنا بحبك
سيف :بتحبيني أه بتحبيني .....بتحبيني إزاي وانت كل ما يحصل حاجه تسبيني ..... كل ما يحصل حاجه صغيره قد كده ما بتستنيش حتي تسمعيني كل همك تعندي معايا وبس ... ده حتي الحاجه الي هتخلينا مع بعض رفضتيها رفضتيني يا حياة ... انتي الي يشوفك وإنتي بترفضيني يقول إني عايز أتجوزك غصب عنك او جبرك أنك تكملي معايا
حياة :سيف أنا
سيف:مش عايز أسمع حاجه يا حياة مش عايز أسمع حاجه وأشوف عكسها .... من النهار ده انا مش هجبرك علي إي حاجه ....من النهار ده أنتي حره في حياتك وانا مش هدخل في إي حاجه تخصك
حياة :سيف.....
سيف :يلا قومي هوصلك للبيت مينفعش تروحي لوحدك دلوقتي
حياة :أنا عايزه...
سيف :خلاص يا حياة معادش ليه لازمه الكلام يلا مامتك زمانها قلقانه عليكِ
***************
كان الجو مظلم بما فيه الكفايه ليبث فيها الرعب
ليكمل خوفها ظهور بعض الفتيه ليجعلوها تضطر لتوقيف السياره
احد الشباب :إي مش عيب الحلو ده يخرج لوحده بردو في ساعه متأخره كده
جني :وانت مال اهلك اخرج وقت ما انا عايزه
شاب اخر :مال اهلنا إزاي احنا خايفين عليكي إنتي بردو زي اختنا.... مع إن اختي مش صاروخ كده
جني :لو سمحتوا افتحوا الطريق خلوني أعدي
ليتجه إليها احد الشباب ويحاول فتح باب السياره :مش قبل ما نقعد مع بعض شويه والاه إي رايك هنشرب كوبايه شاي مع بعض
جني والتي همت أن تغلق الباب إلكترونيا من الداخل ولكن كان هو الاسرع بفتح الباب
:شربت السم يبعيد أمشي من هنا بدل ما اتصل بالبوليس
الشاب :حافظه رقمه والاه أمليكي يحلوه انتي
ليجذبها من ذراعها
جني :سيب ذراعي يحيوان انت سيب ذراعي
لتكمل بصراخ: الحقوني. ...... حد يلحقني
احد الشباب :لو صوتي من هنا لبكرا محدش هيلحقك من تحت إيدينا
لتركل جني الشاب الذي كان يمسك بها وتركض وهم خلفها ليلتقطعها أحدهم من شعرها
الشاب :إي ياحلوه معقول زهقتي مننا بسرعه كده ده لسه بدري
جني بتآوه وهي تلكمه بيدها :سبني بقولك سبني
الشاب : تؤتؤ ده انتِ شكلك كده مش هتيجي غير بالعنف وهم أن ......
****"*************
كانا في طريقهم إلي منزلها
عمر :انا اسف يا رؤي علي الي حصل مش عارف أقولك إي
رؤي :ما تقولش حاجه يا عمر
عمر : انا مابحبش حياة يا رؤي صدقيني انا كنت معجب بيها انا بحب.......أحم احم
رؤي :إي كنت هتقول حاجه
عمر :كنت بقول اننا وصلنا
رؤي :وانا كمان
عمر :وإنتي كمان إي
رؤي:بقول إننا وصلنا مش كنت عايز تقول كده
عمر:تصبحي علي خير
رؤي:وانت من أهل الخير
عمر :رؤي هو انا ممكن أشوفك تاني
رؤي:لو لينا نصيب اكيد هنشوف بعد
عمر :أشوفك علي خير
رؤي :سلام
لتصعد وينصرف هو ويلعن نفسه علي عدم أفصاحه لها
**************
مازالت بين يدي ذلك الحيوان تحاول ان تفك يده عنها وهو يسحبها خلفه من شعرها وتصرخ علها تجد من ينجدها ولكن هيهات
جني :أرجوك سبني وهديلك كل الفلوس الي عايزها والله
الشاب :بس انا مش عايز فلوس انا عايز حاجه تانيه
جني :لا لا ارجوك سبني ارجوك
كانت تركل بقدميها كل ما تطول إليه وبيدها تخدش بها من تستطيع لدرجه انها كادت ان تخلع عين أحدهم
الشاب :آه يبنت الكلب وهم ان يصفعها لولا انه وجد يد فلاذيه قبضة علي يده ولم يكمل الصدمه إلا وقد وجد نفسه ملقي علي الأرض
ليلتف الشباب حول هذا الشاب الذي يغطي وجهه
الشباب :مفكر نفسك مين يحيلتها انت جيت للموت برجليك
لم يجب ولكنه اشار لأحدهم ان يتقدم نحوه، ليتقدم بخيلاء وما ان وقف امامه حتي انبطح ارضاً أثر لكمته له ليتتالوا واحد تلو الأخر إلي ان أنتهي منهم ،ليذهب لتلك التي تقف مرتعبه وتقف في حالة صدمه
جني بخوف :أرجوك ارجوك سبني أمشي وهديك كل الي انت عايزه
ليجب بنبره هادئه :اهدي ما تخفيش
من هذا الصوت اعلمه اجل اعلمه جيدا انه هو اجل لترتمي برد فعل عفويه بين احضانه
جني ببكاء :زين انت زين ارجوك رجعني ارجوك
زين بحنان : اهدي اهدي هرجعك حاضر ما تخفيش انا موجود
جني والتي زادت من التمسك به :انا خايفه خايفه اوي يلا نمشي من هنا
زين :حاضر يلا اركبي
ليفتح لها باب السياره ويذهب هو تجاه كرسي القياده
جني :الزباله كانوا عايزين ....
ولم تكمل حتي بدئت بالبكاء بحرقه
زين :ششششش بس خلاص انا جيت مفيش حاجه خلاص ،ما حصلش حاجه
لتمسح دموعها بكم المعطف التي ترتديه كالأطفال
ليقدم لها هو علبة المناديل الورقية التي كانت أمامه
زين: أمسكي
جني :شكرا ليك
زين : لا شكر علي واجب يا دكتوره جني

***********
كانت تقف في شرفتها بعد ان اوصلها إلي المنزل ولم ينطق معها بكلمه واحده طوال الطريق ها هي تقف تنتظر منه ان يخرج ليحدثها او يغضب عليها ،او أن يهاتفها ولكن دون فائده ،ظلت تنظر لنافذته ترجوه أن يخرج تتمني أن تذهب إليه وتتحدث معه ولكن ذلك بدون فائدها فهو حتي لا يرغب برؤيتها
لتسمع طرقات علي الباب
حياة :اتفضلي يا ماما
نجلاء : ينفع نتكلم
حياة :مش قادرة والله يا ماما
نجلاء :ماشي أنا هسيبك براحتك بس عايزه أقولك حاجه سيف ما تخسرهوش من إيدك متحبسيش نفسك ف دايره مقفوله فاهمني
حياة :حاضر حاضر يا ماما
نجلاء :آه متستنيهوش كتير هو مش هنا
حياة بلهفه :أمال فين
نجلاء :راح عند باباه
حياة بحزن :هيفضل هناك
نجلاء مااعرفش ادخلي نامي يلا..... تصبحي علي خير
حياة :وإنتِ من أهله
****************
مازال معاها ليوصلها للمنزل
زين : انتِ بيتك فين بالظبط
جني :.......
زين :جني جني انتي كويسه
ليقوم بنغزها بطريقه خفيفه
جني :بس بقا يا ماما خلاص هصحي هصحي اهوه
ليضحك علي فعلتها تلك التي أدرك منها انها قد ذهبت بسبات عميق
ليجد هاتفها يرن إذا به رقم والدتها
زين :السلام عليكم
والدتها بلهفه : وعليكم السلام مين معايا بنتي جني فين
زين :ما تخفيش عليها يا طنط هي كويسه بس هي تعبت وانا وصلتها ونامت في الطريق ممكن حضرتك تقولي لي العنوان علشان مش عارف أروح فين
لتصف له العنوان ليصل بعد بضع من الوقت
زين :جني جني اصحي وصلنا
جني :بس بقا يا ماما لسه بدري
زين :ماما مين دلوقتي ده شكل ماما ده
.... أصحي اصحي يبنتي
ولكن لايوجد مجيب ليستسلم ويقوم بحملها
زين :إستعنا علي الشقا بالله
ليصل إلي باب فيلاتها
لتفتح هي عينها
جني بنعاس :زين انت حلو اوي
لينظر إلي عينيها وشعر بشئ غريب ينتابه ليفتح الباب بعد عدة دقائق وهم علي نفس الوضع ولكنها كانت قد غطت في النوم من جديد
والدتها : إي ده إي الي حصلها
زين :طب ممكن تقولي لي أوضيتها فين وبعد كده نتكلم
لتوجهه والدتها ليضعها علي الفراش وقام بدثرها جيدا
والدتها :ممكن أفهم في إي
زين :ششش وطي صوتك لتصحي تعالي حضرتك نشرب فنجالين قهوه وانا بحكيلك
لتستسلم له وتذهب معه
*************
يحي وهو يتحدث إلي سيف :هتفضل قاعد ساكت كده
سيف :هقول اي
يحي :إي حاجه
سيف :انا هرجع ألمانيا تاني
يحي :إي
سيف :مش قادر أقعد هنا لازم أسافر
يحي :ده كله علشانها طب وانا ما فكرتش فيا عايش لوحدي من ساعة ما أمك ماتت ومش راضي أتكلم وبقول بكرا يكبر ويفهم ويعرف إني محتاج لوجوده جمبي ... بس انت ولا حاسس بيا
سيف :وأنا انا مين يحس بيا انا واحد أمه ماتت وهو لسه ما كملش عشر سنين عاش حياته كلها علي صورها وأبويا مكنش بيقعد معايا دقيقتين علي بعض والي ربتني ماما نجلاء هي الي كانت بتساعدني في كل حاجه ،ولما حبيت حببيت واحده مش حاسه بيا، وانت الي بعتني المانيا انا ما كنتش عايز ادرس برا انت الي بعدتني عنك
يحي :كنت عايزك تبقا احسن مني
سيف :بس انا كنت عايزك أنت مش عايز ابعد عنك
يحي :احنا فيها
سيف :مش هينفع يا بابا انا لازم ارجع
يحي :يعني خلاص
سيف :آه
يحي :الي يريحك يا إبني
سيف :تصبح علي خير
يحي :وانت بخير
هكذا إنتهي هذا اليوم الملئ بالاحداث والمفاجئات ليبدء يوم جديد و
يتبع 🌸🖤
الفوت وكومنت برايك 😉🖤