خفايا ضابط

بارت٣٨

ترف:-ها فاصل ونواصل

ڤيان:-تعبت اليوم انام على وجهي من الوحده لهسه شاده وصله واركص وحدي وهنه كاعدات يباوعن عليه

ترف:-ههههههه

ڤيان:-اجه عمو اخذ العروس ‎بــس مبين ضايج والله ميضحك استغفرالله اليوم عرسه هو دائماً هيج شكله وملامحه طبيعيه غاضبه أجه جدو وأشرله حتى يطلعون طلعت قبلهم اول شي شفت السياره مال وسام بالطارمه يعني بسيارته يزفهم

مشيت كلش لزك من السياره من وصلت يم الباب المرايه اللي بجانب الباب مفتوحه سديتها بايدي واني امشي وكفت بباب الشارع وباوعت عالسياره شفته ماد ايده يعدل الجامه ههههههه

انتضرت امي وصلتني وطلعنا سويه من البيت صعدت بالسياره ويه بابا ،هوايه سيارات بالشارع حتى سيارات شرطه دگ الناقصه وطلع قبل الزفه واخذنا اني وماما ورفل وديم وارجوان اخذنا بطريق مختصر لاشفت زفه ولا بطيخ وصلنا للبيت قبل الكل كراسي بالحديقه دخلت للبيت دخلت للمطبخ اشرب مي ورحت كعدت يم حور كاعده بمكان العروسه

ڤيان:-ها حور

حور"تحجي بنفس متقطع":-تمام شو اجيتو وحدكم

ڤيان:-هويشم جابنا بطريق مختصر على حضي عود محاضره زفه صارلي قرن المهم ليش فحطانه شبيج

حور:-ثكيله ڤيان الثكل ديصعد ع گلبي

ڤيان:-اووي سوده عليه يله بقالج شهرين وتخلصين اهم شي سلامتج وسلامة البنات

حور:-الحمدلله بخير ‎بــس وحده بيهن مديوصللها تغذيه تمام

ڤيان:-يبو

حور:-نسبة تعيش سبعين بالميه

ڤيان:-اي هواي ،خاف خواتها ملطلطات وياخذن التغذيه كلها الهن

حور:-هههههههه لا يمعوده اني جسمي ضعيف ومديوصللها الدم الكافي حتى تتغذه ثنين بجاره وحده وهاي الضعيفه بجاره غير عنهن

ڤيان:-شنو تسميهن

حور:-بعدني ممقرره اوهوس اكول هسه ميعيشن حتى جهاز ممجهزه واني اجيب بداية التاسع اذا مصارت ولاده مبكره

ڤيان:-لازم تتفائلين حور شو باوعيلي ليش هيج ضايجه وحتى دانتبه عليج من تكعدين ويانه لا تسولفين لاتضحكين عايشه بعالم وحدج

حور:-والله ‎بــس افكرر التفكير ماخذ عقلي رغم كلشي طبيعي ودامشي على فيتامينات وابدي اخذ من شهر الجاي ابر مال رئه حتى يكتمل النمو خاف تصير ولاده مبكره

ڤيان:-حقج قلق نفسي يصير الله يعينج واحد ماينجرع مو تلاثه ‎بــس النساوه تهد الحيل

حور:-الله كريم

ڤيان:-يله گومي أجت الزفه وانتي كاعده بمكان العروس

حور:-شيگومني