مُرّي على صحراء عمري غيمةً فَصلاةُ روحي كلها إستسِقاءُ.....
مساء العافيه عليكم......
♤ ¤ ♤ ¤ ♤ ¤ ♤
اليوم موضوعي الثقة بالنفس واعتقد هواي ناس محتاجه هل الكلام ....
¤¤¤¤¤¤¤¤¤¤¤¤¤¤¤¤
الثقة بالنفس اولا مو كل شخص يثق بنفسه ثانياً هي كذالك شي ميجي من وحده من أول ما تنولد لا هذا شي مكتسب غالباً انت تكتسبه بأرادتك او يكون من انت وصغير معودينك أهلك على الثقة..... أني برأي ماكو نجاح بدون ثقه غير هيج حيكون نجاح مهزوز ومراح يكتمل مهما سويتو اذا مو واثقين من بنفسكم وبقدراتكم مراح ينجح أي شي عدكم ابد مهما جان المحتوى مهم مراح يصير بدون ثقة والعكس صحيح
غالباً أسباب فقدان الثقه تكون بسبب احباط المجتمع والمحيط ف تبدأ بالتدريج الأنهدام وعدم الثقه وتكرهون نفسكم اذا كرهتو نفسكم مراح تنجزون شي بحياتكم ماراح تتوظفون مراح تتعلمون مراح تكونون أعضاء فعالين مراح تعيشون حياة مثل الاوادم ابد كل هاي الأشياء تصير بسبب فقدان الثقة.....!
أول مراحل الثقة بالنفس هوا لتنتظرون حب من أحد ..!! ولتنتظرون الناس تمدحكم وتكون فخوره بيكم وانتو حته نفسكم محابينهه تتوقعون الناس راح تهتم بيكم اذا انتو أصلاً ممهتمين لنفسكم راح تمشون بس بلا هدف وخايفين ومتوترين متدرون شنو ينتظركم تبقون بمكانكم محد يساعدكم عبالك صاعدين بسفينه وعيونكم مسدودة بقماش متشوفون شي والسفينه تعار وأنتو متحسون بيها اما الناس الثانية راح تدور على قوارب نجاة ونقذت نفسها والناس المواثقه من نفسهه بقت بمكانهه وعيونهم مسدوده وخايفين وينتظرون أحد ينقذهم ميعرفون راح ينجون لو لا وبقوا مستسلمين للسفينه وهم بعدهم خايفين حتى من نزع القماش الي على عيونهم هسه عرفتو الفرق بين الناس الواثقة من نفسهه والناس المواثقة .....!!
هي هاي حقيقة الحياة تحتاج ناس واثقة من نفسهه واذا جنتو مو واثقين من نفسكم عبالكم الدنيه حتهتم بيكم...! تره الدنية قانونهه مثل قانون الغابة بس القوي حيعيش بيهه الضعيف حيصير عبد الهه بمعنى ثاني
الواثقين راح يكدرون ينقذون نفسهم والمواثقين من نفسهم راح ينتظرون موتهم بخوف ميعرفون شي بس متوترين ويمشون ويردون الحياة مبيهه معنى ومستمرين بسالفة الحياة قاسية لا الحياة مو قاسية أنتو قاسين ومقسينهه على نفسكم لأن مدتثقون بقدراتكم مدتنطون نفسكم فرصة تنجزون شي بلا خوف
ألبسو كلام الناس لأن كله نعثله ف لتاخذون بي كل ما انجزتو شي كافئوا نفسكم بكلام ايجابي جديات تره دائمآ انطو نفسكم مدح لتنتظرون أحد يمدحكم و اذا استصعبتو شي لتتحطمون ولتهتز ثقتكم بنفسكم أنتو مو دي جي عيب عليكم 😒 لا كولوا احنه كد هالشي وحنسوي أفضل وأحسن من هيج
