تشرق شمس يوم جديد لتعلن عن بداية يوم جديد ومرحلة جديدة في حياة كلا من ابطالنا
في غرفة رائد :
يستيقظ الصغير ليجد تلك السيدة الجميلة التي راها بالامس تقف و هي متحيرة بين زيين من الواضح انهما له
رائد بابتسامة : الرمادي انا بحب اللون الرمادي
لتنظر له ريا بابتسامة حنونة
ريا : صباحو سكر يا مسكر انت اخبارك ايه يا برنس ....واضح انك كويس قوووي كمان ....... و يلا عشان تفطر
رائد و هو يضحك من تصرفاتها : هو ممكن اسالك سؤال ؟
ريا : اسال يا باشا و لا يهمك
رائد : هو اسمك ايه ؟
ريا و هي تحك اسها : تصدق صح انا مقولتلكش اسمي ثم تبسط يدها امامها : اهلا مسيو رائد انا ريا تشرفت بمعرفتك
ليقف رائد سريعا بابتسامة جميلة و هو يصافحها : بونجور سينيورا ريا انا رائد عامر
ليضحكا بسعادة و صخب ليدخل كلا من عمير و ايان علي اصواتهما
عمير : اذيك يا صغنن
رائد بابتسامة و هو يمد يده له : اهلا عمو انا رائد
عمير : و انا عمير يا سيدي
ايان و هي يجلس بجواره : و انا ايان يا رودي
ليضحك رائد ليستغرب ايان : مالك بتضحك ليه كدا
رائد : اصل ريو قالتلي هتقولي كدا برضو صح يا ريو لينظر لها لتنظر له بابتسامة مؤكدة لينظر لها ايان نظرة سريعا و من ثم يقف : طيب انا هستناكم تحت عشان نفطر
عمير : خودني معاك لينظر لريا و رائد : انا هستناكم تحت
لينزل رائد و عمير الي الاسفل حيث قاعة الطعام الكبيرة التي تسع نحو مئة شخص ليجدوا ايساف جالس ممسكا بفنجان القهوة والصحيفة الصباحية
ايان : صباح الخير
ايساف: صباح النور
عمير : مين جهز الاكل دا فقد كان امامهم الكثير من الطعام من مختلف الاذواق ليتذوق عمير بعضا و يقول بتلذذ : لا بجد اللي عمله فنان
لينزل في ذلك الوقت كلا من ريا و رائد الصغير
ريا: صباح الخير
رائد : صباح الخير عمو و يتجه الي ايساف و يمد يده : انا اسمي رائد و اتعرفت علي عمو و عمو و ريو بس انت لسه ممكن اعرف اسمك
لينظر له ايساف و تتبدل نظراته الباردة الي اخري حزينة و لم تلبث تلك الاخيرة لتتبدل الي ابتسامة رائعة و يقول و هو يحمل الصغير و يجلسه علي قدمه : انا اسمي ايساف
رائد لتنكمش ملامحه بتفكير : ايساف اول مرة اسمعه يا عمو و يكمل بضحكة جميلة : بس حلو زيك
ليضحك ايساف : ماشي يا سكر تاكل ايه بقي ؟
رائد : امممم
ليتناولوا الطعام في جو افتقدوه جميلا فكلا منهم افتقده بطريقته الخاصة فمنهم من افتقد العائلة و منهم من افتقد مرحه و منهم من اشتاق لتلك الاجواء و لكنهم جميعا افتقدوا اناسا كانوا بالنسبة لهم من يضفون الوانا لحياتهم
بعد ان انتهوا من طعامهم و جدوا رجل عجوز يدخل و يقف امامهم ثم ينحني باحترام : اهلا بحاضرتكم انا اسمي ثيو رئيس الخدم في القلعة هنا و مهمتي اني اعتني بحضراتكم طول فترة اقامتكم هنا
رائد و هو ينزل من علي قدم ايساف و يتجه له : و انا اسمي رائد يا عمو و ممكن تقولي رودي ايه رايك ؟
ثيو : اهلا بيكي يا رودي ثم ينظر له بحزن فطفولية الصغير و براءته يذكرانه بسيده تماما
ثيو محدث الجميع : حضراتكم ممكن تتفضلوا و انا ههتم بالباقي
ايساف بجدية: احنا عايزين نشوفه ؟
ثيو : حضرتك قصدك مستر في
ايساف : ايوا هوا
ثيو : مستر في مبيظهرش الا في الوقت المناسب و كمان هو قال مش هيجي غير بعد شهر تكونوا اتعودتوا علي بعض
ايساف : و انا مش هقعد هنا شهر انا ورايا شغل متاجل
عمير : احنا منقدرش نسيب شغلنا كتير
ريا : و انا عندي حاجات كتير اهتم بها
ثيو موضحا : اولا مستر في قال تتعرفوا علي بعضكم مقالش تقعدوا هنا ثانيا ممكن تشوفوا اشغالكم من هنا عادي و ثالثا كل واحد فيكم عنده مهارات لازم يرجعها تاني و دي كانت رسالة مستر في ليكم قالي اوصلهالكم
لينحني ثيو لهم باحترام ثم يخرج من الغرفة ليتنهدوا جميعا
....................🎩🎇✨..................
#SH🎩
YOU ARE READING
كهف الاسرار ( فانديتا)....(مكتملة)
Mystery / Thrillerنحن من تركنا الماضي و نظرنا للمستقبل لكنه ابي ان يتركنا لنجد انفسنا امام ماضينا فما المستقبل الا امتداد للماضي و لن يتغير مادام الماضي يطاردنا