Before I Choose (DLC Series #2)

Chapter 4

Atty. Mencio nodded and allowed me to sit down.

Muntik na akong hindi makasagot. Ayaw ko namang hindi makasagot dahil grade ko ang nakasalalay doon. Isa pa, mapapahiya ako kay DLC.

"Wow, memorize mo parin iyong cases?" Bulong ni Fletcher.

I shrugged. "Hindi na nga e, buti nalang isang week palang ang nakakalipas. Kung tumagal pa ay paniguradong hindi ko na maaalala."

"Ako nga eh hindi ko na maalala," sabi niya naman. "Nga pala, Heaven, pwede mo akong samahan sa bookstore mamaya?"

"Sure. Anong gagawin mo doon?"

"Magsu-swimming." I gave him a blank look. Natawa naman siya. "Joke lang. Syempre bibili ng codal, ano pa ba?"

My forehead creased. "Pero kumpleto na codals mo diba?"

He sighed. "Nawawala 'yong sa StatCon ko."

"Saan mo ba kasi nilagay?"

"Gamit ko iyon nung nag lib ako. Nag-CR lang ako saglit tapos pag-balik ko, nawala na."

"Hala. Chineck mo na ba iyong lost and found?"

"Oo. Wala daw doon eh."

Napailing nalang ako. "Burara naman, Fletch."

He made a face. Nang matapos ang klase ay sinamahan ko siya sa bookstore. May fifteen minute break kami bago iyong susunod na klase. Buti nalang at nasa loob lang ng university iyong bookstore kaya hindi namin kailangang mag-madali. 

Dahil ayaw ko namang mainip, sinuri ko rin iyong bookstore. Kumislap naman ang mata ko nang makakita ng iba't ibang kulay na mga highlighters. Mayroon naman ako kaso dalawang kulay lang―yellow tsaka orange. Eh halos magkakulay lang iyon kaya naduduling ako. 

I decided to get three more colors―blue, pink and green. May nakita rin akong book holder kaso meron naman ako no'n, naiwan ko nga lang sa bahay. Baka pwedeng kunin ko nalang sa Sabado pag bumisita ako kina Mama. Mag-isa lang kasi akong naka-condo malapit dito sa university. Medyo may kalayuan kasi iyong bahay namin, mga isang oras mula dito.

"You done?"

Napalingon ako at nakita si Fletcher. My eyes scanned the codal he was holding. Binalik ko ang tingin sakanya at tumango.

Matapos mag-bayad, imbis na dumiretso kami sa classroom ay dumaan muna kami sa mga food stalls. Nag-crave kasi ako bigla sa hotdog. May ibang sinilip na stall si Fletcher kaya nag-order na ako ng hotdog ko. Nang isang kagat nalang natitira, biglang dumating si Fletcher at nag-order rin ng para sa kanya dahil nakakainggit daw. By the time he got his order, we were already running late.

"Bilis, Heaven! Papagalitan talaga tayo no'n ni Atty. Alam mo namang ayaw nun ng late." Wika niya habang tumatakbo kaming dalawa pabalik sa room. Hawak niya iyong paperbag na may lamang codal niya at mga highlighters ko, samantalang hawak ko naman iyong inorder niyang hotdog.

"Baka wala pa siya, late din naman lagi 'yon," pagpapagaan ko naman ng loob niya.

Pag-dating namin sa room, nakita namin si Atty. sa harap. Hindi ko alam kung anong gagawin ko sa hotdog na hawak ko kaya sa sobrang gulat ko ay sinubo ko iyon ng buo. Nakita kong napalingon saakin si Fletcher na nanlalaki iyong mga mata. Nanlaki din iyong mata ko habang pilit na nginunguya iyong hotdog.

Ang hirap kasi ang laki-laki pa naman nung hotdog!

Nagmadali kaming pumunta sa pwesto namin habang nagshushuffle pa ng index card ang prof namin. Siguradong mukha akong chipmunk ngayon dahil iyong hotdog hindi ko parin manguya ng maayos.