مكالمة هاتفيه بين شهاب وزينب ام سارة
شهاب .. الو .. وبعدين في بنتك يا زينب ؟!
زينب .. اصبر عليها شوية يابني عشان خاطري .. انا اديني بحاول اقنعها
شهاب .. بتحاولي تقنعيها ؟! لا يا زينب مينفعش الكلام دا خالص !! انتي لازم تقنعيها وهي كمان لازم توافق .. يااما انتي عرفة انا ممكن اعمل ايه ..
زينب .. عارفة .. وبلاش كل شوية تفكرني انت ممكن تعمل ايه ؟! لأني عارفة ان ايديك طايلة ومبتخافش ربنا !!
شهاب .. وليه بس الغلط دا يا حماتي ؟! دا انا حتي بحبك !!
زينب .. للأسف انت متعرفش تحب حد يا شهاب بيه !!.. انت نفسك عدو نفسك وبتكرهها اوي علي فكره !!
شهاب .. بس انتي عرفة كويس اللي هعمله معاكي مش تجني مني عليكي ولا حاجة ؟! انتي فعلا قتلتي يا زينب وتستحقي الاعدام !!
زينب .. اذا كنت قتلت مره ف انا قتلت عشان صاحبة حق .. اما انت ف قتلت مليون مره ظلم وعدوان وبدون وجه حق !! ومع ذلك ان بتعذب من ساعتها ومش بنام الليل .. انا مش عرفة ازاي بتقدر تنام بعد كل الجرايم اللي انت عملتها دي ؟!
شهاب .. هههههه .. مين سمعك .. دا انا بنام وبشخّر كمان !!
زينب .. ايه الجبروت اللي انت فيه دا ؟! انا ماشوفتش كدا في حياتي ؟!
شهاب .. قدامك يومين لو بنتك موافقتش ع الجواز يبقي هتنفذي الخطة اللي قلتلك عليها
زينب .. انا مقدرش اعمل كده في بنتي !!
شهاب .. لا هتقدري يا زينب واقفلي دلوقتي عشان معايا تليفون تاني .. سلام
شهاب يغلق الخط مع زينب ويجيب علي المكالمة الاخري والمتصل نور اخت ممتاز
نور .. ايه يا شهاب فينك من الصبح ؟!
شهاب .. اعذريني يا حبيبتي كنت مشغول فعلا
نور .. طيب .. انا عايزة اقابلك ضروري .. في معلومات مهمه بخصوص ممتاز ؟؟!!!
مش بقلكم الرواية دخلت في الجد والعشر حلقات الاخيرة من الجزء الثاني هم اقوي ما في الرواية ..
