دخل هو ليستحم وانا استلقيت على السرير بدون ان اتغطى ... خرج هو من الحمام راني مستلقية هكذا ... سار نحوي اغمضت عيني ... شعرت بالغطاء فوقي .. نظرت له اطفأ الضوء وخرج من الغرفة ...
اغمضت عيني ونمت ......
استيقظت صباحا لم اجده كان هو في عمله ... نزلت للطابق السفلي كانت والدته تشاهد برنامج للطبخ ... قبلت رأسها وقلت : صباح الخير خالتي .
- صباح النور حبيبي ... ميري .. ميري..
ميري : نعم ماما .
- جهزي لمدام سارة الريوق .
ميري : ان شاء الله ماما .
قالت لي : شخبارج مع علي .
- الحمد الله خالتي .
رن هاتفها .. اجابت : الو ........ عليكم السلام هلا حبيبي ............. اكاني قاعدة مع زوجتك ............ بتجي !........... متى ؟............ خلاص بقولهم يجهزون كل شي ......... ان شاء الله يمة .
انهت المكالمة وقالت لي : لجين بتجي اليوم .
- لجين من ؟.
- علي ماقالج !.
- أأ ايوة قال .
نهضت وقلت : خالتي شوي وبجي .
اتجهت بسرعة لغرفتي ... امسكت بهاتفي واتصلت به ... اجاب : الو .
صرخت : مـــــــــــــــــــــــــــن لجين هذي !!!.
- شدخلج .
- خير امك تقول بتجي ومادري شنو تفشلني قدامها !!.
- شوفي هذي رفيجتي من ايام الطفولة وعايشة فكندا .
- انزين !!.
- بتجي تزورنا.
- بتجي فالبيت ؟.
- ايوة عيب تقعد بفندق .
- متزوجة مخطوبة عندها حبيب !!!.
- سنجل .
- خير ماتستحي ع وجها جاية بيت ناس ماتعرفهم !.
- امي تعرفها وكل هلي يعرفونها .
- كم عمرها !.
- شتبين ؟.. تحقيق !!.
- انا اسال عشان منظري قدام الناس فاهم .
- عمرها 29 .
- عجوزة .
- استغفر الله .
- يلا انقلع .
- لو جنبي كنت كفختج .
انهيت المكالمة واتصلت بمريم ... قلت لها بحزن : مريــــــــــــــــــــــــوم .
- حياتي شفيج ؟.
- ابي اكلم جواهر .
- شحقه !.
- ابيها فموضوع .
- اوكيه بناديها لج .
بعد دقائق اتاني صوت جواهر : هلا .
- جواهر ابي مساعدتج .
- انتي قلتي ماتبين تاخذيلي حقي خلاص شحقه بساعدج !.
- هو سمعني انا ماكان لي خص .
- انزين شتبين ؟.
- تعرفين وحدة اسمها لجين .. بتجي بيتهم تتم فترة من كندا .. يقول انها رفيجته وجي .
- أأأ ... هذي كان بينه وبينها علاقة .
- شنووووووو .
- يحبها حبيبته .
- حيوان جايبها للبيت .
- ايوة .
- انزين حياتي مشكورة .
- تراه مايحب حد غير روحه لا يغرج طيبته او اي شي ثاني .
- مشكورة ع النصيحة .
- تامرين حبيبتي .
انهيت المكالمة وسرت نحو الخزانة .. فتحتها واخرجت ثياب لي ... ارتديتها وصففت شعري ... جلست في الغرفة النتظر قدومه ... فتح الباب نهضت وسرت نحوه .. ابتسمت له وقبلت وجنته ... رفع حاجبه باستنكار وقال : خير !.
- يعطيك العافية .
- الله يعافيج .
دخل للغرفة ليغير ثيابه .. قلت له : بجهزلك الحمام لين ماتفصخ ثيابك .
دخلت للحمام لاجهزه له ... بعدها دخل هو الحمام .. قلت له : خلص حمامك وبسويلك مساج لين مايجهزون تحت الغدا .
مد يده ووضعها على جبيني .. سألته : شفيك !.
- مريضة انتي !.
- لا .
- عيل شبلاج !.
- شفيني .
- طيبة وهذي مب من عادتج .
صرخت : مالت عليك انا الغلطانة ... ان شاء الله تتزحلق وانت تتسبح .
- اعوذ بالله طلع الشيطان الي بداخلج .
خرجت من الحمام وانا عصبية ... ربطت شعري ومسحت مساحيق التجميل لأنني عندما اغضب لا اطيق نفسي ...
انتظرت خروجه من الحمام .. خرج من الحمام قال : سبحان الله بومة وقاعدة .
- كيفي اقعد بالشكل الي يعجبني فاهم !َ.
- بخصوص انا ماطيق اقعد معاج .
نهضت من على السرير وتخصرت : اي اي اعترف لما عرفت ان حبيبة القلب بتجي تبي توديني لبيت هلي عشان يحلالك الجو بس عشم ابليس فالجنة .
اقترب مني وقال : شفيج غيرانة !.
- ههه انا اغار من وحدة !.. ليش مب واثقة فنفسي !.
- هههههه لجين مب اي وحدة ملكة جمال وجسم نار .
- ليش شفيه جسمي !.
نظر لي من الاعلى الى الاسفل وقال : جسم بزر ... طولج شبر ونص .
- اصلا القصار حلوات .
- ههههههههههه تقصون ع نفسكم والله مافي قصيرة حلوة وبعدين شنو الحلو فيها وهي شبر ونص !.
- الحيوانة كم طولها !!!.
- من ؟.
- الزفتة الي بتجي .
- 168.
- مالت عليها عامود كهربا حسبي الله عليها .
- هههههههههههههههههههههههههههه حقد حقد القصيرات حقودات .
- لا اصلا الطويلة هبلة .
- محد اهبل غيرج .
- لا تستفزني مابي اطقك .
- ههههههههههه اطقك !.. واخرتها تتكلمين عن الانوثة ؟.
- انا بنزل اكل هففففففففففففففففففففففففففف .
بقيت متوترة للمساء متشوقة لرؤيتها لذبحها ( الحيوانة ) ... ذهب علي ليحضرها من المطار وانا بقيت مع والدته في انتظارهما ...
قلت لوالدته : شحقه يروح بنفسه يجيبها من المطار !!.
- مايصير بنتي تجي بروحها .
- انزين ليش ماتروح فندق .
- هي حسبة بنتي ؟.
- وايد وايد حلوة .
( انا احلى طبعا ) ... بقيت انتظرهما الى ان رن جرس المنزل .. نهضت كالمفزوعة من على الاريكة لأفتح الباب ولكنني تداركت نفسي وناديت الخادمة : ميري ... ميري .. بطلي الباب .
عاودت الجلوس على الاريكة ... سمعت صوت كعبها يضرب في الارض ( بومة ) .. دخل هو وهي !!... كانت نحيفة جدا وطويلة كأنها منيكان .. شعرها طويل لأسفل ظهرها لونه كستنائي .. بشرتها بروزنية ... نهضت والدة علي وسلمت عليها ... كنت انا واقفة ادقق النظر بها افقت على صوت علي وهو يقدمني لها قائلا : لجين اعرفج ع زوجتي سارة .
مدت يدها وهي تقول لي : اهلين فيكي .
( وشامية بعد !! ياويل حالي ) ... نظر علي لأمه وقال : يمة العشا جاهز ماكلت المسكينة شي فالطيارة .
قلت : ليش ؟.
لجين : انا بحب انواع معينة من الاكل .
- عشتو .
لجين : شو !.
نظر علي لي بتهديد وقال : يلا خلنا ناكل .
جلسنا على السفرة ... كانت تأكل بمهل وكل قطعة صغيرة للغاية ( اونة يعني تتدلع وجي ! ) ... كان هو يتحدث معها كثيرا ... شعرت بتجاهله لي ... لم أأكل شئ ونهضت من على السفرة ...
ام علي : حبيبتي ماكليتي شي توه الناس .
وضعت يدي على معدتي بتمثيل وقلت : ماشتهي صارلي كم يوم .
- من وشو ؟.
- مادري وبعد ادوخ .
قالت والدته بفرح : يعني يمكن حامل ان شاء الله !.
نظر هو لي بشك و
قال هو : مافيج شي يمكن قلة نوم روحي نامي .
قلت بعناد : اوك تصبح ع خير .
اتجهت للطابق العلوي وانا اشتط غيضا ... امسكت بكيس ( شيبس ) كبير وبدأت أأكله بغيظ ... بعد نصف ساعة دخل ورأني ...
نظر لي وقال : شنو هذي !.
- شنو ؟.
- بسج اكل متينة وتاكلين زيادة .
قلت بصدمة : شنووووووووووو .
- شنو الي شنو ؟.
- انا متينة .
جلس بجانبي على الاريكة وقال : توج مكتشفة هالشي !.
- انا مب متينة فاهم !.
- سوي دايت .
- مابسوي جسمي حلو .
- من قال ؟.
- انا اقول .
نهضت ووقفت امامه .. قلت : طالع جسمي عدل هيه !.
- دبة .
قلت بتهديد : عيل تحمل الي بيجيك فاهم !.
- ههههههه شبتسوين .
- انا سارة .
قال ببرود : تشرفت انا علي .
- هففففففففف استخفيت .
- ههههههههه ... دشي لغرفتج ابي انام بكرة بطلع لجين .
- بجي معاكم .
- خير !.
- خير بوجهك شنو نسيت انا زوجتك ؟.
- اي نسيت .
- عيل تذكر ان انا زوجتك وبجي معاك غصب عنك فاهم .
- هههههههه اوكي .
في اليوم التالي استيقظت صباحا وانا مزوعة ... صرخت : اااااااااااااااااه .
كان الماء بارد للغاية ... انفجر هو ضاحكا : هههههههههههههههههه يوم لج ويوم عليج .
- مــــــــــــــــــــــــــالت عليج اكرهك .
- وانا بعد .
- قومي يلا مو قلتي تبين تطلعين معانا ز
نهضت وانا مبلولة ضحك وقال : كأنج كتكوت مبلول .
- هههههه ماتضحك .
- ههههههههههههه .
دخلت للحمام لأستحم .. خرجت من الحمام وارتديت ثيابي وعبائتي .. ارتديت حجابي وخرجت من الغرفة .. نظر لي وقال : عدلي حجابج .
- معدل .
نهض من على الاريكة وقال : شعرج طالع .
قلت بعناد : كيفي .
- دخليه لا اسطرج .
- ما ابي .
مد يده وفك حجابي .. اعدل شعري وعاد لوضع الحجاب ... اجمل شعور لدى المرأة هي ان تجد رجل يغار عليها ويخاف عليها لدرجة كبيرة ... يريدها ان تكون مستورة دائما ولا تظهر جمالها الا له هو ...
نزلنا للطابق السفلي حيث كانت لجين متأنقة وتظهر بكامل زينتها ... نظرت له وقلت : بس انا تحاسبني عشتو .
- اقول يلا قدامي .
سرنا نحن الثلاثة باتجاه سيارته ... فتحت الباب الامامية التي بجانبه .. قال : اركبي ورا .
- شنووووووووو.
- لجين ضيفة المفروض تركب قدام .
لجين : لا مافي مشكلة بركب ورا .
علي : لا مايصير .
فتحت الباب الخلفية وقلت : خلصونا .
ركبت هي امامي ... بقدمي ضربت كرسيها ... التفت الي .. ابتسمت وقلت : سوري بالغلط .
عاودت المحاولة وفي كل مرة ازيد الضربة ... التفت الي علي وقال : تعالي قعدي وراي .
جسلت خلفه وضربت كرسيه .
همس لي : رجلج بتنقص .
- اسم الله علي .
وصلنا لمقهى لنتناول فيه الفطور ... جلس هو امامها وانا بجانبه .. سالها هو : شتبين تطلبين ؟.
ظننت انه يقصدني قلت : ابي ...
قاطعني : انا ماسألتج سالت لجين .
لجين : اطلبلي اي اشي ع زوئك .
قلت له : وانا بعد اطلبلي .
- شكبرج ماتعرفين تطلبين لروحج !.
- ههههه تردها لي .
- الدنيا دوارة .
نهضت وقلت : مابي اكل معاكم مالت عليك وعليها .
سرت خارجة من المقهى ظننته سيتبعني ولكنه لم يفعل .. امسكت بهاتفي واتصلت بعمي محمد ...
اجابني : هلا والله .
قلت بزعل : محمد .
- شفيج ؟.
- تعال مرني .
- انتي وين ؟.
- فاللاند .
- وين علي ؟.
- مرني .
- انزين عشر دقايق والقاج برا فاهمة .
- اوكيه .
بقيت الى انتظره الى ان اتى وقلني .. ركبت بجانبه في السيارة .. سألني : وين علي ؟.
- مالت عليه اكرهه .
- عيب تقولين ع زوجج جي .
- تخيل انه تم مع شعشبونة وماسأل عني .
- هههههههههههههههههههههههههههههههه .
- هييي لاتضحك علي .
- انزين انتي شحارج فيها ؟.
- كيفي محترة وكيفي .
- انتي قلتيلي من زمان انه مايهمج .
- لا يهمني .
- ليش ؟.
- شنو ليش لأنه زوجي .
- بس انتي جننتيه .
- شسوي انا هبلة .
- ههههههههه ندمانة ؟.
- اي .
- انزين صالحيه .
- بس هومابيهتم .
- لو انتي اهتميتي هو بيهتم .
- مممممم اوكيه ولو مانفع .
- كفخيه .
- هههههههههه اوكيه .
اعادني محمد الى المنزل بعد ان اشتريت لعلي مثلجات ... دخلت للمنزل وجدت والدته ...
قالت لي : حبيبتي وين كنتي علي سأل عليج ؟.
- كنت مع عمي محمد .. هو وينه ؟.
- فجناحكم .
اتجهت الى جناحنا دخلته كان هو يشاهد التلفاز يجلس على الاريكة المقابلة له ... سألني : وين كنتي ؟.
اجبت : مع عمي محمد .
جلست بجانبه واخرجت المثلجات من الكيس قلت : حياك .
اخذه ومني ... بدأ يأكل .. قلت له : وكلني معاك .
- مابي هذا مالي .
ضربته بخفة : عطيني .
اخذ قليلا بالملعقة وقال : يلا .
فتحت فمي فأطعمني ... قلت له : علي .
نظر الي : هلا .
نظرت للارض وقلت : اسفة .
تنهد : على وشو ؟.
- ع كل شي سويته .
- اها .
صرخت : شنو اها قول اعتذارج مقبول .
- هههههههه شنو غصب .
- اي غصب .
- انزين اعتذارج مقبول .
- ايوة جي .. وبعد بقولك شي .
- شنو ؟.
- انا اغار عليك .
- هههههههههههه حلفي .
- سخيف انت وتبط الجبد .
نهضت من على الاريكة ولكنه سحبني من يدي واجلسني لألتصق به ... قلت بزعل : شتبي ؟.
- ابي خمس ريالات .
- شنووووووووووووووو .
- ههههههههه .
اعتدلت بجلستي وقلت وانا امسك بياقة ثيابه : هيييي اسمعني عدل انا اغار يعني اغار يعني احبك ولما انا احبك لازم انت تحبني لأني ماحب حد من طرف واحد ولما احب من طرف واحد معناها الطرف الواحد مايحبني ولما ....
قاطع ثرثرتي بقلبه : احبج .
..........
فتحت عيني وانا نائمة في حضنه .. ابتسمت وانا اشعر بالراحة ... قلت له : حبيبي لجين مب عاجبتك .
- ههههههه شدخل .
- شنو شدخل انت قلت .
- لجين نفس اختي امها مرضعتني وانا صغير .
ضربته بالوسادة : مالت عليك وطول هذي الفترة حارني .
- هههههههههه .
مضت الايام وانا اعيش في عســـــــــــــل معه ... ذهبنا كالعادة يوم الخميس الى بيت جدي وجدتي ... وصلنا الى هناك ترجلنا من السيارة ودخلنا ويدي في يده ...
ذهبت للجلوس مع مريم في الحديقة ... قالت لي بفرح : شكلها الامور ماشية تمام معاج ومع علي .
- ايوة الحمد الله وايد اوكيه ياخي اعشقه وايد وايد .
رأيت جواهر وعلي يسران باتجاهنا !!... كان يبدو عليه الغضب .. قال لي : صج الي تقوله جواهر !!.
- شــ .. نو ؟.
جواهر : حبيبتي شفيج ليخوفج قوليله .
- شنو اقول !!.
- تاخذين حبوب منع حمل !!.
- أأأ ..
نظرت لمريم وقلت لها : قلتي لجواهر !!.
مريم : اي حسبت انت بعد معلمتها عشان الخطة .
صفق علي : الله متفقين وخطة بعد .
قلت : لا لا تذكر لما سمعتني مرة بس انا ماسويتها وقسم بالله ماسويتها وخلاص كنسلت ع الموضوع .
جواهر : شدخل كنسلتي مب توج من كم يوم اتصلتي وقلتي لجين مب مخليتج تتقربيله وتكملين الخطة.
قلت بصدمة : انا !!!.
نظر لي بعتاب ... المشكلة بنظراته لو انه صرخ او ضربني كان اسهل من نظراته هذه ... قال بهدوء : انتي طالق .
فتحت عيني على وسعها !!!... بقيت متصنمة في مكاني !.... سار هو باتجاه سيارته ورحل .. بقيت انا مصدومة .. نظرت لجواهر وقلت : شسوويتلج انا تتبلين علي ؟.. حرام عليج .
قالت بابتسامة نصر : تعرفين هو ليش طلقني نفسج !.. لأني كنت اخذ حبوب نفسج ومابي عيال .
!!!...
