هكذا يعشق المجانين !
مهما حاولت مسح دموعي تعود لتبلل وجنتي مجددا .. كيف يمكن ان يموت !.. لا استطيع تحمل هذا ... فتحت باب غرفتي بقوة .. دخلت والدتي وامسكت بجهاز التحكم بالتلفاز قائلة : شحقة تصيحين .
مسحت دموعي وقلت : يمة البطل مات .. مات .
- حسبي الله ع ابليسج شهالتفاهة .
- يمة والله قلبي يعورني .
- اقول قومي اغلسي وجهج والبسي .
قلت متسائلة : شحقه !.
- علي تحت ينطرج .
- هففففف مابيه كم قلت مابي اشوفه .
- ساروه ترا سكتنا لج وايد اخصلي لا اكلم ابوج .
نهضت وانا اتأفف : اوكيه نازلة .
امسكت يدي قائلة : وين نازلة مع هالوجه نازلة !.
- جي الله خلقني جي كيفي .
- الله يصبرني عليج .
نزلت للطابق السفلي وانا اتذمر ... دخلت غرفة الضيوف .. نهض هو عندما راني .... كان يحدق بي من الاعلى الى الاسفل ... ينظر لـ( بيجامتي hello katty ) وتسريحة شعري المبعثرة .. وضعت يدي على خصري وقلت : شحقه جاي .
قال بعصبية : صار شهر واكثر وانا صابر عليج زودتيها تراج .
- طلقني انت الي ماتبي تفهم .
- تحلمين اطلقج .
- عيل تحمل .
- للحين مب راضي ادخل ابوج في الموضوع .
- شنو شايفني بزر عشان تقول لأبوي وع فكرة انا المفروض اقول لأبوي عنك .
- ههههه شتقولين له ؟.
- عن الاشياء العيب الي كنت تسويها معاي .
- هههههههه عشان ياخذج ع طول مستشفى المجانين يالخبلة انا زوجج .
- للحين ماعترف فيك زوجي .
- يابنت الناس اطلعي جيبي اغراضج لاسوي شي مايعجبج .
- مـــــــــــــــــــــــا برد معاك .
فتح ابي الباب ودخل مرحبا بعلي : السلام عليكم هلا علي .
اقترب علي من ابي وصافحه : عليكم السلام .. هلا بحسك عمي .
نظر لي ابي وقال : سارة خلاص بتردين البيت !.
كنت سأتفوه بلا ولكن قال علي : ايوة عمي .
نظر لي بتهديد واكمل : يلا حبيبتي طلعي جيبي ثيابج .
بقيت واقفة لا اريد الذهاب معه الى ان قال ابي لي : سارة ماسمعتي علي ؟.
- هلا يبة !.. ايوة الحين رايحة .
خرجت من غرفة الضيوف واتجهت للطابق العلوي لغرفتي ... صادفت والدتي في طريقة ... قال مبتسمة : اخيرا الله هداج .
- يمة شفيكم تبون تفتكون مني ؟.
- شهالكلام بس البنت مالها الا بيت زوجها .
- مالت عليه وع بيته .
- اششش ليسمعج حد يلا جهزي نفسج الله يهداج .
دخلت غرفتي وانا اتأفف جهزت نفسي ووضعت ثيابي في الحقيبة ... نزلت للطابق السفلي كان هو ينتظرني في السيارة ... فتحت باب السيارة وركبت ..
نظر لي وقال : وين شنطتج ؟.
اشرت له بسباببتي : دش داخل وروح غرفتي وجيبها .
- حلفي !.
- والله .
- اللهم طولج ياروح ... تراني مستحمل ملاغتج بس عشان شي واحد .
- اووف ياربي متى اخلص منك .
- وانا بعد ناطر هاليوم بس انتي الي مب راضية تساعديني .
- اقول يلا روح نزل الشنط وحاسب عليها لأنه فيها عطوراتي واغراضي .
- ان شاء الله تبي شي ثاني ماما .. الهندي اليشتغل عندج شايفتج !.
- انت والهندي ماتفرقون عن بعض انتوا الثنين مقرفين .
قال وهو يصك على اسناني : بعطيج كف يخليج تعرفين تتكلمين .
- اووووووف يلا عاد .
ترجل من السيارة ودخل للداخل ليحضري حقيبتي ... وبعدها عاد الي واتجهنا لمنزلهم ... وصلنا الى هناك وانا بدأت اتوتر .. ترجلت معه .. دخلنا للداخل حيث التقينا بوالدته قائلة بترحيب : هلا حبيبتي ... وين كل هذي الغيبة !.
قال علي بالنيابة عني : تبيني اشتاق لها .
امي : ربي يحفظكم لبعض ويرزقكم الذرية الصالحة .
علي : امين ... حبيبتي يلا نطلع نرتاح شوي .. يمة خلي وحدة من الشغالات تجيب الشنط من السيارة .
قلت : لا لا ابي اقعد مع خالتي اكثر .
والدته : حبيبتي لاحقين ع السوالف والهذرة اكيد ولهتي على زوجج .
امسك يدي وسار بي متجهين للطابق الثالث حيث يوجد الملحق الخاص بنا ... فتح الباب ودخلت معه ... قال بخبث : نورتي .
- ادري .
قلت : اسمع هذي الغرفة بتسويها غرفة لك وانا باخذ الغرفة الي ف الداخل .
- حلفي !.. شلون زوجين ينام كل حد في غرفة .
- انا انسانة مستقلة ومب معناه انت زوجي تدخل ف كل شي شهالتخلف !.
- هديتلج التطور .
سرت لأجلس على الاريكة .. قلت : يلا جيبلنا اكل جوعانة .
سار للطاولة التي تقع بجانب الاريكة .. رفع سماعة الهاتف واتصل بمطبخ المنزل ... سألني : شتبين تاكلين ؟.
- مممممم .. برجر .
- قاعدة في ماكدونالدز !.
- شنو يعني بس ماكدونالدز عندهم برجر .
طلب من الخادمة وبعدها جلس بجانبي ... ابتعدت قليلا عنه ... اقترب مني مجددا ... قلت : هففف شتبي ؟.
- ابي الحلوة .
- لو لمستني بصارخ فاهم !.
- انتي هبلة ؟!.
- ايوة نفسك .
- من بكرة بنطلع فبيت ثاني .
- تحلــــــــــــــــــــــم ... تبي تستفرد فيني .. عشم ابليس في الجنة .
- ههههههههههه مشكلتج دمج خفيف .
- ادري .
رن هاتفه .. اخرجه من جيبه واجاب : الو ....... هلا حمود ......... انزين انزين جايك .
نهض وقال : انا طالع بس مابتأخر.
- اخيرا بفتك .
- برد لا تخافين .
خرج من الغرفة بقيت انا جالسة ... تذكرت ماحدث ......
(( سبتمبر \ يوم الخميس \ الساعة السادسة والربع ))
كعادتنا في كل نهاية اسبوع تجتمع العائلة في بيت جدي ... اعمامي ثلاثة .. عمي الكبير عبد الله لديه علي ويارا .... عمي الذي يليه اسمه صالح لديه خمس بنات الكبيرة جواهر وهي متزوجة من علي ... اختها الصغرى تعتبر اعز صديقاتي مريم .. والثالث غير متزوج وهو اقرب صديق لي اسمه محمد ..
كان امي والنساء يجلسن في المجلس .. الصغار كالعادة يلعبون في الحديقة ..
كنت انا جالسة مع مريم ... قالت مريم : ابي باسكن .
- محمد عنده في ثلاجته .
- ياويلي شلون تفكرين تدشين غرفته .
- هههههههه تعودنا ع التهزيئ .
عمي محمد مستقل جدا يحافظ على المواعيد ... غرفته هي عالمه الخاص .. يضع كل شئ بها مرتبة للغاية فقط من يفكر بالانتحار هو الذي يدخل غرفته بدون اذنه ....
قلت : عيل خلينا نقوله ياخذنا باسكن ؟.
- هو وين ؟.
- مادري يمكن مع علي !.
سألت جواهر التي لا اطيقا .. مهلا .. انا لا اطيقها لأنها من الاساس لا تحبني دائما تنظر لي بحقد !... سالتها : محمد مع علي ؟.
قالت : ايوة .. شحقه ؟.
نهضت وانا امسك بيد مريم قلت : يلا .
خرجنا من المجلس واتجهنا لمجلس الرجال ... دخلتها مع مريم .. كان علي يدخن وهو بجانب محمد ... قلت : السلام عليكم .
محمد وعلي : عليكم السلام .
مريم : محمد نبي نطلب منك طلب .
رفع حاجبه وقال : خير !.
قلت انا : ابي باسكن وملانين نبي نطلع بليز !.
محمد : انزين ... نظر لساعته واردف : قدامكم خمس دقايق تلبسون عباياتكم وتقعدون في السيارة .
بسرعة انطلقت انا ومريم نركض للغرفة التي في الطابق العلوي نحضر عبائاتنا وحقائبنا ... نزلنا وننحن نركض .. كان هو في السيارة قال : باقي ثانيتين وتصير خمس دقايق بسرعة اركبوا في السيارة ... بسرعة ركبت هي وانا بجانبها ادفعها .. لدرجة انني اغلقت الباب على عبائتي ...
اخذنا لباسكن روبنز وبعدها اعدنا للمنزل ... عند وصولنا ترجلت انا وهي ... وقفنا كالعادة ننتظره ليرتجل من السيارة .. قال : يلا .
قلنا كالعادة وكأنه نشيد نردد كل مرة : مشكور لانك طلعتنا .
قال : عفوا .
دخل للداخل وبقيت انا ومريم ... رأينا علي يخرج من المجلس وهو غاضبا ... سألت مريم : شفيه هالخبل !.
- كل يوم مشاكل مع جوجو .
- اكيد هو ينكد عليها .
- مممممم مادري بس هو يبي عيال .
- خير شفيه هالمتخلف شتسوي يعني البنت .
- بس الحق ينقال جوجو بعد تحب المشاكل .
- بالطقاق عيل ثنينهم .
- هههههههههههه واحنا شدخلنا .
- ههههههههه ع رأيج .
(( اوكتوبر \ يوم الثلاثاء \ الساعة التاسعة ظهرا ))
قررت عمي محمد ان يأخذنا الى السينما ... انا ومريم ويارا اخت علي وبلقيس ونورة ... اتفق معنا محمد ان نكون جاهزين في تمام الساعة العاشرة تماما ...
كنا نحن جاهزين من الساعة التاسعة كي لا نتأخر عليه ... في الساعة التاسعة وخمسة وخمسون دقيقة اتجهنا للخارج كي نركب في سيارته ... ولكنني تذكرت انني نسيت هاتفي يشحن في غرفة جدتي ... قلت لمريم : بروح اجيب فوني .
- امبية بسرعة .
دخلت للداخل ولكنني لم اجده مكانه ... سالت جدتي : ديدة شفتي فوني ؟.
- ولد عمتج حمد خاذه يلعب فيه .
تجولت في ارجاء المنزل الى ان وجدته قلت له : كم مرة قلت لك لا تاخذ فوني .
- اللعبة الي فيه حلوة .
- هففففف ياربي .
نزلت للطابق السفلي وخرجت ولكنني لم اجدهم !... تركوني ... امسكت بهاتفي واتصلت بمحمد ... اجابني : خير !.
- امانة محمد رد .
- مابرد عشان مرة ثانية تحترمين مواعيدج .
- بس تأخرت دقيقة اكاهي الساعة عشر ودقيقتين .
- دقيقتين تفرق .
- اماااااااانة .
- شوفي حد يجيبج لنا مابرد .
- اووووووووووووووف .
دخلت للداخل .. جلست في غرفة جدتي ببؤس ... دخل علي بالصدفة وقال : السلام عليكم .
جدتي : عليكم السلام .
نظر لي وقال : مارحتي معاهم .
قلت بحزن : تأخرت ع محمد هدني .
علي : انزين قومي بوديج لهم .
نهضت وقلت بفرح : صج !.
- ايوة يلا .
سرت معه وخرجنا ... ركبت في الخلف في سيارته ... شغل سيارته وتحركنا ... رن هاتفه في الطريق .. زفر واجاب : خير ! ................ انتي ماتملين .......... صرخ : جوووواهر فكي عني عاد .
انهى المكالمة ... همست : متخلف مالت .
قال : انا ؟.
- هههه زين تعرف نفسك .
- الله يصبرني ع البزران .
- هييي انا مب بزر .
- واضح .
- في حد يصارخ ع زوجته جي !.
- زوجتي وكيفي انتي شدخلج ؟.
- هي بنت عمي .
- ع اساس انج تحبيها ؟.
- ماحبها وماحبك .
- ههههههههه .
- المفروض تحمد ربك كل يوم انه في وحدة وافقت تتزوجك .
- ههههههه شرايج اتزوجج .
- ههههههههههه تحلــــم .
- بنشوف .
- بعلم جواهر واقولها شقاعد تقولي .
- هههههه علميها .
وصلنا .. ترجلت من السيارة ولم اغلق الباب .. نادى قائلا : سكري الباب .
- انزل انت وسكرها .
- انا الغلطان جبتج .
- ههههه صح .
كان الجميع يقفون عند بائع الذرة والمأكولات الخفيفة بقرب السينما ... وضعت يدي على صدري وقلت : الحمد الله نطرتوني .
رفع محمد حاجبه وقال : مرة ثانية لو تأخرتي مابننطرج فاهمة .
- ان شاء الله فديتك .
دخلنا لصالة العرض .. جلسنا جميعنا ... همست لي مريم : من عطف عليج وجابج هني ؟.
- علي .. مالت عليه .
- ههههه تسبيه وتوه موصلج .
- كان في الطريق قاعد يتهاوش مع جواهر ... حيوان يصارخ عليها .
- تعبت من مشاكلهم يارب يطلقون .
- هبلة شتقولين .
- كل يوم صراخ وهي صايرة نفسية في البيت .
- من وشو ؟.
- جوجو متسببة فوق انه يبي عيال .
- متخلف .
قاطعنا عمي قائلا : مدفعيني فلوس وشاري لكم بطاقات عشان تطالعون فيلم واخرتها قاعدين تسولفون ؟.
مريم : سوري .
قلت : فديتك لا تعصب اكانا الحين بنطالع .
(( يناير \ يوم الاحد \ الساعة الخامسة مساءا ))
كنت مستلقية في غرفتي اشاهد فيلم هندي ... دخلت امي لغرفتي قالت لي : ساروه قومي بنروح بيت عمج .
- بيت مريوم ؟.
- ايوة .
- يلا بسرعة بلبس .
نهضت وانا متحمسة كي اذهب لرؤية مريم ... غيرت ثيابي وذهبنا لمنزلهم ... استقبلتنا والدة مريم بترحيب .. صعدت للطابق العلوي متوجهة لغرفة جواهر ... صادفت جواهر في طريقي كانت خارجة من غرفتها ... ابتسمت وقلت : شلونج جواهر !.
نظرت لي باحتقار وقالت : تستهبلين !.
قلت بدهشة : شنو !.. شقلت انا ؟.
- ع اساس ماتعرفين اخباري وانتي تموتين غيرة مني .
- ههههههههه انتي شفيج مب صاحية !... الحمد الله والشكر .
فتحت مريم باب غرفتها ورأتنا ... امسكت يدي وقالت : ساروه تعالي حياتي .
دخلت واغلقت هي الباب خلفي قلت : شفيها هذي !.
- معليه هي خبلة جي عادي .
- بس مب تقط كلام علي ... بعدين شصاير معاها ؟.
- تطلقت .
قلت بدهشة : شنوووو .
- احسن .
جلست على سريرها وقلت : المشاكل بينهم وصلت لهني !.
- ايوة احسن ارتحنا من المشاكل بس وايد هي محترة .
- متى طلقها ؟.
- من شهر وشي .
- محد قال .
- هي كانت تبي تخشه عن العالم بس امي قالت لها لمتى يعني .
- مافي امل يردون ؟.
- مادري .
( ابريل \ يوم الجمعة \ الساعة السابعة مساءا )
جهزنا منزلنا بالكامل واشرفت امي على اعداد كل شئ لأن زوجة عمي عبد الله ستأتي مع يارا ابنتها لزيارتنا .. كنت انا في المطبخ أاكل .. اقصد اشرف على تذوق الطعام .. دخلت امي المطبخ وسألت الخادمة : ميري كل شي جاهز ؟.
ميري : ايوة مدام .
نظرت لي وقالت : بسج اكل يلا تعالي غرفة الضيوف عشان تستقبليهم .
- يمة شفيج كأنهم غرب هي خالتي ام علي وياروه .. شفيج حايسة الدنيا ؟.
- اقول عن الهذرة يلا اكاه صوت الباب روحي بطليه لهم .
- مممم اوكيه .
سرت وانا اصدر صوتا بسبب الكعب العالي الذي ارتديه ... فتحت الباب لهم .. قبلت زوجة عمي قالت : هلا بنتي شلونج ؟.
- تمام خالتي اخبارج ؟.
- طيبة .
قبلت يارا : حبيبتي شلونج ؟.
- تمام الحمد الله .
- تفضلوا .
دخلت والدتي غرفة الضيوف ورحبت بهم ... جلسوا يثرثرون وضيفتهم الخادمة ... كنت انا اعبث بهاتفي ...
قالت زوجة عمي : الصراحة حنا جايين اليوم عشان شي معين .
امي : امروا .
ام علي : مايامر عليج ظالم .. والله مثل ماتعرف علي من اشهر طلق وماكنت جواهر مناسبته .. بس هو قرر يتزوج وان شاء الله هذي المرة يجيه الذرية الصالحة .
امي : امين وهو بعد من حقه لأن مايعيبه شي .
ام علي : وعشان جي حنا جايين نبي نخطب علي حق بنتكم سارة .
فتحت عيني بصدمة وقلت : شنو !!!.
قرصتني امي وهي تبتسم لهم ... قالت زوجة عمي : مستحيل نلاقي زوجة لعلي احسن من سارة .
نهضت وقلت باندفاع : خير خير خير !.. انا اتزوج علي ؟... ليش فيني نقص مثلا عشان اتزوج واحد مطلق .
امي : سارة !!.
- يمة شنو اتزوجه وهو كان متزوج بنت عمي !.. وبعدين يبيني عشان اجيبله عيال شهالتخلف .
بسرعة سرت خارجة من غرفة الضيوف واتجهت لغرفتي ... حيـــــــــــــــــــــــــــــــــــــــــــوان .. اكرهه ... متخلف ..
( ابريل \ يوم الخميس \ الساعة السادسة مساءا )
طوال هذه الايام كانت امي تحاول اقناعي ولكن هيهات .. انتظرت يوم الخميس بفارغ الصبر لأذهب لبيت جدي واخبره برفضي له وجها لوجه ...
كنت جالسة في الحديقة انتظر وصوله بفارغ الصبر ... دخلت سيارته ( الكراج ) ترجل منها حيث كانت معه يارا ووالدته ... نهضت من الارجوحة التي اجلس عليها وسرت نحوهم ... توقفوا عندما رأوني .. قلت له : ممكن علي نتكلم شوي؟.
اشار بيده : تفضلي .
دخلت والدته ويارا للداخل وانا بقيت معه في الحديقة ... قلت بغضب : شهالسخافة الي انت سويتها ؟.
رفع حاجبه وقال : عدلي اسلوبج يوم تكلميني .
تأففت : شنو تبي تخطبني .
- ايوة .
- جنيت هييي ... انا سارة اولا .. ثانية جواهر بنت عمي ... ثالثة انا ماتزوج رجال متخلف نفسك طلق زوجته عشان ماتجيب له عيال ويبيني شايفني ارنبة !... وش تحس فيه ؟.
- ششايفة روحج !.. وبعدين بتزوجج غصب .
- هههههه احلف .
- وغلاتج .
- هههههههه ليش الموضوع ع مزاجك ؟.
ابتسم بثقة قائلا : اكيد .
خرجت جواهر الى الحديقة كانت تسير الينا بغضب ... صرخت بي : يالوصخة يالحيوانة .
هجمت علي لتضربني ولكن علي وقف في طريقها ومنعها ممسكها يديها صرخت : كنت اعرف انج وصخة وسويتي كل هالسالفة عشان تاخذيه مني .
قلت : هييي انتي شتقولين .
علي : جوااااااااهر .
جواهر : ان ما وريتج يالـ ......... .
اقتربت منها وقلت : انا كنت مب موافقة عليه بس بعد الي سويتيه خليتيني اوافق .. نظرت له ... علي بدش داخل اقولهم اني وافقت واحدد موعد ملجتنا .
بقيت هي تصرخ الى ان اسكتها بصفعة ...
دخلت للداخل وتحديدا الى حيث يجلس الجميع ... سألتني جدتي : شهالصراخ برع !.
قلت : هذي جواهر تهاوشت معاي عشان وافقت على علي .
اشارت جدتي للمكان الذي بجانبها وقالت : تعالي حبيبتي خليني ابارك لج .
سارت اليها وجلست بجانبها .. احتضنتني وباركت لي ...
بعد ايام كانت مريم في غرفتي قالت لي : مجنونة شلون توهقين روحج جي ؟.
- ههههه شسوي اختج استفزتني .
- انزين شبتسوين ؟.
- شوفي انا تورطت وخلاص .. بستانس .
- وبعدين .
- بطلع عينه وبربيه هالكلب .
- حرام يكفي الي سوته فيه اختي .
- يستاهل .
- ههههههه انزين شخبار التجهيزات .
- عشان جي قلت لج تعالي .
- اوكيه سويتي لست بالاشياء الي تبيها ؟.
- لا .
- عيل يلا بنسجل .
