يكفيني يا عيون

الفصل السابع

تحدثت ببرود تام قائله : قولتلك وهقولك انا اقدر اتحملك العمر كله

رفع رأسه متحدثا ببرود مثلها : ايه اللي رجعك

ليليان بإندفاع باكي : لما قولتلك بعشقك كان قصدي اني فعلا بعشقك مش مجرد كلام والعشق يخليني اتحملك حتي لو وصلت بيك تطردني من حياتك او حتي تضربني وتهيني وجرب حظك لو عايز تتأكد

مراد بنفاذ صبر : وانا بقولك امشي وسبيني من غير ما امد ايدي لأن دا مش من طبعي

ليليان : انا همشي من هنا من غيرك في حاله واحده بس لما اكون ملفوفه في كفني وطالعه علي قبري هبقي امشي لوحدي من هنا فاهم غير كده رجلي علي رجلك نطلع ونرجع سوا

مراد : افهمي بقا انا طول عمري متعود فرحي للكل وحزني لوحدي محدش يشاركني فيه

ليليان : وانا مش حد انا انت انا مراتك وحبيبتك انا لي لي يا مراد لي لي حبك الحلال اللي من أول الخطوبه كتبت الكتاب عشان ميبقاش حرام تقعد معاها انا لي لي اللي فضلت في العمره عشان يسامحك لأنك قولتلها بعشقك يوم اما اتقدمتلها انا لي لي اللي بتخاف من مجرد فكرة ان حاجه عملتها او قولتها معاها حرام انا لي لي اللي كنت بتصونها وتحميها انا روحك

مراد : دا ميغيرش اني معتش عايزك تقعدي معايا

صرخت به هدرا قائله : مش بمزاجك لو انا مكانك كنت طلقتني وسبتني.... رد يا مراد ما ترد وارحمني

مراد بضعف وحزن : انتي روحي يا لي لي

ذهبت له ورفعت وجهه مكوره اياه قائله : شوفت بقا وانت روحي يا مراد

بعد يداها ودخل الغرفه الإضافيه واغلق الباب يجلس وحده في الظلام فجلست علي الباب تنتظر ان يفتحه ويخرج

بعد عدة ساعات
وجدته يخرج من الغرفه وهو يدلك رأسه وجهته ويغمض عينه بعض الشيء ثم جلس علي الأريكه فذهبت له

مراد بتوهان : ا.انا انا هصرف عليكي منين معنديش شغل هصرف منين عليكي ومامتك انا فاشل طول عمري فاشل

ليليان : ليه بتقول كده بالعكس انت طول عمرك ناجح في الكليه وشغلك

مراد بعصبيه غير مبرره : اه عشان كده معنديش شغل انا فاشل ومش هعرف اصرف عليكي ولا علي ابني انا هموت فاشل بكره اموت وانا مكروه منك ومن ابني انا عارف كده

ليليان بدموع : مراد

مراد بتعب : بكره هشتغل اه هشتغل واجيب فلوس عشان متزعليش مني انتي ومحمد بكره ه.ه.ه مش عايز اشتغل يا ليليان مش بحب الشغل انا مش هشتغل انا هنام رايح انام

وتمدد علي الأرض يغمض عينه وهو يشعر بفقدان التركيز فأصبح تائه لتذهب هي لغرفتها وترن من فونه علي أحمد