رواية امآل ..❤
الحلقة 12 والاخيرة 💚
لين طلع دكتورها وجاه يجري
محمد / شن صار يا دكتور طمني بالله عليك
الدكتور / انت زوجها؟
محمد / اي ان شاء الله اي شن في
الدكتور / تعالى معاي للغرف متاعي
محمد يلحق فيه وخطواته رزان خايف من اللي ح يقوله الدكتور يمشي ويدعي من قلبه انه تكون رتاج بخير وميطلع فيها شي.. خشو للغرفة والدكتور قعمز ف كرسيه
الدكتور / تفضل قعمز
محمد يرعش / لا معليشي حتى واقف عادي
الدكتور / بالنسبة للدوخة فهي دوخة عادية صايرتلها بسبب هبوط ف السكر ولكن لما فاقت ومتكلمتش اتضح انها متعرضة لصدمة صح؟
محمد / ص صح 💔
الدكتور / الصدمة هادي معش خلتها تدوي لذلك معالجة الصدمة بصدمة اخرى
محمد / كيف بنعالجها به
الدكتور / يعني ف اول موقف تنصدم فيه ح ترجع تتكلم
محمد / يعني موضوعها مش خطير
الدكتور / لالالا ابدا مش خطير بكل حتى خلعة بسيطة تقدر ترجعلها صوتها
محمد / تمام شكراً
الممرضة طقت وخشت / دكتور تحاليل المريضة رتاج جاهزات
الدكتور / نقلتوها المريضة ولا قاعدة ف الاسعاف
الممرضة / قاعدة ف الاسعاف
الدكتور / خلاص بري جيبيهملي غادي
الممرضة / حاضر .. ومشت
الدكتور / تعالى معاي هي.. ومشو لرتاج
محمد شدلها ايدها / رتاج❤
رتاج تحرك ف فمها وتحاول تتكلم /
محمد / ح تتكلمي ح تتكلمي بإذن الله مترهقيش نفسك بس
الدكتور / اعطيها طريحه باااهية تو تنوض وتصحصح وتبدا تتكلم
محمد شافلها وابتسم / زعما؟؟
الدكتور / التحاليل جو هي.. وفتحهم
الدكتور / اممم.. انتو قداش ليكم متزوجين
محمد / شهر هكي شهر ومعاها قريب ونص
الدكتور ابتسم / الف مبروك عليكم معناها❤
محمد استغرب / مبروك شني ؟؟
الدكتور / المدام رتاج حامل
رتاج / شنووو😳😳😳
محمد طلق ايد رتاج ووقف / ككيف دكتور؟