رواية امآل ..❤
" المقدمة " /
رتاج بنت عمرها 18 سنة تقرا شهادة ثانوية وعندها اخت وحده اسمها مريم واخ واحد اكبر منهم واسمه عبدالروؤف ويقولوله عبدو
مريم اكبر من رتاج عمرها 20 سنة وتقرا لغات ف كلية التربية
عبدالرؤوف اكبر منهم وعمره 25
بوهم علي عمره ف الستينات ويخدم ف شركة خاصة💓
امهم عائشة ف الخمسينات
ومرت بوهم حنان ف الاربعينات
طبعا لما كان عمر رتاج سنة ونص صار نقاش كبير بين علي وزوجته عائشة.. وف هذيكا الفترة كان المرا اللي اطول لسانها علي راجلها معاش تلزمه .. عكس توا طبعا🙄 وحاشة القلّة والقليل🤗 ف اطلقو ومشي كل واحد ف حاله ..
عبدو كان عنده مرض التوحد وهو صغير ف كان ميعرفش يتعامل الا مع امه💔 وحتى بوه ميقدرش عليه .. ف لما اطلقت خذت عبدو وخلت البنات ل بوهم بحكم انها متقدرش علي مصاريفهم وهي متشتغلش💔
ف قعد علي يصرف علي ولده ويعالج فيه ف احسن المصحات لين بدي كويس الحمدلله❤
واكيد علي مش ح يقدر يربي رتاج ومريم ولا اعتقد ان في حد ح يلهى بيهن ف قرر يتزوج❤ ومن حُسن حظهم ان زوجة بوهم طلعت بنت اصل وكانت تعامل فيهم زي بناتها بالضبط❤
ولكن ف الوقت اللي كبرو فيه كانو يعرفو يفرقو بين الام والمرت اب 🙄 ف كانت معاملتهم ليها مش حلوة خصوصاً رتاج💔
ومع ذلك هي تحبهم وتحترم فيهم وتعامل فيهم بطيب اصلها❤
.
.
رتاج بنت طايشة بمعنى الكلمة 🙄 يعني مش مخلية حد ف حاله لا من اهلها ولا من الناس🙄 ومكياج ولبس وتكلم ف واحد اسمه سراج
سراج عمره 25 سنة شاب طايش برضو وعقله صغير ومش غرضه ابداً الزواج ويلعب بيها فقطط وهو لا متخرج ولا شي يخدم ع تاكسي متاعه
ياما نصحو رتاج بأنها تسيب ولكن القلب وما يريد💔 فات فيها حباته وتمت
صاحب سراج وولد جيرانهم / محمد عمره 25 سنة متخرج ومتزوج ومطلق لانه ميجيبش ف صغار
