رواية امآل ..❤
الحلقة 8
محمد طلع لصحابه وسراج منقطعه اخباره وسمع بيه انه ف تونس .. قعد يسهر لليل وهو مروح ف الطريق وقريب يوصل للحوش وقفتله سيارة ونزلو منها تلاتة ولاد ملتمين بسلاحهم
الراجل / انزل اننننزل
محمد فتح باب سيارته ونزل /
الراجل / طلع تليفونك
محمد طلعه وعطاهوله /
الراجل / اركب للسيارة بسررررررعه
جو الزوز وشدوه من يديه وداروهمله وراه وربطوله عيونه وقعدو يمشو فيه للسيارة الثانية وركبوه فيها ومحمد ساكت مقالش ولا كلمة ورفعوه ولما وصلو نزلو بيه ودخلوه ف حوش مهجور وقعمزوه ع الكرسي وربطوه ونحوله الربطه من ع عيونه
محمد ضحك / ههههه عبدالروؤف علي ال$$$ مداير عليا مؤامرة وخاطفني ؟ 😂
عبدو / اطلعو يا ولاد خلونا بروحنا
طلعو الشباب اللي معاه وجي عبدو قدام محمد
عبدو / اختي وين يا محمد
محمد / اختك ف الحفظ والصون
عبدو / تمام وانا نبي اختي
محمد قعد يفكر / تمام طالما ان انت مصر ! عادي جداً اختك معاي ف الحوش تفضل وخوذها
عبدو / مليح بكل ...توا ح نرفعوك لحوشكم واطلعلي اختي وبدون شوشرة اصلا موضوعي مش معاك بكل انا
محمد / مع منو ؟
عبدو / مع الكلبة رتاج والكلب سراج.. وبدو يهدرزو او بالاحرى محمد يستدرج فيه
.
.
صاحب عبدو "خالد" / يا ولاد متعرفوش منو هذا؟
صاحبه الثاني "حوده" / منو يعني ويدخن
خالد / هذا محمد ال$$$$$$
حوده حذف الدخان وفنص / متقوليش امر كتيبة ال$$$$
خالد / هو بذاته
حوده خاف / شن درتو يا مصايب لاش دخلتونا ف هالموضوع
عيسى صاحبهم / كيف يعني بتبيعنا توا ولا كيف
حوده / لا لكن ميجيش هكي واصلا حني جايين نهزو ف روسنا ومش عارفين حتى شن الموضوع
عيسى / ما ح..
وسمعو صوت عبدو / خخ اااالد ححو وده احو احو
الولاد خافو وخشوله وفإيدهم سلاحاتهم الصغيرة.. لقو محمد حاط عبدو قدامه و شاد السلاح علي رقبته
محمد / حطوو سلاحكم
الشباب يشوفو وخايفين علي صاحبهم /
محمد ضغط بالسلاح علي رقبة عبدو / قوللهم يحطو السلاححح
