حَانوت لَيالي

الثقه بالنفس♣

مرحبااا شونكم 🙂

تعرفون اهم واكثر شي ضروري يمتلكه الانسان هو الثقه بالنفس لان الثقه بالنفس هي شي جوهري..شي مهم.

اول شي لازم نعرفو هو انو احنه كولنه بشر..اني انسان الله كمل شكلي..كمل كُل تفاصيلي.
عندي احساس..مشاعر.. شنو الي يخليني اكون ضعيف الشخصيه؟!

خلي ببالك انو هل عالم كوووله مبي شي يخليك ضعيف شخصيه الا اذا جنت انت تريد تكون "ضعيف الشخصيه"!!❌💔

وحتى تكون شخصيتي قويه لازم اول شي اسوي "ما اهتم لاراء الناس"..شايفين هاي المجموعه من البشر الي كُل مكتلهم شي كالوا ناس شيكولون؟ ناس يحجون؟ ناس؟ ناس؟😒

ترا الناس تحجي حسب مزاجها يعني من يكون مزاجهم حلو يكون حجيهم واو ومن يتعكر مزاجهم لا بالعكس.

اليوم انن عندك هدف عندك حلم لازم تحققه لازم توصل وعلمود توصل سَگر اذنك وخلي هدفك كدامك....💜

يعني شوفوا هسه اني خليت فوني بصفي هل فون ميتحرك لو بعد سنه حيبقه هيج وبمكانه الا اجي اني احركه.😕

هيج كلام الناس ميسوي مجرد يحطمك ويخليك تراوح بمكانك ويخلص الوقت وتخلص فرصك بالحياه وتندم فقط لانك سمعت لكلام الناااس ❌

لازم تحرك نفسك بنفسك وتخلي عندك ثقه بنفسك لان كلام الناس مجرد كلام ينمحي بلحظه لايقدم ولايأخر.

تدرون اتعجب من اشخاص يخلون كلام الناس اول اهتماماتهم!!
يعني اكو اشخاص ترجع الاف الخطوات عن احلامهم بسبب "الناس كالوا...الناس حجوا" 😪❌

هل كلام اني دااحجي عن تجارب ومواقف اتاكدت بيها انو الناس مجرد وهم..مجرد اشخاص ينتقدون..اشخاص يحاربون النجاح..منغلقين.

لما اوكع بمشكله اواجها بهدوووء تاام لان عندي ثقه بنفسي..لما احجي..احجي الكلام الي اريده اني مو يريده الناس. 😶🎆

اني دااتعب واسهر وافكر ومضحيه بهواي اشياء بس علمود اوصل للمكان الي اريده..الي الناس هسه ينتقدوني بسبب هيج اهداف "تافهه" بس اني اعرف انو الي اريده موتافهه مثل ماهمه يفكرون...

بس مو معناه مااستشير احد...لا اكو فرق بين الاستشاره وبين اراء الناس..اني لازم استشير شخص اكبر مني..عنده خبره بالحياه..بس اخذ الجواب الايجابي وبسسس.

اضافه الى "المقارنه" اني الله خلقني ليالي اروح اقارن نفسي ويا غيري لويش؟شنو الي يخليني اسوي هيج؟

يعني مثلا..مثلا اذا شفت شخص اسمر،ابيض،طويل،قصير،سمين،ضعيف...الخ.

لازم اعرف قيمه نفسي..اعرف اهميتي بالحياه..ماخلي ثقتي بنفسي تنهز او اسمح لنفسي بالمقارنه ويا شخص ثاني.

لازم يكون عندي ثقه بنفسي وبالي عندي 😊
ابعد نظري هم سلبياتي واشوف ايجابياتي والاشياء الحلوه الي بيه بدل ماابقه اباوع على سلبياتي وايجابيات غيري.😤

اعرف قيمه نفسك..حب نفسك..لازم تقتنع بنصيبك وقدرك والاشياء الي ينعم الرب بيها عليك بهاذي الدنيا.

يعني شوفوا تخيلوا وياي مثلا شخص سمين بصوره كبيره كونوا على ثقه انو هل شخص اذا كان عنده ثقه بنفسه حيفرض احترامه على الكُل ويخلي الكُل يحترمه. 💖🌹

هل شخص يكون شايف نفسه من الداخل..حاب نفسه..شايف ايجابياته..والاشياء الحلوه البي.

يعني هسه اغلب البنات مو الكُل وانما الاغلبيه لما يطلعون بمكان عام مثل حديقه او مول وكذا يحسون نفسهم محط الانظار وكأنما الكُل يباوع عليهم.😕

هنا حتنهز ثقتهم بنفسهم فلازم متسمحون لهل اشياء تهز ثقتكم..امشي بطرقه رزنه..اتحركي بطرقه واثقه..الطاقه السلبيه الي اجتج من نظرات العالم واجهيها بطاقه ايجابيه 💜💙

لما تحجي كدام مجموعه من الناس اعتبرهم ماكو وبس انت احجي كلام صحيح بطريقه واثقه افرض نفسك بالمكان الي موجود بي.

اوكفوا كدام المرايه واحجوا ويا نفسكم.
خلو عدكم ثقه بنفسكم.
لتهتم لكلام الناس لان مجرد شي تافهه.
لتخلي نفسك بمقارنه ويا شخص اخر.

_حبوا نفسكم...❤️

_____________

ان شاء الله تكونون استفاديتوا ورداتي 🌹💜

باي
حبكم مووت ❤️😍