أحسن أرجع لي نومتي الحلوة 😴
"نرجع عند فصال "
و أخيراً فضل لي اسبوع و ارجع السودان أنا متشوقة شديييييد في الإسبوع دا قضيت أحلى أيام حياتي مع فارس ✨ جهزت شنطي و قفلتهم عشان بعدين طيارتي قايمة مشيت لي علياء في أوضتها لقيتها بتتكلم في التليفون و مندمجة تلعب بشعرها ساي
قعدت و بقيت بتفرج فيها و اضحك لحدي ما قفلت
فصال : بتتكلمي مع حبيب القلب 😉
علياء : أبدا بتكلم مع نجود 😄
_ باين انك بتتكلم مع نجود
قربت منها و ختفت التلفون
_ هييي جيبهو
_ تدفعي كم ؟!
_ فصال جيبهو عليك الله بديك اي حاجة عاوزها
_ حتى و لو لبسة من لبساتك عشان اسافر بيها 🌚
_ لا
بقيت بحاول في الباسويرد بتاع تلفونها : اوك خلاص حأفتح التلفون .
مشت فتحت دولابها و طلعت لي بلوزة : هاك
_ البلوزة دي ما حلوة يعني يرضيك خطيبت أخوك تسافر مبشتنة
_ كان ما هدومك كتيرة جاية تلبسي مني
_ ياخ ما عندي زمن أمشي اشتري
مشيت المكتبة و بقيت بفتش في رواية حلوة عشان اقراها في الطيارة شلت لي كتاب و بقيت بتصفح فيهو بس حسيت بحا حاجة بكتفي
_ حأشتاق ليك
أنا اتخلعت خلعة : فااااريييييس بطل بكش خلعتني ياخ
فارس : إنتي بس قاعدة على الهبشة من اقل حاجة بتتخلعي 😂
_ طبعا قاعدة أفتش لي في حاجة أقرها في الطيارة
_ بتموتي في القراية إنتي
_ أيواا زي ماما زينب الله يرحمها 😢
مشيت اتجهزت و لبست لي بنطلون جينز و بلوزة بيضاء
طلعنا كلنا بالعربية كنا حاجزين صالة vip قعدو يونسوني لكن أنا كانت العبرة خانقاني لحدي ما ندهو طيارتي
فصال : حأشتاق ليكم 😭😭😭😭😭
علياء : و نحنا كمان ( و حضنا بعض )
بست راس خالتو نجلاء : اشوفك بخير يا خالتي
_ يعني خلاص بيتنا حيفضى من ضحتك و هظارك كنت بعتبرك زي بتي
_ الأيام العشتها معاكم يا خالتو كانت احلى ايام في حياتي ( عيوني رقرقو )
فارس كان شكلو حزنان : حأشتاق ليك
_ و أنا كمان لكن حنتلاقى قريب إن شاء الله خلي بالك من نفسك 💕
_ أول ما تصلي أضربي لي
