الحلو مالو زعلان أوعى يكون مني
_ لا لا ياخ العفو ما عملت لي حاجة انت بس ما عارفة حاسة بأني مخنوقه و إشتقت لي السودان 😔
_ خلاص اجهزي أنا و علياء حنطلعك الليلة
_ بالجد
_ طيب يلا لي بعدين عندي شغل هسى
فارس دا انسان طيب بالجد الزول البقرب منو بالقاهو شهم و سند ما حصل طلبت منو حاجة و ما لقيتها بعاملني زي أختو و اكتر كنت مبسوطة أنو علاقتي معاهو إتحسنت 💖
أخت لي نومة و اتجهزت لبست لي إسكيرت مكسر لونو بيبي بنك و شكيتو بي بلوزة دانتيل ابيض و اسبورت و طرحة درجتها أغمق من الإسكيرت و ميكب خفيف عملت الآيلينر حق الكات آي طلعت حلوة نزلت تحت لقيت علياء جاهزة و قاعدة مع خالتو نجلا : القمر جانا يا ناس 😘
قعدت أتونس معاهم شوية لحدي ما الباب فتح فارس جا داخل : أرح يا جماعه ( و وقف و بقى بعاين لي )
علياء: يا ولد سرحان وين انت
فارس : سرحان في الجمال قصدي أرح نمرق 😅
بقيت بتكشم ساي 😂 زي العويرة ما عارفه البحصل لي دا شنو
وصلت العربية و فتحت الباب الورا لكن علياء السغيلة ركبت محلي إضطريت أركب قدام جنمب فارس
فارس : أها يا جماعة نمشي وين
علياء : أنا بقترح نمشي السنما في فلم جديد
_ رأيك شنو يا فصال
_ أكيد 😀
إتحركنا و وصلت أغاني أجنبية في العربية و عليت الصوت على الأخر فارس بقى بسوق العربية على حسب ايقاع الغنية 😂 أنا اتأكد إنو الزول دا ما نصيح و صلنا السنما فارس مشى يشتري التزاكر و أنحنا مشينا نجيب الفشار فارس جانا راجع : في فلمين واحد رومنس و التاني رعب عاوزين ياتو واحد
الإتنين قلنا في نفس الوقت : رعببببببب
_ قلت ليكم في واحد رومانس
علياء : و نحنا قلنا رعب
_ طيب لكن أنا ما مسوؤل من الحيحصل ليكم بعدين
فصال : ما تخاف علينا نحنا شجعان 😌💅
_ شجاع أنا دا
مشينا القاعة و الفلم بدأ كان حلو شديييييد 💞 كنت قاعدة جنمب فارس طبعا كل ما تجي لقطة مخيفة أنا بغطي عيون 🙈و الحيوان يضحك فيني جات لقت فيها الدراكولا بيعضي رقبة البطل و أنا بخاف من منظر الدم شديد ما حسيت بي نفسي إلا وانا ماسكة يد فارس بقينا نتكلم براحة
فارس : أنا مش حذرتك من الفلم
_ لا ما كدا بس بخاف من منظر الدم