صحيت الصباح وأنا جسمي مكسر هبشت رأسي لقيتو مولع من الحمى ما قدرت أقوم من السرير شكلي ما حأمشي الكورس الليلة غمضت عيوني لكن جاتني هلاوس شديدة 😫 كنت ماشة على حبل رفيع معلق بين بنايتين فجأة الحبل إتقطع و وقعت صحيت و أنا مهجومة سمعت صوت التلفون لقيت علياء ضاربة لي : لي إتأخرتي كدا المحاضرة قربت تبدأ ؟!
_ ما قادرة أجي حاسة بروحي عيانة
_ شنووووو 😨 أناجايك هسى
_ و المحاضرة
قفلت التلفون في وشي ، قمت عشان أمشي الحمام حسيت بي دوخة و لما صحيت لقيت نفسي في المستشفى و معاي علياء : حمد لله على السلامه
_ أنا الجابني هنا شنو
_ أخوي الوصلنا هنا و مشى طوالي بعدين إنتي لازم ترتاحي الدكتور القال جاك دا كلو من التعب
_ طيب أنا ماشة أدفع الحساب
_ الحساب مدفوع
_ لا لا يا علياء أنا البدفعو إنتي ما مجبورة تدفعيهو
_ يا بت أنتي زي أختي ما مشكلة و أعتبيرهو دين أدفعي لي في الوقت الإنتي دايراهو 😊
علياء خليتا تمشي ترتاح قعدت اليوم دا المستشفى خلصت الدربات بليل مشيت الفندق علياء إتصلت علي : كيف تمرقي من المستشفى من دون ما تقولي لي
_ معليش و الله أنا بقيت كويسة و رجعت بتكسي
_ أنا حأجيك 😒
قعدت أشرب لي في عصير لما علياء دقت الباب
_ إنتي كويسة
_ إيوا أرح أقعدي
قعدنا في الكنبة علياء كان في عيونها نظرات إستفهام
فصال : عاوزة تسأليني من حاجة يا علياء
_ أبدا بس حابة اعرف شنو الشغال بالك و خلاكي تتعبي كدا
_ أنا حأتكلم معاك بصراحه ، أمبارح سألت واحد من الأستاذة في الجامعة و قال لي إنو سكن الجامعه إتملا و أنا ما بقدر أقعد في الفندق أكثر من كدا و قروشي قربت تخلص 😢
_ وااااي يا فصال تعالي أقعدي معانا طيب
_ ما دايرة أكون تقيلة عليكم أن شاء الله بكرة بشوف لي حته سكن بسيطة
_ أوك أنا أخليك ترتاحي عليك الله بكرة ما تجي الكورس برسل ليك المحاضرات ريكورد تمام 😌
_ كويس شكرا على وقفتك معاي
و فعلا ما مشيت الكورس ما سويت شي في يومي غير الأكل و النوم لحدي ما علياء رسلت لي الريكودس قعدت أسمع فيهم ساي و ما فاهمة حاجة 😂
طبعا لما مشيت الكورس كل الناس بحمدو لي السلامة كنت حاسة بي شعبية كبيرة جيت لقيت في ناس متجمهرين في حتة أكيد علياء و نجود في نصهم قربت من الحته لقيت في ولد راكع في الواطة و شايل خاتم مادي لي بت ( يشيلنا السيل نحنا 💔) لبسها الخاتم و قال ليها : My love الناس قاعدو يصفرو و يصفقو طبعا توقعي كان صاح علياء و جود كان واقفين في الأجواء الرومانسيه دي يتفرجو جيت وقفت معاهم
