فصال

الجزء 06

جود : مافيش أحساس مفيش رحمة لينا السناجل

_ هسى في داعي للجفاف العاطفي دا أريتني مكان البت دي 😩 نحنا لي مافي زول معبرنا

فصال : إنتو جادين 😂 مزعلين روحكم على الهبل دا

_ ما تخليك حجر كدا شاركينا اللحظة

_ إنتو هبل مشيت دخلت القاعة لقيت بس قتيبة القاعد فيها قام من محلو جا سلم علي

قتيبة : فصال شلونك ولهت عليك وايد لك يومين ما داومتي .

_ كنت مريضه

_ ألف سلامة عليك تدرين لما غبتي حسيت إني ماقدر أعيش بدونك

_ إنت بتقول في شنو

_ فصال أنا مستعد أسافر إلين السودان وأتقدملك على سنة الله و رسوله

_ أسفة قتيبة بس أنا ما مستعدة للزواج بعدين إنت ما بتعرفني زي الناس 😅

_ أحترم قرارك و أتمنى أعترافي لك ما يأثر في زمالتنا

_ أكيد

( إن شاء الله أكون عرفت أزبط اللهجة الخليجية 😅)

بعد نهاية الدوام علياء قالت عاوزة تمشي تقعد معاي شلنا عصير و بقينا نتمشى و نشرب

فصال : طبعا قبيل قتيبة إتكلم معاي

_ بالجد 😀 ( وشرب جغمة من عصيرها )

_ طلبني للزواج و أنا رفضت

و الساعه العلياء إتشرقت و بقت تكح و تكح قعدتها في الكراسي بتاعت موقف البص

علياء : ما قادرة كوح كوح 😷 يا بت إنتي عاوزة تقتليني مش كح كح

_ براحة كدي

_ دا شنو التصرف الغبي دا إنتي عارفة إنو قتيبة دا ما حصل عبر بت ياخي ال فصال إنتي بالجد دايرة ليك دكتور نفسي مستحيل أخليك تبوري نفسك

_ دكتور نفسي شايفاني مرضانة

_ أي دي أسمها العقدة و عقدة كبيرة كمان لحسن حظك أمي دكتورة نفسية وبي كدا تجي تقعدي معانا في البيت على ما أعتقد دا سبب مقنع 😌

_ بفكر

_ بتفكري شنو إنتي عبيطة 😑 أبوي و طوالي مشغول في الشغل من السودان للنمسا و أخوي ما بقعد في البيت طوالي و أمي طيوبة حتحبيها أصلا قلت ليها قبل فترة إنك تجي تقعدي معانا و هي رحبت بالفكرة و زعلت لما رفضتي أها قلتي شنو لو ما مشيتي معاي هسى أنا لا صحبتك و لا بتعرفيني 😡

_ خلاص أرح معاي ألم هدومي في الشنطة

_ كويس أرح 😁

رجعنا الفندق و ستنفنا الشنط غايتو إتعاورنا جنس عوارة نشيل لبسة و نقيف بعيد ونرميها في الشطنة علياء عجبتها وحده من لبساتي حلفت إلا تشيلها لما نمشي بيتهم ، مرقنا وركبنا بص كان الموضوع متعب بالنسبة لي إني أجر الشنط و أركب بيها البص