part8
روز ضحكت:الله يبارك فيك زوجي الجميل اكيد تعرف انه قدام ماما زواجنا بس مصلحه والمفروض نتعاملو زي اي صغار عم
فارس تلفت وقف عالشباك ونحا جاكيته:عارف وماشي معاك للنهاية انا وعدتك ومش رح نخلف
روز حضناته:شكرا
"مصدومين ولا 😂😂 تبو نحكيلكم شن صار "
flash back
الرسايل اللي كانت تأشر في هاتف روز كلها من فارس اتفاق عالسفرة وامتا بيلحقها
فارس لحقها في طيارة الساعه1الليل لانه كل عيلته فاهمين انه في العيادة قعد اسبوعين عااساس في تونس مع صحابه وهوا يجهز في اجرائات الزواج وخداها اما ليش والسبب بعدين نعرفوه end back
روز طلعت لابسه بيجامه:يلا عالنوم ياحلو انا ماشيه للجارح
فارس قرب منها:ردي بالك من روحك مرتي وباسها
روز:حاضر امتا بترجع
فارس:احتمال بكرا
روز:اممم وانا عانهاية الشهر
فارس:تمام
طلعت وسكرت الباب
فارس ولع دخانه وعقله يرفع ويجيب:اللي ندير فيه هوا الصح في النهاية عيلتي
وثاني يوم رجع ليبيا ولا كانه صار شي
سعاد:بهي اللي شفناك وين كنت
فارس:مشيت يومين مع صحابي لتونس
سعاد:بهي جهز روحك بنديرولك خطبه انت وبنت عمك
فارس:قتلك امسحيه من دماغك الموال هدا
سعاد:مالا نخليك تلف عليك فرخه الاجنبيه
فارس:خاش بنرقد اني
في الشركة
هيثم:لازم ندبرولها خسارة قويه باش نلزوها زي بوها زمان
عصام:بالزبط
عبدالله:بس البنت مش ساهله وانا متوقع منها ضربه قوية مش بعيد تبيع كل شركات ليبيا
عصام:بعد لقطه المرة اللي فاتت رح تخاف وتحسب الف حساب قبل ماتتصرف
هيثم ضحك:والله حق
دانييلا:روز
طلعت من الدار:نعم
دانييلا:هيا سنذهب لخالتك لقد عزمتك على الغذاء
روز:مش فاضيه عندي اجتماع
دانييلا:الشغل اللذي اخذ كل وقتكي لايعجبني هذا الحال
روز:تمام تو نقعمز جنبك ونخلي رزقنا يضيع لين يكبر ولدك ولا
دانييلا:اعطي لنفسكي عطله
روز:تو نعطل بعد نظمن حقي وحق خوي منهم سلام توا كان كملت بكري تو نمر عليكم
مشت لشركات اشرفت عاكل الشغل وكملت باقي ملفات الربط
سامح طلب مكالمه فيديو:مرحب
روز:اهلا كيفك
سامح:كويس وانتي
روز:الحمد لله
سامح:اثاثك جاهز بنبعث العمال يركبوه نبي حد يشرف معاهم لاني الحق مشغول اليوم
روز:اوك تو نشوف واحد من الولاد
سامح:تمام بعد تكلميهم دوريني باش نبعتهم
روز:به وسكرت اتصلت
فارس:ايوا
روز:استحشتك
فارس:مش اكثر مني روحي وريحيني
روز:ان شالله اسمع فاضي
فارس:نفضالها السمحه شن تبي
روز:سامح كمل الاثاث متع الحوش ونبيك توقف مع العمال
فارس:ابعدي علي امه اهو الخرا
روز:حاضر حبيبي
فارس:امتا بيجو
روز:كلمه انت طالما عاش تبيني نحكي معاه تفاهمو امتا يجو
فارس:تمام وين انتي
روز:في الشركة
فارس:اها بهي بنمشي نكمل المرضى ونروح
روز:تمام
محسن:امي
منيه:هاخيرك
محسن:نبي نتزوج
منيه:وخيرني مالا هبلت نزوج فرخ زيك سادني خوك كبير ومرته معذبها
محسن:بس انا نحبها ياامي ونبيها عالاقل نعطو كلمه بس
منيه:بهي احكي لحناك وهيا تقول نمشو ولا مزال
محسن:كانك بديتي تهدي في الشر
منيه:وليدي الدنيا اليوم لينا وبكرة علينا والحياة مع الواقف انا خديت صف حناك وروز افضل لانهم على حق
محسن:اممم وخوي وبوي
منيه:خوك طيب ونعرفه قلبه طيب بوك جره معاه وتو يرده الحيط يرجع بس بوك مصيره سيء جدا لانه غالط ومش خايف ربي لا فيا ولا فيكم
محسن:وليهم علاقه بموت عمي
منيه:والله ياوليدي مانعرف سألته قال مادخليش بشي
محسن:ان شالله خير
روح فارس:الكل يركب لداره بيجو عمال يركبو اثاث
سعاد:خسارتك وليدي بدت تلعب في عقلك الكلبه
فارس:تحركو
سمر:رح تاخدني اني
فارس:به 😏
جو العمال ركبو كل اثاث الحوش وروحو
فات باقي الشهر هدوء عصام وهيثم يخططو في شي يطيح كل الشركات
فارس طلع من العملية تاعب بكل
صاحبه محمد:شكلك على اخرك
فارس:بكل
محمد:روح ارتاح انت ليك ايام تخدم
فارس:هدا اللي بيصير هي سلام وطلع
وصل للحوش اول ماخش شم ريحتها سكر عيونها وتنفس بعمق
فارس:كيف الحال
روز:الحمد لله وانت
فارس:تمام شن مافيش غدي ياعيله
فدوى:لا فيه كيف عاد
روز:حميدة حطي الغدي جعانين. ركبت لدارها دوشت وطلعت
شن دير هنا
فارس وقف:ماعنديش حق نشوف مرتي ولا كيف
روز:ولو شافك حد
فارس: مش عيل
روز. لفت يديها علي رقبته:miss you
فارس قامها:اني ميت شوق يافرخه خيرك تحلوي كل شويه
روز:عاخاطر انت راجلي
فارس باسها:امتا بتقعدي معاي تحت سقف واحد
روز:نعرفش
فارس:تمشي معاي لاستراحتي
روز:وين هدي اول مره نعرف عندك استراحه
فارس قعمز وحضنها:عندي وحدا برا المنطقه وعندي حوش في الجبل
روز:نبي نمشي للجبل
فارس:توا مانقدرش لانه عندي عمليات ومتابعه مرضى بس وعد بعد فتره ناخدك وين جارح
روز:قال يبي يقعد مع امي ممكن بعد ايام نجيبه
فارس:بهي يجي نمشو مع بعض
روز باساته:اوك
فارس:تعالي هنا وين ماشيه
روز:بيبي والله جعانه جايه بدون ماناكل شي فوتتها قهوة بس
فارس:بهي
روز:امتا بنفجرو القنبله
فارس:مزال شويه
روز:به هي اطلع
فارس:لا امشي انتي تو ننزل بعدك
روز:اوك
عاطاولة الغدا
سمر:اووف كنا مرتاحين رجعلنا الغم
روز:ايي فارس شكرا علي اشرافك مع العمال 😍
فارس:ولا يهمك ادللي
سمر:مش خدامك هوا احترمي نفسك وابعدي على خطيبي
روز:شن صار في مضوعك 😉
محسن:تي ماشي زي الساعه دعواتك معانا بس توافقلنا الملكه
فيروز:عاشن بنوافق
فارس:يبي يتزوج الفالح
فيروز:اشيه احفادي كل بتتزوجو مره وحدا
فارس:ليش منو ثاني بيتزوج
فيروز:خليها بعدين مانبيش نقول توا
روز:ان شالله اللي في بالي
فيروز ضحكت:هما
سعاد:تقدرو تشاركونا الحديث مش رجل كرسي هنا
روز:ماتعكريش الرواق اللي انا فيه اسكتي وريحينا
سعاد:ربي ياخدك ويريحنا منك
روز:مزال لما نقهرك ونعوفك حياتك
منيه تبي تغير الموضوع:خيرها امك ماجتش دارت زيارة للبلاد
روز:عندها خدمة الفترة الجايه تجي
سعاد:ناقصنا شوارعيات
فارس:ياسر خلونا نتسمسمو
سمر:وانت خيرك تحاميلها
روز:عاجباته 😂🤭
سمر:انا مرته
روز:ماريتش كتيب العيله متعك
سمر:انتي وحدا
روز:كلمه ثانيه مش حاتقعدي في الحوش 😏
فدوى:ياسر سمر مافيش داعي كل يوم عركه
سمر:ايه اوقفو معاها كلكم شن ساحرتكم
روز:فارس نبي ندير تشيك اب عام ممكن تساعدني
فارس 🤤:ايه اكيد وقت تبي
روز:تمام بكرا معناها نطلع معاك بعدي توصلني للشركه عادي!
فارس:اكيد
سمر بتموت واحترقت بهدوء 😂😂
روز:وين محراك الشر وولده
محسن:نذكرك ياعسل انتي طردتي بوي من الحوش
روز:اوو نسيت بكل عموما اعطوه علم خلي يرجع. وبالمرة خبروهم بكرا اجتماع مهم
بعتتله مسج"نبي نطلع من هنا "
فارس"تمام حبيبي اطلعي بسيارتك وبعدين ناخدك انا"
غيرت لبسها وطلعت مشت للشط
لحظات ولحقها
فارس:خيرها سمحتي
روز:ولا شي بس نبي نقعد معاك
فارس:معناها بايته معاي الليله
روز:انت تبيني نبات معاك وخلاص
فارس قرب منها:مرتي عافكرة وما...
روز:خلاص فهمت 🤦♀️
قارس:تو بيجي صاحبي ياخد سيارتك لحوشه وانتي تعالي معاي
روز:هي
ركبو واتجهو لاستراحته
فارس:برجلك اليمين يا روحي
روز خشت قعدت دور وتتفرج:محلاها 🐊فارس حضنها:مش احلا منك
روز:اممم
فارس:تعرفي لو ماخديتكش رهو قتلتك
روز:للدرجه هدي
فارس:واكثر من يوم شفتك وانا مانفكرش في غيرك استحوذتي علي كل حياتي وعقلي لما نشوف في هيثم ونظراته الحقيرة ليك نموت الف موته وتصرفاتك معاي تقهري فيا
روز حطت يدها علي لحيته:اسفه حبيبي
فارس:خلينا نحكو في الجد شويه جيبي اللابتوب
روز:اقرب ليك انت جيبه
فارس:نوضي انتي نبي نمتع عيوني بالجسم الفتاك
روز:🙈🙈
عصام:بكرا بالكثير تكون الفضيحه في ااسوق كله
شخص:تم يامعلم
عصام ضحك بصوت عالي:تو نشوفو من القوي يابنت عامر
صباح يوم جديد يحمل الكثير من المفاجئات 💕🌝
هيثم سكر جاكيته:ان شالله خير بس
هدى:ماتفكرش هلبا حبيبي انت بس ماتوقفش ضدها بنت عمك في النهاية هيا انكسرت
هيثم:ابعدي من وجهي وفوتيني
وصلو الكل للشركة وقعمزو يستنو
بعد ساعه
خشت لابسه قفطان احمر والجلطه 😨
عبدالله:شن دير هنا
روز:نحب نعرفكم على شريكي في كل شركات ليبيا الدكتور فارس 🙂
عصام:شن تخرفي انتي
روز:كل الحصص اللي كانت باسمك انت وولدك وخوك اتسجلت باسم فارس
عصام:بلا كذب يافرخه 😡
روز:افتح الملف اللي قدامك
عصام فتح الملف يقرا فيه وبعدين بدي يعيط:شن معناها اسهمي تتحول باسم الفرخ هدا
روز:يعني ياعمو وقت تجيك اوراق تبي توقيعك اقراها قبل واياك والثقه العمياء لانه حتا صوابع يديك يخونو
هيثم:كيف هكا نصبه هدي وانت تبيع عيلتك عاخاطر وحدا كلبه زي هدي
فارس:حد يرفض شركات وفلوس 😉
عبدالله:تبيع بوك
فارس وقف وراها:والله شن بندير ياعيله انعرضو عليا ووافقت
عصام:تردهم كلهم يافرخ فاهم
فارس:مانقدرش للاسف ولا شن رايك يا مرتي
هيثم 😱😱
روز ضحكت:اللي تشوفه حبيبي
مروان: المديرة استغنت علي خداماتكم من الاسبوع الجاي رح تسلمها لطاقم امريكي
روز وقفت:زي ماعذبتو بوي وخليتوه يهج من البلاد يبعد علي امه واخته حانضوقكم المر وبيديكم وقعتو بيع اسهمكم وولدكم اللي كسركم غير هكا ياعمي العزيز اللي ناشر خبر اني بنت غير شرعيه لعامر السوق كله يحكي بيكم انت وخوك وولدك كيف بنت صغيرة في عمري خدت منكم شركاتكم وكيف كانت كل خدمتك باسم خوك عامر يعني نصب واحتيال 😅
عصام طاح من طوله اغمى عليه
هيثم:بوي بوي
روز:ياحرام عمو 😭💔
فرس حط يديه في جيوبه:لاحول ولا قوة الا بالله
هيثم طلب الاسعاف وطلع بوه وانتشر خبر زواج روز وفارس
سمر تعيط:خداته مني يا خالتي مستحيل والله نموت لو مايطلقهاش
سعاد:حسبي الله فيها
خشت روز تضحك
سمر هجمت عليها وخبشتها:والله نقتلك
روز:مش غريب عليكم القتل في الدم يجري
فارس:انتي خيرك انجنيتي
روز تمسح في خدها من الدم:حسابك كبر معاي
سعاد:كيف تاخدها وتعصي كلامي تبي نغضب عليك
فارس:حر في قراراتي مانيش صغير تعالي حبيبي
روز:هيا ياقلبي وركبو لداره
فارس:اوووف ولوح جاكيته ولع دخانه
روز:شن ندمت
فارس:الموقف صعب
روز:انت اللي اخترت ماحد جبرك
فارس:بهي خلاص
روز:خيرك
فارس:شي جهزي روحك بننتقلو لشقتي
روز:وين هدي
فارس:فوق حوش هيثم
روز:اممم اوك حبي تزعلش روحك ولو تبي تبعد براحتك
فارس شد يدها:انا وعدتك
روز:تمام خلي ندوش خشت للحمام
فارس:سامحيني لو كذبت عليك 💔
الدكتور في العيادة:والدك تعرض لذبحه صدريه ردو بالكم وانتبهو لصحته
هيثم:حاضر يادكتور
بعد ايام مليانه مشاحنات بين العيله
رن جرس الباب
عبدالله:تي افتحو الهم
مارد حد
وقف وفتح الباب و 😱😱 يتبع 😅
